Хунтайжийн топ 10 хуримын бэлэг дурсгалын зүйлс

2012-12-03

Хунтайж Уилльям ба Кейт Мидлтон нарын хурим дөрөвдүгээр сарын 29-нд товлогдсон билээ. Үүнд зориулсан бэлэг дурсгалын зүйлс худалдаанд гарсан бөгөөд эдгээрт албан ёсоор тасаг шаазангууд болон зоос зэрэг байгаа бол албан бусаар комик ном, бэлгэвч зэрэг багтсан байна. Time сэтгүүл хунтайжийн хуриманд зориулсан бэлэг дурсгалын зүйлсийн хамгийн үзэмж төгөлдөрүүдийг нь жагсаагаад байна.

Цайны алчуур

Хуримийн үед таны хувцас цай болон бусад хоолны үлдэгдлээс болж бохирдож болзошгүй юм. Үүнээс сэргийлж өнгөрөгч арванхоёрдугаар сард Букингемийн ордоныхон таны хослолыг “таагүй амт”-аас хамгаалах цайны алчуурыг бүтээсэн байна. Алчуурын зураг дээр Кейт ба Уиллын лого байрлахаас гадна титэм зүүж буй хөгжилтэй амьтадын зурагтай юм. Алчуурыг Оксфордод байрлах цайны алчуурын ToDryFor үйлдвэрт үйлдвэрлэсэн ба 16 долларын үнэтэйгээр худалдаанд гарчээ. Энэхүү алчуурын талаар зарим нэг вэб хуудсанд “Бие биедээ найдалгүйгээр гэрийн ажилаа хувааж хийх ёстой гэдгийг санаж ав” хэмээн хөгжилтэйгөөр бичсэн байна. Үүнийг сонссон уу Уиллиям?

Хунтайжийн албан ёсны хуримын зоос

Британий сийлбэрч Марк Ричардс хунтайжийн хуримийн ёслолд зориулан албан ёсоор Хааны зоос урлах үйлдвэрт цутгасан зоосны дизайныг гаргасан байна. Зоосны нүүрэн талд хоёр хос бие биенийхээ өөдөөс ширтэлцэж байгаагаар дүрсэлжээ. Хааны зоос урлах үйлдвэрийн музейн захирал хэлэхдээ Британий зоосны хөгжил нь 1000 гаруй жилийн түүхтэй бөгөөд энэхүү гоёмсог зоос гарснаар Хунтайжийн хуримыг зоосны түүхэнд мөнхөллөө гэж хэлсэн байна. Зоос нь 3 төрөл бөгөөд тус бүрдээ алт, мөнгө болон цагаан алтаар хийгдсэн аж.

Crown Jewels Бэлгэвч

Энэхүү бэлэг дурсгалын зүйл нь эзэн хааны гэр бүлийн аюулгүй байдлыг шинэ түвшинд аваачих юм гэж Лондонд төвтэй Crown Jewels бэлгэвчны фирмийнхан үзжээ. Мөн тодорхой хүрээний хүмүүсийн хэрэглэх жирэмслэлтээс хамгаалах хайрын нандин хэрэглэгдэхүүнийг үйлдвэрлэж байгаагаараа бид бахархаж байна гэжээ. Фирмийнхэн бэлгэвчээ худалдаанд гаргасан бөгөөд хөгжилтэй маягийн маркетинг хийж бүтээгдэхүүнээ сурталчилсаар байна. Жишээлбэл “Тохиолдлын учралыг мартагдашгүйгээр яг л хунтайжийн хуримийн үдэш мэт”, мөн вэб хуудас дээрээ “Арагш ухарч Английн тухай эргэцүүл” гэх мэтээр сурталчилж байна.

Хааны гэр бүлийн цуглуулган дахь хуримын тансаг шаазангууд

Ямар нэгэн ёслолыг тансаг шаазангүйгээр төсөөлөхийн аргагүй. Энэхүү Хааны Цуглуулга нэртэй тансаг зэрэглэлийн цуглуулганд 22 каратын алт орсон бөгөөд гараар бүтээсэн байна. Цуглуулга нь агуулах хайрцаг ($40), том сэнжтэй аяга ($56), 8 инчийн (20 cm) тавагнаас ($65) бүрдэнэ. Хуримын албан ёсны вэб хуудсандд цуглуулгын хүрээг алт ба цагаан алтаар бүрсэн бөгөөд 250 жил уламжлагдан ирсэн гар аргаар хийх технологиор бүтээгджээ.

“Кейт намайг үнсээч” шар айраг

Британчуудын хунтайжийн хуримын үеэр тулгах шинэ шар айраг бэлэн болжээ. Энэхүү шар айргийг үйлдвэрлэгч нь Ноттингем дэхь Castle Rock Brewery шар айрагны үйлдвэр юм. Хоёрдугаар сард шар айрагны мастер Адриан Рэдгроу “Kiss Me Kate” шар айргийг хийхээ мэдэгдсэн ба тэрбээр хэлэхдээ Британчуудын уух дуртай тансаг зэрэглэлийн шар айраг байх болно гэсэн байна.

