Aurora Gaming Монголын шилдэг бүрэлдэхүүнтэйгээр PUBG Mobile төрөлд нэгдлээ

Aurora Gaming байгууллага PUBG Mobile төрөлд Монголын шилдэг тоглогчдоос бүрдсэн шинэ бүрэлдэхүүнээ албан ёсоор танилцууллаа.

Шинэ бүрэлдэхүүнд өмнө нь Alpha Gaming нэрийн дор тоглож, дотоод болон олон улсын тэмцээнүүдэд өндөр амжилт үзүүлж байсан тамирчид багтсан байна. Тодруулбал, Ууганбаярын «DOK» Дөлгөөн, Амгалангийн «REFUS» Анхбилэг, Бурэнбаярын «TOP» Алтангэрэл, Золбоотын «Zyol» Баярцэнгэл, Батмөнхийн «EAST» Мөнхболд нар нэгджээ.

Эдгээр тоглогчид өнгөрсөн нэг жилийн хугацаанд олон улсын тавцанд амжилттай өрсөлдөж, PUBG Mobile Global Championship 2025 болон Рияд хотод болсон PUBG Mobile World Cup 2025 тэмцээнүүдээс хүрэл медаль хүртсэн туршлагатай.

Ингэснээр Aurora Gaming байгууллага бүрэн Монгол бүрэлдэхүүнтэй хоёр дахь багаа бүрдүүлж байгаа бөгөөд үүнээс өмнө Mobile Legends: Bang Bang эмэгтэй баг болох Aurora Storm-ийг танилцуулж байв.