хөөрөлдлөө.

-Таны тэмцэл үнэхээр үр дүнтэй байсан гэж харагдахаар байна. Парламентын гишүүн Г.Уянгын анхны төлөвлөгөө сонирхолтой санагдаж байна?
-МАХН-МҮАН Шударга ёс эвсэл энэ сонгуульд оролцохдоо “Монголоо аврах таван хувьсгал” мөрийн хөтөлбөртэй орж ирсэн. Гэвч ирэх дөрвөн жилийн хугацаанд энэ хөтөлбөрийг бие даан хэрэгжүүлэх бололцоо бүрдсэнгүй. Аль нэг намын мөрийн хөтөлбөр дангаараа хэрэгжих боломжийг ард түмэн сонгосонгүй. Бид хамтарч засгийн газар байгуулах юм байна. Хамтарч засгийн газар байгуулахад хамгийн түрүүн аль бодлого хөтөлбөрийг хэрэгжүүлэх гэдэг дээр гол зөвшилцөл явах байх гэж бодож байна. Миний хүслээр бол сонгогчиддоо амлаж байснаар зүгээр нэг хамтарсан засгийн газар байгуулах биш суурь тогтолцооны шинэчлэлт өөрчлөлтийг эхлүүлэх юмсан гэх хувь хүний бодол байна. Яг үүний төлөө 10 жил гудамжинд тэмцэж өнгөрөөсөн. Үүнийгээ зүгээр орхиж болохгүй учраас шинээр сонгогдсон гишүүддээ хандаад “Бүгдээрээ монголчуудын их эв нэгдлийг бий болгоё. Засгийн газраа байгуулаад үндсэн хуулийн шинэчлэлт рүүгээ яаралтай оръё ” гэсэн уриалга гаргасан. Ийм шинэчлэлийг хийж чадах юм бол энэ дөрвөн жилд төдийгүй монголын түүхэнд үлдээж байгаа том гавъяа. Гэтэл энэ маань зөвхөн хэвлэл мэдээллийн хэлэлцүүлэг болоод өнгөрөх шинжтэй байна. Хамтарсан засгийн газар байгуулагдах байх. Түүний дунд иргэдийн хүсэн хүлээж байсан тэр том бодлогыг нам эвсэл гаргах байх.
-Хэрвээ танай нам АН-тай эвсвэл ямар нэг шаардлага эсвэл хүсэлт тавих уу?
-Хэнтэй хамтарч засаг байгуулах нь АН-ын сонголт. Үнэхээр үндэсний зөвлөлдөх хороо нь МАХН-МҮАН Шударга ёс эвсэлтэй хамтаръя гэх юм бол “Монголоо аврах таван хувьсгал” мөрийн хөтөлбөрөөс засгийн газрын мөрийн хөтөлбөрт оруулж хэрэгжүүлэх зарчим байх ёстой.
-Таныг Боловсролын сайдын суудал горилж явна гэх яриа байна?
-Би ямар ч сайд гуйгаагүй. Энэ бол миний зорилго биш. Сайд болох бодол алга. Гэхдээ гарцаагүй миний хэрэгцээ байгаа асуудлыг шийдэх бололцоо олдох юм бол нэг их татгалзахгүй. Гэвч одоогоор миний толгойд ийм зүйл алга. Хэвлэл мэдээллээр янз бүрийн яриа явдаг. Заримдаа намайг хүртэл гайхшруулдаг. Энэ бол бодитой эх сурвалж биш.
-Тэмцэгчээс гишүүн хүртэлх өнөөдрийн амжилт, их ажлын цаана ар гэрийнхээ амьдралыг хэрхэн зохицуулж байна. Баттай арын албыг хэн хааж байв?
-Амар биш. Гэхдээ надад олон жил тэмцэж, зорьсон зүйлээ хэрэгжүүлэх боломж олдож байна. Яагаад ч юм нэг их онцгой зүйл шиг санагдаж сэтгэл хөдлөхгүй байна. Энэ хариуцлагатай ажлын хажуугаар ээжийн үүргийг онц сайн давхар гүйцэтгэнэ гэдэг хүнд. Аз болоход би сайхан ээжтэй гэр бүлтэй.
Би өнгөрсөн шөнө жаахан оройтож амарсан л даа. Ээж маань өглөө намайг босоход “Одоо ингэж болохгүй. Би чиний өмнөөс санаа зовж байна. Чи ажилдаа амласнаа хэрэгжүүлээрэй” гэсэн. Яахав өглөө хуралгүй байсан болохоор жаахан унтах эрх олдсон хэрэг л дээ. Гэвч ээждээ зэмлүүлсэн. Ээж маань миний өмнөөс хариуцлага хүлээсэн юм шиг л байгаа юм. Би ээжийгээ хайрлаж хоолой зангирч байлаа. Ер нь миний энэ тэмцлийн ард миний ээж л байсан. Ээжийнхээ хүчээр төрийн ажлынхаа хажуугаар ар гэртээ ачаалал багатай явдаг. Гэхдээ ээжийнхээ үүргийг орхигдуулж байгаагүй.
