оны мөн үеийнхээс амаржсан эхийн тоо 3660 эхээр, хүүхдийн тоо 3708 хүүхдээр буюу 5.7 хувиар тус тус нэмэгдсэн байна.
Улсын хэмжээгээр энэ оны эхний 11 сард нялхсын эндэгдэл 1029 болж, өмнөх оны мөн үеийнхээс 26 хүүхэд буюу 2.5 хувиар буурч, 1-5 хүртэлх насандаа 230 хүүхэд эндэж, өмнөх оны мөн үеийн түвшинд байна.
Бүртгэлтэй ажилгүй иргэдийн тоо 2012 оны 11 дүгээр сарын эцэст 40.3 мянга болж, өмнөх оны мөн үеийнхээс 22.4 мян.хүнээр буюу 35.7 хувиар буурчээ.
Нийгмийн даатгалд 2012 оны эхний 11 сард 711.6 мян.хүн шимтгэл төлөгч, даатгуулагчаар бүртгэгдсэний 484.7 мянга буюу 68.1 хувь нь аж ахуйн нэгж байгууллагынх, 226.9 мянга буюу 31.9 хувь нь төсөвт байгууллагынх байгаа бөгөөд өмнөх оны мөн үеийнхээс нийт шимтгэл төлөгч, даатгуулагчдын тоо 82.1 мянга буюу 13.0 хувь, үүнээс аж ахуйн нэгж, байгууллагынх 73.0 мянга буюу 17.7 хувь, төсөвт байгууллагынх 9.0 мянга буюу 4.1 хувиар нэмэгджээ.
Нийгмийн халамжийн тэтгэвэрт 2012 оны эхний 11 сард 60.7 мян.хүн хамрагдсан нь өмнөх оны мөн үеийнхээс 3.8 мян.хүн буюу 6.8 хувь, олгосон тэтгэврийн хэмжээ 27.2 тэрбум төг буюу 84.4 хувиар нэмэгджээ...
Өмнөх оны мөн үеийнхтэй харьцуулахад 2012 оны эхний 11 сард вирүст хепатитаар өвчлөгчдийн тоо 6228 хүн буюу 49.4 хувь, салхин цэцгээр 358 хүн буюу 12.7 хувь, цусан суулгаар 79 хүн буюу 3.9 хувь, сүрьеэгээр өвчлөгчдийн тоо 68 хүн буюу 1.8 хувиар буурсан хэдий ч халдварт өвчнөөр өвчлөгчдийн нийт тоо 39301 болж, 873 хүн буюу 2.3 хувиар нэмэгдсэн нь гахайн хавдраар өвчлөгчдийн тоо 7408 хүн буюу 9.3 дахин, тэмбүүгээр өвчлөгчдийн тоо 466 хүн буюу 11.8 хувиар өссөнөөс голлон шалтгаалав.
Улсын хэмжээнд 2012 оны эхний 11 сарын байдлаар 20133 гэмт хэрэг бүртгэгдсэн нь өмнөх оны мөн үеийнхээс 2542 хэргээр буюу 14.5 хувиар өсчээ. Өмнөх оны мөн үеийнхээс нийт гэмт хэргийн тоо нэмэгдэхэд өмчлөх эрхийн эсрэг гэмт хэрэг (1622), хүний амь бие, эрүүл мэндийн эсрэг (515), байгаль хамгаалах журмын эсрэг (148) тээврийн хэрэгслийн хөдөлгөөний аюулгүй байдал, ашиглалтын журмын эсрэг (140) зэрэг гэмт хэрэг өссөн нь голлон нөлөөлөв.
Бүртгэгдсэн гэмт хэргийн улмаас 7628 хүн гэмтэж, 852 хүн нас барсан нь өмнөх оны мөн үеийнхээс гэмтсэн хүний тоо 334 буюу 4.6 хувиар өсч, нас барсан хүний тоо 19 буюу 2.2 хувиар буурсан байна.

                                                                II. Макро эдийн засгийн үзүүлэлт
Хэрэглээний үнийн улсын индекс (ХҮУИ) 2012 оны 11 дүгээр сард өмнөх сарынхаас 0.2 хувь, оны эхнээс 13.1 хувь, өмнөх оны мөн үеийнхээс 14.4 хувиар өслөө.
Ерөнхий индекс өмнөх сарынхаас өсөхөд хувцас, бөс бараа, гутлын бүлгийн үнэ дүнгээрээ 1.5 хувиар өссөн нь голлон нөлөөлжээ.
