Хөр цасны арвин, хөхөө өвлийн хүйтэн дундуур болсон орон нутгийн сонгуулийн дүн өнөө хүртэл эцэслэн гараагүйгээр үл барам нэлээд газарт дахин санал хураалт явуулах нь тодорхой боллоо. Монгол Улсын хэмжээнд 186 хэсгийн хорооны санал хүчингүй болсон нь түүхэндээ анхны тохиолдол төдийгүй өдгөөгийн эрх баригчид сонгогч олондоо хэрхэн үнэлэгдэж байгааг харуулсан томоохон үйл явдал болов.

Түүнээс биш УИХын дарга З.Энхболдын "Жилээс жилд сонгогчдын идэвх буурч байгаа" хэмээн хаяагаа манаж тайлбарладаг шиг биш гэдгийг энэ удаагийн сонгууль баталсан. Хууль дүрмээрээ бол Засгийн газар орон даяар явагдаж байгаа сонгуулийг зохион байгуулах үүргийг хариуцаж ажиллах ёстой байв. Гэтэл Ерөнхий сайд маань гүйцэтгэх засаглалын тэргүүн гэдгээ умартаж, АН-ын талд ажилласнаар энэ удаагийн орон нутгийн сонгуулиар тун хангалтгүй ирц бүрдсэн.

Дүрэм журмаа мөрддөг улсад Засгийн газар хариуцлага хүлээх учиртай болчихоод буй. Анхнаасаа улстөрийн зорилгоор орон нутгийн сонгуулийг цаг оройтуулж зохион байгуулахдаа олон зүйлийг хуучнаар бус өөрсдийн талд хийв. Өөрөөр хэлбэл, "америкжсан" эрх баригчид барууны технологийг тэр чигт нь хуулж монгол хөрсөн дээр тавьсан нь ийнхүү иргэдийн сонгох, сонгогдох эрхийг зөрчөөд зогсохгүй цаашид монголчуудын сонгох, сонгогдох зарчим устаж мэдэх аюулд хүргэлээ.

Сонгууль явуулах арга замыг монголжуулах тал дээр бодолцохгүй бол дахиад сонгууль явуулахад үүнээс ч долоон дор зүйл болох шинжтэй. АНУ-д дүн өвлөөр сонгуулиа өгнө үү, халуун зунаар аахилна уу нүүдлийн соёл иргэншилтэй, цаг уурын эрс тэс уур амьсгалтай манай оронд огтхон ч хамаа алга.

Монголчуудын дунд өсч өндийгөөгүй юм шиг "хурлийз" сэтгэлгээ, "эрлийз" бодлоор улс орондоо хандаж байгаа эрх баригчдаас хэний талд ажиллаад байна вэ гэж асуумаар байгааг ч нуух юун. Түүнээс биш орчин үетэйгээ хөл нийлүүлж алхах гэсэн санаархлыг нь огт буруутгах гэсэнгүй.

Монгол Улс АНУ биш болохоор малчид отор нүүдэлдээ гарчихсан, өндөр настнууд төв суурин бараадсан, иргэд идэш хоолоо төхөөрөх, оюутнуудын хувьд хагас жилийнхээ хичээлийн шалгалтад бэлтгэх гээд дурдавч баршгүй олон эрсдэл дундуур энэ сонгууль болж өнгөрсөн учраас үр дүн нь ийнхүү "онцмуу" хэмээн гарч байгаа юм. Нийтдээ нэг сая гаруй хавтгай дөрвөлжин газар нутагтай, гурван сая хүрэхгүй хүн амтай манай улсад америк технологи хэзээ ч тохирохгүйг удаа дараагийн үйлдэл харуулж байна.

Нөгөө талд өмнөх сонгуулиудаас хоёр дахин их өртгөөр буюу 9.2 тэрбум төгрөг зарцуулсан ч ирц хүрсэнгүй. Түүнчлэн түүхэндээ анх удаа хамгийн олон буюу аймаг, сум, дүүргийн сонгуулийн хороодод 8108 суудлын төлөө 19400 орчим хүн нэр дэвшин өрсөлдсөн. УИХын сонгуулийг холимог системээр явуулсан шиг орон нутгийн сонгуулийг ч холимог системээр явуулсан.

