Сумогийн бүхий л түүхэнд ердөө 70 рикиши л бөхийн хамгийн дээд шатанд гарч чаджээ.

Өнөөдөр дохёг хоёрхон их аварга эзэгнэж байгаа. Тэд хоёулаа монгол хөвгүүд юм
АКАСИ СИГАНОСУКЭ
Домог болсон эр. Тэр бүү хэл ийм нэртэй хүн амьдарч байсан эсэх нь ч тодорхой бус. Гэхдээ ард түмэн түүнийг анхны аварга байсан хэмээн ярьцгаадаг
АЯКАВА ГОРОЗИ
1704 онд төрсөн. Үүнээс өөр энэ хүний хувийн намтар, баримт түүх гэж уламжлагдан үлдсэн юмгүй.
МАРУЯМА ГОНДАЖАЭМОН
1713 онд төрсөн. 197 сантиметр өндөртэй байсан гэдэг. Бас 170 килограмм жинтэй байжээ. Ёкозуна цолыг 36 насандаа хүртсэн. Харамсалтай нь цол хүртснийхээ дараа таалал төгсчээ.
ТАНИКАЖЭ КАЖИНОСУКЭ
1750 оны наймдугаар сарын 8-нд мэндэлсэн. 189 сантиметр өндөртэй, 160 килограмм жин татдаг байсан гэнэ. Ёкозуна цолыг 39 насандаа хүртжээ. Харин 1795 онд нас барсан байна.
ОНОКАВА КИСАБУРО
1758 онд төрсөн. 178 сантиметр өндөртэй, 135 килограмм жинтэй байсан. Ёкозуна цолыг 31 насандаа хүртсэн. 7 башед түрүүлсэн хэмээн тэмдэглэн үлдсэн аж. 1797 онд зодог тайлсан. Харин 1806 онд таалал төгсчээ.
ОНОМАЦУ МИДОРИНОСУКЭ
1791 онд төрсөн. 173 сантиметр өндөртэй, 135 килограмм жинтэй байсан гэдэг. Ер нь бие жижигтэй бөх байсан гэнэ. Ёкозуна цолыг 36 насандаа авсан. 5 башед түрүүлж байсан гэнэ. 1835 онд зодог тайлсан. 1853 онд таалал төгссөн аж.
ИНАЗУМА РАИГОРО
1802 онд төрсөн. 188 сантиметр өндөр, 145 килограмм жинтэй байсан. Ёкозуна цолыг 28 насандаа хүртсэн байна. 10 башед түрүүлсэн. Харин 1839 онд зодог тайлсан бөгөөд 1877 онд бие баржээ.
ШИРАНУИ ДАКУЭМОН
1801 онд мэндэлсэн. 176 сантиметр өндөр, 132 килограмм жин татдаг байжээ. 39 насандаа ганц удаа түрүүлж ёкозуна болсон. 1844 онд зодог тайлсан бөгөөд 1854 онп ертөнцийн мөнх бусыг үзүүлжээ..
ХИДЭНОЯМА РАИГОРО
1808 онд мэндэлсэн. 164 сантиметр өндөртэй, 150 килограмм жин татдаг байж. Ёкозуна цолыг 39 насандаа авсан. 6 башед түрүүлсэн. 1850 онд зодог тайлж,1862 онд бие баржээ.
УНРЮ ХИСАКИТИ
1823 онд төрсөн. 178 сантиметр өндөр, 135 килограмм жинтэй. Ёкозуна цолыг 38 хүрэхдээ авсан. 7 башед түрүүлсэн. 1865 онд зодог тайлж, 1890 онд хорвоог орхижээ.
ШИРАНУИ КОЭМОН
Ертөнцөд 1825 онд ирсэн. Биеийн өндөр 177 сантиметр бол жин 120 килограмм. 38 насандаа ёкозуна болсон. Гурван башед түрүү авсан. 1869 онд зодог тайлж 1879 онд ертөнцийн мөнх бусыг үзүүлжээ.
