З.Төмөртөмөө: Чингэлтэй дүүргийнхээ Тамгын газрын нийт албан хаагчидтай уулзаж, санал солилцлоо

Чингэлтэй дүүргийнхээ Тамгын газрын нийт албан хаагчидтай уулзаж, одоо хэрэгжүүлж буй ажил, цаашдын үйл ажиллагааны талаар санал солилцлоо.

Уулзалтын үеэр төрийн ажил, үйлчилгээ тасралтгүй, хэвийн үргэлжлэх ёстойг онцлоод, өмнөх Засаг даргын хэрэгжүүлсэн ажил, шинэлэг шийдлүүдийг эерэгээр үнэлж, эхлүүлсэн ажлын залгамж чанарыг хадгалан, хамтран ажиллахын чухлыг тэмдэглэлээ.

Чингэлтэй дүүргийн 34 жилийн түүх, хөгжил дэвшил, өнөөгийн амжилтыг улам бататгаж, иргэдийн амьдрах орчныг сайжруулахад албан хаагч бүрийн оролцоо чухал юм.

Мөн иргэдтэй хийх уулзалт, хороодод ажиллах үеэр холбогдох хэлтэс, албадын удирдлага, мэргэжилтэн, албан хаагчид биечлэн оролцож, нөхцөл байдалтай газар дээр нь танилцан, асуудлыг бодитоор үнэлж, шийдвэрлэх арга замыг хамтран тодорхойлох шаардлагатайг чиглэл болголоо.