Учир нь, Ардчилсан холбоо эвслийн Засгийн газрын үе буюу 1996-2000 оныг монголчууд мартаагүй. Энэ удаагийн нөхцөл байдал тэр үеийнхээс ч хүнд. Ардчилсан холбоо эвсэл тухайн үед үнэмлэхүй ялалт байгуулж байсан бол өнөөдрийнх нь чуть, чуть илүү ялалт. Ардын намаас илүүрхлээ, илүүрхлээ гээд Ардчилсан намынхан бярдаж дийлэхгүй. Асуудал шийдэх боллоо гэхэд Ардын нам, эс бол МАХН руу гар сунгахаас өөр аргагүй. Иргэний зориг-ногоон нам дундаас нь ганц сайдын суудал олж авлаа ч гэсэн тэд Ардчилсан намд хүч нэмж чадахгүй. Ердөө хоёулхнаа болохоор тэр. Тийм ч учраас Ардчилсан нам өнөөдөр гацаанд орчихоод байна. МАН-ыг уу, МАХН-ыг уу...Аль, аль сонголт нь тус намын хувьд бэрх даваа. Ардын намтай нэгдлээ гэхэд Н.Энхбаярын шахалтад амар заяа үзэхгүй. МАХН-тай нийллээ гэхэд экс Ерөнхийлөгчийн гэм бурууг цагаатгаж, улс төрийн хувьд шууд утгаараа ард түмний өмнө ялагдал хүлээх хэрэгтэй болно. Эцсийн дүндээ энэ гацаа Ерөнхийлөгч Ц.Элбэгдоржоос үүдэлтэй.

Тэрбээр Ерөнхийлөгч болсон даруйдаа бүхий л талаараа Ардын намыг яллахын төлөө ажилласан. Улсын Ерөнхий прокурорын газрыг мэдэлдээ авсан. Авлигатай тэмцэх газрыг жинхэнэ утгаар нь УИХ-ын сонгуулийн хар пиар гүйцэлдүүлэх захиалгын алба болгож хувиргасан. Сонгууль болохоос таван сарын өмнө зургаан аймаг, дүүргийн Засаг даргыг Авлигатай тэмцэх газраас шалгуулж, эхнээс нь ялласан. Гэвч Авлигатай тэмцэх газраас эрх мэдлээ урвуулан ашигласан гэх үндэслэлээр ял үүрүүлсэн Орхон аймгийн Засаг дарга асан Д.Оюунбатын гэм хийгээгүй нь шүүхээр тогтоогдсон.

Тэгсэн атлаа Ардчилсан намын гишүүнчлэлтэй аймгийн Засаг дарга нарын булхайг Авлигатай тэмцэх газраас харсан ч хараагүй мэт өнгөрүүлсэн. Энэ бол Ерөнхийлөгч Ц.Элбэгдоржийн УИХ-ын сонгууль угтсан хууль, шүүхийг ашиглаж явуулсан хар пиарынх нь хоёрдахь ажиллагаа.