-Та сонгуулийн ажилдаа хичнээн төгрөг зарцуулсан бэ?
-Хүмүүс намайг сонгосон нь бусдаас өөр сонголтын илэрхийлэл болжээ гэж боддог. Би сонгуулийн компанит ажилдаа хамгийн бага мөнгө зарсан гишүүн. 60 сая төгрөг л зарсан. Ийм мөнгөөр ямар ч гишүүн гарах бололцоогүй байсан байх. Дээрээс бүх намын гишүүд болон нам бус хүмүүс дэмжсэн. Нэгдүгээр сонголтод би байсан. Ардын намын сонгуулийн ажил яваа хүн “Би хэдэн цаасны төлөө энд ажиллаж байна. Миний ах дүүс эргэн тойрныхон чамайг дэмжиж байгаа” гээд л ярьж байх жишээтэй. Тэд яагаад намайг сонгосон бэ гэхээр намайг шударга, зарчимтай байх болов уу, олон түмний төлөө ажил хийх болов уу гэж сонгосон байх. Би энэ хариуцлагыг байнга ухамсарлаж явна.
-Ард түмний төлөөлөл болоод УИХ-д суулаа. Тэдний төлөө та ямар нэг хариуцлагыг мэдэрч байна уу?
-Санал хураалт болдог өглөө нэг эгч над руу залгаад “За Уянгаа бид чиний төлөө саналаа өглөө. Миний энэ санал төлбөртэй шүү. Энэ бол чиний тэмцэл тасралтгүй үргэлжлэх ёстой” гэж хэлсэн. Тэгэхээр энэ үгийг би өглөө бүр сэрэхдээ санаж явах болно. Тэр өндөр төлбөрийг төлөх үүрэгтэйгээр УИХ-д орж ирсэн гэж ойлгож байгаа. Хамгийн том зарчим бол би өөрөө шударга байх. Хүмүүс хэлэхдээ аль гайгүй гэсэн хүмүүс ордонд ороод л алга болчихдог гэдэг. Би бусдаас өөр сонголт байх болно.
-Танайх чинь хаана амьдардаг билээ. Та өөрийгөө нийгмийн аль давхаргын амьдралтай гэж бодож байна вэ?
-Миний амьдрал өнгөрсөн жилүүдэд харин ч ил байсан гэж боддог. Надад онцгой зүйл байхгүй. Манай гэр бүл нийгмийн дундаж, дундажаас арай дээгүүр ч байж магадгүй. Би хотын төвд гурван өрөө байртай. Дээрээс нь нэг зуслантай. Дүү нар маань хувь хувийн амьдралтай. Надад тэр энийгээ ажилд оруулчихъя гэсэн татлаа алга. Энэ бол шулуун шударгаар ажлаа хийх хувь тавилан байгаа хэрэг. Би УИХ-ын гишүүнийг амьдралаа сайжруулах боломж гэж харахгүй байна. Надад хэдэн төгрөгийн цалин авах нь сонин биш. Би гишүүний цалин хангамж, тэрбум төгрөгийг шүүмжилж гарч ирсэн. Тийм учраас эргэлзэх хэрэггүй. Намайг зорьсоноо хэрэгжүүлэхэд саад болж байгаа зүйлийг арилгахад олон түмэн туслаасай гэж бодож байна. Би парламентад ороод бүгэхгүй, бүгсэн дөрвөн жил болгохгүй. Магадгүй олон түмнийхээ дэмжлэгийг гудамжнаас авах тийм хэрэгцээ надад олонтоо тулгарах байх гэж бодож байна.
-Төрийн түшээ хүн гудамжинд жагсах зохимжгүй биш үү?
-Ер нь нэг хэсэг улс төр гудамжинд байдаг. Гэхдээ жагсаал цуглаангүйгээр парламент дотор асуудал шийдэгдэж байгаасай гэж би хүсч байна. Хэрвээ гарцаагүй олон түмний дэмжлэгийг авахаар бол жагсаал цуглаанд оролцохыг үгүйсгэхгүй.
-Таны хань сайн сэтгүүлч. Сайхан ханийн нөмөр нөөлөг өнөөдрийн амжилтад хэрхэн нөлөөлөв?
-Тийм шүү. Миний нөхөр бол их сайн сэтгүүлч. Олон нийттэй харилцахдаа мэргэжлийн хүн. Эдийн засаг, хууль эрхзүй, түүх гээд маш олон сэдвээр нийтлэл бичдэг маш их өргөн хүрээний мэдлэгтэй, өндөр боловсролтой залуу. Би өөрийгөө азтай эмэгтэй гэж боддог. Энэ тэмцэлд олон жил явахад хат суух тэгээд парламентийн гишүүн болох хүртэл энэ бүх алхмын ард миний хань байсан. Зарим үед миний урд намайг чирч явж байсан. Надад ийм хань заяагаагүй бол би ийм өндөрлөгт хүрэх бололцоо гарахгүй байх.

