All publication of the user khulan - Bolod.mn

Ерөнхий сайд Л.Оюун-Эрдэнэ: Газрын тос боловсруулах үйлдвэрийн EPC 04 багц ажлыг яаралтай эхлүүлэхэд тулгамдсан асуудлыг УИХ-ын чуулганаар хэлэлцүүлнэ

khulan — Fri, 13 Sep 2024 15:20:59 +0800

Монгол Улсын Ерөнхий сайд Л.Оюун-Эрдэнэ Дорноговь аймагт Газрын тос боловсруулах үйлдвэрийн бүтээн байгуулалтын ажлын явцтай өнөөдөр /2024-09-13/ танилцлаа.

Монгол, Энэтхэг хоёр улсын эдийн засгийн хамтын ажиллагааны хүрээнд өндөр технологийн, хүнд аж үйлдвэрийн цогц бүтээн байгуулалт болох Газрын тос боловсруулах үйлдвэрийн бүтээн байгуулалтыг 2021 оноос эхлүүлсэн. Дэлхий нийтийг хамарсан цар тахал, эдийн засгийн хямрал, тээвэрлэлтийн саатал зэрэг хүндрэл үүссэн ч бүтээн байгуулалтын ажлыг тасралтгүй хэрэгжүүлж байна.

“Монгол газрын тос боловсруулах үйлдвэр” ТӨХХК нь Газрын тос боловсруулах үйлдвэр, түүхий тос дамжуулах хоолой, үйлдвэрийн гаднах дэд бүтцийн байгууламжууд, “Газрын тосны үйлдвэрийн хотхон” төслүүдийг хэрэгжүүлж байна. “Газрын тос боловсруулах үйлдвэр байгуулах төсөл”-ийг үе шаттайгаар хэрэгжүүлж, 2027 онд ашиглалтад оруулахаар төлөвлөн ажиллаж буй талаар болон үйлдвэрийн бүтээн байгуулалтын явцад УИХ, Засгийн газрын түвшинд шийдвэрлэх шаардлагатай тулгамдаж буй асуудлыг тус компанийн гүйцэтгэх захирал Д.Алтанцэцэг танилцуулав. Энэтхэгийн Засгийн газраас хөнгөлөлттэй зээлийн нэмэлт хэлэлцээрийг УИХ-аар батлуулан EPC 04 багц ажлын гэрээ байгуулах нөхцөлийг бүрдүүлэх, тоног төхөөрөмжийн импортын хил, гаалийн журмыг өөрчлөх, гадаад ажилтнуудын визийн хөнгөлөлт, түүхий эд нийлүүлэх, түүхий тосны хангамжийг баталгаажуулах яриа хэлэлцээг хийх зэрэг асуудлыг хөндлөө.

Газрын тос боловсруулах үйлдвэр байгуулах төслийн бүтээн байгуулалтыг дөрвөн багцад хуваан хэрэгжүүлж буй. EPC 01 багц ажил болох технологийн бус барилга байгууламжууд, EPC 02, EPC 03 багц ажлуудын хүрээнд хийгдэж буй ажлууд, газрын тос дамжуулах хоолойн механик угсралтын ажлын явцыг төсөл хэрэгжүүлэгч компани болон ерөнхий гүйцэтгэгч компаниудын удирдлагууд Ерөнхий сайдад танилцуулав.

EPC 01, 02, 03 багц ажлуудыг БНЭУ-ын, газрын тос дамжуулах хоолойн бүтээн байгуулалтын ажлыг БНХАУ-ын компаниуд гүйцэтгэж байна. Олон салбар дамнасан энэхүү томоохон төслийн инженерчлэл болон барилга угсралтын ажилд Энэтхэг, Итали, Франц, Герман, Их Британи, Америк, Канад, Нидерланд, Испани, БНХАУ зэрэг 10 гаруй улс орон оролцож байгаа нь уг төслийн цар хүрээ олон улсын шинж чанартай болсныг илтгэнэ. Өнөөдрийн байдлаар үйлдвэрийн талбайд гадаадын нийт 1300 инженер, техникийн ажилтан бүтээн байгуулалтад оролцож байна.

