Интерполоор эрэн сурвалжлагдаж буй Г.Аятунгаа нөхрөө “танихгүй”

2013-02-21

Интерпол буюу Олон улсын эрүүгийн цагдаагийн байгууллага

Монгол улсын иргэдийг эрэн сурвалжилж байгаа. Тодруулбал, 47 настай Батчулууны Солонго, түүний охин 21 настай Тодруулын Аятунгаа нарыг хүүхдийн эсрэг өдүүлсэн гэмт хэрэг, мансууруулах төрлийн бодис худалддаг бүлэглэлийн гишүүн байж болзошгүй хэмээн үзэж буй.

Түүнчлэн тэднийг 40 настай П.Вендо гэгчтэй хамтран нутаг нэгтнээ хүний наймааны золиос болгосон байж болзошгүй хэмээн сэрдэж байгаа. Гэтэл олон улсын хэмжээнд ул үндэстэйгээр эрэн сурвалжилдаг тус байгууллагын сэжигтэн ээж, охин хоёр өдгөө эх орондоо "ил тод" амьдарч байна. Харин өчигдөр Т.Аятунгаа хэвлэлийнхэнд хандаж мэдээлэл хийсэн ч "хувь хүний асуудал, мэдэхгүй" гэх үгсээр бөмбөгдсөөр тодорхой бус мэдээлэл өглөө.

Т.Аятунгаа гэгч хэн бэ

Интерполоор эрэн сурвалжлагдаж буй Б.Солонго бол Т.Аятунгаа гэгчийн эх юм. Харин Т.Аятунгаа нь 1991 оны арваннэгдүгээр сарын 3-ны өдөр төрсөн, Сүхбаатар дүүргийн 11 дүгээр хороолол, VII хорроны иргэн. Тэрбээр 2008 онд Монголын хамгийн анхны супер моделиор өргөмжпөгдөж байжээ. Мөн "Miss Mongolia-2011" тэмцээнд амжилттай оролцож, олон реклам сурталчилгаанд тоглосон байна.

Тэрбээр Чарьлз Эдвард Красни гэгчтэй 2011 оны долдугаар сард танилцаж улмаар дундаасаа нэг охинтой болжээ. Тэд өнгөрсөн оны есдүгээр сард Флиппин улсыг зорьсон бөгөөд тэдэнтэй хамт Б.Солонго ч мөн явжээ. Тус улсад очоод Чарьлз Эдвард, Т.Аятунгаа нар хуримаа хийсэн ч албан ёсоор батлуулаагүй байна. Удалгүй охиныг таван сартай болсон өдөр буюу өнгөрсөн оны арваннэгдүгээр сарын 5-нд охин А.Тэргэлсар нь Т.Аятунгаагийн хэлснээр хулгайлагджээ. Хачирхалтай нь төрсөн эцэг нь охиноо хулгайлан оджээ.

Тэгвэл Чарьлз Эдвард Кранси гэж хэн бэ

Тэрбээр Британийн хамтын нөхөрлөлийн гишүүн орон болох Киттс Нэвис гэх улсын харъяалалтай. Тус улс нь Карибын тэнгисийн зүүн хэсэгт байрладаг бөгөөд дэлхийн баруун хагас дахь хамгийн жижиг улс юм. Газар нутгийн хэмжээ нь 261 км.квадрат бөгөөд 50 мянга гаруй хүн амтай. Гэхдээ Чарьлз Эдвард Краснигийн төрсөн нутаг нь мөн эсэх нь эргэлзээтэй. Учир нь тэрбээр олон улсын иргэншилтэй.

Түүний хууль бус эхнэр Т.Аятунгаа ч гэсэн түүнийг "чухам аль улсаас гаралтай гэдгийг нь сайн мэдэхгүй байна" гэсэн юм. Албан бус эх сурвалжийн мэдээгээр Чарьлз нь хар тамхитай холбогдсон томоохон компанитай гэх бөгөөд Т.Аятунгаа "Тэр талаар мэдэхгүй байна. Хүний бизнестэй холбоотой зүйлийг ярьмааргүй байна" хэмээв. Тэрбээр олон улсын эрүүгийн цагдаагийн Интерпол байгууллагыг нөхрийнхөө гар хөлөөр ажиллаж байгаа гэж дүгнэсэн бололтой.

Учир нь Т.Аятунгаа охиноо "хулгайлагдсан" өдрөөс хойш Филиппин улсын хууль сахиулах байгууллагад ханджээ. Гэтэл ээж охин хоёрын визний хугацаа өнгөрсөн оны арваннэгдүгээр сарын 30-нд дуусгавар болж нутаг буцахаас өөр аргагүй болсон байна. Тиймээс тус улсад суугаа Монголын өргөмжлөлт консулын газар хандаж эх орондоо цагаан хуудсаар иржээ. Учир нь түүний хууль бус нөхөр Филиппинд очсон цагаасаа эхлэн холбоо барих хэрэгсэл, бичиг баримтыг нь хураан авсан байна.