ЖИНМАКУ КЮГОРО
1829 оны тавдугаар сарын 3-нд төрсөн. Өндөр 174 сантиметр. Жин 138 килограмм. Ёкозуна цолыг 38 насандаа хүртсэн. Таван башег ардаа орхиж байсан гэнэ. 1868 онд зодог тайлж 1903 онд хорвоог орхижээ.
КИМЭНЗАН ТАНИГОРО
1826 онд мэндэлсэн. Өндөр 186 сантиметр. Жин 140 килограмм. Хожимхон буюу 42 насандаа их аварга болсон. 7 башед түрүү авсан. 1870 онд зодог тайлж 1871 онд мөнх бусыг үзүүлжээ.
САКАИГАВА НАМИЭМОН
1841 оны дөрөвдүгээр сарын 8-нд төрсөн. Өндөр 169 сантиметр. Жин 130 килограмм. 34 насандаа ёкозуна цолыг хүртсэн. 5 башед түрүүлж байсан аж. 1881 онд зодог тайлж 1887 онд таалал болов.
УМЭГАТАНИ ТОТАРО (1)
1845 оны хоёрдугаар сарын 9-нд мэндэлсэн. Өндөр 176 сантиметр. Жин 105 килограмм. 39-ний жилдээ их аварга болсон. 9 башёд түрүүлж байжээ. 1885 онд зодог тайлж 1928 онд нас эцэслэжээ.
НИШИНОУМИ КАЖИРО (1)
1855 оны нэгдүгээр сарын 3-нд төрсөн. 176 сантиметр өндөртэй. 127 килограмм жинтэй. Ёкозуна цолыг 35 насандаа авсан. Ердөө хоёр удаа л түрүүлсэн гэнэ. 1896 зодог тайлж 1908 онд бие баржээ.
КОНИШИКИ ЯСОКИТИ
1867 оны 10 дугаар сарын 15-нд мэндэлсэн. Өндөр 168 сантиметр. Жин 128 килограмм. Ид  29 насандаа ёкозуна болсон. 7 башёд түрүүлсэн. 1901 онд зодог тайлж 1915 онд тэнгэрт оджээ.
ООЗУЦУ МАНЪЭМОН
1869 оны 11 дүгээр сарын 28-нд төрсөн. 197 сантиметр өндөртэй. 134 килограмм жинтэй. Ёкозуна цолыг 31 насандаа хүртсэн. Хоёр удаа түрүү авсан. 1908 онд зодог тайлж 1919 онд нас баржээ.
ХИТАТИЯМА ТАНИЭМОН
1874 оны нэгдүгээр сарын 19-нд хорвоод мэндэлсэн. Өндөр 175 сантиметр. Жин 145 килограмм. Ёкозуна цолыг 29 насандаа авсан. Найман башёд түрүүлсэн. 1915 онд дохёг орхиж 1923 онд мөнх бусыг үзүүлсэн аж.
УМЭГАТАНИ ТОТАРО (2)
1878 оны гуравдугаар сарын 11-нд төрсөн. Өндөр 168 сантиметр. Жин 158 килограмм. 25 насандаа ёкозуна болжээ. Гэхдээ гурван удаа түрүүлсэн байна. 1916 онд зодог тайлж 1927 онд нас нөхцөжээ.
ВАКАШИМА ГОНШИРО
1874 оны наймдугаар сарын 2-нд төрсөн. Өндөр 178 сантиметр. Жин 115 килограмм. Ёкозуна цолыг 30 насандаа авсан. 1907 онд зодог тайлж 1943 онд бие баржээ.
ТАТИЯМА МИНЭЭМОН
1877 оны наймдугаар сарын 15-нд мэндэлсэн. 187 сантиметр өндөртэй, 140 килограмм жинтэй байсан гэнэ. 33 насандаа ёкозуна болсон бөгөөд 9 башёд түрүүлсэн байна. 1919 онд зодог тайлж 1941 онд мөнх бусыг үзүүлжээ.
ООКИДО МОРИЭМОН
1878 оны 11 дүгээр сарын 2-нд хорвоод мэндэлжээ. Биеийн өндөр 178 сантиметр байсан бол 125 килограмм татдаг байсан аж. Ёкозуна цолыг 34 насандаа хүртсэн бөгөөд 1915 онд зодог тайлсан. 1930 онд хорвоог орхисон байна.