Хамгийн гол нь өнгөрөгч сонгуулиар автомат машинд саналаа залгиулсан сонгогчдын эргэлзээ гараагүй байсан. Эрх баригчид өнгөрөгч сонгуулийн маргааныг эцэслэн шийдээгүй, зарим тойргийн сонгогчид өнөөдрийг хүртэл төрд төлөөлөх элчгүй байгаа нь ч орон нутгийн сонгуульд очиж санал өгөхөөс татгалзах нэг том шалтгаан болсон нь гарцаагүй.

Мэдээж итгэл сэтгэлээ төрд төлөөлүүлэх томоохон ажилд оролцож байгаа сонгогчдын саналыг луйвардаад байхаар хэн л саналаа өгөх гэж хөр цасан дундуур туучиж, хөхөө өвлийн хүйтэн жавар сөрөх билээ. Тухайлбал, Өвөрхангай аймагт Ардын намаас нэр дэвшигчид илт давуу ялалт байгуулж байхад шүүх эрх мэдэл, төрийн өндөр дээд албан тушаалаар далайлгаж, өнөө хүртэл өвөрхангайчуудыг төрд төлөөлөх элчгүй явуулж байна. Ийм байхад дахин дахин хэн саналаа өгөх гэж явах билээ.

Өнгөрөгч сонгуулиар нийслэлийн Сүхбаатар, Чингэлтэй дүүрэг болон Архангай, Хэнтий аймагт автомат машины тусламжтайгаар санал залилсан. Үүнийг баримтаар нотлоод байхад хуулийн байгууллага эрх баригчдын талд ажилласан юм. Энэ удаагийн сонгууль ч яахав, ирц хүрсэнгүй хэмээн дахин санал хураалгаж, татвар төлөгчдийн мөнгийг үрэн таран хийснээр өнгөрөх нь тодорхой. Харин дараа дараагийн сонгуульд сонгогчдын ирц хүрэх, үү үгүй юу гэдэг нь эргэлзээ дагуулж үлдлээ.

ЭРХ БАРИГЧИД СОНГУУЛЬ УГТАЖ НАМЫН АЖИЛ ХИЙСЭН НЬ ИЙМ БАЙДАЛД ХҮРГЭВ

Бүхэл бүтэн гүрэн улсын Ерөнхий сайд Н.Алтанхуяг сонгуулийн өмнөх ажлаа Багануурын нүүрсний уурхайгаас шуудай тэвэрснээр эхэлсэн. Уг нь тэр сонгох, сонгогдохын ач холбогдлын талаар иргэддээ уриалж, сонгуульдаа идэвхтэй оролцох, түүнийг өдөөх ажлыг улс орон даяар явуулах үүрэгтэй.

Гэтэл нүүрсний шуудай томсгох, иргэдэд хямд үнээр нүүрс дөхүүлэх тухай ярьж намынхаа сонгуулийн кампанит ажлыг хийж явав. Тэгэхдээ "Хэдүүлээ ингээд хамтраад энэ өвлийг нэг давъя даа. Өөр арга алга. Шинэчлээд ирэхээр гайгүй болно" хэмээн цэнхэр дэлгэцээр нүүрсний шуудай барьчихсан ярьж суух юм. Ийм Ерөнхий сайдтай улс гүрний хувь заяа хаашаа явах нь тодорхой харагдаж байгаа биз дээ.

Энэ мэт эрх баригчид намынхаа сурталчилгааг төсвийн мөнгөөр хийж явсны гай нь өнөөдөр олон хэсэгт дахин санал хураалт явуулахад хүргэж байна. Гэтэл УИХ-ын дарга З.Энхболд сонгууль болохоос хэдхэн хоногийн өмнө ярихдаа "Сонгуулийн ирц тун муу байдаг болсон. Анх 1992 онд сонгууль болж байхад нийт сонгогчдын 96 хувь нь саналаа өгч байсан бол өнгөрөгч УИХ-ын сонгуулиар 60 гаруйхан хувьтай болж буурсан.

