НАЙЗДАА БИЧСЭН ЗАХИДАЛ

2012-09-21

Саяхан гадаадад байдаг найзаас маань захидал иржээ. Тэр ингэж бичжээ.

“Анд найз минь амархан сайн байна уу, Монгол нутгаар юу л болоод байна даа. Монгол ахан дvvс маань барилга дээрээс vсэрч амиа хорлоод байна уу аль эсвэл барилга унаж ирээд хvний амь хороогоод байгаа юм уу. Ямар ч байсан болж бvтэхгvй зvйл болоод л байгааг дам дам сонслоо. Энэ тухай сонин сайхан дуулгаач. Бас шинэчлэлийн Засгийн газар байгуулагдсан гэв vv. Төрийн алба тэр чигтээ ах дvvсээр дvvрч, бvх даргаа сольсон гэх юм. Төрийн албаныхан их л айдастай байна гэж замын хvний vгээс цухас ойлголоо найз нь” гэж захидал бичжээ. Муу юм хурдан тvгэдэгийн жишээ энэ. Хэдий хvний нутагт хараар биш ч зөвшөөрөлтэй ажиллаж, амьдарч, харийн тогооноос ходоодоо борлуулж олон жил болсон ч төрсөн газар унасан ус нь vргэлж сэтгэлд нь тодорч байдаг ажээ. Яг vнэнийг хэлэхэд, Монголд болоод байгаа зарим зvйл харийн оронд байгаа элэг нэгтнvvдийг маань эмзэглvvлж байна. Тиймээс тvvний сонссон цуу яриа, зам зуурын хvний vг дагуулж дараахь зvйлийг сонин болгож бичлээ.

“Монгол нутгаар сайхан намар болж байна. Намрын шар нар шараад налгар байна аа. Унаган нутаг Улаанбаатар маань тvгжрэлгvй болсон гэхэд хаашаа юм, цаг тvгжирдэг байсан бол хагас цагийг хэмнэдэг болсон. Энэ бол Э.Бат-Vvл баатрын буян гэх vv дээ. Улаанбаатар хотын Засаг даргаар Э.Бат-Vvл баатар томилогдсон шvv дээ. Дарга болсон даруйдаа Улаанбаатарын замын тvгжрэлийг багасгах арга хэмжээ авч машинуудыг дугаарынх нь сvvлийн орноор ялгавартай явуулдаг болсон. Бээжинг дуурайгаад байгаа юм уу, Бээжин манайхыг дуурайгаад байгаа юм уу. Ямар ч байсан дэлхийд Хятад, манайх хоёр л ингэж явуулж байгаа гэж ярьж байна лээ.
Монгол ахан дvvс маань сvvлийн vед сэтгэлийн шаналал ихтэй болсон нь vнэн. Зvгээр байгаа хvмvvс юу гэж барилгаас vсэрч амиа хорлов гэж дээ. Бас барилга ч унаж ирээд хvний амь нас хохирооно гэж юу байхав. Харин хvний буруутай vйл ажиллагаа, хууль дvрэм мөрддөггvйгээс болж осол аваар өдөр бvр гарах болсон. Vvнээс болж хэд хэдэн хvний амь эрсдээд байгаа нь vнэн. Бvр бага насны хvvхэд ч амь насаа алдсан.

Мэдээж, vvнийг хараад сууна гэж юу байхав. Холбогдох эрх мэдэлтнvvд нь арга хэмжээ авч байгаа. Зөвшөөрөлгvй барилгуудын vйл ажиллагааг зогсоох шийдвэр гаргаж холбогдох байгууллагуудад нь vvрэг өгсөн. Vvний дагуу арга хэмжээ ч авч байгаа. Гэхдээ манай улсад хууль vнэхээр сонин юм. Бvхэл бvтэн хvний амь насанд хvрсэн барилгын дарга нарыг ердөө 250 мянган төгрөгөөр торгоод л өнгөрч байна.

Энэ бол Нийслэлийн мэргэжлийн хяналтын газар гэгч байгууллага. Уг нь, энэ байгууллагын даргыг ажлаас нь чөлөөлж арга хэмжээ авч байна. Гэхдээ мэргэжлийн хяналт гэх байгууллага нь хяналт тавих бус мэргэжлийн зохицуулагч болсон тухай учир мэдэх хvн хуучилна. Уг нь, энэ барилгуудыг цаашид хэрхэх талаар НИТХ ярилцаж арга хэмжээ авах гэтэл МАН-аас сонгогдсон гишvvд нь хурлаас 14 хоногийн завсарлага авчихлаа. Vvнээс хойш гурван ч барилгад осол гарч хоёр хvн хорвоог орхилоо. Vvнээс болж хотын дарга ууртай байгаа гэсэн. Гэхдээ Э.Бат-Vvл дарга зөвшөөрөлгvй барилгуудын vйл ажиллагааг зогсоож, цахилгаан дулаанаар хангахгvй байх vvрэг өгсөн. Гэхдээ хотын дарга өчигдөр Япон руу ажлаар явчихлаа. Ирээд дорвитой арга хэмжээ авах байх гэсэн хvлээлт vvсчихлээ. Мартсанаас “Твиттэр”, “Фэйсбvvк”-ээр нэгдсэн залуус “Бид амьд явах эрхтэй” гэж толгойдоо каск өмсч Сvхбаатарын талбайд нэг орой тайван жагсаал хийж, нас барсан залуусын араас эмгэнэл илэрхийлж зул өргөлөө. Манай залуус ямар нэгэн нам, эвсэл гэлгvйгээр өөрсдийнхөө vзэл бодлоор нэгдэж, хэлэх гэсэн vгээ турхирч бус зөв боловсноор илэрхийлж чаддаг болжээ.

