Энэ ордныхонд өөрийн гэсэн толгой хоргодох орон байр байвал том жижиг бас тохь тух нь огт хамаагүй. Тэд ганцаараа тааваараа байхыг юу юунаас илүүд үздэг. Хэрэв том байшинтай болох боломж олдвол загварыг нь аль болох стандарт бишээр сэтгэнэ. Энгийн биш байх тусмаа тэдэнд таалагдана. Ядаж л гадна өнгө нь, эсвэл дээвэр нь ч юм уу бусдаас онцгой, тод байх ёстой гэж үздэг. Гэрийнхээ ханан дээр зураг зурж, элдэв зүйлээр гоёж чимэх дуртай. Хониныхон эцэг эхийн гэрт өтлөх хүсэлгүй. Түүнээс гадна хүн олонтой хот газар бараадахыг илүүд үзнэ. Мөн байр сууцаа байн байн сольж амьдрах орчноо өөрчилж байх хүсэлтэй.

Үхэр: Тэд бусдын гэрт хэзээ ч аз жаргалтай, амгалан тайван байж чаддаггүй. Байшингаа харин хотын зах руу, чимээ анир багатай газарт барих дуртай. Гэхдээ байшин нь том бас тохилог байх ёстой. Хэрэв хуучин байшин авах бол тэд хана нь хэр зузаан бэ, цонхны тавцан нь өргөн үү гэхчилэн олон зүйлийг нь анхааралтай ажиглана. Өөрөө барих бол модон материалыг л сонгоно, хэлбэр загварын хувьд жаахан хуучинсаг байхдаа зүгээр. Мөн тавилгаа модоор хийснийг сонгодог. Бас өмч хөрөнгөтэй болохын тул бие хайргүй зүтгэх бөгөөд өөрийн гэсэн эд зүйлийг өөрийн гараар урлахыг илүүд үздэг зантай.

ИХЭР: Энэ ордонд төрсөн хүмүүс шинэ байшин авах бол хамгийн түрүүнд тагтыг нь хардаг. Тэдэнд тагт, үүдний саруулхан талбай, эсвэл дээвэр дээрээ нарлах тохьтой хэсэг байвал илүү таалагдана. Агаарт байх дуртай учраас тэнгэр нэвт харагдах шилэн дээвэртэй байшингаас хэзээ ч татгалзахгүй. Гэрээ тохижуулахдаа элдэв хээ хуар, зураг хөрөгт ач холбогдол өгнө. Бас тавилгаа байн байн өөрчилж, ханын цаас, хөшиг зэргээ ч жил бүр сольж байх ёстой гэж үздэг нь тэдний уйдамтгай зангаас үүдэлтэй.

Мэлхий: Гэрт нь гэр бүлийн үүх түүхтэй холбоотой ямар нэг эд хогшил заавал байх ёстой гэж үздэг. Өвөг дээдсийнхээ тухай дурсамжаас тэд эрч хүч авдаг гэдэгт итгэдэг. Тиймээс эмээ өвөөгийн ч юм уу, хуучин мебелийг хэзээ ч гаргаж хаяхгүй. Хувийн байшин барихаар шийдсэн бол хуучны сонгодог хэв загварыг чухалчилна. Зочны өрөө нь дугуй танхимтай, ажлын өрөө рүүгээ нууц хаалгаар ордог ч юм уу бусдаас өвөрмөц байвал илүү таалагдана. Тэд бас бусдын өгсөн бэлгэнд ач холбогдол өгдөг бөгөөд тэдгээрийг гэртээ тавьж бусдад гайхуулах дуртай.

АРСЛАН: Энэ ордныхон хэзээ ч бөгс эргэх зайгүй жижигхэн байранд насыг барна гэж боддоггүй. Нийтийн байранд амьдрах боллоо ч тасалгаа нь том байна уу гэдгийг түрүүлж хардаг. Тэд тавилга сонгохдоо ч сүүлийн үеийн загвартайг нь түрүүлж анзаарах бөгөөд ганган дэгжин чимэглэлд тун дуртай. Зөөлөн сахлаг үстэй хивс дэвсгэрт үнэ хайрладаггүй арслангийнханд алтлаг шаргал өнгийн эд зүйлээр гэрээ чимэх таалагддаг. Түүнээс гадна олны танил томчуудтай авахуулсан зураг хөргөөрөө гайхуулах дуртай. Арслангийнхны гэрт хэн нь эзэн бэ гэдэг хэн ч харсан тодорхой байдаг.

Охин: Охины ордныхонд саруулхан, хэрэгтэй бүгд нь гар доор байхаар гал тогоо таалагддаг. Тийм болохоор жижигхэн орон сууцанд тохьгүй гал зуухтай бол энэ ордныхон өөрсдийгөө тун ч аз жаргалгүйд тооцно. Ийм нөхцөлд коридор, эсвэл зочны езэтэйгөө нийлүүлж гал тогооны хэсгээ өргөжүүлэх ге ювлөгөө боловсруулж мэднэ. Охины ордныхон оайшин, орон сууц худалдаж авахаар бол илүү мөнгө төлөхөөс үргэлж болгоомжилдог учраас залхуурахгүй наймаалцана. Хэдийгээр өөрт нь "аалагдсан ч үнэ нь өндөр байна гэж бодвол хүссэнээсээ татгалзаж мөрөөдлөө биелүүлэхгүй ,лдэжч чадна.

