Япон үгийнх нь англи орчуулгыг харсан, манай их хаан руу наран охид нэлээд хандарсан шинжтэй, сонин дуу аж. Нэг хэсэг Герман ориг дууг нь манайхан их хааныг маань доромжилсон гээд л байсан, англи орчуулгаар дуулсныг нь харахад бол харин ч учиргүй магтан, дөвийлгөсөн санагдах юм. Япон, англи хоёр хувилбарыг аль алиныг нь үгтэй нь хавсаргав. Поп соёл (pop culture) гэж юмаар улсын нэр түгдэг болсон өнө үед бол пий паа гэж жийрхэх, муулахаасаа илүү харин ч ямар нэг байдлаар сурталчлаад байгаа нь сайн юм биш үү? Бодровын кино ч гэсэн дээ, Чингис хааныг олон сая хүнд тун эергээр харуулж өгсөн дөө.

Даяар Монгол онлайн.

Song Translation:

If you're going to wait for a chance,
you'll lose to him
Uh Ha Uh Ha
A storm is blowing that will never be this strong again
Uh Ha Uh Ha

You'll seize the sparkling palace,
that woman you fell in love with at first sight,
and the gold

Jin Jin Genghis Khan
Hey Brother, Ho Brother
Nice Brother, Go Brother
Jin Jin Genghis Khan
Hey Rider, Ho Rider
Nice Rider, Go Rider
If you're young, wahhahahaa
this is your chance, wahhahahaa
Hold your hands out with us

If you hit, attack;
ambush and destroy
Uh Ha Uh Ha
Don't withdraw after that, assaulting Genghis Khan
Uh Ha Uh Ha

On the right and the left, chop up
the boss who chews down to the bone
You'll seize victory

Translation by Hana.

Одоо харин "Чингис хаан" хамтлагийнхан өөрсдөө англи хэлээр орчуулан дуулсныг нь үгийн хамт үзнэ үү.

"Чингис хаан" хамтлагийг Монголд ирээд буцсаны дараа Монгол сонинд гарсан, энэхүү дууг хааныг маань доромжилсон гэж үзсэн сэтгүүлчийн нийтлэлийг одоо дор толилуулъя. Үнэхээр герман эхээрээ ийм муухай үгтэй байсныг англи руу зөөлрүүлэн орчуулсан юм уу, эсвэл сэтгүүлч буруу ойлгоо юу гэдгийг герман хэлтэй уншигч байвал сэтгэгдэл дээр бичиж өгвөл сайн байна.

Даяар Монгол онлайн.

Германы хамтлаг Монголчуудыг нутагт нь доромжлоод буцлаа

Єнгєрсєн ням гаригт хэдхэн хоногийн ємнє монгол бєхчvvд сvр хvчээ гайхуулан байсан зvлэг ногоон дэвжээ буюу Тєв цэнгэлдэх хvрээлэнд "Гударцгаая, дээрэмдэцгээе, бид монголчууд" гэсэн дуу цуурайтав.

Энэ бол их хааны нэр зээлдсэн Германы "эртний" нэгэн хамтлагийн сvлд болсон дуу нь.
Яагаав дээ, санаж байна уу, аль социализмын vед л сахилгагvй бацаанууд улс тєрийн хэрэг хийж байгаа шахуу гэрэвшин байж "Чин Чин Чингисхаан, хээр очоод гэдсээ маажаад" гэж дуулалддаг байсан шvv дээ. Тухайн vедээ уvнийг бид уг дууг гуйвуулсан хэлбэр нь гэж ойлгодог байв.
Харин яг эзэн Чингис хаан Их Монгол Улсаа байгуулсны 800 жилийн ойн vеэр энэ дууг амьдаар нь сонсох "боломж" олддог юм байна. Бvр тєрийн арга хэмжээний хvрээнд УИХ-ын гишvvн, Засгийн газрын хэрэг эрхлэх газрын дарга Су.Батболдын урьж, Vйлдвэр, худалдааны сайд Б.Жаргалсайханы зохион байгуулж байгаа шоунд шvv,дээ.
Чингис хааны сvр хvчийг нутагт нь ирж "vзvvлж" байгаа герман хамтлагийн хамгийн гол имиж, гялтайж гялайлгаж байгаа зvйл болох бидний ємчлєх дуртай их хааны тухай дууны vгийг энд герман эхээр нь тавилаа, та харна биз. Зарим нэг хэсгийг нь утгачлан орчуулбал:

Гударцгаая, дээрэмдэцгээе.

Бид монголчууд, нэмээд архи аваад ир, хул хулаар нь архиа ууцгаая /утгачлан орчуулсан нь.
Германчууд єєрсдийнхєєрєє шар айргийг метр, метрээр нь уух гэж ярьдаг/.

Чєтгєртэй уулзвал ч уулзъя, чєтгєр ирвэл ч ирэг,

Таалагдсан хvvхэн болгоноо майхан руугаа чирцгээе, бид нэг шєнє зургаан хvvхэд ч "хийдэг".

Юу, юу гэнэ вэ? Дахилт нь бас дахин дахин энэ vйлдлээ давтъя гэсэн уриалсан утгатай. Энэ дуун дээр нь тэгээд хэдэн зуун монголчууд баярлалдан хєєрєлдєн,сэгсийтэл бvжиглэцгээгээдл...

