Дор бүрнээ л амьдрал ахуйгаа ярилцав. Тэгж байгаад нэгэн санаачилга дээр ихэд инээлдэв. Тэр нь татварын байцаагчийн нууц амраг болох тухай. Нэг их сайндаа ч энэ сэдэв рүү орсон юм биш. Яриа халаад, амьдралын тө-лөө хэрхэн зүтгэж, тэмцэж байгаагаа ярилцаад л тэр. “Бид нар ингэж зүтгээд байхад цаана чинь бас зүгээр сууж байгаад тэрбум, тэрбумаар нь халаасалдаг хүүхнүүд байдаг гэнэ” гэх мэтээр. Гэхдээ бид тэр бүсгүйг азтайд тооцсонгүй. Бас нэг их адтай энэ тэрээр өргөмжилсөнгүй. Зүгээр л “Айдаггүй юм байх даа” гэж өмнөөс нь яс хавтайж байгаагаа ярьж суулаа. Энэ бол амьдралынхаа төлөө шударгаар хөдөлмөрлөж, зүтгэж яваа жирийн л нэг бүсгүйчүүдийн яриа.

Монголчуудын олонх нь ч ингэж бодож байгаа. Эр, эм нь ялгаагүй. Бүгд “Зүтгэж байж сайхан амьдрах юм байна” гээд ардчиллын мөн чанарыг ойлгочихсон учраас тэр шүү дээ.

Гэтэл зарим нэг нь буюу цөөнх нь тийм биш аж. Цөөнх ч гэж төрийн нэрээр даргархаж, түмний мөнгөөр хөлжигчид. Тэд сайхан амьдралд хүрэх арга замыг огт өөрөөр боддог нь та бидэнд өдрөөс өдөрт аажим, аажмаар нотлогдох янзтай. Тэдний нэг нь Татварын ерөнхий газрын Хяналт, шалгалтын хэлтсийн дарга Ч.Гансүх. Түүнийг өдгөө Авлигатай тэмцэх газраас шалгаж байгаа. Гэхдээ ганцааранг нь бус. Тус газрын зарим нэгэн хурган дарга нар дээр нэмээд эхнэр, хүүхдийг нь хамт шалгаж буй. Зөвхөн эхнэр, хүүхэд нь ч бус нууц амрагийг нь хүртэл шүү. Энэ мэдээлэл монголчуудын дунд бөмбөг тэсрэх мэт л шуугиан дэгдээх шиг болсон. “Нууц амрагийнхаа дансанд 1-2 тэрбум төгрөг төвлөрүүлсэн байж. Тэр ч битгий хэл хүү нь нөгөөх нууц амрагийнх нь данс руу дахин таван тэрбум төгрөг шилжүүлэх гэж байгаад баригдаж гэнэ” гээд л. Эдгээр мэдээллийн эх сурвалж нь Авлигатай тэмцэх газар. Ингэхдээ тэд зөвхөн Ч.Гансүх хийгээд түүний нууц амраг О.Бямбасүрэнгээр зогсохгүй нэлээн олон хүнийг нийлүүлж шалгана гэдгээ мэдэгдсэн. Холбогдогчид нь бүгд татварынхан. Татварынхны цаана мэдээж татвар төлөөгчид ч бий гэдэг нь дамжиггүй. Ингээд бодохоор тэр Ч.Гансүх гэх нэг хурган дарга, татварын байцаагч О.Бямбасүрэн нарын ард хэдэн холбогдогч гарч ирэхийг хэлэхэд хэцүү. Одоогийн байдлаар эх сурвалжийн мэдээлж байгаагаар бол Авлигатай тэмцэх газарт 2000 орчим татвар төлөгчтэй холбоотой будилааны цаадхи үнэнийг олж илрүүлэх шаардлага байгаа гэх юм билээ. Тэгэхээр Ч.Гансүхийн гэр бүл хийгээд нууц амраг нь гэгдээд буй О.Бямбасүрэн нарын цаана өнөөдрийн дурсагдаж байгаа 5-6 тэрбум битгий хэл мөнгөний асуудал илэрч мэдэх юм. “Одоогийн барьж хориод байгаа татварынхны цаана урьдчилсан байдлаар 17 орчим тэрбум төгрөгийн хохирол яригдаж байгаа” гэх мэдээлэл ч дээрх хардлагын нотолгоо болно.