Mөнгөний нийлүүлэлт (M2) 2012 оны 11 дүгээр сарын эцэст 7033.2 тэрбум төг болж, өмнөх сарынхаас 99.4 тэрбум төг буюу 1.4 хувиар буурч, өмнөх оны мөн үеийнхээс 920.0 тэрбум төг буюу 15.0 хувиар өсчээ.
Гүйлгээнд байгаа бэлэн мөнгө 2012 оны 11 дүгээр сарын эцэст 722.1 тэрбум төг болж, өмнөх сарынхаас 4.5 тэрбум төг буюу 0.6 хувь, өмнөх оны мөн үеийнхээс 43.2 тэрбум төг буюу 6.4 хувиар өсчээ.
Аж ахуйн нэгж, байгууллага, иргэдэд олгосон нийт зээлийн өрийн үлдэгдэл 2012 оны 11 дүгээр сарын эцэст 6867.8 тэрбум төг болж, өмнөх сарынхаас 12.4 тэрбум төг буюу 0.2 хувь, өмнөх оны мөн үеийнхээс 1429.0 тэрбум төг буюу 26.3 хувиар өсчээ.
Хугацаа хэтэрсэн зээлийн өрийн үлдэгдэл 2012 оны 11 дүгээр сарын эцэст 147.7 тэрбум төг болж, өмнөх сарынхаас 15.2 тэрбум төг буюу 11.5 хувь, өмнөх оны мөн үеийнхээс 76.2 тэрбум төг буюу 2.1 дахин өсчээ.
Банкны системийн хэмжээгээр чанаргүй зээл 2012 оны 11 дүгээр сарын эцэст 298.5 тэрбум төг болж, өмнөх сарынхаас 7.7 тэрбум төг буюу 2.5 хувь, өмнөх оны мөн үеийнхээс 44.7 тэрбум төг буюу 13.0 хувиар буурсан байна.
Үнэт цаасны арилжаа 2012 оны 11 дүгээр сард 20 өдөр явагдаж, 424.3 сая төгрөгийн гүйлгээ хийгдэж, 785.0 мян.ш үнэт цаас арилжигдсан байна.
Улсын нэгдсэн төсвийн тэнцвэржүүлсэн орлого ба тусламжийн нийт хэмжээ 2012 оны эхний 11 сард 4322.0 тэрбум төг, зарлага ба эргэж төлөгдөх цэвэр зээлийн нийт хэмжээ 5028.8 тэрбум төг болж, улсын нэгдсэн төсвийн тэнцвэржүүлсэн тэнцэл 706.7 тэрбум төгрөгийн алдагдалтай гарлаа.
Нэгдсэн төсвийн урсгал орлого 2012 оны эхний 11 сард 4283.4 тэрбум төг, урсгал зардал 3828.8 тэрбум төг болж тэнцвэржүүлсэн урсгал тэнцэл 454.6 тэрбум төгрөгийн ашигтай гарав.
Татварын нийт орлого өмнөх оны мөн үеийнхээс 536.7 тэрбум төг буюу 16.3 хувиар нэмэгдэхэд нийгмийн даатгалын шимтгэлийн орлого 214.4 тэрбум төг буюу 54.8 хувь, дотоодын бараа, үйлчилгээний татварын орлого 188.2 тэрбум төг буюу 14.7 хувь, бусад татварын орлого 94.8 хувь буюу 16.6 хувь, орлогын албан татварын орлого 30.9 тэрбум төг буюу 4.2 хувиар өссөн нь голлон нөлөөлжээ.
Татварын бус орлого өмнөх оны мөн үеийнхээс 41.5 тэрбум төг буюу 10.2 хувиар нэмэгдэхэд төсөвт газрын өөрийн орлого 6.2 тэрбум төг буюу 3.5 хувь, хувьцааны ногдол ашгийн орлого 2.6 тэрбум төг буюу 6.4 хувиар буурсан хэдий ч газрын тосны орлого 23.6 тэрбум төг буюу 38.3 хувь, хүү, торгуулийн орлого 17.1 тэрбум төг буюу 42.8 хувь, бусад нэр заагдаагүй орлого 6.8 тэрбум төг буюу 15.8 хувь, навигацын орлого 2.1 тэрбум төг буюу 5.4 хувиар өссөн нь голлон нөлөөлжээ.