ООТОРИ ТАНИГОРО
1887 оны дөрөвдүгээр сарын 3-нд төрсөн. Өндөр 174 сантиметр. Жин 115 килограмм. 27 насандаа ёкозуна болсон. Хоёр башёд түрүүлж байсан. 1921 онд зодог тайлсан бол 1956 онд таалал төгссөн аж.
НИШИНОУМИ КАЖИРО (2)
1880 оны хоёрдугаар сарын 6-нд төрсөн. 185 сантиметр өндөртэй, 140 килограмм жинтэй байж. Ёкозуна цолыг 36 насандаа хүртсэн бөгөөд ганцхан удаа түрүүлсэн. Харин 1919 онд зодог тайлсан юм байна. 1931 онд бие баржээ.
ООНИШИКИ УИТИРО
1891 оны 11 дүгээр сарын 25-нд мэндэлжээ. Өндөр 175 сантиметр. Жин 140 килограмм. 25 насандаа ёкозуна болсон. 5 башёд түрүүлсэн. 1924 онд зодог тайлж 1941 онд ертөнцийг орхижээ.
ТОЧИГИЯМА МОРИЯ
1892 оны хоёрдугаар сарын 5-нд төрсөн. Өндөр 172 сантиметр. Жин 104 килограмм. Ёкозуна цолыг 26 насандаа хүртсэн. 9 башёд түрүүлсэн аж. 1926 онд зодог тайлж 1959 онд бие барсан гэнэ.
ООНИШИКИ ДАЙГОРО
1883 оны гуравдугаар сарын 22-нд мэдэлсэн. Өндөр 176 сантиметр. Жин 112 килограмм. Ёкозуна цолыг 35 насандаа авсан байна. 5 башёд түрүүлж байжээ. 1923 онд зодог тайлж 1943 онд бие баржээ.
МИЯГИЯМА ФУКУМАЦУ
Родился 27 февраля 1895 оны хоёрдугаар сарын 27-нд мэндэлсэн. Өндөр 175 сантиметр. Жин 113 килограмм. 26 настайдаа ёкозуна болсон. Хоёр башёд түрүүлсэн аж. 1931 онд зодог тайлж 1943 онд хорвоог орхисон аж.
НИШИНОУМИ КАЖИРО (3)
1890 оны 11 дүгээр сарын 2-нд төрсөн. Өндөр 183 сантиметр. Жин 116 килограмм. Ёкозуна цолыг 32-тойдоо хүртсэн. 1928 онд зодог тайлж 1933 онд нас элээжээ.
ЦУНЭНОХАНА КАНЪИТИ
1896 оны 11 дүгээр сарын 23-нд төрсөн. 178 сантиметр өндөртэй 115 килограммжин татдаг байсан гэнэ. 27-тойдоо их аварга болсон. 10 удаа түрүүлсэн. 1930 онд зодог тайлж 1960 онд амьсгаа хураажээ.
ТАМАНИШИКИ САНЪЭМОН
1903 оны 12 дугаар сарын 15-нд мэндэлжээ. Өндөр 174 сантиметр. Жин 140 килограмм. 28-тайдаа ёкозуна цолыг хүртсэн. 9 башёд түрүүлсэн аж. 1938 онд нас нөхцөжээ.
МУСАШИЯМА ТАКЭШИ
1909 оны 12 дугаар сарын 5-нд төрсөн. Өндөр 186 сантиметр. Жин 117 килограмм. Ёкозуна цолыг 25 насандаа хүртсэн нь түүний эхний бөгөөд сүүлийн түрүү байлаа. 1939 онд зодог тайлж 1969 онд ертөнцийн мөнх бусыг үзүүлжээ.
МИНАНОГАВА ТОЗО
1903 оны есдүгээр сарын 17-нд мэндэлсэн. Өндөр 191 сантиметр. Жин 146 килограмм. 32-тойдоо их аварга болсон. Хоёр удаа түрүүлсэн бөгөөд 1942 онд зодог тайлжээ. Харин 1971 онд бие барсан байна.