Технологийн бус барилга байгууламжийн буюу иргэний нийт 11 барилга байгууламж, ус дамжуулах системийн барилга угсралтын ажил дуусаж, шат дараатайгаар Улсын комисст хүлээлгэн өгч байна.

Газрын тос боловсруулах үйлдвэрээс гадна Монголд анх удаа газрын тос дамжуулах хоолой байгуулах ажил амжилттай үргэлжилж байна. Газрын тос дамжуулах хоолойн нарийвчилсан зураг төсөл, инженерчлэлийн ажлыг Канадын “Worley Parsons” компани гүйцэтгэж, Италийн “Prometheus” компани хяналт тавьж, хоолой барих ажлын ерөнхий гүйцэтгэгчээр БНХАУ-ын төрийн өмчит “Norinco International Cooperation” компани барилга угсралтын ажлыг өнгөрсөн оны дөрөвдүгээр сард эхлүүлжээ. Өнөөдрийн байдлаар 430 км хоолой гагнан холбож, үл эвдэх радиограф, хэт авиа, соронзон бөөмийн сорилыг хийсэн байна. Дорнод аймаг дахь газрын тосны олборлолтын талбайгаас үйлдвэр хүртэлх 530 км шугам хоолойг 2025 оны III улиралд багтааж дуусгахаар төлөвлөжээ.

Ерөнхий сайд Л.Оюун-Эрдэнэ хамтарсан Засгийн газраас хэрэгжүүлэх 14 мега төслийн нэг учраас газрын тос боловсруулах үйлдвэр ашиглалтад орсноор Монгол Улс түлш, шатахууны импортын хамаарлаас гарч, нефть-химийн аж үйлдвэрийн шинэ салбар бий болно. EPC 03 багцын ажил эхэлж байх үед Ерөнхий сайдын хувиар Алтанширээ суманд ирж танилцаад Засгийн газраас холбогдох шийдвэрүүдийг гаргаж байсан. Одоо үйлдвэрийн чухал хэсэг болох EPC 04 багц ажлыг яаралтай эхлүүлэх, тулгамдсан асуудлыг Энэтхэгийн Засгийн газартай тохироод УИХ-ын намрын чуулганаар хэлэлцүүлж, шуурхайлахыг чухалчилж байна. Стратегийн өндөр ач холбогдолтой уг төслийг амжилттай хэрэгжүүлэхийн төлөө Засгийн газар онцгой анхаарч ажиллана гэлээ.

Чинь Шы Хуан хааны бунхны археологийн олдворын үзэсгэлэн нээгдэв

khulan — Tue, 10 Sep 2024 14:47:27 +0800

Чинь Шы Хуан хааны бунхны музейд энэ сарын 8-нд археологийн олдворын тусгай үзэсгэлэн нээгджээ. Түүх сөхвөөс, 1974 оны хавар Хятадын Шааньси мужийн Ши Ян тосгонд нутгийн тариачид худаг ухаж байхдаа вааран баримлын зарим хэлтэрхийг олсон цагаас өнөөг хүртэл Чин Шы Хуан хааны бунхны цэрэг морины хөшөөн археологийн олдворуудын ажил 50 жилийг туулан өнгөрүүлжээ.

Сүүлийн хагас зуун жилийн хугацаанд хэд хэдэн үеийн археологичдын тууштай эрэл хайгуулын үр дүнд цэрэг морины хөшөөний малтлага, соёлын дурсгалыг хамгаалах ажил арвин үр дүнд хүрч, 2000 гаруй жилийн турш нойрсож буй хааны цэрэг морьт жагсаалыг илрүүлж, 20-р зууны дэлхийд хамгийн алдартай археологийн олдворуудын нэг болсон юм.

1987 онд ЮНЕСКО Чин Ши Хуан хааны бунхны цэрэг морины хүүхэлдэйн жагсаалыг Дэлхийн өвийн жагсаалтад хамруулав.

Өнөөг хүртэл 8000 орчим цэрэг морины вааран баримал, хэдэн арван мянган хүрэл зэвсэг бүхий нийт 20 мянга гаруй хавтгай дөрвөлжин метр талбай бүхий 1, 2, 3-р нүхийг ар араас нь илрүүлжээ.

