Даяарчлалын замд буцалтгүй орсон өнөедрийн дэлхийн хамгийн аймшигтай асуудлуудын нэг бол далд боолчлол буюу хүний наймаа билээ. Тэгвэл энэхүү аймшигтай үзэгдлийн золиос нь ихэвчлэн буурай хөгжилтэй орнуудын хүүхэд, эмэгтэйчүүд болдог. Тэр дундаа манай орны охид бүсгүйчүүд харийн оронд хүчээр биеэ үнэлэх явдал сүүлийн жилүүдэд эрс ихсээд байгаа юм. Эрээн, Макао мэтийн газруудад тоо томшгүй олон монгол эмэгтэйчүүд биеэ үнэлж байгаа билээ.

ятадын Эрээн хотод биеэ үнэлдэг Монгол охидын аж амьдрал, тэнд ямар замаар очдог талаархи мэдээлэл Глобал сэтгүүлд дээр нийтлэгдсэнийг тайлбар, жишээний хамт хүргэе. Завхан аймгаас Улаанбаатар хотод орж ирсэн Номин бүсгүй гурван жилийн өмнө Их Сургуулийн зардлаа олохын тулд зарын сонингоос ажил хайж байгаад "Солонгосын Их Дээд сургуульд тэтгэлэгтэйгээр суралцах хөтөлбөрт залуу эмэгтэйг зуучилна. Байр, хоол даана. Арван жилийн гэрчилгээ, паслорттойгоо ирж уулзана уу" гэсэн зарын дагуу ханджээ. Номин тэрхүү Солонгосын Их Сургуульд зуучилдаг гэх нэгэн монгол хосод шаардлагатай бүхий л бичиг баримтаа бүрдүүлэн өгснөөр хэдхэн долоо хоногийн дараа өөр хоёр бүсгүйн хамтаар Солонгосыг зорьсон байна. Гэтэл түүнийг тэнд сургууль бус биеэ үнэлэх ажил хүлээж байжээ. ' Хожим нь Номин тэндээс азаар оргож, Улаанбаатарт ирсэн • байна.

"Биднийг онгоцны буудал дээр буухад өнөөх зуучлагч хос маань сургууль эхлэх болоогүй тул та нар энэ хооронд шөнийн клубт ажиллаж мөнгө олох хэрэгтэй байна гэж хэлсэн. Тэндхийн бүх хүмүүс солонгосоор ярьж байсан тул бид юу ч ойлгоогүй. Юу болоод байгааг мэдэх ч сөхөө байгаагүй" гэжээ. Ингээд охидыг Чөжү арал дээр аваачиж, нэгэн жижиг өрөөнд хорьж, өдөр бүр зодон, ойролцоох шөнийн цэнгээний газарт хүчээр биеийг нь үнэлүүлэх болжээ. Жаахан л эсэргүүцэл үзүүлбэл зодуур амсдаг тул амьд гарахын тулд хий гэснийг нь хийхээс өөр аргагүй. Шөнийн клубын эзэд орлогоо бодож, сарын тэмдгийг нь хорих тариа байнга хийснээс болж, Номин гормоны өөрчлөлтөд орж, одоо нэгэнт үр хүүхэд төрүүлэх боломжгүй болжээ. Харин азаар Номин гурван жилийн дараа шөнийн клубт танилцсан монгол бизнесмэн залуугийн тусламжтайгаар угаалгын өрөөний цонхоор оргож, Сөүлд очоод, төд удалгүй эх орондоо эсэн мэнд очжээ. Харин гэр бүлийнхэн нь охиндоо юу тохиолдсоныг одоо хүртэл мэдээгүй л байгаа гэнэ. "Хүний Эрхийг Хамгаалах Бодлого Судлалын Төв" ТББ-ын судалгаагаар хүний наймааны золиос бологсдын тоо Монгол орны хувьд жил бүр 3000-5000 байгаагийн ихэнх нь хүүхэд, эмэгтэйчүүд аж.

Тэд бэлгийн мөлжлөгөд дагнан өртдөг байна. Хүний наймааны хохирогчид нь гадаадад шөнийн клубт ажиллах, массажист хийх мэтийн далд агуулгатай хуурамч заруудын шугамаар орчин цагийн боолчлолд өртөх замдаа "морддог" байна. Зуучлагчид нь тэдний паспортыг хураан авч, замын болон бусад зардлынхаа өрийг барагдуулахаас нь нааш тавьж явуулалгүй, "өрийн барьцаанд" авч, биеийг нь үнэлүүлдэг аж. Зарим охид нь Номин шиг оргож чаддаг бол мөнгө, бичиг баримт болон бусад зүйл хомс нэг нь хэдэн жилээр ч хамаагүй харь нутагт бэлгийн дарамтан доор амьдарсаар байдаг. Олон монгол бүсгүйчүүд зодуулж, хүчээр хар тамхи хэрэглэн, хүсээгүй бэлгийн харьцаанд хэдхэн төгрөгийн төлөө удаа дараа орсоор байна.