ФУТАБАЯМА САДАЖИ
1912 оны хоёрдугаар сарын 9-нд төрсөн. Өндөр 179 сантиметр. жин 128 килограмм байсан. 25-тайдаа их аварга болсон. 12 удаа түрүүлсэн маш сайн рикиши байжээ. 1945 онд зодог тайлж 1968 онд таалал төгсчээ.
ХАГУРОЯМА МАСАЖИ
1914 оны 11 дүгээр сарын 18-нд мэндэлсэн. Биеийн өндөр 179 сантиметр. Жин 129,5 килограмм байсан гэнэ. Ёкозуна цолыг 26 насандаа авсан. Зодог тайлсан он 195. 7 удаа түрүүлсэн. Харин таалал төгссөн он нь 1969 юм.
АКИНОУМИ СЭЦУО
1914 оны тавдугаар сарын 30-нд хорвоод мэндэлжээ. Өндөр 177 сантиметр. Жин 127,5 килограмм. 27-тойдоо их аварга болсон. 1946 онд зодог тайлж 1979 онд бие баржээ. Харин ганцхан удаа л түрүүлсэн юм байна
ТЭРУКУНИ МАНЗО
1919 оны нэгдүгээр сарын 10-нд төрсөн. Өндөр 174 сантиметр. Жин 161,5 килограмм байжээ. Ёкозуна цолыг 23 насандаа хүртсэн бөгөөд хоёр удаа түрүүлж байсан аж. Харин 1953 онд зодог тайлж 1977 онд таалал болжээ.
МАЭДАЯМА ЭЙГОРО
1914 оны тавдугаар сарын 4-нд мэндэлсэн. Өндөр 180 сантиметр. Жин 116,5 килограмм. 33-тайдаа их аварга болсон. 1949 онд зодог тайлж 1971 онд бие баржээ. Нэг удаагийн түрүүтэй.
АЗУМАФУЖИ  КИНЪИТИ
1921 оны 10 дугаар сарын 28-нд төрсөн. Өндөр 179 сантиметр. Жин 178 килограмм. Ёкозуна цолыг 26-тайдаа хүртсэн. 6 удаа түрүүлж байжээ. 1954 онд зодог тайлж 1973 онд хорвоог орхисон байна.
ТИЁНОЯМА МАСАНОБУ
1926 оны зургадугаар сарын 2-нд мэндэлсэн аж. Өндөр 190 сантиметр. Жин 122 килограмм. 24 насандаа их аварга болсон. Зургаан удаа түрүүлж байсан бөгөөд 1959 онд зодог тайлжээ. Спортын карьераа ийнхүү дуусгаад Коконоэ нэр авч дэвжээний ояката болсон юм. Харин 1977 онд хорвоогийн мөнх бусыг үзүүлсэн байна.
КАГАМИСАТО КИЁЖИ
1923 оны дөрөвдүгээр сарын 30-нд мэндэлжээ. Өндөр 174 сантиметр. Жин 161 килограмм байсан гэнэ. Ёкозуна цолыг 29 насандаа хүртсэн. Дөрвөн удаа эзэн хааны цом хүртэж байсан агаад 1958 онд зодог тайлсан байна. Харин 2004 онд тэнгэрт хальсан юм.
ЁШИБАЯМА ЗЮННОСУКЭ
1920 оны дөрөвдүгээр сарын 3-нд төрсөн. Биеийн өндөр 179 сантиметр. Жинс 143 килограмм байсан гэнэ. Нэг удаа түрүүлж 29 насандаа их аварга болсон аж. 1958 онд зодог тайлсан агаад 1977 онд таалал төгсжээ.
ТОЧИНИШИКИ КИЁТАКА
1925 оны хоёрдугаар сарын 20-нд төрсөн. Өндөр 177 сантиметр. Жин 132 килограмм. 29 насандаа их аварга болж 10 удаа түрүүлж байсан үнэхээр сайн бөх байсан юм. 1960 онд зодог тайлсан бөгөөд 1990 онд мөнх бусыг үзүүлсэн.
