Нийгэм - Bolod.mn

Нийслэлээс дуучин Д.Болдын санаачилгыг дэмжин, хамтран ажиллахаар болжээ

otgoo — Tue, 30 Jun 2026 15:14:36 +0800

Төрийн соёрхолт, дуучин Д.Болд 2005 онд бие даасан уран бүтээлүүдээсээ бүрдсэн анхны цомог "Хайрын хүч"-ийг гаргаж, бие даасан уран бүтээлчээр 21 дэх жилдээ, "Камертон" хамтлагт 31 дэх жилдээ уран бүтээлээ туурвиж байна. Уран бүтээлийн ойн хүрээнд нийгэмд эерэг өөрчлөлт авчрах уриалга гаргаж, өөрийн хөрөнгө оруулалтаар нийслэлд хүүхдийн цэцэрлэг барих асуудлаар нийслэлийн Засаг дарга бөгөөд Улаанбаатар хотын Захирагч Б.Пүрэвдагватай өнөөдөр уулзлаа.

Уулзалтын үеэр төрийн соёрхолт, дуучин Д.Болд Улаанбаатар хотод олон жил амьдарсан иргэний хувьд, ард түмнийхээ хайр хүндэтгэлийг хүлээж ирсэн уран бүтээлчийн хувьд ч хүүхдэд зориулсан бүтээн байгуулалт хийхээр шийдэж, албан бичгээр хандсан, зохих журмын дагуу шийдвэрлэж өгөхийг хотын дарга Б.Пүрэвдагваас хүслээ.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва хүүхдийн төлөөх бүхий л санаачилгуудыг дэмжиж ажиллахаа илэрхийллээ. Тэрбээр “Хотын зүгээс “Хүүхдэд ээлтэй Улаанбаатар" концепцийг тэргүүлэх чиглэлээ болгон ажиллаж байна. Үүнд хүүхдийн сургууль, цэцэрлэгийн хүртээмж хамгийн чухал асуудлын нэг. Өнөөдрийн байдлаар Улаанбаатар хотод хүүхдийн цэцэрлэггүй нийт 24 хороо байна. Тухайлбал, Баянзүрх дүүргийн Олимп хотхон, Улаанхуаран орчим, Баянгол дүүргийн Голден парк орчим, Хан-Уул дүүргийн Хүннү хороолол орчимд цэцэрлэг нэн тэргүүнд хэрэгцээтэй байна. Эдгээр цэцэрлэг хэрэгцээтэй байршлын жагсаалтыг санал болгож, газрын зөвшөөрөл болон бусад асуудлаар дэмжиж, хамтран ажиллана” гэдгээ илэрхийллээ.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва нийслэл төр иргэний харилцаа, бизнес төрийн харилцааг илүү хялбар байлгах зорилгоор төрийн үйлчилгээг сайжруулах чиг үүрэг бүхий зохицуулагчийн ажлыг Б.Сэмжидмаа хариуцаж байгааг дурдаад, хүн бүрийн оролцооноос хамаарч соёлтой, цэвэр цэмцгэр, аюулгүй Улаанбаатар хотыг бүтээнэ хэмээн онцоллоо.

Хошууч Ш.Жамъяндорж: Залилагч нар албаны мэт харагддаг итгэл төрүүлэхүйц дугааруудаас залгадаг

zulaa — Tue, 30 Jun 2026 09:47:30 +0800

Амралт зугаалгын улиралд залилах гэмт хэргүүд янз бүрийн хэлбэрээр ихэсдэг байна. Энэ талаар ЦЕГ-ын Урьдчилан сэргийлэх албаны ахлах мэргэжилтэн, хошууч Ш.Жамъяндоржоос тодрууллаа.