Ерөөсөө л жилээс жилд сонгогчдын ирц буурч байгаа юм. Тэгэхээр иргэд маань сонгуульдаа идэвхтэй оролцох хэрэгтэй. Шинэчлэлийн эрин давалгаалж байгаа энэ үед иргэдийн санал үнэтэй" гэсэн утгатай зүйл ярив. Ерөнхий сайд нь, УИХ-ын дарга нь ийнхүү намынхаа гол уриа болгож байгаа "шинэчлэлийн" хэмээх хоосон малгайгаа дахин давтах нь намын ажил хийж байна гэж үзэхээс өөр аргагүй болгосон.

Төрийн эрх барьж байгаа эрхэм дээдсүүд ийнхүү гүрэн улсын тусын тулд бус нэг улстөрийн хүчний төлөө ажиллаад эхлэхээр улс орны хувь заяа хаашаа явах болж байна вэ. Нөгөө талд хотын захирагч Э.Бат-Үүл Улсын циркт бараг бүх телевизийг цуглуулж байгаад нийслэлийн ирээдүйн хөгжлийн талаар гайхамшигтай сайхан үлгэр ярив. Түүний ярьсан үлгэрт чухам хэд нь итгэж, хэдийнх нь уур хүрч хоцорсныг мэдэх юм алга.

Юутай ч Улсын баатар-хотын захирагч маань 2040 онд Улаанбаатарт олимп зохион байгуулна. Ингэхийн тулд зүгээр л бидэнд саналаа өг хэмээн тулган шаардав. Өөрийнх нь ярих дуртай эрх чөлөө, ардчилсан үзэл баримтлалаар аваад үзэх юм бол түүний энэхүү тулган шаардалт нь дарангуйлал болж байгаа юм. Уг нь түүний ярьж байгаа бүх зүйлийг хотын өмнөх удирдлагууд хийж төлөвлөсөн байв.

Гэтэл Улсын баатар бусдынхаа хийсэн зүйлийг өөрөө хийж байгаа мэтээр яриад төгсгөлд нь "Энэ бүхнийг бид хийнэ. Та бүхэн зүгээр л саналаа өгчих" хэмээн гуйсан нь хотын ажлыг ард түмэнд танилцуулж санаа бодлыг нь сонсох биш АН-ын сонгуулийн шоу болгож өөрчилсөн юм. Үүгээр ч зогсохгүй Ерөнхий сайд орон нутагт айлчлахдаа гол төлөв АН засаглаж байгаа аймгуудад очив. Түүнийхээр бол бусад аймаг Монгол Улсад хэрэггүй бололтой.

ХУУЛЬ ЁСООР БОЛ Н.АЛТАНХУЯГ, Ч.СОДНОМЦЭРЭН НАР ХАРИУЦЛАГА ХҮЛЭЭХ ЁСТОЙ

Сонгогч иргэд ирэх дөрвөн жилд өөрсдийгөө орон нутагт төлөөлөх элчээ сонгох хариуцлагатай үеийг сэтгэл дундуурхан туулж өнгөрөөлөө. Учир нь өнгөрөгч сонгуулийн эргэлзээ гараагүй байхад сонгуулийн өмнөх шөнө комиссын хувцас тарааж, архи өгөхөөс эхлэн иргэдийг доромжилсон нь сэтгэл дундуур байх томоохон шалтаг болов.

Гэтэл Дорнод аймгийн БаянУул сумын ИТХ-д ИЗНН-аас нэр дэвшигч Ц.Ганболд, П.Оюунтуяа нарын нэрийг саналын хуудсаа хэвлэхдээ "мартаад" хэвлүүлчихсэн байхад ямар ч хариуцлагын тухай ярихгүй "Бид сонгуульд яллаа" хэмээн ялалтын хундага тулгаж суугаа эрх баригчдыг яалтай ч билээ. Үнэн хэрэгтээ Сонгуулийн ерөнхий хорооноос сонгуулийн дүнг албан ёсоор танилцуулаагүй байхад намын дарга нь "Манай нам ялсан" гэж мэдэгдэл хийсэн нь ч ноцтой асуудал.