Холын газарт, хүний эрхэнд биеэ үнэлж байгаа монгол охидын төлөөллийг харъя гэвэл Бээжингийн зарим шөнийн клубууд, Макао-гийн ихэнхи халуун усны газар, болон Хятадын хил дээр орших Эрээн хотын дурын эмсийн хүрээлэнгээр ганцхан шагайхад л хангалттай болох нь гашуунаас гашуун үнэн болоод байна. Хамгийн харамсалтай нь энд дандаа монгол охид, бүсгүйчүүд бусдын хүчин дор биеэ үнэлдэг. Бас нэгэн сэтгэл сэртхийлгэсэн мэдээ гэвэл, 2009 оны 6-р сард АНУ-ын Засгийн Газраас гаргасан Хүний Наймааны Судалгааны дүнд Монголын хохирогчид улам хүрээгээ тэлж, Герман, Израил. Арабын Нэгдсэн Эмират болон бусад орнуудад биеэ үнэлэх болсон гэсэн албан ёсны мэдээлэл юм. Түүнчлэн сүүлийн жилүүдэд монгол бүсгүйчүүд гадаадын иргэдтэй. тэр дундаа өмнөд Солонгосчуудтай гэр бүл болох явдал хэт опширч байгаа.

Тэдний ихэнх нь мөн л адил дарамт шахалт, хүчирхийлэл доор амьдардаг нь нотлогджээ. Зуучлагчдын хувьд бас л сайхан амьдарч, баян болохын түүс болсон, боловсрол муутай, хүчирхийлэлд дуртай хүмүүс байдаг юм байна. Зарим нь бүүр хохирогчдын ойр дотны найз нөхөд, хамаатан садан нь байдаг гэнэ. Харин хохирогчид нь ажиллах нөхцөл, шан харамжных нь арай барагтайг харсан мэргэжлийн биеэ үнэлэгчид болон гадаадад сургууль ажилд зуучилна гэсэн сонин, телевизийн заранд хууртсан эмэгтэйчүүд гэсэн хоёр янз байдаг. Эрээний "Golden Вridgе Street" дэх нэг эмсийн хүрээлэн бүрт ихэвчлэн 10 эмэггэй биеэ үнэлж, нэг эрэгтэй харгалзагч ажилладаг байна. Түүнчлэн бидэнтэй тааралдаж, ярилцсан тэндхийн биеэ үнэлэгчид бүгд монгол бүсгүйчүүд байсан.

Неон гэрлээр чимсэн цонхны цаанаас биеэ үнэлэгчид хажуугаар такси хөлөглөн өнгөрөх эрчүүдийн анхаарлыг татахаар чармайх ажээ. Тэндхийн "ажилчид" нэг шөнедөө 2-3 үйлчлүүлэгч тогтмол авдаг байна. Залуу бүсгүйн цагийн хөлс нь дунджаар 200 юань юм байна. "Golden Вridgе Street" нь монголын хилээс хэдхэн минутын зайд байх биеэ үнэлэгчдийн гудам юм. Сүүлийн үед энэ гудамнаас аймшигт хэргүүд ихээхэн гарах болжээ. Уг нь цагдаагийн газар хажууханд нь байх боловч эмсийн хүрээлэнгээс авдаг татвартаа уягдан хөдөлж өгдөггүй гэнэ. Монголоос нэг охиныг хуурч авчран эмсийн хүрээлэнд худалдсан бөгөөд өнөөх охин биеэ үнэлэхгүй гэсний төлөө амиа алдсан байна. Түүнийг эзэд нь хаашаа ч юм авч явсан бөгөөд хэд хоногийн дараа эзэн нь шилэнд хийчихсэн хүний нүд барин иржээ. Тэгээд тэрхүү нүдээ үзүүлэн "Та нарыг эсэргүүцэх юм бол эд эрхтнийг чииь ингэж зарах болно. Энэ бол эсэргүүцэл үзүүлсэн охины нүд. Та нарын биеийг үнэлүүлж, хооллож ундалж байснаас ингээд эд эрхтэнийг нь зарчих юм боп асар их ашигтай юм билээ" хэмээн сүрдүүлсэн байна. Мөн гаж донтон хэдэн хятад залуус эмсийн хүрээлэнгээс монгол залуухан охиныг худалдан авчээ.

