2012-08-18Хит дууг хэлээрээ дуулъя.
Амин хайртай миний аав
Адууныхаа бэлчээрт дуулдаг хүн байсан... (Аавын тухай монгол дуунаас)
Лүтэр Вандросс гэж сайхан дуучин байлаа. Грэммийн шагналыг наймантаа хүртэж, 25 сая гаруй альбом зарсан амжилтаараа Америкийн домогт дуучдын эгнээнд багтана. Вандроссын аавыгаа дурсан санаж, элэг нь эмтрэн бичсэн нэгэн гэгэлгэн дууг уншигч танаа орчуулан хүргэхээр шийдлээ. Вандросс энэхүү дуугаа монголчуудын Right Here Waiting дуугаар нь сайн мэддэг Ричард Маркстай хамт зохиожээ.
2004 онд Вандросс, Маркс нар чухам энэ дуугаараа Грэммийн хамгийн гол шагнал буюу “Оны шилдэг дуу” хэмээх өргөмжлөлийг хүртсэн юм. Бүхий л агуу, алдартай дуу өвөрмөц сонин түүхтэй байдагчлан тус дууны төрсөн түүх ч бас сонин.
Лүтэр хүү 7 настай байхдаа аавыгаа аюулт өвчинд алджээ. Ижийтэй нь, бас өөртэй нь дандаа л бүжиглэх дуртай байсан хайрт аавыгаа санан энэхүү дуугаа бичихдээ Лүтэр Вандросс өөрөө бас хүнд өвчтэй, явцгүй болчихсон байсан гэдэг. Эцгийнхээ насанд хүрээд ирэхэд эргээд бүхий л дуртгал сэргэн амилдаг аж. Мари Айда хатагтай (ээж нь) хүүгийхээ дууг сонсчихоод “Дөнгөж долоо хагастай байсан хүү минь элэг бүтэн амьдралаа, тэр дээр өнгөрсөн бүхнийг ямар тод санадаг юм бэ” хэмээн гайхан дуу алдсан байдаг.
2003 оны 4 сард анх цацагдсанаасаа хойш “Аавтайгаа ахин нэг бүжиглэх сэн” дуу, ФМ радионууд уйлсан хайлсан, аавыгаа санасан олон мянган хүний хүсэлтээр булагдсан хэмээн МТВ Ньюс сэтгүүлд дурджээ. Ингээд 2004 онд Грэммийн шилдэг дууны шагналыг хүртэхэд хүнд өвчтэй Вандросс дуугаа дуулах нь битгий хэл шагналаа хүлээн авч ч чадсангүй, видео дүрсээр л талархлын үгээ дамжуулсан байна. Дууг нь харин Грэммийн тайзнаа Ричард Марксын төгөдөр хуурын аянд Селин Дион дуулсан юм. Селин Дион бас л хайрт эцгийгээ хэвтэрт байхад дуулж таарсан тул үнэхээр сэтгэлээсээ, бас л хүчтэй, мэдрэмжтэй дуулсан билээ. Хожим эцгийгээ, бас Лүтэр Вандроссыг өнгөрсөн хойно Селин Дион дурсгал болгон бас нэгэнтээ дуулсан юм билээ.
Летэр Вандросс аавтайгаа ахин нэг бүжиглэх сэн хэмээн сүүлчийн удаа мөрөөдөн дуулаад, 2005 оны 7 сарын нэгэнд аавтайгаа уулзахаар өөрөө бурхны оронд одсон билээ.
Дууны үг
Одоо ингээд уламжлал ёсоор дууныхаа үгийг үгчлэн нэг, утгачлан нэг орчуулъя. Дууны нэрийг хоёр янзаар орчуулж болмоор. Dance with my Father Again гэх нь Вандросс нэг талаас ээжийгээ аавтайгаа ахин нэг бүжээч хэмээн хэлж байгаа учраас “Аавтай минь ахин нэг бүжиглээч” хэмээн хоёрдугаар бие дээр орчуулж болмоор, нөгөө талаас бас өөрийг нь аав нь өндөөр өргөөд бүжиглэдэг байсныг дурсахын тул “Аавтайгаа ахин нэг бүжиглэх сэн” хэмээн нэгдүгээр бие дээр орчуулж болох.
Back when I was a child,
Before life removed all the innocence
Амьдрал гэмгүй бүхнийг салгахаас өмнө
Хүүхэд байхад минь
My father would lift me high and
Dance with my mother and me and then
Миний аав намайг өндөр өргөөд
Ээжтэй, бас надтай бүжиглэдэг байсан, тэгээд
Spin me around till I fell asleep
Then up the stairs he would carry me
Намайг унттал эргүүлээд
Дээшээ шатаар тэврэн явдаг
And I knew for sure I was loved
Би хайрлуулж байгаагаа яг мэддэг байсан.
Дахилт
If I could get
Another chance, another walk, another dance with him
Хэрвээ би түүнтэй байх
Ахин нэг боломж, ахин нэг алхам, ахин нэг бүжиг олж чадвал
I'd play a song that would never, ever end
Хэзээ ч дуусахгүй дуу тоглоно.