Хуримын комикс

Хайр бол зөөлөн, хайр бол эелдэг, хайр бол….. Таны хайрын түүхийг зурагт болон өөр бусад зүйл дээр дүрслэн бичсэн үү? Харин Британий шог зураач Рич Жонсон Кейт ба Уиллиамын хайрын талаар “Маш нийтэч хайрын түүх” нэртэй комик номыг бүтээсэн байна. Энэхүү комик номонд хосуудын талаар бүр хүүхэд насны түүхээс эхлэн дүрсэлсэн бөгөөд бяцхан Уиллиямын ээж Диана гүнжийн оршуулгын ёслолыг Кейт зурагтаар үзэж байгаагаар гардаг. Мөн Диана гүнжийн амсаж байсан фото зурагчидаас зугтаах амаргүй хувь тавилан өөрийг нь хүлээж байгаагаар дүрсэлжээ.

Бөөлжих уут

Чамин шаазангууд, цайны хэрэгслүүд гээд энэхүү хуримын бүх зүйл домог болон яригдах болно. Харин хуримын эцэст таны ходоод хүндхэн байдалд орж болзошгүй учир Британий дизайнер Людия Лейт бэлэг дурсгалын шинжийг агуулсан бөөлжих уутыг санал болгожээ. Энэхүү уутны худалдах үнэ 5$ ба нүүрэн дээрээ Уилл ба Кейтын зургийг энгийн хувцастайгаар дүрсэлжээ. Людия Лейтэд энэхүү санаа төрөхдөө “81 оны Чарльз ба Диана нарын хуриман дээр таны бие тавгүйрхэж хүнд байдалд орсон уу” гэж өөрөөсөө асуусан байна. Дахин ийм зүйл болохгүй гэж тэрбээр “Huffington Post” -д өгсөн ярилцлагандаа хэлжээ. Уутны дизайн сонирхолтой бөгөөд хөгжөөнтэйгөөс гадна найзуудын болон гэр бүлийн хэрэглээнд тохирно гэж тэрбээр үзэж байна.

Дүрдэг цай

Британчууд хамгийн их цай уудаг байж магадгүй л юм. Харин германчууд хуримийн бэлэг дурсгалын зүйлийг нэгээр нэмсэн байна. Гамбургад дизайныг нь гаргасан энэхүү бүтээгдэхүүнийг хийхдээ “KaTea & William” ил захидал болон Герман үрийн хар цайг ашиглажээ. Дүрдэг цайны зурган дээр хунтайжийг цэргийн хувцастай дүрсэлсэн бол харин Кейт-ийг цэнхэр хуримын даашинзтай, мөн нэгэн цагт Диана гүнжийн хэрэглэдэг байсан биндэръяа хүзүүний зүүлттэйгээр дүрсэлсэн байна.

Хуримын албан ёсны бус тавагнууд

Энэхүү тавагнууд нь хуриманд зориулж бүтээгдсэн бэлэг дурсгалын зориулалттай тавагнууд юм. Лондонгийн KK Outlet фирм 5 өөр төрлийн тавгийг коллекцолж худалдаанд гаргасан ажээ. Цуглуулгын үнэ $120 бөгөөд харин тус тусдаа $32-ын үнэтэй юм. Энэхүү тавагнуудын суурь өнгө нь ягаан, шар, цэнхэр болон хар өнгөтэй бөгөөд тус тусдаа өөр утга санааг илтгэдэг. Жишээлхэд цэнхэр өнгийн таваг нь “Уилл Кейт хоёр үүрд” гэсэн санааг агуулдаг юм байна.

Дууриамал даашинз

Энэхүү даашинз мянга мянган хувь үйлдвэрлэгдсэн. Өнгөрсөн арваннэгдүгээр сард сүй тавих ёслол дээр Кейтын өмссөн цэнхэр даашинзыг Лондонгийн Issa London загварын агентлаг бүтээсэн бөгөөд дууриамалыг нь $620-р худалдаанд гаргасанаар борлуулалт ихтэй бүтээгдэхүүн болж чаджээ. Арванхоёрдугаар сарын 2-нд худалдаанд гарсан даруй дээрх даашинзны борлуулалт маш өндөр хувьтай байсан юм. Ялангуяа Крисмасын баярын үеэр энэхүү даашинзыг маш олон бүсгүй өмсжээ. “Харамсалтай нь энэхүү даашинзыг өмссөнөөр Хунтайжийг өөрийг болголоо гэсэн баталгаа биш шүү дээ” гэж зарим хүмүүс хошигнож ч байна.Эх сурвалж:1010.mn