Ерөнхий сайдын хувьд сонгуулийн үйл ажиллагааг хэвийн явуулах нөхцөл байдлыг хангах үүргийг нь хуулиар заагаад өгчихсөн байгаа. Гэтэл 186 хэсгийн хороонд ирц хүрээгүй, мөн өчнөөн будилаан үүссэн байхад "Бид ялсан" хэмээн мэдэгдэл гаргах нь бүү хэл хариуцлага хүлээх хууль, эрх зүйн орчинтой юм билээ.

Тэгэхээр Н.Алтанхуяг сайд, чиг үүргийнхээ дагуу сонгуулийн дүнг танилцуулахгүй байгаа Ч.Содномцэрэн нар хууль ёсоор хариуцлага хүлээх ёстой. Сонгуулийн кампанит ажлыг хууль ёсоор зохион байгуулах үүрэгтэй эрх баригчид, тодруулж хэлэхэд, Сонгуулийн ерөнхий хорооныхон 186 хэсгийн хороонд дахин санал хураалт явуулах хөрөнгийг гаргаад зогсохгүй хэрвээ дахиад ирц хүрэхгүй бол хариуцлага хүлээхээс өөр аргагүй. Тэгэхээр Дорнод аймагт ямар ч байсан дахин сонгуульдах нь дамжиггүй.

Түүнчлэн нийслэлийн Баянзүрх дүүргийн 18 дугаар хорооны "Эрлийн-40", "Гангарын-40" дүгээр байрны оршин суугчид саналаа өгч чадсангүй. Учир нь дээрх хоёр байрны оршин суугчдад цахим үнэмлэх олгохдоо тухайн хорооны иргэний бүртгэлийн ажилтан "Эрлийн-40", "Гангарын 40" дугаар байр гэж тус тусад нь бичилгүй нийтэд нь 40 дүгээр байр гээд бичсэн байна. Иймээс хаяг давхардсан учраас иргэд саналаа ч өгч чадсангүй. Үүний хариуцлагыг ч тэд хүлээх үүрэгтэй.

С.БАЯР

Эх сурвалж: www.UNEN.mn

”Хурлийз” сэтгэлгээтэй, ”Эрлийз” боловсролтой эрх баригчдын гай
Tweet
Bolod.mn

Сэтгэгдэл (33)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
АН-ын авилгачид ардчилал гэдэг үгээр рекламдаад байх юм байхгүй.АН-ынхан хүний ёсноос гадуур юм хийж байгаа шүү.Хүн гүтгэх,хор хутгах бол АН-ын анархист авилгачдын ганц хийж чадах ажил юм шив дээ.

2012-11-27 | 23:05:14 | 202.179.10.150 |

Зочин
Шал худлаа

2012-11-27 | 16:50:21 | 202.131.230.187 |

Зочин
Нийгмийг зөв тийш нь залах чадваргүй амьсгаанууд улс төрд оролцоод ч улс төрийн талаар яриад дүгнэлт гаргаад байдгүй яадгийм. МАН-ын өчнөөн олон арван жил хуримтлан хуралдуулсан нийгмийн болохгүй бүтэхгүй бүхнийг одоо өөрчлөхөд ихээхэн зөрчил үүсэх нь тодорхой шүү дээ.Нийгмийг залж удирдах чадваргүй болоод улс төрийн тавцангаас зайлуулагдаж байгаа хүчин үхэхдээ үхэр буугаа тавина гэгчээр үмхий үнэрээ тараасаар байх юмаа. Үнэхээр өөрсдийнх нь амны уншлага болсон эх орон ард түмний төлөө гэдэг нь үнэн сэн бол үндэсний эвлэрэлийг эрхэмлэж ,өөрийн дотоод хөгжил өөрчлөлтөө хэрхэн шинэчилж шинэ өнгө төрх -д шилжих вэ гэдэг ажлаа хийж суувал алс хэтдээ хэрэгтэй баймаарсан. Илжигний чихэнд алт хийсэн ч сэгсэрнэ ус хийсэн ч сэгсэрнэ гэж байдаг тэр жинхэнэ үнэн юм ш дээ. Тэр замаар л явж байх вм даа хөөрхий.