2024 онд Чинь улсын цэрэг морьдын хөшөөний олдворыг илрүүлсэн 50 жилийн ой тохиож байна. Үүнд зориулж “Чинь Шы Хуаны бунхны археологийн олдворын үзэсгэлэн” гаргаж, 230 ширхэг үнэт үзмэрийг дэлгэн үзүүлж, Чинь улсын үеийн түүх соёлыг бүрэн утгаар нь харуулахыг зорьжээ.

Эх сурвалж: cri.cn

"T-Ara"-гийн Хюмин, инфлюсер модель Жин Е Ён, мисс Шин А Ра нар "Make9 Mongolia VIP event"-д оролцохоор Монголд ирнэ

khulan — Fri, 14 Jun 2024 13:56:32 +0800

БНХАУ-ын ӨМӨЗО-ны Хөх Хотод “СОНОС” ФЕСТИВАЛ – 2024 албан ёсоор тоглогдохоор боллоо

khulan — Tue, 28 May 2024 17:01:31 +0800

Хөгжмийн зохиолч, дууны найруулагч, продюсер Х.Анхбаярын санаачилж буй “AAA” төслийн хүрээнд хийгдэж буй “СОНОС” ФЕСТИВАЛ – 2024 шоу тоглолт БНХАУ-ын ӨМӨЗО-ны Хөх Хотод 2024 оны зургадугаар сарын 29-30 өдрүүдэд албан ёсоор тоглогдохоор боллоо.

БНХАУ-ын ӨМӨЗО Өвөр Монгол, Монгол улсын уран бүтээлчдийн хамтарсан уран бүтээлийн “СОНОС” - 2024 төслийн үйл ажиллагаа ийнхүү албан ёсоор эхэллээ.

ФЕСТИВАЛЫН ЗОРИЛГО:

Монгол улсын уран бүтээлчдийг олон улсын уран бүтээлчидтэй хамтарсан уран бүтээл хийх, цаашлаад үндэсний өв соёлыг дуу хөгжмөөр дамжуулан дэлхийд таниулан түгээхэд эрхэм зорилго оршино.

ААА төслийн хүрээнд Энэхүү “СОНОС” ФЕСТИВАЛ – 2024 нь БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп, поп чиглэлээр уран бүлээлээ хийдэг нэр хүнд бүхий залуу 9 артистыг сонгон авч Монгол улсын нэр хүндтэй 9 уран бүтээлч артисттай хамтын уран бүтээлийг орчин үеийн хөгжмийн чиглэлд нийцүүлэн хийж бүрэн клипжүүлэж олон нийтэд хүргэх мөн төслийн хүрээнд БНХАУ-ын ӨМӨЗО-ын Өвөрмонголын Хөх хотод 2024 оны 06 сарын 29-30 өдрүүдэд “СОНОС” фестивал, задгай талбайн бүрэн хэмжээний 2 өдрийн шоу тоглолт хийгдэхээр төлөвлөгдөн ажиллаж байна.

2024.06.29 өдөр - Монгол улсын уран бүтээлчид, БНХАУ-ын ӨМӨЗО-ны уран Бүтээлчид тайзнаа хамтарсан болон тус тусын шилдэг хит уран бүтээлүүдээ толилуулна.

2024.06.30 өдөр - БНХАУ-ын орчин үеийн хип хоп уран бүтээлчид шилдэг хит уран бүтээлүүдээ толилуулна.

“СОНОС” ФЕСТИВАЛ - 2024 зохион байгуулагдах газар: БНХАУ-ын ӨМӨЗО-ны Хөх хотын Naobao Village Kindergarden цэцэрлэгт хүрээлэн

“СОНОС” ФЕСТИВАЛ – 2024 төслийн хүрээнд гарах хамтарсан 9 дуунаас Монгол улс болон Хятад улсын зах зээл дээр 2 дуу албан ёсоор цацагдахад бэлэн болжээ.

“СОНОС” ФЕСТИВАЛ – 2024 хүрээнд БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп, поп чиглэлээр уран бүлээлээ хийдэг нэр хүнд бүхий залуу дуучин EILSEG, Монгол улсын орчин үеийн хөгжмийн хипхоп хөгжмийн чиглэлээр уран бүтээл туурвидаг нэр хүнд бүхий залуу уран бүтээлч SASH нарын хамтарсан “All of The Light” нэртэй уран бүтээл.