Махны үнэ буурахгүй, харин ч өссөөр байна

zulaa — Mon, 29 Jun 2026 14:21:19 +0800

Наадам дөхөж, хорхог боодог хийх улирал эхэлсэнтэй холбоотойгоор махны эрэлт нэмэгдэх төлөвтэй байгаа ч үнэ буурна гэсэн хүлээлт

Хонь, үхрийн мах, төмс, луувангийн үнэ нэмэгджээ

zulaa — Fri, 26 Jun 2026 18:48:15 +0800

Сүүлийн саруудад гол нэрийн бараа бүтээгдэхүүний үнэ долоо хоног тутамд нэмэгдэж буй. Тэгвэл 2026 оны 6 дугаар сарын

“Хүрээ цам-Даншиг наадам 2026”-ын хүрээнд “Соёл-Эрдэнэ” хамтлагийн 55 жилийн ойн хүндэтгэлийн тоглолтыг зохион байгуулна

otgoo — Wed, 24 Jun 2026 10:25:58 +0800

Нийслэл Улаанбаатар хотын иргэдийн өдөр “Хүрээ цам-Даншиг наадам 2026” арга хэмжээний хүрээнд Монголын эстрад, дуу хөгжмийн түүхэнд үнэтэй хувь нэмэр оруулж, олон арван жилийн турш үе үеийн сонсогчдын хайр хүндэтгэлийг хүлээсэн домогт “Соёл-Эрдэнэ” хамтлагийн 55 жилийн ойн хүндэтгэлийн тоглолтыг зургаадугаар сарын 28-ны өдөр Д.Сүхбаатарын талбайд зохион байгуулна.

Тоглолт 20:00-00:00 цагийн хооронд үргэлжлэх бөгөөд Монголын рок, поп хөгжмийн өнгийг тодорхойлсон үе үеийн шилдэг уран бүтээлчид нэгэн тайзнаа чуулах юм.

Хүндэтгэлийн тоглолтод Соёл-Эрдэнэ, Өргөө, Хонх, Niciton, Шар айраг, Дэлхий, Nisvanis, The Lemons хамтлагууд оролцож, өөрсдийн шилдэг бүтээлүүдээсээ хүргэнэ.

Мөн МУАЖ Д.Жаргалсайхан, МУГЖ Ч.Насантогтох, МУГЖ Х.Лхагвасүрэн, МУУГЗ Я.Одсүрэн, МУГЖ С.Бархас, МУГЖ С.Наран, МУГЖ Ж.Алтанцэцэг, гитарчин Өөжгий, дуучин Н.Наагий, Б.Наки, Б.Оюу, Б.Хонгор, Г.Тэнүүн, Б.Анужин нар оролцож, үзэгч сонсогчдод ая дуугаа өргөн барина.

Тоглолтын үеэр “Цэнхэр залаа”, “Анхны хайрын дуу”, “Сансрын хөлөг”, “Хотын гэрэлт гудамж”, “Арван найман нас минь намайг бүү орхиоч”, “Тэмээн жингийн цуваа”, “Сэтгэлийн жигүүр” зэрэг Монголын хөгжмийн алтан сан хөмрөгт багтсан бүтээлүүд амьд хөгжим, амьд дуугаралттайгаар эгшиглэж, үе үеийн дурсамжийг сэргээх онцгой үдэш болох юм.

Энэхүү тоглолт нь зөвхөн нэг хамтлагийн ойг тэмдэглэх төдий бус Монголын эстрадын дуу хөгжмийн хөгжлийн түүх, үе үеийн сонсогчдын дурсамжийг нэгэн дор нэгтгэсэн урлагийн томоохон хэмжээний арга хэмжээ юм.

Эрхэм нийслэлчүүд та бүхнийг энэхүү хүндэтгэлийн тоглолтод хүрэлцэн ирж, Монголын хөгжмийн амьд домгуудтай хамт нэгэн үдшийг өнгөрүүлэхийг урьж байна.

