Хятад улсын дарга Хү Жиньтао 2013 оны баярын мэнд дэвшүүлэв

2013-01-02

Эрхэм сонсогчид оо, эрхэм сүлжээ ашиглагчид аа, 2013 оны шинэ жил удахгүй хүрч ирэх гэж байгаа үеэр, 12-р сарын 31-ний

өдөр, Хятад улсын дарга Хү Жиньтао Хятадын Олон Улсын Радио, Хятадын Төв Радио, Хятадын Төв Телевизээр дамжуулан "Сэтгэл санаа нэгтэйгээр дэлхийн энх тайван болон хамтын хөгжлийг ахиулъя" гарчигтай шинэ оны мэндчилгээ дэвшүүлсэн байна. Тэрээр хэлэхдээ:

\Бичлэг: Дарга Хү Жиньтаогийн мэндчилгээ\

Хатагтай, ноёд оо, нөхөд, найз нар аа:

Шинэ оны хонхон дуу удалгүй дуугарч, 2013 оны шинэ жил болох гэж байгаа үеэр, миний бие Хятадын Олон Улсын Радио, Хятадын Төв Радио, Хятадын Төв Телевизээр дамжуулан бүх Хятадын үндэстнүүдийн ард түмэн, Шянганы засаг захиргааны онцгой районы ахан дүүс, Аомэний засаг захиргааны онцгой районы ахан дүүс, Тайваний ахан дүүс нар болон гадаадад байгаа Хятадын цагаачид, Хятад иргэд, дэлхийн улс орнууд болон бүс нутгийн найз нарт шинэ жилийн цогтой халуун мэндийг дэвшүүлж байгаадаа баяртай байна.

2012 он бол Хятад улсын өөрчлөлт нээлт болон орчин үеийн байгуулалтад илт амжилт тогтоосон он жил байж, Хятадын ард түмэн сэтгэл санаа нэгтэйгээр, хүчир бэрхшээлийг даван туулж, Хятад улсын эдийн засаг, нийгмийн хөгжилд тогтвортой байдлын дунд хөгжлийг эрэлхийлсэн нааштай хандлага илэрч, олон салбарын ажил үйлс тал бүрээр ахиж, иргэдийн амьжиргаа тасралтгүй сайжирсан юм. Үүний зэрэгцээ, Хятад улс үргэлжлэн бүх талын дипломат бодлого хэрэгжүүлж, дэлхийн улс орнуудтай солилцоо, хамтын ажиллагаагаа эрчимжүүлж, олон улсын болон бүс нутгийн халуун цэгийн асуудлыг зохицуулахад идэвхтэй оролцон, дэлхийн энх тайван болон хөгжилд шинэ хүчин зүтгэл оруулсан.

2012 он бол Хятад улсын хөгжлийн явц дахь том чухал мөртөө алс хэтийн ач холбогдол бүхий нэг жил болох юм. Саяхан болсон ХКН-ын 18-р хурал болон ХКН-ын 18-р сонгуулийн 1-р бүгд хурлаар чинээлэг нийгмийг бүх талаар байгуулах болон өөрчлөлт нээлтийг гүнзгийрүүлэх аугаа их хөгжлийн төлөвлөгөөг боловсруулж, ХКН-ын Төв хорооны удирдагчид халаа солиогоо биелүүллээ. Эдүгээ, Хятадын үндэстнүүдийн ард түмэн нөхөр Ши Жиньпингээр удирдуулсан ХКН-ын төв хороотой сэтгэл санаа нэгтэйгээр чинээлэг нийгмийг бүх талаар байгуулахын төлөө цуцалтгүй тэмцэж буй.