“СОНОС” ФЕСТИВАЛ – 2024 хүрээнд БНХАУ-ын ӨМӨЗО-н Өвөрмонголын орчин үеийн хөгжмийн чиглэл хипхоп чиглэлээр уран бүлээлээ туурвидаг нэр хүнд бүхий дуучин AXEMAN, Монгол улсын орчин үеийн хөгжмийн хипхоп хөгжмийн чиглэлээр уран бүтээл тууривдаг нэр хүнд бүхий GANGBAY хамтлагийн уран бүтээлч Баянаа нарын хамтарсан “Flowers” нэртэй уран бүтээлүүд бэлэн болж клипний зураг авалтууд хоёр улсад хийгдэж байна.

Тун удахгүй албан ёсны танилцуулга дараа дараагийн уран бүтээлчдийн нэрс уран бүтээлүүд зарлагдах юм байна. Мөн 2024.06.30 өдөр фестивалд оролцох БНХАУ-ын орчин үеийн хип хоп уран бүтээлчдийн нэрс зарлагдана.

Аарцны ач тус

khulan — Mon, 15 Apr 2024 18:08:17 +0800

Өвлийн улиралд хүний биеийн дархлаа суларч вирус, нянгийн халдвараар үүсэх томуу томуу төст өвчлөл нэмэгддэг. Иймд дархлаагаа сайжруулах тэжээллэг хоол хүнс хэрэглэх шаардлагатай.

Бидний уламжлалт хүнс болох аарц нь дархлаа сайжруулж ханиад томуунаас урьдчилан сэргийлэхэд онцгой ач холбогдолтой хүнс юм.

Аарц нь махнаас ч илүү уураг агуулдаг. Аарцны хуурай бодисын 50 хувь нь уураг байдаг. Ялангуяа Казейн хэмээх үл орлогдох амин хүчлээр баялаг уураг агуулдаг / нянгаас хамгаалах Т-эс бий болоход оролцдог/ бөгөөд цус төлжүүлэх, биеийн эсэргүүцэл сайжруулах, зарим хорт бодисыг саармагжуулах үйлчилгээтэй.

Мөн С, А, В1, В2, Е, РР аминдэм, Са, Р зэрэг эрдэс бодисыг агуулж байдаг.

Халуун аарц ууснаар биеийн дулаан нэмэгддэг. Ингэснээр дархлааны эсүүдийн үйл ажиллагааг идэвхжүүлдэг. Халуун аарцанд шар тос нэмснээр А, Д, Е,аминдэмээр баяжуулах боломжтой.

Аарцыг сүрьеэ, цусны даралт ихсэх, зүрх судасны өвчтэй хүмүүс, жирэмсэн эхчүүд, хөхүүл, бага насны хүүхэд түлхүү хэрэглэх хэрэгтэй.

100 гр аарцанд 23.9 гр уураг, 17 гр тос, 2 гр нүүрс ус, 150 мг кальци агуулдаг.

Сүү цагаан идээг хэрэглэхдээ махан хоолноос 2-3 цагийн өмнө, эсвэл дараа нь хэрэглэх нь тохиромжтой.

Имартын хамт олон "ХАМТДАА ЦАС ЦЭВЭРЛЭЦГЭЭЕ!" аяныг зохион байгууллаа

khulan — Fri, 02 Feb 2024 17:55:55 +0800

Өвлийн улиралд халтиргаа гулгаа нэмэгдсэний улмаас гэмтэж бэртэн эмнэлгийн байгууллагад хандах иргэдийн тоо олширчээ. ГССҮТ-ийн Яаралтай тусламжийн тасагт гэхэд л халтиргаа гулгаанаас болж гэмтэж бэртэн эмчлүүлэхээр ирэгсдийн тоо хоногт 70-80 хүрдэг байна.

"Скай Хайпермаркет" ХХК буюу Имартын хамт олон бид нийгмийн хариуцлагын хүрээнд нийт 360 ажилтнуудынхаа оролцоотойгоор "ХАМТДАА ЦАС ЦЭВЭРЛЭЦГЭЭЕ!" аяныг амжилттай зохион байгууллаа. Шинэ оны анхны сайн үйлсийн аянаа бид салбар дэлгүүрүүдтэйгээ ойр байрлах, олны хөл хөдөлгөөн ихтэй ‘‘Улсын Хоёрдугаар төв эмнэлэг’’, ‘‘Гэмтэл согог судлалын үндэсний төв’’, ‘‘Хавдар судлалын үндэсний төв’’ болон ‘‘Улсын Гуравдугаар төв эмнэлэг’’-үүдийн нийт 1800 м2 талбай, гадаа гудамжид дагтаршсан цас мөсийг цэвэрлэсэн байна.