ВАКАНОХАНА КАНЖИ (1)
1928 оны гуравдугаар сарын 16-нд мэндэлсэн. 179 сантиметр өндөртэй, 105 килограмм жинтэй байжээ.  Ваканохана Канжи нь хорьдугаар зууны 90-ээд оны хамгийн алдартай ах дүү бөхчүүд болох Таканохана, Ваканохана нарын авга ах юм. Тэрбээр 29 насандаа их аварга болж 10 удаа түрүүлсэн байна. 1962 онд зодог тайлжээ.
АСАШИО ТАРО
1929 оны 11 дүгээр сарын 13-нд төрсөн. Өндөр 188 сантиметр. Жин 135 килограмм. 29 насандаа ёкозуна болж таван удаа түрүүлжээ. 1962 онд зодог тайлж 1988 онд бие барсан байна.
КАСИВАДО ЦУЁСИ
1938 оны 11 дүгээр сарын 29-нд мэндэлжээ. Өндөр 188 сантиметр. Жин 139 килограмм. 22-хон насандаа их аварга болсон агаад 5 удаа түрүү авч байжээ. 1969 онд зодог тайлсан агаад 1996 онд хорвоог орхисон аж.
ТАЙХО КОКИ
1940 оны тавдугаар сарын 29-нд Сахалиний Поронайск хотод төржээ. Биеийн өндөр 187 сантиметр. Жин 150 килограмм.  Түүний эцэг нь орос /зарим нэг баримтаар украин/ хүн байсан гэнэ. Харин энэ тухайгаа их аварга ярих тун дургүй байсан аж. Харин төрснийх нь дараахан ээж нь түүнийг Хоккайдо арал руу авч ирсэн байна.
Тайхо Коки 21-хэн насандаа ёкозуна цол хүртсэн аж. 1971 онд зодог тайлсан тэрбээр 32 удаа түрүүлсэн хүн юм. Мөн Оросын анхны сумоч Рохогийн багш. 2004 онд тэтгэвэртээ гарчээ.
ТОЧИНОУМИ ТЭРУЁШИ
1938 оны гуравдугаар сарын 13-нд төрсөн.. Биеийн өндөр 177 сантиметр. Жин 110 килограмм байжээ. Ёкозуна цолыг 25 насандаа хүртсэн тэрбээр гурван удаа ялалт байгуулж байжээ. 1966 онд зодог тайлаад Касугано нэр авч дэвжээний ояката болсон юм. Харин 2003 онд тэтгэвэртээ гарчээ.
САДАНОЯМА ШИНМАЦУ
1938 оны хоёрдугаар сарын 18-нд төрсөн. Өндөр 182 сантиметр. Жин129 килограмм. 26 насандаа их аварга болж нийт зургаан удаа түрүүлжээ. 1968 онд зодог тайлсан байна. Спортын карьераа дуусгаад  Дэваноуми дэвжээний ояката болсон юм. Дараа нь Сакаигава  нэрээр 1998 он хүртэл Сумогийн холбоог тэргүүлсэн билээ. Харин2003 онд тэтгэвэртээ гарчээ.
ТАМАНОУМИ МАСАХИРО
1944 оны хоёрдугаар сарын 5-нд төрсөн. Өндөр 177 сантиметр. Жин 134 килограмм. 25-тайдаа ёкозуна болж зургаан башёд түрүүлж байжээ. Харамсалтай нь 1971 онд мухар олгойн хагалгаанд орох үедээ амьсгаа хураажээ.
КИТАНОФУЖИ КАЦУАКИ
1942 оны гуравдугаар сарын 28-нд төрсөн. Биеийн өндөр 185 сантиметр. Жин 135 килограмм байсан. Ёкозуна цолыг 27 насандаа хүртсэн бөгөөд 10 удаа ялалт байгуулж байжээ. 1974 онд зодог тайлаад Коконоэ дэвжээний ояката болсон. Харин 1992 он мөн зодоү тайлсан сумоч,  ёкозуна Тиёнофужид дэвжээгээ шилжүүлсэн юм.