Эх орондоо ирмэгц Т.Аятунгаа хүний эрхийг хамгаалах газарт хандаж, Улсын мөрдөн байцаах газар (УМБГ)-т Чарьлз Эдвард Краснид холбогдуулан гомдол гаргасан байна. Тэдний гомдлын дагуу УМБГ өнгөрсөн сарын 28-наас эрүүгийн хэрэг үүсгэн шалгаж эхэлсэн аж. Харин эл үйл явдал өрнөж байх хугацаанд Интерпол тэднийг эрэн сурвалжилж эхэлсэн байдаг. Гэтэл Т.Аятунгаа "Энэ бол миний хүүхдийн эцгийн хийсэн хэрэг.

Тэр намайг хүүхдээ битгий олоосой гэсэндээ энэ бүхнийг зохион байгуулсан. Филиппинд очиж хүүхдээ хайх замд саад хийж, хилээр нэвтрүүлэхгүйн төлөө энэ бүхнийг үйлдсэн. Монголд байсан бол тэр миний хүүхдийг авч чадахгүй байсан. Харин тэр энэ бүхнийг урьдаас төлөвлөж хүүхдийг минь хулгайлсан" гэв. Түүний хэлснээр үнэхээр гадаадын иргэн Монгол Улсад хүүхэд хулгайлаад хилээр гарч чадахгүй.

Үнэхээр ч зохион байгуулалттай хэрэг байж болно. Түүнийг жирэмсэн байх хугацаанд Чарьлз "Хүүхдээ авна. Хүнд өргүүлнэ" хэмээн удаа дараа хэлж байжээ. Гэсэн ч Т.Аятунгаа "хүн төрсөн хүүхдээ хараад өөр болох байх" гэж бодсоор Филиппин улсад очсон байна.

Эл хэрэгт хэн хэнд буруу өгөх боломжгүй. Жил гаруйн хугацаанд нөхрийнхөө талаар дэндүү бага мэдлэгтэй байсны улмаас олон улсад эрэн сурвалжлагдаж байгаа Т.Аятунгаа, эх орноос нь гаргаж, харьд очоод хаясан нөхрийг Монголын мөрдөн байцаах газар шалгаж байна. Цаашид хэрэг хэрхэж, хэний ирээдүй хөмрөх нь бүрхэг байна. Нөхрөө танихгүй шахуу, олон улсын иргэншилтэй гэхээс өөр ямар ч мэдээлэлгүй атлаа гадаад руу дагаж явсны улмаас эл хэрэг үүссэн гэвэл буруудахгүй. Нэгэнт энэ хэрэгт Интерпол гap дүрсэн учраас цаг хугацааны жамаар "ул үндэс" тодорч эхлэх биз ээ.

Эх сурвалж: “Нийгмийн толь”

Интерполоор эрэн сурвалжлагдаж буй Г.Аятунгаа нөхрөө “танихгүй”
Tweet
Bolod.mn

Сэтгэгдэл (8)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
солиор илийр дэмийр Монголоо бүү муул, согт уйл, инээ хувцаа бүү тайл гэж. янхан хүүхдээ зарсан хэргээр барьж хорих хэрэгтэй.

2013-02-22 | 09:23:54 | 61.50.138.153 |

Зочин
солиор илийр дэмийр Монголоо бүү муул, согт уйл, инээ хувцаа бүү тайл гэж. янхан хүүхдээ зарсан хэргээр барьж хорих хэрэгтэй.

2013-02-22 | 09:23:48 | 61.50.138.153 |

Зочин
охид хуухнуудээ жоохон мунгуний бараа харж инэгж алд дэлэм алдах гэж.битгий их шуналтаж байгаачээ.тэр ээж н гэж яазан алмас вээ ухаан гэж бна уу шуналт хар шулмас чин охиноо багаас н буруу замаар будаа тээлгэж усгусун юм шиг санагдаж бна.тв р харахад хумуужил н нуурэн дэр н бичээстэй бх шиг санагдсан.солонго гэж ямар хумуужилтэй уйлдэлтэй хун бдг юм бол.нэг их олигтой этгээд биш болу тэгээд энэ охин хийсэн бодсон бодлоо дагаад ийм хар тамд унаждээ.унуудрийн учуухэн жаргалаар битгий сохолзоочээ монгол бусгуйчуудээ.этстийн этсэст ур хуухдээ ингэж алж бгаамшдэ

2013-02-22 | 00:29:40 | 182.160.53.125 |

Зочин
гадаадал гэхээр монгол хүүхнүүдийн зандаа малнууд хөгшин залуу гэхгүй дагаж далдагандагийн гайдаа

2013-02-22 | 00:25:08 | 89.177.62.50 |

Зочин
Хэ хэ суугаагүй л байсан юм байна.Монголын миссүүдийг бүгд мэднэ дээ.Аюултай хүмүүс.

2013-02-21 | 21:15:50 | 122.201.18.199 |

Зочин
яг одоо харийнхантай суух гэж б.гаа эсбэл харийн хуний убурт хэвтэж буй хуухнуууд энийг сайн унш тэгээд бод

2013-02-21 | 20:38:43 | 202.179.3.72 |

Зочин
xэн чамайг гадаад xалтартай заваар гэсийн

2013-02-21 | 18:30:09 | 122.254.126.50 |

Зочин
учираа мэдэж гадаадуудийг дагаж салбаганаж бай

2013-02-21 | 13:11:16 | 124.158.92.16 |