"Тойромдох бүрд бэлэгтэй" шагай харваа тоглоом эхэллээ

khulan — Tue, 23 Jan 2024 18:27:03 +0800

Скай Хайпермаркет ХХК нь МОДОН ЛУУ жилийг угтан, сар шинийн баярыг тохиолдуулан Монгол уламжлал, өв соёлыг түгээн дэлгэрүүлэх зорилгоор "Тойромдох бүрд бэлэгтэй" цахим шагайн харваа наадмыг дахин зохион байгуулж байна.

Нүүдэлчин ахуй соёлоос өнөөг хүртэл өвлөгдөн ирсэн уламжлалт тоглоомыг дижитал технологитой хослуулсан шийдлүүдийн нэг нь Имарт Монголиа апп-ны "Тойромдох бүрд бэлэгтэй" шагай харваа тоглоом юм. Уг тоглоомын дүрэм маш энгийн. Та Имарт Монголиа апп-ыг татан 99,000₮-с дээш худалдан авалт хийгээд ШАГАЙН ХАРВАА ТОГЛОХ 3 эрхийн эзэн болоорой. Имарт дэлгүүрт албан ёсны эрхтэйгээр борлуулагддаг No brand, G&G, Sante, Veloce mode, Bella casa, Мираторг, Molly’s, Luminarc, Korkmaz, Uniq, Living craft, Mukunghwa, Topten, Fresh easy, Савушкин, Elit брэндүүдийн хасаануудаас сонгож харваарай. Ингэхдээ гар утасны дэлгэцэн дээр хуруугаараа SWIPE хийх замаар сумаа харвана. Оносон хасаа бүрд тухайн брэндийн 5000 КУПОН бэлэглэнэ.

Купонуудыг Имартын бүх салбар дэлгүүрүүдэд ашиглах боломжтой. /Худалдан авалт бүрд зөвхөн нэг купон ашиглагдахыг анхаарна уу/ Хожсон купоноо та 2024 оны 02-р сарын 20-ыг хүртэл ашиглаарай. Үйлчлүүлэгч та бүхэн Имарт Монголиа апп-аа ашиглан цэц мэргэнээ сорин купоноо цуглуулж Имартын нэрийн брэндийн бүтээгдэхүүнээр баярын ширээгээ засаарай.

Монгол, Орос, Хятадын залуучуудын хоккейн олон улсын тэмцээн эхэллээ

khulan — Tue, 23 Jan 2024 12:56:27 +0800

Монгол, Хятад, Оросын 2024 оны залуучуудын хоккейн олон улсын тэмцээн өчигдөр /2024.01.22/ Хөххотын Дунхэ мөсөн гулгуурын талбайд нээлтээ хийлээ.

Таван өдөр үргэлжлэх энэхүү тэмцээнд Монгол, Оросын хоккейн гурван баг урилгаар Харбин хотын хоккейн нийгэмлэгийн баг, Эвэнкийн хоккейн баг, Хөх хотын хоккейн багтай ур авьяасаа сорьж, туршлага солилцох юм байна.

Энэхүү урилгын тэмцээний ерөнхий зохион байгуулагчаар Хөххотын Ардын захиргаа ажиллаж байна.

Хятад, Египет хамтарсан мэдэгдэл гаргав

khulan — Tue, 16 Jan 2024 11:09:52 +0800

ХКН-ын Төв хорооны улс төрийн товчооны гишүүн, Гадаад харилцааны сайд Ван И Египетэд айлчлахдаа Египетийн Гадаад харилцааны сайд Самех Хассан Шукритай энэ сарын 14-нд Каирт хэлэлцээ хийв. Хоёр тал Газын хямрал ба Палестин, Палестин Израилийн мөргөлдөөн зэрэг асуудлаар санал солилцож нийтлэг ойлголтод хүрчээ. Тухайлбал нэгдүгээрт, нэн даруй бүх талаар гал зогсоож, ямарваа хүчирхийлэл, алан хядлагыг эцэслэж, энгийн иргэд, иргэний зориулалттай дэд бүтэц рүү дайрах, халдахыг зогсоох ёстой.