Цонжин зах: Монголын хамгийн урт худалдааны төв худалдаа эрхлэгчдэд хаалгаа нээж байна

otgoo — Tue, 23 Jun 2026 13:48:05 +0800

1 километр урт, 16,000 м² талбай бүхий шинэ үеийн худалдаа, үйлчилгээний төв Чингис хааны морьт хөшөөний бүсэд байгуулагдаж, эхний ээлжийн талбайн борлуулалт 7 дугаар сарын 1-нд

Цонжин Зах: Монголын хамгийн урт худалдааны төв худалдаа эрхлэгчдэд хаалгаа нээж байна

Цонжин Кибер Сити
Улаанбаатар хотоос зүүн тийш ойролцоогоор 54 км-т, Цонжин болдог дахь Чингис хааны морьт хөшөө цогцолбороос ердөө 1 км зайд Монголын хамгийн урт худалдааны төв болох «Цонжин Зах» байгуулагдаж байна. Нэгээс илүү километр урт нэгдсэн барилгад 16,000 м² худалдаа, үйлчилгээний талбай багтсан энэхүү төсөл нь «Цонжин Кибер Сити» бие даасан хотын худалдааны цөм нь юм.

Төслийг хэрэгжүүлэгч «Амжилт групп»-ийн зүгээс «Цонжин Зах»-ыг зөвхөн нэг дор бараа худалдаалах талбай биш, харин нийслэлийн төвлөрөл, түгжрэл, бохирдлоос ангид, төлөвлөлттэй шинэ хотын эдийн засгийн төв болгож хөгжүүлэхээр зорьж байна. Барилгын дээврийг нарны зайн хавтангаар бүрэн хучсан бөгөөд энэ нь зах өөрийн цахилгаан эрчим хүчийг бие даан үйлдвэрлэх боломжийг бүрдүүлж байгаа юм.

Байршил нь хамгийн том давуу тал

«Цонжин Зах» нь жилд хэдэн зуун мянган жуулчин зорьдог Чингис хааны морьт хөшөө цогцолбороос 1 км зайд, зүүн аймгуудыг нийслэлтэй холбосон төв авто замаас ердөө 500 метрт байрлаж байна. Энэ нь дотоодын болон гадаадын аялагчдын урсгал, дайран өнгөрөх тээврийн хөдөлгөөнийг шууд хэрэглэгчийн орлогын эх үүсвэр болгох боломжийг олгож байгаагаараа онцлог.

Бид зөвхөн худалдааны талбай зарж байгаа бус, бие даасан шинэ хотын эдийн засгийн зүрхийг бүтээж байна.

«АМЖИЛТ ГРУПП»
Талбайн борлуулалт 7 дугаар сарын 1-нд эхэлнэ

Захын худалдааны талбайг 10 м²-ийн алхамтайгаар, хамгийн багадаа 10 м²-ээс эхлэн худалдаалах бөгөөд эхний ээлжийн албан ёсны борлуулалт 2026 оны 7 дугаар сарын 1-ний 11:00 цагт нээгдэнэ. Худалдан авагч өөрийн бизнесийн хэрэгцээнд тааруулан талбайн хэмжээгээ чөлөөтэй сонгох боломжтой.

Үнийн бодлого нь шат дараалан өсөх зарчимтай. Эхний 100 худалдан авагч хамгийн таатай үнээр талбайгаа авах боломжтой бөгөөд дараагийн шат бүрт үнэ нэмэгдэнэ. Энэ нь эрт шийдвэр гаргасан хэрэглэгчдэд хамгийн өндөр өгөөжийг олгохоор тооцоолжээ.

ТАЛБАЙН ҮНИЙН ШАТЛАЛ (₮ / М²)
ШАТ НӨХЦӨЛ ҮНЭ /М²
Шат 1 -ЭХНИЙ 100 Хамгийн эрт худалдан авагч 1,900,000₮
Шат 2 -Хязгаарлагдмал тоо 2,900,000₮
Шат 3 -Нээлттэй суурь үнэ 3,900,000₮

Тоо баримтаас харахад эхний шатанд талбай авсан хэрэглэгч нээлттэй үнэтэй харьцуулахад квадрат метр тутамд 2,000,000₮ хүртэлх хэмнэлт хийх боломжтой бөгөөд том талбай дээр энэ зөрүү хэдэн арван саяар хэмжигдэхээр байна.

