Шог зураачдын үзэсгэлэн маргааш хаалтаа хийнэ

Инээдмийн баярыг тохиолдуулан Хүүхдийн урлан бүтээх төвд нээгдсэн шог зураачдын хамтарсан үзэсгэлэн маргааш өндөрлөнө.
Тус үзэсгэлэнд ардын зураач Ц.Байды, соёлын гавьяат зүтгэлтэн А.Бат-Эрдэнэ, Л.Өлзийбат, урлаг судлалын ухааны доктор, профессор М.Моломжамц, “Болор цом”-ын эзэн яруу найрагч, шог зураач М.Амархүү, шог зохиолч, зураач А.Амарсайхан, шог зураач багш П.Пүүдорж, С.Болд, ахмад шог зураач С.Чимэддорж агсан болон бусад уран бүтээлчийн нийт 110 гаруй бүтээл дэлгэгдэж байна.
Иймд иргэд сонирхсон бүтээлүүдээ үзэхийг хүсвэл амжиж үзэхийг уриалж байна.