Тэд тавуулаа явсан бөгөөд бүгд охиныг ээлжлэн хүчиндэж, элдэв янзаар тамлажээ. Хар тамхи хэрэглэсэн эдгээр залуусын тамлал хэрээс хэтэрч сүүлдээ монгол охины толгойг салгаж, хоорондоо хөл бөмбөг тоглосон хэмээх сэтгэл сэртхийлгэм мэдээг бусад биеэ үнэлэгчид нь сонссон байна. Энэ нь ч үнэний хувьтай байж болзошгүй бөгөөд тэр өдрөөс хойш өнөөх монгол охин харагдаагүй байна. Гэтэл эзэн нь тэр таван залууд хүн аллаа гэж уурлсангүй, орлого олох эх үүсвэрийг маань үгүй хийсэн учир та нар надад нөхөр төлбөр өгөх ёстой, эсвэл хүн амины хэргийг чинь хэлнэ хэмээн сүрдүүлж байгаад багагүй хэмжээний мөнгө авсан гэнэ. Эрээн нь хүний наймааны золиос болсон монгол эмэгтэйчуүдийн "тойрон аяллын" эхний зогсоол юм.

Тэдний ихэнхи нь яван явсаар Макао-гийн массажны газарт хүргэгдэж, оргон зайлах боломж бүр багатай болдог аж. Эмсийн хүрээлэнгүүд нь тэдний хувьд ажиллаж, амьдрах газар нь болдог. Зуучлагчид нь тэдний байрны хөлс, замын зардал болон бусад зардал, бүр бэлгэвчийг нь хүртэл авч өгдөг учир эдгээр бүсгүйчүүдийг энэ өрөө барагдуулж дуустал нь чөлөөлдөггүй юм байна. Хятадад авч ирсэн Монгол бүсгүй бүрийнхээ төлөө 2000 юань авдаг зуучлагчид хүртэл бий. Тэдний нэг нь хэлэхдээ "Энд маш олон монгол хүүхнүүд ажилладаг. Зарим нь биеэ үнэлэгч болох гэж байгаагаа мэдэж ирдэг" гэсэн байиа. Хил дамнуулан "зарагдсан" бүсгүйчүүд эх орондоо эргэж ирэхдээ ч бие болоод сэтгэл санааны нөхөж баршгүй хохирол амссан байдаг. Тэдний ихэнх нь бэлгийн замын маш олон төрлийн өвчинтэй, бэлгийн дарамтнаас үүсэн олон янзын шарх сорвитой болсон байдаг.

Тэднийг эргэж ирэхэд нь нийгэм, гэр бүл нь халуун дотноор хүлээн авалгүй, гадуурхаж, доромжилдог нь бас үнэн юм. Туүнчлэн тэд ажлын ямар нэгэн дадлага туршлага байхгүй, хүнтэй харилцэх орчин хязгаарлагдмал байсан тул эргээд л биеэ үнэлэгч юмуу, хүний наймааны зуучлагч болж хувирах нь олонтаа тохиолддог байна. Энэ бол хүний наймаа хэмээх аймшигтай тахлын гарах гарцгүй чөтгөрийн тойрог юм. Харамсалтай нь өнөөгийн Монголын нийгэмд ганц нэгхэн Төрийн Бус Байгууллагуудаас өөр хүний наймаанд өртөөд, эх орондоо эргэж ирсэн охидод туслах газар байдаггүй. Засгийн Газрын бүртгэлээр Монгол улсад өнөөг хүртэл хүний наймаатай тэмцэх хамгийн наад захын стандарт байхгүй байгаа юм. Түүнчлэн уг сөрөг үзэгдэлтэй тэмцэх яг тогтсон, нарийн хууль байдаггүй төдийгүй Засгийн Газар нь хэдхэн ТББ-уудтайгаа хамтарч ажилладаг нь хохирогчдод бүрэн төгс туслахад огт хангалтгүй байгаа нь харагдаж байна.

А.Чунт

www.bolod.mn

Эх сурвалж: Хориотой бүс сонин

Монгол охины толгойг тасдаж, гудамжинд хаяад хөл бөмбөг тогложээ
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
монголийн тор тагдааггийн газар

2014-05-14 | 19:27:30 | 103.26.194.9 |

Зочин
хууэ тэгээд монгол гэдэг нэгэн охин толгойгоо жоохон ********даа гаргаснийи толоо тасдийлж байха; монголийн тр иу хийж бнаа аан оорийх н дуу байсан бол ях бол

2014-05-14 | 19:25:39 | 103.26.194.12 |

Мэдээ
Гадаад мэдээ
Видео