Улсын нэгдсэн төсвийн зарлага ба эргэж төлөгдөх цэвэр зээлийн нийт хэмжээ 2012 оны эхний 11 сард 5028.8 тэрбум төг болж, өмнөх оны мөн үеийнхээс 1215.5 тэрбум төг буюу 31.9 хувиар нэмэгдсэн нь эргэж төлөгдөх цэвэр зээл 243.1 тэрбум төг буюу 84.5 хувиар буурсан хэдий ч бараа, үйлчилгээний зардал 532.1 тэрбум төг буюу 42.3 хувь, татаас ба шилжүүлгийн зардал 445.0 тэрбум төг буюу 30.0 хувь, хөрөнгийн зардал 406.3 тэрбум төг буюу 54.3 хувь, зээлийн үйлчилгээний төлбөрийн зардал 75.2 тэрбум төг буюу 3.2 дахин өссөнөөс шалтгаалжээ.
Хөрөнгийн зардалд 2012 оны эхний 11 сард 1155.3 тэрбум төг зарцуулсан нь өмнөх оны мөн үеийнхээс 406.3 тэрбум төг буюу 54.3 хувиар нэмэгджээ. Энэ нь өмнөх оны мөн үеийнхээс дотоодын эх үүсвэрээс зарцуулсан хөрөнгийн зардал 398.3 тэрбум төг буюу 56.7 хувь, гадаад эх үүсвэрээс зарцуулсан хөрөнгийн зардал 8.1 тэрбум төг буюу 17.4 хувиар өссөнөөс шалтгаалсан байна.
Монгол Улс 2012 оны эхний 11 сард дэлхийн 137 оронтой худалдаа хийж, гадаад худалдааны нийт бараа эргэлт 10298.9 сая ам.долл, үүнээс экспорт 4029.9 сая ам.долл, импорт 6269.1 сая ам.долларт хүрчээ.
Гадаад худалдааны тэнцэл 2012 оны эхний 11 сард 2239.2 сая ам.долларын алдагдалтай гарч, өмнөх оны мөн үеийнхээс 534.5 сая ам.долл буюу 31.4 хувиар өсчээ. Үүнд импортын өмнөх оны мөн үеийнхээс өссөн өсөлт экспортынхоос 10.6 пунктээр илүү байгаа нь нөлөөлсөн байна.
Нийт бараа эргэлтийн хэмжээ 69.1 сая ам.долл буюу 0.7 хувь, импортын хэмжээ 301.8 сая ам.долл буюу 5.1 хувиар өсч, экспортын хэмжээ 232.7 сая ам.долл буюу 5.5 хувиар буурчээ.
Экспортын 98.1 хувийг эрдэс бүтээгдэхүүн, үнэт ба хагас үнэт чулуу, үнэт металл, гоёлын зүйлс, зоос, түүхий болон боловсруулсан арьс, шир, ангийн үс, тэдгээрээр хийсэн эдлэл, нэхмэл бүтээгдэхүүн эзэлж байна.

                                                                III. Эдийн засгийн салбарын үзүүлэлт
Аж үйлдвэрийн салбарын бүтээгдэхүүний нийт үйлдвэрлэл 2005 оны зэрэгцүүлэх үнээр 2012 оны эхний 11 сард 1996.9 тэрбум төг болж, өмнөх оны мөн үеийнхээс 134.2 тэрбум төг буюу 7.2 хувиар өслөө. Энэхүү өсөлтөд 35 хувийн агуулгад шилжүүлснээр зэсийн баяжмал, молибдений баяжмал, металл агуулгаараа, алт, цайрын баяжмал, хайлуур жоншны баяжмал, төмрийн хүдэр, газрын тос зэрэг уул уурхай, олборлох аж үйлдвэрийн салбарын гол нэр төрлийн бүтээгдэхүүний үйлдвэрлэл 0.3-44.6 хувь; хиаман төрлийн бүтээгдэхүүн, нарийн боов, сүлжмэл эдлэл, зүсмэл материал, архи, металл цувимал, талх, гурил, хивс, цэвэр ус, малын тэжээл, цахилгааны утас, металл бэлдэц, шар айраг, шингэн сүү, бетон зуурмаг, шахмал түлш, шавардлагын зуурмаг, бетон дэр зэрэг боловсруулах аж үйлдвэрийн салбарын үндсэн нэр төрлийн бүтээгдэхүүний үйлдвэрлэл 2.6 хувиас 4.4 дахин нэмэгдсэн нь голлон нөлөөлжээ.
