-Манай намыг хамтарсан Засгийн газраас гараасай гэж хүссэн хүн цөөнгүй байгаа байх. Гэхдээ нөхцөл байдал өдөр, цагаар өөрчлөгдөж байна. Ийм мэдэгдэл хийж байхад ямар байдалтай байсныг та бүхэн мэдэж байгаа байх. Нам гэдэг хамт олны нэгдмэл организм. Олонх нь шударга бус байгаад бухимдалтай байсан учир тийм мэдэгдэл гаргаж байсан. Хэрэв энэ явдлыг таслан зогсоохгүй бол бид засгаас гарахаас өөр арга алга гэсэн.

Гэхдээ гарна гэж хэлсэн нь эцсийн шийдвэр болохгүй. Эвслийн Удирдах зөвлөл асуудлыг шийдэх ёстой шүү дээ. Энэ талаар Удирдах зөвлөл хуралдаагүй байна. Хоёрдугаарт, өнгөрсөн хугацаанд байдал өөрчлөгдлөө. Улсын дээд шүүхийн хяналтын шатны шүүхийн шийдвэр гарч, хэдийгээр манай даргад ял оноосон ч яллаж байсан дөрвөн зүйл заалтынх нь хоёрыг хүчингүй болгосон.

Дээд шүүх үнэн зөв шударга ёсны төлөө алхам хийлээ. Тиймээс бвд энэ байддыг харж байгаа. Байдал зөв тал руугаа явж байна. Дээд шүүхийн шийдвэрт бид
талархаж байгаа. Удахгүй бид Дээд шүүхийн зөвлөлд хандана. Энэ хугацаанд хууль хяналтын байгууллагынхан шударга үнэний талд шшщвэрээ гаргана гэдэгт итгэж байна. Энэ бүхнийг хүлээх ёстой.

-УИХ-д танай эвслийн 11 дэх суудал хоосон байсаа^ л байна. Ц.Оюунбаатарыг
яагаад тангараг өргүүлэхгүй байгаа юм бэ?

-Тангараг өргүүлж болно. Гэхдээ бид асуудалд зарчимтай хандаж байгаа. Сонгуульд оролцсон нэрсийн жагсаалтын дагуу явах ёстой. Нэрсийн жагсаалтынхаа дарааллаар тоолбол Э.Батшугар УИХ-ын гишүүн болох ёстой байсан.

Түр үнэмлэхээ ч авсан. Гэтэл түүнийг цэргийн алба хаагаагүй гээд түр үнэмлэхийг нь хураасан. Үүний дараа Батлан хамгаалах яамнаас Э.Батшугар цэргийн үүрэгтэн юм байна. Ямар нэгэн зөрчил алга гэсэн. Тиймээс бид СЕХ-нд хандаад байгаа. Энэ маргаантай асуудал шийдэгдээгүй байгаа учраас бид 11 дэх хүнийхээ нэрийг УИХ-д оруулж чадахгүй байна.

-СЕХ-ноос Ц.Оюунбаатарыг УИХ-ын гишүүний тангараг өргөх боломжтой гэдгээ илэрхийлсэн шүү дээ.

-Энэ шударга шийдвэр мөн үү. Яагаад ийм шийдвэр гаргаснаа бидэнд тайлбарлах ёстой. СЕХ- ноос ирэх хариуг бид хүлээж байна. Аливаа юманд учир, суманд гичир бий.

-Ч.Улаан, Н.Батбаяр хоёр гадаад руу яваад Монголыг барьцаалчихаад ирлээ. Монголчууд үеийн үед төлөөд баршгүй их өртэй боллоо гэх нь ч байна. Энэ бүхэнд та албан ёсны хариулт өгөхгүй юу?

-Бид хоёр Монголыг барьцаалчихаад ирсэн юм ерөөсөө байхгүй. Зөвхөн УИХ-ын шийдвэрийн хэрэгжилтийг зохион байгуулж яваад ирсэн. УИХ-аар хэлэлцээд таван тэрбум ам.долларын бонд гаргахыг зөвшөөрсөн хууль гаргасан. Төрийн бодлогын дагуу түүний хэрэгжилтийг зохион байгуулаад ирлээ. Эдийн засгийн үүднээс нь авч үзвэл энэ мөнгийг боддогогүй, зохицуулалтгүй, дураараа тараавал Монгол Улс барьцаанд байтугай том өрөнд орно.