КОТОЗАКУРА МАСАКАЦУ
1940 оны 11 дүгээр сарын 26-нд төрсөн. Өндөр 182 сантиметр. Жин 150 килограмм. Ёкозуна цолыг 32 насандаа хүртжээ. Таван удаа түрүүлж байсан тэрээр 1974 онд зодог тайлсан юм. Карьераа өндөрлөөд Садогатакэ дэвжээнд ояката байсан тэрээр 2007 онд таалал төгссөн байна.
ВАЖИМА ХИРОШИ
1948 оны нэгдүгээр сарын 11-нд мэдэлсэн. 186 сантиметр өндөртэй 132 килограмм жинтэй. 25 насандаа их аварга болсон бөгөөд 1981 онд зодог тайлсан байна. 14 башё түрүүлсэн чамгүй сайн бөх. Сумогийн карьераа дуусгаад мэргэжлийн бөхөөр хичээллэх болсон юм.
КИТАНОУМИ ТОШИМИЦУ
1953 оны тавдугаар сарын 16-нд төрсөн. Өндөр 179 сантиметр. Жин 169 килограмм. 21 насандаа ёкозуна цол хүртсэн тэрбээр 1985 онд зодог тайлсан юм. 24 удаагийн түрүү авч байсан мундаг бөхчүүдийн нэг. Одоогоор ояката хийж байна.
ВАКАНОХАНА КАНЖИ (2)
1953 оны дөрөвдүгээр сарын 3-нд мэндэлсэн. Өндөр 186 сантиметр. Жин 129 килограмм. Ёкозуна цолыг 25 насандаа авсан бөгөөд 1983 онд зодпог тайлжээ. Дөрвөн удаа түрүүлж байсан тэрбээр одоо Магаки дэвжээнээ ояката хийж байгаа.
МИЭНОУМИ ЦУЁШИ
1948 оны хоёрдугаар сарын 4-нд төрсөн. Биеийн өндөр 181 сантиметр. Жин 135 килограмм. 31 насандаа ёкозуна болж байсан бөгөөд гурван удаа түрүүлсэн. Харин 1980 онд зодог тайлсан байна. Мусашигава дэвжээний ояката.
ТИЁНОФУЖИ МИЦУГУ
1955 оны зургадугаар сарын 1-нд төрсөн. Өндөр 183 сантиметр. Жин 127 килограмм. Ёкозуна цолыг 26 насандаа хүртсэн бөгөөд 31 удаа түрүү авч байсан манлай бөхчүүдийн нэг. Харин 1991 онд зодог тайлсан байна. Түүнийг ид байх үед нь барилдааны онцлогоос нь болоод “Чоно” хэмээн хочилдог байсан гэнэ. Нийтдээ 1000 гаруй удаа барилдаан хийсэн гэдэг. Коконоэ дэвжээний ояката.
ТАКАНОСАТО ТОШИХИДЭ
1952 оны есдүгээр сарын 29-нд төрсөн. Өндөр 182 сантиметр. Жин 159 килограмм. 30 насандаа ёкозуна болсон. Дөрвөн удаа түрүүлсэн тэрээр 1986 онд зодог тайлжээ. Наруто дэвжээний ояката байсан. Харамсалтай нь өнгөрсөн жил таалал төгссөн юм.
ФУТАХАГУРО КОЖИ
1963 оны наймдугаар сарын 12-нд төрсөн. 199 сантиметр өндөртэй 157 килограмм жинтэй аж. Ёкозуна цолыг 22 настайдаа хүртсэн юм. Харамсалтай нь 1987 онд рикишигийн хувьд зохимжгүй зан гаргасан /оякатагийнхаа гэргийд хүндэтгэлтэй хандаагүй/  шалтгаанаар дэвжээнээсээ хөөгдсөн байна
ХОКУТОУМИ НОБУЁШИ
1963 оны зургадугаар сарын 22-нд төрсөн. Өндөр 181 сантиметр. Жин 151 килограмм. Ёкоүуна цолыг 23 насандаа хүртжээ. 1992 онд зодог тайлахаасаа өмнө зургаан удаа ялсан байна. Хаккаку дэвжээний ояката.
