Автобусны буудал дээр 60 гаруй насны эрэгтэй нас барсан байжээ
СХД-ийн долоодугаар хороонд “Хилчин хотхоны автобусны буудлын ард настай хүн хэвтэж байна” гэх дуудлага, мэдээлэл цагдаагийн байгууллагад тавдугаар сарын 3-ны өдрийн 11.31 цагт ирсэн байна.
Дуудлага мэдээллийн дагуу цагдаагийн байгууллагаас шалгалтын ажиллагаа явуулахад 60 гаруй насны эрэгтэй биедээ ил харагдах гэмтэл шархгүй нас барсан байдалтай байжээ.
Уг хэргийг СХД-ийн цагдаагийн II хэлтсээс шалгаж байна. Ар гэрийнхнийх нь өгсөн мэдээллээр тухайн эрэгтэй даралт ихсэх өвчтэй, зүрх өвддөг байсан хэмээн мэдээлжээ.