2012-11-27 | 15:17:08 | 203.169.49.8 |

Зочин
Үнэн.мн гэж сүрхий нэр өгсиймаа даа. Үнэн юм бичих гэж байгаа бол намчирхалгүй, туйлширалгүй, нэг талыг аялдан дагалдалгүй бодит байдлыг мэдээлсэн нь дээр байхаа. Сонгууль яаж явагдсан талаар барин тавин баримттай хүний амаар биш бодитой хийсэн сурвалжлагаа бичих хэрэгтэй дээ. Өөрөө шалихгүй боловсрол дулимагхан нь бичсэн байдлаас нь илт харагдаж байхад ичихгүй юм даа. Ядмагхан дүгнэлт хийж намуудын дунд, хүмүүсийн хооронд яс хаясан ялангуяа хүмүүсийг хооронд нь хутган муудалцуулах оролдлоготой ийм бичвэрүүд нийгмийн дотор хар муу санаа түгээсэн ёстой үнэн хэрэггүй.мн юм даа. Бусдыг эрээ цээргүй доромжилсон өөрийг нь хүн ингэж доромжилбол энэ лав зүрх нь дэлбэрч үхэх нөхөр байгаа даа. Ийм үнэн ч гэж байдаггүй байхаа .

2012-11-27 | 15:05:44 | 203.169.49.8 |

Зочин
УИХ-ын сонгуульд ХАНУУЛ-д бие даан нэр дэвшигчид ганц ч санал өгөөгүй гэсэн тэхээр энэ машин чинь БОЛДын хувийн компаний программ хийсэн машин учир Болдод зориулсан программаар сонгуулийн луйвар хийсэн шуу дээ дахин тоолох гэхээр АН хүчээр хийсэнгүй сонгогчдыг дормжилж байна шуу дээ 8 сард орон нутгийн сонгуулийг явуулах боломжтой байсан гэтэл машиныхаа программыг өөртөө зориулж хийх гэж оройтуулсанаас зарим газар ирц хурсэнгуй шуу дээ ард тумэн бидний татварын мөнгийг урэхээ болимоор юм дахин сонгуулийн мөнгийг Алтанхуяг, Сонгуулийн хорооны дарга нараар гаруулах эд нар ч тэр мөнгийг гаргах бэл хөрөнгөтэй шуу дээ бидний татварын мөнгөнөөс идсэн хөрөнгөнөөсөө гарга

2012-11-27 | 09:58:38 | 203.91.112.12 |

Зочин
энэ одоо ман л ялах байсиймуу тэ ман ялсан бол ямарч булхай луйбаргуй сайхан сонгуули болох байсийн гэж хэлэх гээд манан дээр чин гарж ирээд бнуудаа хахаха хол очиж хошгордооманийнхний бугсийг долоогоод чи хол ябахгуйэ хугшуун тэгээд ю гэнүү? хэхэ энэ удаач ёстой ман нам унгурчдээ чи унэн хэлсэн бнаа.хэрбээ ан нам та нар шиг энэ дээр хэлсэнчлэн ард твмэнрввгээ ядаж буу шагаайхгуй бол ман намд дараагийн сонгуулиар санал угух хун олдохгуйл бхдаа чи унэн хэлсэн бна

2012-11-27 | 09:29:26 | 182.160.52.232 |

Зочин
манийн хулгайчууд хутсаал зайлж далд ордоо одоо л нээх ард тумэндээ гэнт хайртай болчихож гэнээ та нар 2008 онд яж сонгуулийг хучээр аблаадаа ард тумэнрввгээ буу шагайж нэлээн хэдэн хвн алж нэжгээд залуусийг маани тэр шорондоо абаачаад зодож занчиж яргалсан биздээ бид тэр ябдлийг хэзээч мартахгуйш уу та нар юр н монголд байтугай энэ юртунтсуд хвний нийгэмд огт хэрггүй нам МАН та нар хэзээ тэгж ард тумэндээ ядаж тулдэг нуурсийг н ч болтугай хямдруулж ухж байсийн бэ

