Газрын баялгийнхаа ачаар бусдаас гуйж биш бусдаар гуйлгаж амьдарна хэмээн сүүлийн хэдэн жилийн турш улстөрчид ард түмний тархи угаасан. Эдийн засгийн өсөлт өөр хаа ч байхгүй өндөр гарлаа хэмээн том дарга нар хөөрч байсан ч Долоон буудлын Должин эмгэнийд, Дорнодын Доржийнд наалдаж хоцорсон зүйлээр маруухан.

Том том тоогоор ярьж, төсөл төсөөлөл хэмээн төөрөлдүүлдэг ирэх жилийн төсвийн эхний хэлэлцүүлгээс харсан ч энэ байдал хэвээр үргэлжлэх нь тодорхой бололтой. Шинэчлэлийн гэж өөрсдийгөө тодорхойлсон Засгийн газрын парламентаар хэлэлцүүлэхээр оруулж ирсэн төсөвт нь шинэчлэлийн үнэр ч алга байгааг эдийн засагчид төдийгүй эрх барьж буй намын гишүүд нь ч шүүмжлээд эхэлсэн. Төсөв гэдэг хийх ажлаа тодорхойлоод түүндээ хэрэглэх мөнгийг нарийвчлан зоогоод оруулж ирдэг баримт бичиг байх ёстой.

Гэтэл энэ Засгийн газар хэзээ, хэн, ямар зорилгоор яаж ашиглах нь тодорхойгүй баахан мөнгө төсөвт тусгачихаад түүнийгээ элдэв зүйл асууж шалгаалгүй шулуухан батлаад аль хэмээн эрхэм гишүүдийг үүрэгдэж байгаа. Ямар сайндаа өнөө гишүүд нь Н.Алтанхуяг юу хийх гэж байгааг таагаад мэдчих санаатай таамаг дэвшүүлж эхэллээ. Манай дарга түүгээр чинь магад шинэчлэл хийж таарна хэмээн АН-ынхан Ерөнхий сайдаа өмөөрч, сөрөг хүчин нь түүнийг намаасаа сонгогдсон гишүүдэд тараах нь, нэг бол уран ашиглах гэж байна хэмээн хардаж ер нь юм юм л болж байна.

Үнэндээ хардахаас ч аргагүй үйл явдал өрнөж буй юм. Монгол Улсын 2013 оны төсвийн танилцуулгаас Ерөнхий сайдын урсгал төсвийн багцад 72.9 тэрбум төгрөг тавьсан нь өмнөх жилийн тодотгосон төсвөөс 37.7 тэрбумаар нэмэгдсэнийг үзэж болно. Урсгал зардалд хэмээн төсөвлөсөн 72.9 тэрбум төгрөг нь хэрэгжүүлэх хөтөлбөр тус бүрээрээ өмнөх жилийнхээс яаж өөрчлөгдсөн хийгээд дараа онуудад яаж нэмэгдэх төсөөлөлтэйгөө уг танилцуулгад байгаа.

Тухайлбал, Хүйсийн тэгш байдлыг хангах хөтөлбөрт 114 сая, Мэдээллийн нэгдсэн тогтолцооны дэд бүтцийг сайжруулахад 6.1 тэрбум, Төрийн тусгай хамгаалалтын үйлчилгээнд 10.3 тэрбум, Бүх нийтийн үүргийн санд 70 сая, Үндэсний аюулгүй байдлыг хангахад 20.2 тэрбум, Олборлолт, уул уурхайн ил тод байдлыг сайжруулахад 269.2 сая, Харилцаа холбооны олон улсын суваг ашиглахад 3.6 тэрбум, Цацраг идэвхт ашигт малтмал болон цөмийн энерги ашиглах үйл ажиллагааны зардалд 2.95 тэрбум, Дотоод гадаадын шуурхай мэдээллийн үйл ажиллагаанд 1.3 тэрбум, Засгийн газрын шинэ бодлогын нөөц хөтөлбөрт 31.7 тэрбум төгрөг гэхчилэн жагсаасан нь нийлээд 72.9 тэрбум төгрөг болж буй юм билээ.

Гэхдээ энэ бүгдэд өнөө хэл ам татлаад буй элдэв задаргаа нэхэлгүй батлаад өг гэсэн шинэчлэлийн 50 тэрбум төгрөг хамаа ч үгүй. Тэр бол тусдаа буюу Ерөнхий сайдын багцад хөрөнгө оруулалт нэрээр багтсан байдаг юм. Тодорхой хэлбэл, ирэх онд Ерөнхий сайдын багцад 100.3 тэрбум төгрөгийн хөрөнгө оруулалт багтсан бөгөөд үүний 50 тэрбум төгрөгийг Шинэчлэлийн хөтөлбөрийг хэрэгжүүлэхэд зарцуулахаар төлөвлөсөн. Гэхдээ уг Шинэчлэлийн хөтөлбөр гэдэг нь чухам юу болох, үнэн хэрэгтээ ийм хөтөлбөр байгаа эсэх нь ч тодорхойгүй. Ямар ч задаргаагүйгээр парламентад оруулж ирээд эрэг шургаар нь битгий оролдоод бай, бүтнээр батлаад өг. Ер нь батлахгүй байсан ч хамаагүй, би хамгаалахгүй маягийн мэдэгдлийг гүйцэтгэх засаглалын тэргүүн чуулганы танхимд хийж Их хурлын гишүүдийг алмайруулж орхиод байгаа.