2013 онд, Хятадын засгийн газар болон ард түмэн Хятадын онцлогтой социализмын далбааг өндөрт мандуулан, шинжлэх ухаанч хөгжлөөр гол сэдэв болгон, эдийн засгийн хөгжлийн арга хэлбэрийг өөрчлөхийг гол шугам болгож, үргэлжлэн тогтвортойгоор хөгжлийг эрэлхийлэх ажлын үндсэн чанараа хадгалж, өөрчлөлт нээлт болон социалист орчин үеийн байгуулалтыг тал бүрээр ахиулж, ХКН-ын 18-р хурлаар тогтоосон зорилтуудыг биелүүлэх эхний гарааг сайтар тавихаар чармайн ажиллах болно. Түүнчлэн бид "Нэг улс хоёр систем", "Шянганчууд Шянганаа удирдах", "Аомэньчүүд Аомэниэ удирдах", дээд хэмжээнд өөртөө засах чиглэлийг хэлбэрэлтгүй баримталж, солилцоо болон хамтын ажиллагаагаа гүнзгийрүүлэн, Шянган, Аомэний урт удаан тогтвортой байж хөгжин цэцэглэхийг ахиулна. Бид мөн Тайваний хоолойн хоёр эргийн харилцааны энх тайван хөгжлийг үргэлжлэн ахиулж, хоёр эргийн ахан дүүс нарт аз жаргал эдлүүлж, Хятадын үндэстний язгуур ашиг сонирхлыг хамгаалах болно.

Өнөө, олон улсын нөхцөл байдалд гүнзгий мөртөө ээдрээ будлиантай өөрчлөлт гарч байна. Энх тайван, хөгжил цэцэглэл, хамтын ажиллагаа, хамтаар хожих бол дэлхийн нийт ард түмний хамтын хүсэл эрмэлзэл байж, улс орнуудын харилцан түшилцэн орших нь ирэх тусмаа нягт болж байна. Үүний зэрэгцээ, олон улсын банк санхүүгийн хямралын нөлөө мөн л үргэлжилж, дэлхийн эдийн засаг дор хурдтай хөгжиж, хэсэг улс орон болон бүс нутагт үймээн донсолгоо гарч, даян дэлхий тайван бус байна.

Хүн төрөлхтөнд нэг л дэлхийн бөмбөрцөгтэй, улс орнууд нэг л гараг дээр зэрэгцэн оршиж буй. Дэлхийн энх тайван болон хөгжил цэцэглэлт нь дэлхийн нийт ард түмний хамтын хүчин чармайлтыг шаардана. Хятадын ард түмэн бол дэлхийн энх тайван болон хөгжил цэцэглэлтийг ахиулах үүрдийн эрс гуйвшгүй хүчин байж, олон улсын байдал хэрхэн өөрчлөгдсөн ч, Хятадын ард түмэн энх тайванч хөгжлийн замналаа өөрчлөхгүй. Хятад улс өнгөрсөнтэйгөө нэгэн адилаар энх тайвнаар зэрэгцэн орших таван зарчмын дагуу, дэлхийн улс орнуудтай найрсаг хамтын ажиллагаа өрнүүлж, энхийн аргаар олон улсын болон бүс нутгийн халуун цэгийн асуудлыг зохицуулахыг идэвхтэй дэмжиж, олон улсын эдийн засгийн эрчтэй бөгөөд тогтвортой, тэнцвэртэй хөгжихийг ахиулахаар чармайн, том гүрний үүрэг хариуцлагаа ухамсраасаа гүйцэтгэх болно.

Дэлхийн олон орны ард түмний хүсэл эрмэлзлийг мөрдөж, дэлхийн хөгжлийн гол урсгалыг дагаж, хамтаар чармайдаг л юм бол дэлхийн энх тайван болон хөгжил цэцэглэлтийн аугаа их үйлсийг тасралтгүй ахиулан, дэлхийн ард түмэнд нэн их аз буян эдлүүлж чадна гэдэгт миний бие бат итгэж байна.

Энд би Бээжин хотоос та бүхэнд шинэ оны цогтой халуун мэндийг хүндэтгэн дэвшүүлж, аз жаргал, сайн сайхан бүхнийг хүсэн ерөөж байна гэжээ.

Эрхэм сонсогчид оо, эрхэм сүлжээ ашиглагчид аа, сая та бүхэн Хятад улсын дарга Хү Жиньтаогийн "Сэтгэл санаа нэгтэйгээр дэлхийн энх тайван болон хамтын хөгжлийг ахиулъя" гарчигтай шинэ оны мэндчилгээг хүлээн авч сонслоо, анхаарал хандуулсанд баярлалаа.

\Д.Х орчуулав\

china radio