ОНОКУНИ ЯСУШИ
1962 оны есдүгээр сарын 9-нд төрсөн. Өндөр 189 сантиметр. Жин 203 килограмм. 24 насандаа ёкозуна болсон. Хоёр удаа түрүүлсэн тэрбээр 1991 онд зодог тайлсан юм. Шибатаяма дэвжээний ояката.
АСАХИФУЖИ СЭЙЯ
1960 оны долдугаар сарын 6-нд мэндэлжээ. Өндөр189 сантиметр. Жин 143 килограмм. Ёкозуна цолыг 30 насандаа хүртсэн. Дөрвөн удаа түрүүлжж 1991 онд зодог тайлсан. Ажигава дэвжээний ояката.
АКЭБОНО ТАРО
1969 оны тавдугаар сарын 8-нд төрсөн. Өндөр 203 сантиметра. Жин 236 килограмм. Анхны гадаадын иргэн их аварга. Хавайн арлын уугуул иргэн. Ёкозуна цолыг 23 настайдаа хүртэж 11 удаа түрүүлж байсан. 2001 онд зодог тайлаад Азумазэки дэвжээнд бага ояката болсон. Харин 2003 онд сумог орхиж К-1-т ирсэн юм.
ТАКАНОХАНА КОДЗИ
1972 оны наймдугаар сарын 12-нд төрсөн. Өндөр 185 сантиметр. Жин 159 килограмм. Алдарт озэки Таканоханагийн хүү, ёкозуна  Ваканохана (1)-ийн үеэл. 22 насандаа ёкозуна цол хүртсэн. 22 түрүүлсэн хүн юм. 2003 онд зодог тайлаад Футагояма дэвжээнээ бага ояката болсон бөгөөд 2004 онд энэ дэвжээгТаканохана хэмээн нэрлэгдэх болсон цагаас ояката болсон.
ВАКАНОХАНА МАСАРУ
1971 оны нэгдүгээр сарын 20-нд төрсөн. Өндөр 180 сантиметр. Жин 130 килограмм. Ёкозуна  Таканоханагийн ах, озэки Таканоханагийн хүү мөн ёкозуна Ваканохана (1)-ийн үеэл. Тав түрүүлж байсан тэрээр 27 насандаа ёкозуна болсон юм. 2000 онд зодог тайлжээ.
МУСАСИМАРУ КОЙО
1971 оны тавдугаар сарын 2-нд төрсөн. Өндөр191 сантиметр. Жин 235 килограмм. Хавайн арлын уугуул. 12 удаа түрүүлсэн тэрээр 28 насандаа ёкозуна болсон. 2003 онд зодог тайлаад Мусашигава дэвжээнээ бага ояката болсон.
АСАШЁРЮ АКИНОРИ
1980 оны есдүгээр сарын 27-нд Монгол Улсын Улаанбаатар хотноо мэндэлжээ. Ид үедээ их аварга маань 185 сантиметр өндөртэй 148 килограмм жинтэй байсан юм. Давгаа аварга маань 22 насандаа ёкозуна цолыг нь гуйж биш гуядаж авсан түүхтэй.  25 түрүү авсан тэрбээр өмнөх амжилтуудыг эвдэх боломж бүрэн байсан. Харин 2010 оны хоёрдугаар сарын 4-нд юу болсныг монголчууд бүгдээрээ мэднэ.
ХАКУХО ШЁ
1985 оны гуравдугаар сарын 11-нд Монгол Улсын Улаанбаатар хотноо мэндэлсэн. Өндөр 192 сантиметр. Жин 155 килограмм. 22 насандаа их аварга болсон Хакуко маань одоогоор 22 түрүүлээд байгаа.
ОТГОН АВРАГА ХАРУМАФУЖИ КОХЭЙ
1984 оны дөрөвдүгээр сарын 14-нд Монгол Улсын нийслэл хотноо мэндэлжээ. Биеийн өндөр 186 сантиметр. Жин 133 килограмм. 28 насандаа нутаг нэгтэнтэйгээ хүч үзэн барилдаж их аварга болсон. Дөрвөн башёд ялсан.
Бэлтгэсэн С.Майдар