Улс төрийн сонгууль болсныг дуулаа л байлгvй дээ. 90 жилийн настай МАН өвдөг шороодож, 20 настай Ардчилсан нам ялалт байгуулж хэд хэдэн намтай нийлж Засгийн газар байгуулсан. Засгийн газар байгуулагдсан цагаас хойш урьд өмнө ажиллаж байсан газар, хэлтсийн дарга нар бvгд солигдсон. Одоо болтол цэгцэрч дуусаагvй л байна. Бvр салбар, нэгж бvрийн даргыг өөрчилж байгаа. Гэхдээ сураг сонсох нь ээ, төрийн албанд ах дvvсээрээ төвхнөх өнгө аяс ажиглагдаж байгаа гэх юм. Найз нь сайн мэдэхгvй л байна. Ямар намайг дээш нь татах албан тушаалтай ах дvv, найз нөхөд байх биш.

Одоогийн байдлаар Ерөнхийлөгчийн ах Ц.Арсландорж гэдэг хvн “Улаанбаатар зам засвар, арчлалт компани” НӨVГ-ын даргаар томилогдсон гэнэ. Хуульзvйн сайд Х.Тэмvvжингийн дvv Х.Хулан Боловсрол, шинжлэх ухааны яамны Хуулийн хэлтсийн дарга болсон гэнэ лээ. Бас УИХ-ын гишvvн С.Баярцогт дvv С.Баярбатыгаа Эрчим хvчний яамны газрын дарга, УИХ-ын гишvvн Ш.Тvвдэндорж ах Ш.Төмөрбаатарыгаа Нийслэлийн өмчийн харилцааны дарга болгоод амжсан бол УИХ-ын гишvvн А.Бакей эхнэрээ бас нэг яаманд газар, хэлтсийн даргаар томилж өөд нь татсан юм байх. Vvнийг Ерөнхий сайд маань ч тойроогvй ээ. Ерөнхий сайд Н.Алтанхуяг, Г.Дэнзэн гэж хvргэн дvvгээ Засгийн газрын хэрэг эрхлэх газрын дэд дарга, дvvгээ Хөдөлмөрийн яамны Төрийн нарийн бичгийн дарга болгоод авсан. Гэхдээ найз нь vvнийг зохиогоогvй юм шvv. Энэ бvхнийг МАН-аас УИХ-д сонгогдсон Я.Содбаатар гишvvн өөрийнхөө “Фэйсбvvк” хуудсанд байршуулсан байна, надаас өөр олон хvн харсан биз.

Тэгэхээр vнэний ортой л байлгvй дээ. Хамгийн хачирхалтай нь, Монгол Улсын Ерөнхийлөгч Ц.Элбэгдорж “Төрд шvглэсэн төрлийн хэлхээг тасална” гэж хэлсэн юм билээ. Ерөнхийлөгч АНУ руу айлчлалаар явсан. Бодвол ирээд энэ бvхнийг цэгцэлнэ биз. Гэхдээ саяхан нэг сонинд Х.Тэмvvжин сайдын өгсөн ярилцлагыг уншиж суухад дvv нь УИХ-ын Тамгын газарт ажиллаж байсан юм билээ. Тэгээд дvvгээ “Хуучин ажилдаа оч, хэл ам болоод байна” гэж хэлэхэд дvv нь “Нэмэр болдоггvй юм гэхэд битгий саад болоод бай” гэж хэлсэн байна билээ. Х.Тэмvvжин сайд ч энэ томилгоо надтай хамаагvй гэж хэлсэн байсан. Гэхдээ нарийн учрыг нь сайн мэдэх биш дээ. За, манай нутгаар ийм л сонинтой байна даа. Тэр тусмаа нийгэм ийм л байдалтай байна. Чи сайн биз дээ. Хvний нутагт биеэ бодож яваарай.

Өө нээрээ, нэг юм мартчихаж. УИХ-ын чуулганы танхимд УИХ-ын гишvvн Г.Баярсайхан УИХ-ын гишvvн У.Хvрэлсvх рvv салаавч гаргаж байгаад vсэртлээ шанаадуулсан. Тэгээд хэрvvл уруул хийгээд, чи уучлал гуй, би буруугvй гээд л явж байгаа сурагтай. Энэ нь даамжирч цагдаа шvvх болсон юм шиг. Ер нь, сvvлийн vед манай энд чинь Төрийн ордондоо салаавч гаргах бол энгийн vзэгдэл болсон шvv дээ. Ерөнхийлөгч асан Н.Энхбаяр авлигын хэргээр шалгагдаж, хоригдож өлсгөлөн зарлан байж эмнэлэгт хvргvvлсэн. Тэгсэн хэрнээ цагдаа, шvvхийн ажилтнуудын өөдөөс салаавч гаргаад л хэвтэж байдаг болсон байна билээ. За за илvv, дутуу баахан юм биччихлээ. Аягvй бол хоёулаа улсын нууц задруулсан хэрэгт орно шvv. Ганцаараа уншаад галд шатаагаарай. Өө танай тэнд ямар л гал байв гэж. За тэгвэл сайн жижиглэж ураад хогийн саванд хийгээрэй. Дараа захидал бичнэ ээ. Тvр баяртай.
Хvндэтгэсэн: Дотны найз Балбар чинь”.

ardchilal