Хоёрт, Газын зурваст улам даамжирч буй хүмүүнлэгийн хямрал, тэнд амьдарч буй хүмүүсийн туулсан зовлон бэрхшээлд санаа зовинож байна.

Гуравт, Палестины үндэсний эрхт байгууллагад дэмжлэг туслалцаа үзүүлэхийг олон улсын хамтын нийгэмлэг, мөн олон улсын хандивлагчдад уриалж байна.

Дөрөвт, Улаан тэнгисийн нөхцөл байдлын өрнөлд хоёр тал анхаарч, уг асуудлыг Газын зурвасын нөхцөл байдлын гол шалтгаантай холбон үзэх ёстой.

Тавд, олон улсын хамтын нийгэмлэг үүрэг хүлээж, НҮБ-ын шийдвэр ёсоор “хоёр орны төсөл”-ийг хэрэгжүүлж, Палестин Израилийн энх тайван байдал, хоёр орны ард түмэн энх тайвнаар зэрэгцэн оршихуйн улс төрийн үндэс суурийг тавих ёстой.

Н.Уртнасан

Улаанбаатар хотод Камерын удирдлагын нэгдсэн төв байгуулна

khulan — Thu, 11 Jan 2024 15:12:22 +0800

Нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан Сингапур Улсын “ST Engineering” компанийн төлөөлөгчдийг хүлээн авч уулзлаа. Уулзалтын үеэр Улаанбаатар хотын камержуулалт, Камерын удирдлагын нэгдсэн төв байгуулахад хамтран ажиллах талаар санал солилцсон юм.

Сингапур Улсын “ST Engineering” компани нь агаарын тээвэр, ухаалаг хот, олон нийтийн аюулгүй байдал ба батлан хамгаалахын чиглэлээр үйл ажиллагаа явуулдаг аж. Тус компани дэлхий даяар 100 гаруй улсын хэрэглэгчдэд үйлчилгээ үзүүлдэг бөгөөд 130 гаруй улсад ухаалаг хотын төслийг хэрэгжүүлсэн байна. Мөн “ST Engineering” компанийн 25,000 орчим ажилтны 17,000 нь дээрх чиглэлүүдийн инженер юм.

Нийслэлийн Засаг дарга бөгөөд Улаанбаатар хотын Захирагч Х.Нямбаатар “Манай улсад 2000-аад оноос камержуулалтын ажил эхэлсэн ч одоогийн байдлаар нийслэлд байгаа камеруудын 50 орчим хувь нь ашиглалтын шаардлага хангахгүй, хоорондоо уялдаагүйгээр ажиллаж байна. Иймд холбогдох хууль тогтоомжийн хүрээнд камержуулалтыг иж бүрэн шийдэж, Улаанбаатар хотын бүх камерын ажиллагааг холбосон Камерын удирдлагын нэгдсэн төв байгуулах шаардлагатай байгаа юм. Ингэхдээ нийтийн тээвэр, такси үйлчилгээ, хувийн хэвшлийн камерыг ч мөн холбоно. Энэ чиглэлээр хамтран ажиллахад таатай байх болно” хэмээлээ.

Сингапур Улсын Аюулгүй байдал, тагнуул, эрсдэл судлалын академийн үүсгэн байгуулагч бөгөөд гүйцэтгэх захирал Дерик Динг “Манай байгууллага 2002 оноос Улаанбаатар хоттой гэмт хэргээс урьдчилан сэргийлэх, боловсон хүчнийг чадавхжуулах чиглэлд хамтран ажиллаж ирсэн. Улаанбаатар хотын Камерын удирдлагын нэгдсэн төвийг байгуулах, Замын цагдаагийн газрын дэргэдэх Шуурхай удирдлагын төвийг шинэчлэхэд хамтран ажиллахад таатай байна. Богино хугацаанд олон төрлийн шийдлээс санал, зөвлөмж хүргүүлж, хамтран ажиллах болно” гэв.