Нямхүү өөрийнхөө найз Дарьбазарын нэр дээр миний нэгдүгээр хорооллын хоёр өрөө байрыг шилжүүлсэн байсан Нямхүү бол луйвар хийдэг.

2013-03-26

-ХӨСҮТ-ийн захирал асан Нямхүүтэй та яаж холбогдсон юм бэ. Тэр хүнийг зээл чөлөөлдөг гэдгийг нь яаж мэдсэн

юм. Уг нь тэр хүн чинь төрийн албанд ажиллаж байсан хүн шүү дээ. Бусдын зээлийг чөлөөлөөд байхаар хүн мөн гэж үү?
-2005 онд “Анод” банкны эдийн засагч Оюун-эрдэнэ гэж эмэгтэй анх надад зээл чөлөөлдөг, ДОХ-ын төвийн тэргүүн гэж танилцуулж байсан. Тэгж л би Нямхүүг таньдаг болсон. Нямхүүтэй холбогдолтой асуудлыг хуулийн ямар ч байгууллага хүлээж авдаггүй. Нямхүүтэй холбогдож байгаа хүмүүс нь шүүхийн байгууллагын шүүгч нар. Баянгол дүүргийн шүүгч Номуулан, иргэний хэргийн танхимийн тэргүүн асан Амарсайхан, одоогийн иргэний хэргийн танхимийн тэргүүн Ундрах нэмэгдэхүүний байрыг солиход нийлбэрийн чанар өөрчлөгдөхгүй гэдэг дээ. Тэр үед иргэний хэргийн танхимын тэргүүнээр Амарсайхан байхад шүүгч нь Ундрах байсан. Одоо тэр хоёр байраа сольчихсон. ХӨСҮТ-ийн захирал асан Нямхүү ах дүүс найз нөхөдтэйгээ хамтарч зээл чөлөөлөх нэрийн дор залилан хийдэг. Залилан хийлээ гээд цагдаад өгөхөөр цагдаа нь зээл чөлөөлсөн байна гээд нарийн шалгаж өгдөг, шүүх нь болохоор орон сууц худалдах худалдан авах гэрээ хийсэн байна гэсэн шийдвэр гаргачихдаг. Нэгдүгээр хороололд байдаг хоёр өрөө байрыг Нямхүү зээл чөлөөлөх нэрийн дор зүгээр бүх бичиг баримтыг нь хуурамчаар үйлдээд өөр хүний нэр дээр шилжүүлсэн байсан. Ямар ч гэрээг эх хувиар нь хийдэг шүү дээ. Гэтэл надад хэлэлгүйгээр хуулбарлаж хувилаад орон сууцны бэлэглэлийн гэрээ хийсэн байсан. Хууль зөрчсөн бүх нотлох баримтууд нь надад байна.
-Таны байр банкны барьцаанд байсан биз дээ. Зээлээ чөлөөлүүлсэн юм чинь та хүү төлж байсан биз?
-Ээжийн маань гурван өрөө байр ХААН банкны барьцаанд 26 сая төгрөг, нэгдүгээр хорооллын хоёр өрөө байр нь “Good Life” гээд хадгаламж зээлийн хоршооны нэр дээр байсан. Хоёр байраа Нямхүүгээр чөлөөлүүлсэн. Тухайн үедээ зээлээ гэрээ хийе гэсэн чинь Нямхүү тэгээд хэрэггүй ээ зүгээр орон сууц худалдан авах гэрээ хийе энэ нь амар байдаг юм. Чи ямар байраа зарж байгаа биш санаа битгий зов гэсэн. Дараа нь надад Алимаа гэдэг эмэгтэйг танилцуулаад энэ хүн чиний зээлийг чөлөөлж өгнө. Би Гүндалай сайдтай зарга хийж байгаа болохоор болохгүй байна гэж 2006 оны 12 сард Алимаатай хийсэн. Тухайн үед Алимаа, Нямхүү бид гурав уулзаж байхад Нямхүү Алимаад “зээл чөлөөлөх чинь үнэхээр аятайхан бизнес зээлээ чөлөөлүүлж байгаа хүмүүс чинь яг л аманд багтдаг юм” гэж хэлэхээр нь би “Нямхүү чи юу яриад байна. Чи ээжийн маань байрыг тэгж байхгүй болгох юм биш биз” гэсэн чинь чамайг тэгэхгүй ээ харин чи ээж дүү нараа ятгаж байгаад алимаатай гэрээ хийлгэчих гэж хэлж байсан хүн дээ.