ЖИНЛҮҮР: Сонголт хэр олон байгаа вэ гэдгийг тэд хамгийн түрүүлж олж хардаг. Гэхдээ сонголт хийх болохоор байнга эргэлздэг зантай ч эцсийн эцэст хэн бүхнээс илүү сайныг нь өөрийн болгож чаддаг нь бурхнаас заяасан ухааных нь хүч. Урьд нь хөндөлссөн хэнд ч тэр эрс шулуунаар дайсагнахгүй ч хариуг нь өгч чаддаг. Бас бусдыг гайхуулахаар үйлдэл ч хийж чаддагтайгаа адил байр сууцны сонголт хийхдээ ч өөрийнхөөрөө зүтгэнэ.

Хилэнц: Хилэнцийн ордод төрсөн хэн боловч тайван амгалан орчинд амьдрах дуртай. Хэрэв хувь заяаны эргүүлгээр шуугиант хотод, дуу чимээ ихтэй гудамжинд амьдрах болвол цонх нь хөл хөдөлгөөн багатай хэсэг рүү хардаг байхыг илүүд үздэг. Эс бөгөөс тэд чимээ шуугианаас болж өвдөж зовох магадлалтай. Хэв загвар хөөцөлддөггүй ч хэтэрхий хуучинсаг байхад дуртай биш, Өөрийн гэсэн байшинтай, байшинд нь нэг биш машины гарааш байх ёстой. Мөн хөшиг сонгохдоо их анхаарна. Хямдхан, нимгэхэн хөшгөнд дургүй. Гэрэлтүүлэг болоод агааржуулалтын систем орчин үеийн байх тусмаа тэдэнд таалагдана.

НУМ: Энэ ордныхонд дуртай ажлаа хийхэд нь хүрэлцэхээр зайтай гэр таалагддаг. Эс бөгөөс шоронд байгаа аятай тохьгүй санагдана. Бусад ордныхныг бодвол нумынхан байгальд байх дуртай. Тийм учраас зуслангийн байшинтай байх нь тэдний амьдралын нэг том мөрөөдөл. Тэд фантааз сайтай учраас зочны өрөөгөө ердөө гуравхан минутын дотор унтлагын өрөө болгон хувиргаж чадна. Энэ ордныхонд байшингийнх нь гадна тохижилт тун их хамаатай. Зүлэг, мод, цэцгийн мандал гэхчилэн олон зүйлд анхаарал тавьдаг юм,

МАТАР: Насаараа нэг л байшиндаа амьдарна гэдэг матрынхны санаанд багтахгүй үйлдэл. Хамгийн сонирхолтой нь энэ ордныхонд хуучны байшин барилга, хөшөө дурсгалдтун их ач холбогдол өгдөг. Уйдамхай зантай болохоор ч тэр үү, өнгөрсөн жил амьдарч байсан байшин нь дэндүү зай багатай, бас хуучин харагдаж эхэлдэг юм. Тийм болохоор түүний амьдралд дурсамж үлдээсэн орон сууц байшин барилга нэг биш байдаг юм.

БУМБА: Том саруулхан цонхтой байшинд дуртай. Жижигхэн байшин байж болох ч умгар цонхтой бол тэдэнд санал болгох хэрэггүй. Ер нь бол энэ ордныхонд хотын төвд өндөр байшинд амьдрах таалагддаг. Хөрөнгө чинээний байдлаас болдог ч болж өгвөл хамгийн орчин үеийн, хамгийн гоё загвартай байшинг сонгоно. Бас тэд өөрсдийн гараар байшингаа босгохоор бол шинэ технологи, шинэ материал юу байгааг түрүүлж хардаг зантай. Мөн орчин үеийн тоног төхөөрөмж, хөгжим сэлтийг байшинд нь заавал байх ёстой зүйл гэж үздэг.

ЗАГАС: Телевиз үзэж, хөгжим сонсож ер нь л хүссэн бүгдээ хийхэд боломжтой гэр оронтой байхыг хүсдэг. Гэхдээ тэр гэр сахин суух дуртай биш. Аялах, хөдөө гадаа явах дуртай. Тийм болохоор голын эрэгт, эсвэл ойн цоорхойд байшинтай болохыг мөрөөддөг. Байшингийнхаа гадна цэцгийн мандал хийж боломжтой бол жижигхэн хөөрхөн горхи урсгаж ч магадгүй. Ер нь усны чимээнд тун ч дуртай. Мөн энэ ордныхон гэртээ загас тэжээхээс хэзээ чтатгалзахгүй.