Германчууд яахав дээ, єєрсдийнхєєрєє Чингис хаан алуурчин, дээрэмчин, зэрлэг бvдvvлэг гэж ойлгодог юм байж. Гэтэл монголчууд юундаа тvvнд нь хєєрєєд, дэмжээд, орилолдож шvгэлдээд байгаа юм бэ?

Уг нь манайханд чинь хэлтэй устай, боловсролтой хvмvvс "мэр сэр" баймаар л юм. Ялангуяа герман хэл мэддэг хvмvvс мундахгvй л олон баймаар юм. Ядаж байхад Их Монгол Улс байгуулагдсаны 800 жилийн ойгоо сvртэй сайхан тэмдэглэлээ гэж хєєрєлхєж онгироод байгаа тэр комисс момисс гээчид нь ганц дууны мєр гадарлачих хvн баймаар л юм гэж бодохоор бvр гайхаш тасраад байна.

Эсвэл албаар ингэж Чингис хаанаа, монголчуудаа доромжлох гэсэн юм уу? Ядаж байхад тэр стадионд хєєрєн баярлан дуулж, орилж байсан хvмvvс дунд ганц герман хэлтэй хvн байгаагvй юм байх даа. Хэрвээ Напелоныг ч юм уу, Оросын Петр хааны тухай ийм маягтай дуу нутагт нь ирж дуулсан бол франц, оросууд мод чулуу барин дайрах байсан биз. Гэтэл монголчууд єєрсдєє ийнхvv урьж залж суйд болдог, нохойдоо хvртэл их хааныхаа нэрийг єгдєг, єєрсдийг нь доромжилж байхад баярладаг ард тvмэн гэдгээ дэлхийгээр нэг зарлав. Германы мєнєєх "алдарт" хамтлаг нь "Бид Монголд тоглолтоо хийгээд, Чингис хааны тухай дуу дуулж, ард тvмэн баярлаад сvйд болсон" гэж хєєрєлхєж байгаа даа.

Хамгийн гомдмоор нь юу ч мэдэхгvй єєрсдийгєє шоу бизнесмэн гэдэг хуvхдvvд мєнгє хийх гэж тэр дээр vеийн Герман хамтлагийг авчирч "Чин чин Чингис хаан" гэдэг ганцхан vгээр монголчуудыг хєєргєж "тэнэгтvvлэх" гэсэн бол ондоо. Гэтэл энэ удаагийнх бол бvр тєрийн арга хэмжээ, дээрээс нь бидний татварын мєнгєєр тэр "аймшгууд"-ыг урьж ирvvлсэнд байгаа юм даа.

Хаа байсан Vйлдвэр, худалдааны сайд нь єєрийнхєє сайхан сэтгэлээр сак шоу зохион байгуулах гэсэн чинь тєрєєс мєнгє єгєхгvй байна гомдоллож байсан, удахгvй хоёр тэрбум тєгрєгийг Засгийн газраас гаргаж єгєх сурагтай. Засгийн газар ч юу байхав дээ, татвар тєлєгч бидний мєнгєнєєс... За яахав, шоу баяр хийж мєнгє тєгрєг цацдаг, бvр хэдэн тэрбумаар нь...

Гэтэл дээрээс нь их ойн баяраараа єєрсдийгєє мєнгє тєлж доромжлуулж л байдаг. Арай ч ичмээр, гомдмоор юм. Сайд Су.Батболд, Б.Жаргалсайхан та нар тєрийн мєнгєєр "наадмаар" байвал арай єєр "бай" сонгох нь яагаав? Тэрийгээ бас Герман битгий хэл дэлхийд алдартай хамтлаг гээд байгаа юм аа. Имиж, хувцас чимэглэл нь монгол vндэсний хувцасны донж маягаас санаа авсан нь амжилтынх нь гол vндэс болсон гээд байгаа юм аа, танилцуулга дээрээ. Ард нь бvжиглэсэн "Чингисийн сvр хvч" гэдэг хамтлаг нь анх удаа хилийн чанадад гарч vзэж байгаа юм гэсэн.

Юу гэж "найрч" урьсан бол? "Манай монголчууд танай хамтлагийг шvтэн биширдэг. "Гударцгаая" гэдэг Чингис хаан дуунд чинь бvр ч дуртай" гээгуй байгаа даа. Нарийн ярих юм бол манайх ч бас єєрсдийн "Чингис хаан" хамтлагтай гэж байгаа. Тэд арай ч Чингис хаан бол архи ууж, хvvхэн чирэх /бvдvvлгээр хэлбэл хvчиндэх/-ийг уриалагч гэж дуулахгvй сэн дээ. Яана аа, бодохоос ч ичмээр бас уур хvрмээр. Б.Жаргалсайхан та герман хэл мэддэг хvнээс дууных нь vгийг нэг асуугаарай даа.

А.АЛТАНТУЯА

Япон охид Чингис хаанд ханд хаяж, герман залуус Гударцгаая, дээрэмдэцгээе гэж дуулж байна
Tweet
Bolod.mn