Борлуулалтын нээлт
2026.07.01 · 11:00 цаг

«Цонжин Зах» нь «Цонжин Кибер Сити» хотхоны нэг хэсэг бөгөөд уг төсөлд орон сууц, олон улсын хөтөлбөртэй боардинг сургууль, цэцэрлэг зэрэг үйлчилгээ аль хэдийн ажиллаж эхэлжээ. Цаашид эмнэлэг, морин спортын төв зэрэг 1,000 гаруй өрхийн нэгдсэн хотхон болж өргөжих төлөвлөгөөтэй.

Талбай захиалах ба мэдээлэл авах
Эрт захиалгын байр хязгаарлагдмал.
Доорх дугаараар холбогдоно уу.
8022-6060
8023-6060
tsonjin.com · city@amjilt.com · Оффис: 7711-6060

Байршил нь хамгийн том давуу тал

Бид зөвхөн худалдааны талбай зарж байгаа бус, бие даасан шинэ хотын эдийн засгийн зүрхийг бүтээж байна.

«АМЖИЛТ ГРУПП»
Талбайн борлуулалт 7 дугаар сарын 1-нд эхэлнэ

Борлуулалтын нээлт
2026.07.01 · 11:00 цаг

Нийслэл 2026 оны төсөвтөө тодотгол хийлээ

otgoo — Mon, 22 Jun 2026 15:57:44 +0800

Нийслэлийн ИТХ-ын Ээлжит бус XIII хуралдаан өнөөдөр болж, Нийслэлийн Засаг дарга бөгөөд Улаанбаатар хотын Захирагч Б.Пүрэвдагваас өргөн барьсан нийслэлийн 2026 оны төсөвт нэмэлт, өөрчлөлт оруулах тухай тогтоолын төслийн хоёрдугаар хэлэлцүүлгийг хийлээ.

МАН-ын бүлгээс гаргасан саналын дагуу нийслэлийн төсвийн хөрөнгө оруулалтаар хийгдэж буй ажил, арга хэмжээний гүйцэтгэл, үр дүнтэй танилцаж, үйл ажиллагааг эрчимжүүлэх, дэмжлэг үзүүлэх, мөн нийслэлийн гэр хорооллын айл өрхийг хийн түлшний халаагуурт шилжүүлэх төсөл, хагас коксон түлшний худалдан авалт, хадгалалт, борлуулалтын үйл ажиллагаанд дэмжлэг үзүүлэх, хяналт тавих, олон нийтэд нээлттэй мэдээлэл өгөх чиг үүрэг бүхий ажлын хэсэг байгуулав.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва:

Олон улсын геополитикийн нөхцөл байдал, нефть болон шатахууны үнийн өсөлтөөс шалтгаалан нийтийн тээвэр, хог хаягдлын менежмент, ногоон байгууламжийн арчилгаа зэрэг суурь үйлчилгээний зардал нэмэгдэж байгааг онцоллоо. Иймээс эдгээр үйлчилгээг тасралтгүй, тогтвортой үргэлжлүүлэхэд шаардлагатай нэмэлт санхүүжилтийг шийдвэрлэх шаардлага үүссэн,

Төсвийн орлогын хүлээгдэж буй гүйцэтгэл болон он дамжин зарцуулагдах мөнгөн хөрөнгийн үлдэгдлийн хэмжээ анхны төсөөллөөс өөрчлөгдсөнтэй холбоотойгоор төсвийн орлого, санхүүжилтийн эх үүсвэрийн тооцооллыг бодит нөхцөлд нийцүүлэн шинэчлэх,

2026-2027 оны өвөлжилтийн бэлтгэлийг хангах, агаарын бохирдлыг бууруулах арга хэмжээний хүрээнд 280 мянган тонн хагас коксон шахмал түлш, 150 мянган тонн сайжруулсан шахмал түлш худалдан авч, хэрэглэгчдэд нийлүүлэхэд шаардагдах нэмэлт эх үүсвэрийг шийдвэрлэхээр төсөвт тусгажээ.