Төмөр замын тээврээр 2012 оны эхний 11 сард 18719.3 мян.т ачаа тээж, давхардсан тоогоор 3702.6 мян.зорчигч зорчсон нь өмнөх оны мөн үеийнхээс тээсэн ачаа 1996.2 мян.т буюу 11.9 хувь, зорчигчдын тоо 158.4 мян.хүн буюу 4.5 хувиар өсчээ. Тээсэн ачаа, зорчигчдын тоо өссөнөөр төмөр замын тээврийн салбарын орлого 2012 оны эхний 11 сард 384.3 тэрбум төг болж, өмнөх оны мөн үеийнхээс 31.7 тэрбум төг буюу 9.0 хувиар өсчээ.
Агаарын тээврээр 2012 оны эхний 11 сард 3677.0 т ачаа тээж, давхардсан тоогоор 713.5 мян.зорчигч зорчсон нь өмнөх оны мөн үеийнхээс тээсэн ачаа 1096.4 т буюу 42.5 хувь, зорчигчдын тоо 188.3 мян.хүн буюу 35.8 хувиар өсчээ. Тээсэн ачаа, зорчигчдын тоо өссөнөөр агаарын тээврийн салбарын орлого 2012 оны эхний 11 сард 183.3 тэрбум төг болж, өмнөх оны мөн үеийнхээс 31.8 тэрбум төг буюу 21.0 хувиар нэмэгдэв.
Аюулт үзэгдэл, осол 2012 оны эхний 11 сард 3776 удаа гарсны улмаас 226 хүн амь насаа алдаж, 12.3 мянган толгой мал, амьтан хорогджээ. Энэ оны эхний 11 сард объектын түймэр 3258 удаа, ой, хээрийн түймэр 229 удаа, гол, нуурын усанд хүн унасан осол 102 удаа, аадар бороо, үерийн үзэгдэл 34 удаа, мал, амьтны халдварт галзуу өвчин 32 удаа, бичил уурхай, нурангины осол 26 удаа, хүчтэй салхи, шуурга 22 удаа,    аянгын үзэгдэл 16 удаа, малын халдварт боом өвчин 14 удаа, 3.5-аас дээш магнитудын газар хөдлөлт 13 удаа, химийн хорт бодисын алдагдалтай холбоотой ослын дуудлага 11 удаа бүртгэгджээ. Аюулт үзэгдэл, ослын улмаас 91.9 тэрбум төгрөгийн хохирол учирсан байна.
Өмнөх оны мөн үеийнхээс аюулт үзэгдэл, ослын тохиолдол 508-аар, амь насаа алдсан хүний тоо 24-өөр нэмэгдэв.
Ус, цаг уурын хүрээлэнгийн мэдээгээр хамгийн их хур тунадас 2012 оны 11 дүгээр сард Увс аймгийн Малчин суманд орж 36.6 мм-т хүрчээ. Энэ оны 11 дүгээр сард Баянхонгор аймгийн Жинст суманд хамгийн их температур 16.0 хэм, Төв аймгийн Бүрэн сум, Улаанбаатар хотын Багануур дүүрэгт хамгийн бага температур -30.0 хэм байлаа. Салхины хурд Баян-Өлгий аймгийн Өлгий суманд 27 м/с хүрчээ.
Азотын давхар ислийн хоногийн дундаж агууламж 2012 оны 11 дүгээр сард Улаанбаатар хотын 13-р хороолол орчимд 30 удаа, Хархорин захын орчимд 26 удаа, 32-ын тойрог орчимд 22 удаа, Баруун дөрвөн замын орчимд 21 удаа, Офицеруудын ордон орчимд 3 удаа,   1-р хороолол орчимд 2 удаа, хүхэрлэг хийн хоногийн дундаж агууламж 13-р хороолол орчимд 25 удаа, 32-ын тойрог орчимд 24 удаа, 1-р хороолол орчимд 22 удаа, Офицеруудын ордон орчимд 20 удаа, Баруун дөрвөн замын орчимд 12 удаа, Хархорин захын орчимд 4 удаа 10 микроноос бага хэмжээтэй тоосны агууламж 13-р хороолол орчимд 27 удаа, Хархорин захын орчимд 26 удаа, 32-ын тойрог орчимд 20 удаа, Баруун дөрвөн замын орчимд 19 удаа, 2.5 микроноос бага хэмжээтэй тоосны агууламж Баруун дөрвөн замын орчимд 18 удаа агаарын чанарын стандарт дах хүлцэх хэм хэмжээнээс тус тус давсан байна.