Тавин тэрбумаас гадна юу хийх гэж буй нь тодорхойгүй бас нэг хэсэг мөнгө бий. Тэр нь дээр дурдсан Засгийн газрын шинэ бодлогын нөөц нэртэй хөтөлбөрийн 31.7 тэрбум. Энэ хөтөлбөрийнх нь тухай төсвийн танилцуулгад “Бүтэц зохион байгуулалтын өөрчлөлт болон Засгийн газраас хэрэгжүүлэх шинэ бодлогын арга хэмжээ энэ хөтөлбөрт хамаарна” гэсэн ганц өгүүлбэрээс өөр юу ч алга. Ерөөсөө л нөгөө шинэчлэлийн нэртэй 50 тэрбумтай адил. Наад зах нь Н.Алтанхуяг ба түүний албатууд шинэ бодлого гэдгээ ч тайлбарласангүй. Хэн нэгэнд таалагдаж оноо авахаар боломжтой зүйл гараад ирвэл гарын доор зарцуулах эрхтэй хөрөнгө байж байг гэж санасан уу, эсвэл огт өөр зорилгоор ашиглана хэмээн нөөцөлж буй хэрэг үү, бүү мэд.

Тэгээд ч Н.Алтанхуягийн 50 тэрбум төгрөгийн тухай эрхэм гишүүн Р.Амаржаргал хэвлэлд өгсөн ярилцлагадаа “УИХ 50 тэрбум төгрөг тавиад өгч болно. Харамласан хүн нэг ч алга. Үнэхээр шинэчлэл хийх шаардлагатай мөнгө юм бол өгнө. Гэхдээ чухам чи юунд зарах юм бэ гэдгээ тодорхой болго л гэж байгаа. Ерөнхийд нь батлаад өг гэдэг бол ажлаа мэдэхгүй байгаагийн илрэл. Юмыг яаж мэдэх вэ гэдэг үүднээс мөнгө тавьж байгаа нь ажил хэргийн мэдлэг дэндүү сул байгаагийн жишээ гэж би хувьдаа ойлгож сууна. Миний хэлэх гээд байгаа санаа бол төсвөөр дамжуулж хяналт тавьдаг механизмаас хэрхэвч ухарч болохгүй. Тэрийг өргөжүүлэх ёстой. Үүний тулд төсвөө улам бүр нарийвчилж эрэг, боолт, шургийг нь ил гаргаж байж батлах учиртай юм.

...Ардчилал Монголд төлөвшсөнөөс хойш хорин хэдэн жилд анх удаа л ийм юмтай учирч байна. Олны өмнө, УИХ дээр би энэ төсвөө хамгаалахгүй ээ гээд хэлчихээр чухам юу болох юм бол. Монголын төр, засгийн бодлогын залгамж чанар гэдэг зүйл юу болон хувирч байгаа юм бол доо. Учир нь олдохгүй л зүйл болчихлоо. Би хувьдаа яах ёстойг ёстой хэлж мэдэхгүй нь” хэмээн халагласан байна билээ. Бас намынх нь гишүүд хүртэл АН-ын мөрийн хөтөлбөрийг бүрнээр нь байг эхнээсээ ч болтугай хэрэгжүүлэхийн тулд Ерөнхий сайд юу төлөвлөж, хэд хэчнээн төгрөгөөр ямар ажил хийх бол гэдгийг ирэх жилийн төсвөөс хайгаад олохгүй байгаа гэсэн. Мөнгийг нь батлахаар хэлэлцэж байгаа эрхэм гишүүдэд ч, журмын нөхдөд нь ч ойлгогдохгүй байгаа энэ том тооны учир энгийн бидэнд оньсого байх нь ч аргагүй биз.

Н.САРАНГЭРЭЛ

Н.Алтанхуягийн нууц
Tweet
Bolod.mn

Сэтгэгдэл (18)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Одоо болно доо. Засгийн газрын ажлыг саад болохгүй жаахан хийлгэх арга алга уу?Болиочээ янз бүрийн юм бичиж үймүүлэхээ зогсоо

2012-10-24 | 08:53:42 | 180.149.93.12 |

Зочин
Хүйсийн тэгш байдлыг хангах хөтөлбөрт 114 сая ÷ ãýõ øèã àðàé ÷ äýý... Бүх нийтийн үүргийн санд 70 õàí сая òºãðºã äýíä¿¿ õàðüöààã¿é áèø ãýæ ¿¿ áàñ óòààíû áèçíåñò õýäýí òýðáóì áîë äîî ï...ãýæ àð÷ààã¿é Н.Алтанхуягòàíãóóä

2012-10-23 | 21:41:32 | 124.158.92.15 |

Зочин
нөгөө олон тэмцэгчдээс бидэнд ярид өгөх хүн алга уу

2012-10-23 | 21:41:10 | 202.72.243.229 |

Зочин
худлаа том том яриад л байхийн,ичмээр юм.