Ч.Гансүхийн тухайд Татварын ерөнхий газарт 21 дэхь жилдээ ажиллаж байгаа. Сүүлийн арав орчим жил нь хурган даргын алба хашиж буй. Энэ хугацаанд Татварын ерөнхий газрын дарга 3-4 удаа солигдоход тэр ажилдаа үлдэж чадсаар байсан гэдэг. Тэр ч бүү хэл Хяналт, шалгалтын хэлтэс дарга болсон. Энэ бол Татварын ерөнхий газрын хамгийн онцгой үүрэг бүхий хэлтэс бөгөөд зөвхөн татвар төлөгч төдийгүй татварын байцаагчдын ажлыг шалгаж, хянах үүрэгтэй гэдгээрээ онцлогтой. Энэ эрх, үүргийнхээ хүрээнд тэрбээр зөвхөн нууц амрагийнхаа дансанд гэхэд 1-2 тэрбум төгрөг төвлөрүүлж, улмаар төрсөн хүүгээрээ О.Бямбасүрэнгийн данс руу таван тэрбумыг шилжүүлэх гэж байж. Түүнчлэн Ч.Гансүх нь өмнө нь хадгаламж зээлийн хоршооны шил, шилээ дарсан дампуурлын үеэр хэрэгт сэжиглэгдэн шалгагдаж байсан ч уснаас хуурай гарч чадсан гэх юм билээ. Тэгэхээр түүний ард нэг бус нэлээд хэдэн нууц хадгалагдаж байхыг үгүйсгэх аргагүй юм. Татвар төлөгчдийн материалыг хуурамчаар бүрдүүлж, татвараас чөлөөлнө, хөнгөлнө. Үүнийхээ шанд авлига авч түүнийгээ хадгалахын тулд нууц амрагийнхаа данс руу гуйвуулга хийнэ. Гол нь энэ бүхэн ердөө л эхлэл. Өөр хэр олон татварын байцаагчийн эхнэр, хүүхэд, нууц амраг ийм будилаан будилаанд орооцолдсон байгааг бид мэдэхгүй. Эхнээс нь илрүүлж эхэлбэл тун сайн хэрэг. Хамгийн гол нь татвар төлөгч та бидний мөнгийг тэд ийн хулгайлж байна. Ердөө л татварын байцаагчийн үнэмлэх авсныхаа төлөө, Татварын ерөнхий газрын хурган даргатай гэр бүлийн харилцаа холбоотой болсныхоо төлөө. Тэд өөрөө, өөрсөддөө тэрбум, тэрбумаар нь “тэтгэмж” олгож, та биднийг элэглэн шоолж байна.

Ийм байхад бүсгүйчүүд бид яагаад “Татварын байцаагчийн нууц амраг болцгооё” хэмээн бяцхан наргиа хийж болохгүй гэж. Тэд төрийн дансанд орох ёстой байсан мөнгийг өөрийнхөө данс руу оруулж болдог. Өөрийнхөө данснаас нууц амрагийнхаа хадгаламж руу шилжүүлж чаддаг байхад жирийн иргэд бидэнд ямар эрх байгаа юм бэ. Ердөө л тэдний нуун далдалсан хөрөнгийг бэлтгэж, тэдэнд ханган нийлүүлэгч шиг ажиллах үүрэг л бий юу. Энэ янзаараа татварын байцаагч бүр нууц амрагийнхаа дансанд 5-6 тэрбум төгрөг хулгайгаар хадгалаад байгаа ч юм билүү хэн мэдлээ. Энэ бол иргэн та бидэнд үлдсэн эцсийн хардах эрх. Төрд татвар төлөхгүй байх үндсэн шалтгаан. Нэг ёсны цаашид Авлигатай тэмцэх газар Ч.Гансүх хийгээд түүний хамсаатнуудыг илрүүлж, цаана нь өмгөөлөн хамгаалж, бөөцийлөн тэтгэж байсан ар талыг нь илрүүлэхгүй бол монголчууд бүгдээрээ татвар төлөхөөс татгалзцгаая. Эс бол бүсгүйчүүд нь бүгдээрээ татварын байцаагчийн нууц амраг болж, эр нөхрүүдээ тэтгэцгээе. Шударга ёс гэж байхгүй болчихсон юм бол шударгаар амьдрах гэж чармайх хэрэг юу байна. Бусад хүмүүс ингэж л амьдардгийн бол шүү дээ.

ЖИЧ: Сайн сайханыг бодож ёс суртахуун, шударга ёсноос үл гажигчид олон байгаа гэдэгт итгэе.

Таван тэрбумын үнэтэй нууц амраг
Tweet
Bolod.mn

Сэтгэгдэл (18)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
татварынхан арай дэндэж байна БГД татварын Энхтунг********аг гэж нэг нөхөр хүний гар их хардаг ********даатай байв******** байв******** төрийн дансанд мөнгө байхгүй х тайлан байв******** 200000 төгрөг ту********лгаж байж тайлан авсан 2012-03-р улир********д ямар ч татварын газар очиход ажил ерөөсөө бүтэхгүй нэг л их хууль дүрэм ярьсан хүмүүс хачир дээрээ авилга нэхэж байгаа нь тэр шүү дээ БГД санхүү маш их хүнд сурт********тай тайлан өгөхөөр очиход хагас дутуу юм хэлээд өмнөөс шидчихдэг Ариунааг одоо больвол яасан юм бэ тайлангаа аваад за********анд сууж байсанаа татварын танилууд ирэхэд би завтай гээд өөрөөндөө ороод тайланг нь шууд авдаг