П.НАНСАЛМАА /INFO/

Г.Уянга: Надад эргэлзээд хэрэггүй
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Гудамж чамайг дэмжихгүй байж магад. Яг одоогийн байр суурь байгаа чинь МАН, АН хоёрын дунд хөлөө хүндрүүлж магад харагдаад байна шүү.

2012-09-01 | 17:34:38 | 180.235.171.198 |

Зочин
Хамгийн бага гэчихэж ээ. Тэгээд 60 сая гэнэ үү. Ер нь сонгууль мөнгө зарахгүй сэтгэлээрээ өөрийн хүчээрээ л гарч ирэх ёстой шүү. Монголчуудын сэтгэлийг мөнгөөр авч гарч ирсэн 76 гишүүний үнэн нүүр царай энэ дээ. Иргэд чамайг дэмжих дээ 1 төгрөг ч чамаас нэхээгүй биз дээ.......... Үг үйл хоёроо сайтар тунгаа. Дээрхи ярилцлагаас чинь сонгуулийн маргааш үнэртээд шударга хүн чинь нударга хүн болох төлөв байна шүү. Эрт дээр нь захия.

2012-09-01 | 17:27:28 | 180.235.171.198 |

Зочин
Наад ордонд УИХ-ын гишүүн гэж нэр зүүж суух гэж гарсан эмэгтэй юу чи. Чи яагаад Монголын ард түмний төлөө сайдад суухгүй ерөөсөө би гуйгаагүй гээд байна. Тэгээд наанаа юу хийх гэсэн юм бэ. Хүрэлсүхийн өмгөөлөгчөөр үү. Ойлгомжгүй болсон Онгироо охин баяртай.

2012-09-01 | 17:18:13 | 180.235.171.198 |

Зочин
Гудамжинд тэмцэж байх үе сонгууль өнгөрсөн энэ үе ондоо болсон. Монголын ард түмэнд одоо тэр сайн энэ муу гэх хүлээлт үгүй шүү. Төрийн ордон боксдож байгаа хүнийг зөв гэж дуугарч байгаа чи өөрөө хэн бэ. Ард түмнийг бүү доромжил. Саналыг нь авчихаад МАН-ыг өмгөөлөх гэж гарч ирсэн бол эртхэн ..........баяртай

2012-09-01 | 17:14:35 | 180.235.171.198 |

Зочин
Хүрэлсүхийг өмгөөлөөд байна уу даа. Хэрвээ гудамжинд тэмцэж өлсөж явахад чинь Хүрэлсүх чихэнд чинь юм шивнээ юу даа. Уянга Уянга биш болж байна шүү тэгж ойлгогдлоо. Дэмжих өмгөөлөх гэдэг асар хол зөрөөтэйг улс төрлүү орсон чамд сануулач. Чиний худлаа зантайг Хүрэлсүхийг хүн зодсон хүнийг өөгшүүлэн дэмжиж байгаагаар харагдаж байна. Чи энэ янзаар хол явахгүй. ард түмэн бас хол явуулахгүй шүү. Чиний тойрон хүрээлэгчийг оролцуулаагүй. Чи тооцож үзээрэй.

2012-09-01 | 17:07:34 | 180.235.171.198 |

Зочин
унэхээр атаархам сайн ханитай азтай эмэгтэй шуу та 2т амжилт хусе

2012-07-15 | 16:51:31 | 182.210.211.126 |

Зочин
Миний хамгийн гол зарчим шударга байх гэжээ. Сайхан сонсогдож л байна , гол нь шударга байна гээд амин чухал реформийг хийх гэж байгаа АН-ыг битгий зовоогоорой. Бас би сайд болох хүсэл алга гэх шиг коммунист яриа хэрэггүй байх шүү. Уянга бол үнэхээр тэмцэгч , гэхдээ эрүүл тэмцэгч байгаасай гэж ард олон хүсч байгаа шүүү. Сайн сайхныг хүсье.

2012-07-15 | 15:51:08 | 182.160.52.41 |

Мэдээ
Гадаад мэдээ
Видео