-Баянгол дүүргийн шүүхийн шийдвэрийг эсэргүүцэж нийслэлийн шүүх юм уу дээд шүүхэд хандсан уу?
-Иргэний хэрэг гэдэг чинь нэхэмжлэгч, хариуцагч хоёр талаасаа нотлох баримтыг бүрдүүлж байж хэрэг шийдэгддэг. Гэтэл 2008 оны 12 сарын 12 ны өдрийн шүүх хуралд Алимаа гэгчийн талаас нэг ч нотлох баримт байхгүй. Баянгол дүүргийн шүүгч Номууланд олон удаа тайлбарлаж байхад ерөөсөө хүлээж аваагүйгээр барахгүй шийдвэрийг нөгөө талд гаргасан. Нямхүү шууд оролцсон. Мэдээж би зүгээр суугаагүй. Нийслэлийн шүүхэд давж заалтсан. Нийслэлийн шүүх яалт үгүй дүр үзүүлэн хийсэн гэрээ хэлцэл байна гээд шударгаар шийдэж Алимааг буруутай гэж гарсан нэг ёсондоо Нямхүүг буруутай гэсэн үг. 2009 оны 03 сарын 10-нд Алимаа дээд шүүхэд гомдол гаргасан байдаг юм. Гомдол гаргасан тухайг нь манайд мэдэгдсэн. Удаа ч дээд шүүх дээр шүүх хурал болсон байсан. Дээд шүүхийн шүүгч нар дор хаяж долоо хоног хэрэгтэй нь танилцах ёстой. Гэтэл 03 сарын 19-нд материалаа хүлээж авангуутаа хурлын тов зарлахгүйгээр манай өмгөөлөгчид мэдэгдэхгүйгээр 03 сарын 26- нд шүүх хурал хийгээд шийдвэр гаргасан байдаг юм.
-Алимаа гэдэг эмэгтэй Нямхүүтэй ямар холбоотой юм бэ. Нямхүү тантай танилцуулсан гэхээр бизнесийн холбоотой гэсэн үг үү?
-Анх надтай танилцуулж байхдаа хамаатан садан гэдгээ хэлээгүй. Ажил хэргийн хамтрагчид шиг л байсан. Нямхүү өөрөө ХӨСҮТ-ийн захирал байхдаа Алимаагийн итгэмжлэгдсэн төлөөлөгчөөр ороод дээд шүүхэд гомдол гаргаад явсан. Энэ бүхний дараа нь “Харнууд” овгийн хамаатан садан гэдгийг нь мэдсэн. Дараа нь би Нямхүүтэй очиж уулзсан. “Чи болил доо чамаар хоёр байрны зээл чөлөөлүүлж зөндөө мөнгө өглөө. Би чамд хүн чанар гаргаад нэгдүгээр хорооллын хоёр өрөө байрыг зүгээр орхисон. Яахав 26 сая төгрөг авсан тэрийг чинь ойлгож байна. Би 50 сая болгож өгье” гэж хэлсэн чинь Нямхүү надаас “80 сая төгрөг өг гэхээр би чадахгүй ээ битгий шунаад бай 50 саяыг өгье гэсэн чинь урдаас би шүүгч нарт зөндөө мөнгө зарсан 80 саяыг чадахгүй юм бол 70 сая өг тэр байтугай нэгдүгээр хорооллын байрыг шүүхээр оруулж янзлахад маш их мөнгө оруулсан” гэж надад хэлсэн хүн шүү дээ. Нэгдүгээр хорооллын байрыг янзалсан гэхээр нь би сэжиглээд ордер нь миний нэр дээр байгаа яасан юм бол гэж бодоод очоод шалгасан чинь огт хийгээгүй хуурамч орон сууцны бэлэглэлийн гэрээгээр Нямхүү өөрийнхөө найз Дарьбазарын нэр дээр миний нэгдүгээр хорооллын хоёр өрөө байрыг шилжүүлсэн байсан. Луйварчин гэдгийг нь сүүлд мэдэж байгаа байхгүй. Нямхүү бол луйвар хийдэг.
Эх сурвалж “Сэрүүлэг” сонин
Б.Ганзориг