Үүнээс гадна Төрийн хэмнэлтийн тухай хуулийн хэрэгжилтийг хангах хүрээнд 2026 оны тавдугаар сарын 31-ний өдрийн байдлаар гэрээ байгуулагдаагүй хөрөнгө оруулалтын төслүүдийн санхүүжилтийг төсвөөс хасаж, төсвийн сахилга бат, үр ашгийг нэмэгдүүлэх зорилгоор тодотгол хийж байгаа талаар танилцуулсан юм.

Хэлэлцэж буй асуудалтай холбоотойгоор УИХ-ын зарим гишүүн нийслэл дураараа төсвөө тодотголоо гэсэн. Үнэхээр хуулийн дагуу тодотгож байгааг тодруулж байлаа.

Нийслэлийн Засаг дарга бөгөөд Улаанбаатар хотын Захирагч Б.Пүрэвдагва “Нийслэлийн энэ удаагийн төсвийн тодотгол хууль зөрчөөгүй. Төсвийн тухай хуулийн 34 дүгээр зүйл, Засгийн газрын хэд хэдэн тогтоолын дагуу нийслэлийн өвөлжилтийн бэлтгэл ажлыг хангах зардлыг шийдэх хүрээнд төсвийг тодотгож байна. Эхний төсөл дээр нэмэгдсэн зүйл гэвэл Шинэ төв цэвэрлэх байгууламжийг ашиглалтад оруулсны дагуу “Туул-1 коллектор”-ын инженерийн байгууламжийн засвар, шинэчлэлийн ажлыг цаг алдалгүй хийх шаардлагатай учраас МАН-ын бүлэг дээр яриад нэмж тусгасан. Мөн “Агро сити” эдийн засгийн тусгай бүс орчмын хөгжлийн ерөнхий төлөвлөгөөг баталсантай холбоотойгоор үйл ажиллагааг хэвийн явуулахад шаардлагатай төсвийг нэмж тавьсан” хэмээн хариуллаа.

Нийслэлийн 2026 оны төсөвт нэмэлт, өөрчлөлт оруулах тухай тогтоолын төслийг НИТХ-ын төлөөлөгчдийн 77.1 хувийн саналаар баталлаа.

Эрчим хүчний салбарынхан энэ сарын 30-наас эхлэн АЖИЛ ХАЯЛТ зарлахаар болжээ

zulaa — Fri, 19 Jun 2026 14:44:21 +0800

Монголын эрчим хүч, геологи, уул уурхайн үйлдвэрчний эвлэлийн холбооноос тэмцлийн эцсийн хэлбэр болох ажил хаялтыг улс орон даяар зохион байгуулах болсон талаараа өнөөдөр мэдээлнэ.

Отгонтэнгэр хайрханы тахилгад оролцохоор ирж буй иргэдийн анхааралд

otgoo — Tue, 16 Jun 2026 15:47:28 +0800

Цаг хугацаа хэмнэх гэж зам товчлохоос татгалзах, баталгаагүй зам, гармаар зорчихгүй байх, байгаль цаг уурын нөхцөл байдал, замын нөхцөлийг зөв үнэлж өөрийн болон бусдын аюулгүй байдлыг ханган, анхаарал болгоомжтой зорчихыг анхааруулж байна.
Хайрханы тахилгын үйл ажиллагааны үеэр иргэдийн аюулгүй байдлыг хангах, тусламж үйлчилгээг шуурхай үзүүлэх зорилгоор Онцгой байдлын байгууллагаас тусгайлан 89470105 дугаарын утсыг ажиллуулж байна.

Үхрийн цул мах дунджаар 1000-1500 төгрөгөөр буурчээ

zulaa — Tue, 16 Jun 2026 11:48:50 +0800

Нийслэлд мах “магнаг” болж, зургаадугаар сарын эхээр зарим худалдааны төвүүдэд үхрийн цул мах 39 мянган төгрөгт хүрсэн.