Харин үүнийг үр дүнтэй зөв ашиглаад явбал эдийн засгийн хөгжлөө асар хурдацтай түргэтгэх боломжтой болох юм. Тиймээс үр ашигтай төслүүдээ сонгож хурдан хугацаанд ажиллах ёстой. Монголчууд нэгэнт дэлхийн зах зээл дээр гарч ирж байгаа болохоор бид дэлхийн санхүүгийн системд хариуцлага хүлээх үүрэгтэй. Энэ нь нэгдүгээрт, засаг төр нь тогтвортой ажиллах, хоёрдугаарт, бодлогоо тууштай хэрэгжүүлэх юм.

Өөрөөр хэлбэл, Эдийн засгийн, Төрийн мөнгөний болон Төсвийн тогтвортой байддын тухай хуулиа ягштал биелүүлэх үүрэгтэй. Үүнийхээ төлөө л Монголчууд хариуцпага хүлээж байгаа юм. Хариуцлага хүлээх, бодлого зохицуулалтаас айдаг ийм байж хэрхэвч таарахгүй. Үүнийг дагаад зарим нэг нь санаанд орсноо ярьж, хийж болохгүй. Монгол Улс хариуцлагатай улс болох ёстой. Тэгэхгүйгээр явцуу улс төрийн эрх ашиг бодоод байж хэрхэвч болохгүй.

-Засгийн газар эхний ээлжинд таван тэрбум ам.доллар арилжаалахаар болсон. Үлдсэн бондыг хэзээ арилжаалах вэ?

-Эхний төслүүдийн хэрэгжилтийн явцаас хамаарна. Нөгөөтэйгүүр тодорхойлсон бодлого маань хэр хэрэгжиж байгааг бид эргээд хөрөнгө оруулагчдадаа тайлбарлах ёстой. Бүгдээрээ эзэнтэй мөнгө шүү дээ. Хөрөнгө оруулж байгаа эзэд нь энэ ажлын явц, үр ашиг нь ямар байгаа эсэх, анхны гэрээ хэлэлцээр яаж хийгдэж байсныг хянах юм. Тиймээс тодорхой хугацааны дараа дараагийн үе шат хэрэгжинэ.

Хэрэв бид сайн ашиглачихвал цаашдын хөрөнгө мөнгөний тал дээр асуудалгүй шийдвэрлэгдэх байх. Үнэ өртөг нь ч хямдарч, илүү үр дүнтэй болно. Харин энэ боломжоо сайн ашиглаж чадахгүй алдвал бид дахиад дэлхийн санхүүгийн зах зээл дээр гарах нүүргүй болно. Тэр хэрээр өртөг зардал нь ч өсч, итгэл найдвараа алдах сөрөг талтай.

Энэ утгаараа Монголчуудын хариуцлага өндөржиж байгаа юм. Түүнээс биш УИХ дээр хэн нэг нь үг хэлснээс болохгүй. Ажлаахийх гээд зүтгээд байгаа хүнийг хэн ч боль гээгүй. Ажил хийхгүй байгааг нь харин ажлаа хий хэмээн шаардах ёстой гэж байгаа юм.

-Хөгжлийн банкны данс хоосорсон гэх яриа байна. Энэ үнэн үү?

-Хөгжлийн банк дансандаа мөнгөгүй болно гэж хэзээ ч байхгүй. Бас л аливааг өнгөцхөн харж ярьж байгаа хүмүүсийн үйлдэл. Хэрэв бүх мөнгөө хүнд өгчихсөн байвал сайн л байна шүү дээ. Банкны мөнгийгхүн ашиглаад буцаагаад өгөхөөр хүү төлж, өснө. Гэхдээ бүгдийг тэгж тарааж болохгүй л дээ. Бүх зүйл үе шаттай хэрэгжих ёстой. Мөнгөө гадагш нь гаргахгүй байлгаад байвал ямар ч ашиггүй. Тиймээс богино хугацаанд гаргаж өсгөснөөрөө эдийн засгийг тогтворжуулдаг юм шүү дээ.

Эх сурвалж: “Улаанбаатар Таймс”