2013-05-10 | 13:17:09 | 122.201.18.54 |

Зочин
ОДОО ТАТБАРИЙНХАН бур ДОРДОНО ОО УАГААД гэбэл СОЛИГДООД ТОМИЛОГДОЖ БГАА ДАРГА НАР НИ бур хэлэхийн АРГАГУЙ ХЭТСҮҮ ху********с очжээ ЦХИНГЭЛТЭЙ ДУУРГИЙН даргаар очсон ХУУХЭН ГЭХЭД НЭГЭН КОМПАНИЙН НЫАГТЛАН ХИЙЖ БАЙХДАА 2 тэрбүмийн татбар ТУЛЭЛГҮЙ татбараас санаатайгаар ЗАЙЛСХИЙСЭН ГЭЭД БОДДОО ТУРИЙН АЛБИЙГ УЛС ТУРИЙН ********ба болгочихлоо ТЭГЭХЭЭР ЭНЭ ойлгомжтой БИЗ дээ ХЭХЭХЭ БАТМАГНАЙ ОРХОН ГЭЭД ХУГИЙН ГАРУУД ...... тсаг ХУГАТСАА ХАРУУЛНАА даргийн АНГИЙНХАН ни МАНДАЖ БГАА ГЭНЭ ЛЭЭ ТАТБАР ТУЛЭХИЙН ********рд******** байхгуй ЭЭ

2013-04-24 | 18:43:37 | 122.201.18.204 |

Зочин
гүтгэдэг нийгэм болждээ хөөрхий дур зоргоороо санасан тоогоо л бичдэг болж гэмгүй нотлогдсон хүмүүсийн нэр төрийг сэргээж худалч гэмт сэтгүүлч нарыг эрүүдэн шүүх хэрэгтэй

2013-02-20 | 15:15:47 | 202.131.238.35 |

Зочин
татварынхан даатгалынхан биднээс татаас хэлбэрээр авсан мөнгөө хайрлахгүи зарж баидаг өөрсдөө том том барилга оффисс тансаг ширээ сандал захиалж сууцаадаг биздээ

2013-02-16 | 12:15:28 | 203.91.117.4 |

Зочин
Бид нар зугээр л нэг ажилчин шоргоолж юмаа даа... Ухтэлээ ажиллаад л татварт байдгаа тушааж уурсдуу урнуус урний хооронд амидарч бхад энэ муу хэдэн лаларууд тэр мунгуур мин хангалуун амидарч бх юмаа нэг мусун татвар гэж угухуу болий

2013-02-16 | 09:35:22 | 202.21.114.10 |

Зочин
Хэ хэ тэр нуутс амраг чин бага ангидаа омдондоо шээдэг дэмий гонзгой хуухэд сн шsh дэ.танилгуй яаү маай аги

2013-02-16 | 03:21:55 | 62.205.64.1 |

Зочин
сайхан юмаа тэр ч овоо унэтэй хуухэн юмаа

2013-02-16 | 00:49:38 | 109.58.50.171 |

Зочин
Арайч дээ өөр хэлэх үг алгааааааааааааа

2013-02-15 | 20:03:56 | 183.177.99.10 |

Зочин
амидралд ни хурдэггүй байх

2013-02-15 | 19:54:37 | 122.201.18.237 |

Зочин
амидралд ни хурдэггүй байх

2013-02-15 | 19:54:33 | 122.201.18.235 |

Зочин
амидралд ни хурдэггүй байх

2013-02-15 | 19:54:33 | 122.201.18.190 |

Зочин
арай дэндүү юм да мглчууд

2013-02-15 | 19:16:02 | 126.48.223.234 |

Зочин
Төрд ажиллах хүмүүсээ үнэн зөв шалгуураар шалгаж яагаад болдоггүй юм бэ гэвэл Их Хурлын гишүүдээ ард бид зөв сонгож чадахгүй байгаагаас эхлэлтэй. Эднээс өөр хүн байхгүй юм шиг намууд нь ч хуйвалдаад, гарч ирсэн хойноо Засгаа байгуулах, албан тушаалд тавихдаа дандаа хувийн сонирхолоо дээдлээд ийм л юм болж байгаа юм даа.

2013-02-15 | 17:49:14 | 182.160.63.134 |

Зочин
ингэж их шунхаар чин ур хуухдийн чин ирээдүйн нийгэм найз нөхөд н ях юм болж бна аа. ухаарч бодож узээч үхэхдээ аүаад үхгүй шүү дээ дуракуудаа

2013-02-15 | 16:57:03 | 175.112.1.9 |

Зочин
оросын тємєр замын барилга хариуцсан орлогч даргыг баривчилжээ.

2013-02-15 | 16:21:44 | 202.72.245.122 |

Зочин
татварин албанийхан гж тсагаан тсамтстай гэмгүй шылаачид

2013-02-15 | 15:21:10 | 5.241.220.15 |

Зочин
арай дэндүү юмаа

2013-02-15 | 12:53:21 | 203.169.49.206 |

Зочин
Аймаар юмаа, зарим нь ч арай л шуналтай юм.

2013-02-15 | 10:08:27 | 202.9.47.130 |