2012-11-27 | 09:24:26 | 182.160.52.232 |

Зочин
Аль нь ч байсан бидний хувьд амьдарлаа аваад л явнадаа гэхдээ АН-даан ч буурьгүй хэтэрхий хотонд орсон чоно шиг улайр ч байгаа ард түмний сонголтыг шүүхийн хүчээр өөрсдийн талд гаргуулж байгаа энэ тэр нь үнэхээр гутамшиг Батхүү Зоригт хоёрын хэн хэнд хэдэн өрөө байр хэдэн доллар өгсөнийг шалгаач энэ бүхний ард Элбэгдорж байгаа

2012-11-27 | 07:43:58 | 203.91.116.34 |

Зочин
Муу амтай арчаагуй сэтгэлгээтэй иймэрхуу сэтгуулч олширбол улс орныг уймээн самуунд уруу татаж мэднэ . Тийм учираас энэ ман жаахан бодолтой юм захиалгаар бичуулж баймаар юм даа манай ман ч дуусаж байх шиг байна даа

2012-11-27 | 07:08:46 | 122.201.18.155 |

Зочин
Анхнаасаа улстөрийн зорилгоор орон нутгийн сонгуулийг цаг оройтуулж зохион байгуулахдаа олон зүйлийг хуучнаар бус өөрсдийн талд хийв. Чинийхээр бол урднийх шиг МАН дангаар ноёрхох ёстой байсан байх ни ээ. Дэмий юм мөрөөдөөд яахав. ялж, ялагдаж сурах хэрэгтэй.

2012-11-27 | 04:03:56 | 77.195.41.143 |

Зочин
Ардийн нам энэ чигээрэээ дараагийн сонгуулид орвол бараг юм ылдэхгүй бхааа Залуучуудааа л гаргавал дээр дээ

2012-11-26 | 20:20:19 | 202.179.20.195 |

Зочин
Бугдээрээ саналаа өгсөн бол Ардчилсан нам тасрахгуй ю тиймээ

2012-11-26 | 20:18:15 | 202.179.20.195 |

Зочин
АН - үнэхээр муухай нам иумаа. одоо ингээд бугд хулгайч нар гараад ирхээр монгол улс мини улдэхгүй байхаа. миний монгол улс мини өрөвдөлтэй болжээ. Элбэгдөржийн ардчилалаа гэж ингээд энэ улсыг будаа болголоо доо.

2012-11-26 | 19:58:41 | 92.225.38.195 |

Зочин
20-иод жилийн өмнөөс гуйлгачин ажилгүйчүүдийн тоо, аллага хулгай хийгчдийн тоо өндөр хурдтайгаар өсч ирсэн. Бусдын нутагт цагаачлан суурьшсан Америк маягийн ардчилал гэгчийн үр дүн энэ...

2012-11-26 | 17:32:38 | 27.123.214.109 |

Зочин
САНАЛАА ӨГӨӨГҮЙ ИРГЭД ЭНЭ ТӨРИЙГ ШҮҮМЖЛЭХ ЭРХГҮЙ ШҮҮ. ЭХЛЭЭД САНАЛАА ӨГЧИХӨӨД (ХЭРЭВ САНАЛ ӨГӨХ СОНГОГЧ БАЙХГҮЙ БОЛ ХООСОН ӨГЧ БОЛНО) ДАРАА НЬ ШҮҮМЖЛЭХ ЭРХТЭЙ БОЛОХ БАЙЛАА. ДААНЧ ЭНЭ ҮҮРГЭЭ БИЕЛҮҮЛЭЭГҮЙ ТУЛ ЭРХ НЬ Ч БАС ХААГДЧИХЛАА ХӨӨРХИЙ.

2012-11-26 | 17:12:24 | 122.201.18.202 |

Зочин
АН ын сонгуулийн хар машин нүд ирмэхийн зуур л уншаад тоолоод шалгаад гаргадаг гэсэн яалаа.Булхайгаа хийх гэсэн чинь нөгөө машин нь учрыг нь олхоо болив шив дээ.Урьд нь гараар тоолдог байхад маргааш нь дүн гараад эхэлдэг байсан биз.дээ.Хайран улсын өчнөөн сая төгрөгөөр аваа биз.дээУгаасаа тэр машин булхайтайг дэлхий даяар мэдэж байгаа шүү дээ.

2012-11-26 | 16:43:58 | 112.166.219.107 |

Зочин
ард түмэн бүгд саналаа өгсөн бол АН ялахгүй байсан.