2012-10-23 | 17:47:46 | 83.250.163.87 |

Зочин
Махны үнийг Н.Алтанхуяг, Женко Баттулганарын компани мөн Жаст 3 тогтоодог юм байна лээ.

2012-10-23 | 15:49:03 | 49.0.154.238 |

Зочин
Махны үнийг Н.Алтанхуяг, Женко Баттулганарын компани мөн Жаст 3 тогтоодог юм байна лээ.

2012-10-23 | 15:49:02 | 49.0.154.238 |

Зочин
Махны үнийг Н.Алтанхуяг, Женко Баттулганарын компани мөн Жаст 3 тогтоодог юм байна лээ.

2012-10-23 | 15:49:01 | 49.0.154.238 |

Зочин
Махны үнийг Н.Алтанхуяг, Женко Баттулганарын компани мөн Жаст 3 тогтоодог юм байна лээ.

2012-10-23 | 15:49:00 | 49.0.154.238 |

Зочин
Энэ засгин газар огзорноо харж л бгаараа. нээх удахгуй

2012-10-23 | 15:07:49 | 202.170.94.90 |

Зочин
алтанхуяг бол багтаж ядатлаа идэж хөрөнгө хураасан хүн энгийн ардын ядруу амьдралыг яагаад ч өөд нв татаж чадахгүй. 50 тэрбум төгрөгийн ерөнхийлөгч элбэгдоржийнхоо сурталчилгаанд зориулахаар бэлтгэж байгаа нь тодорхой эх оронч энгийн ард түмнийг боддог төрийн удирдагч минь хаана байна даа олж л гаргах хэрэгтэй. тэнэг шуналтангууд өмнүүр нь ороод гаргахгүй л байна. монгол төрийн буйн заяа битгий л гундаасай. монгол улс мөхөх ёсгүй юм шүү алтанхуягаа чи өлсгөлөн ядууралд хүргэж амыг нь барих гээд байнаа даа

2012-10-23 | 14:56:26 | 202.179.10.74 |

Зочин
Ирээдүйдээ итгэх итгэл алга боллоо. Яана даа

2012-10-23 | 14:40:55 | 203.91.117.4 |

Зочин
АЛТАНХУЯГИЙН ЗГ-Т ГААЛИЙГ АВИЛГАД ИДҮҮЛСЭН УЛААН ДАХИН САЙДААР ОРЖ БАЙГАА НЬ ГАМШИГ. ГААЛИЙН АВИЛГЫН ЗАГАЛМАЙСАН ЭЦЭГ БОЛ УЛААН САЙД ШҮҮДЭЭ. АЛТАНХУЯГ САЙД ГААЛИЙГ АВИЛГАТАЙ НЬ БАЙЛГАЯ ГЭВЭЛ УЛААНЫ НАМ ЭВСЭЛЭЭС ГААЛИЙН ДАРГЫГ ТОМИЛОХ, ГААЛИЙГ АВИЛГААС САЛГАЯ ГЭВЭЛ АН-ААС ГААЛЬД АШИГ СОНИРХОЛЫН ЗӨРЧИЛГҮЙ БААГИЙГ ТОМИЛОХ ХЭРЭГТЭЙДЭЭ. ЭЛБЭГДОРЖ БУЮУ АН 1 УДАА ГААЛИЙГ БАГА БОЛОВЧ ЦЭВЭРЛЭСЭН ШҮҮДЭЭ.

2012-10-23 | 13:55:39 | 202.131.234.18 |

Зочин
АЛХУЯГ ЮУ Ч ЯРЬЖ, ЮУ Ч ХИЙЖ мэднэ шүү. БОЛГООМЖТОЙ БАЙХГҮЙ БОЛ ЯАЖ Ч МЭДЭХ ТОВАРИЩ ШҮҮ ДЭЭ. ХОР НАЙРУУЛАХ ТАЛ ДЭЭРЭЭ Ч ГАРГУУД ДАА. МОНГОЛДОО Л №1

2012-10-23 | 13:15:23 | 202.131.226.166 |

Зочин
bulgan shuba zah zeeliin vnees hymd zarj bna.utas 91915043 91914197

2012-10-23 | 13:15:14 | 122.201.18.172 |

Зочин
засгийн газрийг тараавал таарна.

2012-10-23 | 13:07:00 | 122.201.18.166 |

Зочин
arai denduu yumaa

2012-10-23 | 13:04:01 | 122.201.18.142 |

Зочин
Тэгэж л таарна. ийм л хүмүүсийг сонгож засгаа бариулж дээ ард түмэн минь. Эсвэл эд нар бидний саналыг луйвардсан байхаа

2012-10-23 | 12:55:00 | 103.9.90.130 |

Мэдээ
Гадаад мэдээ
Видео