How I'd love, love, love
To dance with my father again
Аавтайгаа ахин нэг бүжиглэхийг
Хэчнээн их хүсэн хүсэн хүснэ вэ, би.
2-р бадаг
When I and my mother would disagree
To get my way, I would run from her to him
Би ээжтэйгээ муудалцахаараа
Ээжээсээ зугтан түүн рүү гүйдэг байсан.
He'd make me laugh just to comfort me
Then finally make me do just what my mama said
Аав намайг намайг тайвшруулж, инээлгээд
Эцэст нь яг ээжийн хэлснээр хийлгэдэг.
Later that night when I was asleep
He left a dollar under my sheet
Дараа нь тэр шөнөө намайг унтаж байхад
Орны даавуун доор минь нэг доллар хийчихнэ.
Never dreamed that he would be gone from me
Надаас холдон явна гэж зүүдэлж ч байсангүй.
Дахилт
If I could steal
One final glance, one final step, one final dance with him
Хэрвээ би аавтайгаа байх
Сүүлчийн ганц мөч, сүүлчийн ганц алхаа, сүүлчийн ганц бүжгийг хулгайлж чадвал
I'd play a song that would never, ever end
Хэзээ ч дуусахгүй дуу тоглох сон.
Cause I'd love, love, love
To dance with my father again
Учир нь би аавтайгаа ахиад бүжиглэхийг
Хүсэн хүсэн хүснэм.
Sometimes I'd listen outside her door
And I'd hear how my mother cried for him
Заримдаа би ээжийнхээ хаалганы гаднаас
Аавын төлөө хэрхэн уйлж байхыг сонсдог
I pray for her even more than me
I pray for her even more than me
Өөрөөсөө илүү ээжийнхээ төлөө би залбирна.
I know I'm praying for much too much
But could you send back the only man she loved
Би хэтэрхий их юм гуйж байгаагаа мэдэж байна
Гэвч та ээжийн ганц хайртай хүнийг буцаан илгээгээч
I know you don't do it usually
But dear Lord she's dying
To dance with my father again
Би таныг ер нь тийм юм хийдэггүйг мэднэ
Гэвч Бурхан минь, ээж
Аавтай ахин нэг бүжиглэхийг үхтлээ хүсэж байна.
Every night I fall asleep and this is all I ever dream
Шөнө бүр унтахдаа би зөвхөн ингэж л зүүдэлдэг.
Уран сайхны орчуулга
Энэ дууг утгыг нь яг бариад, бас монголоор дуулж болохоор, дээр нь шүлгийн маягаар орчуулахад нэлээд хүнд юм.
Аавтайгаа ахин нэг бүжиглэх сэн...
Гэрэлтэй бүхэн цагийн шуурганд үйчхээгүй
Гэнэн бага насанд минь
Эцэг минь намайг өндөөр өргөөд
Ижий бид хоёртой бүждэг байлаа.
Тэгээд намайг унттал бүүвэйлж
Тэврээд өрөөнд минь оруулна
Тэгэхэд л би хайрыг мэдэрдэг байсаан.
Дахилт
Аавтайгаа би
Ахиад ганцхан бүжих сэн бол доо
Дуусч үл барагдах дуу тоглоно доо
Аавтайгаа би
Ахиад ганцхан бүжихийг
Шимшрэн шимшрэн шимшрэн хүсэх юм.
Ээжтэй би муудалцахаараа
Аав руугаа зугтдаг байлаа
Инээлгэж намайг тайвшруулчихаад
Ээжийн үгэнд эвтэйхэн оруулчихна
Тэгээд тэр шөнөө унтсан хойно минь
Дэрэн доор мөнгө тавьчихна
Тэртээд одчих юм гэж зүүдэлсэн ч үгүй ээ.
Дахилт...
Ээжийн өрөөний гаднаас заримдаа
Эхэр татан таны төлөө уйлах сонстоно
Өөрөөсөө илүү би түүний төлөө залбирна
Өөрөөсөө ч илүү би ээжийнхээ төлөө залбирна
Энэрэлт Бурхан минь би дэндүү ихийг гуйж байгаа ч
Ээжийн минь ганц хайртай хүнийг
Эргээд нэг ирүүлээч дээ.
Аавтай ахин ганцхан бүжиглэхийг
Амин зүрхнээсээ ижий хүсдэг
Амтат зүүдэндээ би ч бас шөнө бүр хардаг аа.
М. Саруул-Эрдэнэ
@SaruulerdeneM
Албан ёсны видео
Сэлин Дионы дуулсан нь
.jpg "Томруулж харах")
.jpg "Томруулж харах")
.jpg "Томруулж харах")
.jpg "Томруулж харах")
.jpg "Томруулж харах")
.jpg "Томруулж харах")
.jpg "Томруулж харах")
.png "Томруулж харах")
.jpg "Томруулж харах")