2012-11-26 | 15:18:28 | 182.160.19.147 |

Зочин
MAN iig baihad bid guilgachin baisan bizdee odoo guilgachin bdlaasaa salmaar bn shdee. yadarch bn tuildaj bn busad ornii hugjluus hotsorch bn

2012-11-26 | 13:16:38 | 182.160.62.27 |

Зочин
угаса энэ ардын намыхан утгаа унэн алджийнаа инээд хужмээр юмаа

2012-11-26 | 12:25:47 | 202.131.238.114 |

Зочин
МАН 90 гаран жил төр бариад тэгээд баян тагсаг болгох нь яасын? Нэг итгээд үзэхэд яагаад болохгүй гэж? Харин ч хэдэн үеэрээ гуйлгачин явлаа боллоо биш үү? Нэг зуун жил итгэл хүлээлгээд чадаагүй байж бусдыг шүүмжлэх чинь ичгэвтэр байна

2012-11-26 | 11:43:19 | 203.116.140.135 |

Зочин
АН -ийн луйбарийг даруй зогсоох хэрэгтэй дэндүү ард олнийг басамлан доромжилж байна сонгуулийн дараа сукэнд долид мэдээ гарах байлаа одоо болтол алга луйбар ябагдаж байгаа орон даяар хулээж сууна торд гарсан уйбагуй улс торчдийг зайлуулах тараах одор ирж байна монголчуудаа ухаалаг сонголт хийж ард иргэд газар шороогоо хамгаалах одор ирж байна уриалж байна.

2012-11-26 | 11:32:22 | 49.0.154.98 |

Зочин
АН байхад ард тумэн гуйлгачин л болно

2012-11-26 | 10:57:42 | 133.34.31.99 |

Зочин
Манай АН-ын эрх баригчдаас сонгуулийн хуулийг үндэслэл муутай өөрчилж, автомат машин хэрэглэх, цахим үнэмлэх хэвлэх г.м--ээр төсвийн үрэлгэн зардал их гаргаж, зарим үйл ажиллагаа нь нийтийн эрх ашигт нийцэхгүй байгаагийн муу үр дагавар энэ боллоо...дүгнэлт хийх хэрэгтэй...

2012-11-26 | 10:51:07 | 27.123.214.110 |

Зочин
ман 2о жил улсийг ямар болгоснийг ард түмэн сайн мэдэж байгаа ажил хийж байгаа хунд битгий саад бол ялагдсан бол яаж ажил хийдгийг хараад дуугуй сууж бай коммунистуудаа битгий атаарх

2012-11-26 | 10:27:02 | 121.169.115.232 |

Зочин
Энэ З,ЭНХБОЛД надад ямар ч муу юм хийгээгүйлдээ гэхдээ яасан хүйтэн хүн вэ, ӨВ-аймгийн хөдөлмарчдийн уулзалтан дээр хоёр гишүүнээ асуухаар та нар ч ,би мэдэхгүй шүүх шийднэ гэж байгаа юм яаж ард түмний өөдөөс тийм хариу хэлж чадаж байнаа хэн гишүүн байхыг ганцхан ард түмний сонголт мэддэг болохоос ,хэн мөнгөтэй хүн шүүхийн шийдвэрээр гишүүн болдггүйг УИХ-ын дарга өөрийн биеээр мэдмээрдээ Сугартай яаснаа сана,

2012-11-26 | 10:18:36 | 203.91.116.34 |

Зочин
АН ДЭНДЭЖ БНА.

2012-11-26 | 10:03:30 | 202.9.47.130 |

Зочин
АН ДЭНДЭЖ БНА.

2012-11-26 | 10:03:28 | 202.9.47.130 |

Зочин
хуцаа муусайн ху нар ялагдсандаа өөрсдөдөө дүгнэлт хий. бусдаас буруу хайдаг энэ сэтгэлгээ чинь та нарыг улам л унагана даа

2012-11-26 | 09:20:50 | 202.179.8.90 |

Зочин
МАН-ин явуулга байна

2012-11-26 | 09:19:04 | 202.179.11.94 |

Мэдээ
Гадаад мэдээ
Видео