Харин нэгдэх нь Н.Энхбаяраар Ардын намыг устгуулах төлөвлөгөө. Тэрбээр энэ төлөвлөгөөнийхөө төлөө Монголын хуулийг хууль биш гууль болгосон. Ерөнхийлөгчид өрсөлдөх хугацаандаа амласан хууль, шүүхийн шинэтгэлийнхээ өөдөөс өөрөө “хутга барьж дайрсан”. Ямар ч амлалт, ямар ч шударга ёс энд байхгүй. Ингэж Ерөнхийлөгч хэрнээ Ерөнхийлөгч биш мэт аашилсан түүний зорилго нь дээр хэлсэнчлэн Ардын намыг яллах. Уг нь хуулиараа бол Монгол ардын хувьсгал нам гэдэг нэрийг Н.Энхбаярт өгөх ёсгүй байсан. Ардын нам анхнаасаа энэ нэр манай намын өмч гэдгийг зарласан болохоор тэр. Гэтэл Ерөнхийлөгч Ц.Элбэгдорж эрх мэдлээ ашиглан, хууль зөрчиж Н.Энхбаярт өгсөн. Ингэж Н.Энхбаярт боломж олгосон даруйдаа Ардчилсан намд ирэх саналыг МАХН-д булаалгахгүйн тулд түүнийг баривчилж хорьсон. Н.Энхбаяр хагас жилийн турш Ардын намтай “дайн” зарласнаар Ерөнхийлөгч тус намыг ганц ч санал авахгүй гэж тэр итгэсэн. Гэтэл Ардчилсан намын дарга Н.Алтанхуяг хамтарсан Засгийн газраас гарахаа зарлаж, зургаан сарын хугацаанд сөрөг хүчин байна гэдгээ амласан. Энэ амлалттай уялдуулаад Ерөнхийлөгч дахин нэг төлөвлөгөө гаргасан нь Ардчилсан намыг илүү тодруулж харагдуулахын тулд Н.Энхбаярын УИХ-ын сонгуульд орох эрхийг хасах. Гэвч түүний Н.Энхбаярт олгосон боломж нь өөрийнх нь төсөөлснөөс ч дэндүү их боломж болж хувирах нь тэр. Н.Энхбаярын баривчилгаа, өлсгөлөн бүхэлдээ түүнд улс төрийн тамир тэнхээг хайрласан. Тийм ч учраас өдгөө Н.Энхбаяр өөрөө УИХ-д суухгүй ч бүлэг байгуулах хэмжээний хүчтэй болж чадлаа. Түүний төлөө өлсгөлөн зарлаж, баривчлуулж явсан хорооны дарга бүсгүй нэг удаагийн тийрэлтээр л УИХ-ын гишүүн болж байна. Өмгөөлөгч О.Баасанхүү ч тэр адилхан. Гайхалтай хурдан үсрэлт. Н.Энхбаяр тэдэнд энэ удаагийн боломжоор өрөө төлсөн. Өөрийг нь өмгөөлөх хэн ч байхгүй байхад тэд түүнийг өмгөөлснийхөө төлбөрийг УИХ-ын гишүүний бүрэн эрхээр авч байна.

Ерөнхийлөгч Ц.Элбэгдорж тэдэнд боломж олгосноор Ардчилсан намын төлөө 20 жил тэмцсэн ч УИХ-ын гишүүн болж чадаагүй нөхдийнхөө өмнө хэлэх үггүй болж хоцорч байна. Хамгийн гол нь тэр Ардын намыг яллах гэснийхээ төлөө Н.Энхбаярт ялагдлаа. Цаашлаад Ардчилсан намыг баллачихлаа. Хэрэв Н.Энхбаярт боломж олгоогүй бол экс Ерөнхийлөгчийн улс төр ийм хол явахгүй байсан. Ардчилсан нам өнөөдөр дангаараа засаг барьж болох байсан. Гэтэл өнөөдөр тийм биш. Ардчилсан намын өмнө гуйлга гуйх бартаат улс төр эхэлж байна. Тэд нэг л алхам эвгүй гишгэвэл Н.Энхбаярт бүхлээрээ залгиулах магадлалтай. Учир нь Н.Энхбаяр өнөөдөр Ерөнхий сайд, Ерөнхийлөгч байснаасаа ч илүү хүчтэй болчихсон нь энэ.

Харин энэ дунд ялалт байгуулсан нэг улс төрийн хүчин нь Ардын нам. Тэд “ах” намын хувиар УИХ-д авсан суудлаа чамлаж, Ардчилсан нам “Ардын намын ах нар ялагдсан” хэмээн басамжилж буй ч үнэн хэрэгтээ тийм биш. Намынхаа ууган нэрийг сэргээж, аймгийн Засаг дарга нараа баллуулж, Н.Энхбаяраас хагацаж эрсдэлтэй улс төрийг сонгож, МАХН гэсэн нэрээ булаалгасан, цахим үнэмлэхийн шинэчлэлийг Ардчилсан намд алдаж, автомат машины булхайд нуруугаа авахуулсан ч тэд УИХ-д хүчтэй цөөнх болж үлдлээ. Эцсийн дүн хараахан гараагүй ч тус нам урьдчилсан байдлаар 34 гишүүнтэй болж байна. Тэр их өөрчлөлт, тэр их шинэчлэлийн ард бол 34 суудал гэдэг чамлахаар чанга атгаж, буруутгахаар зөвтгөж дэмжмээр тийм их хүч. Ерөнхийлөгч Ц.Элбэгдоржийн хүсээгүй, тааварлаагүй сөрөг хүчин. Тэр Н.Энхбаярыг ийм их хүчтэй болохыг төсөөлөөгүй байсан шигээ Ардын намыг ийм хэмжээний суудал авна гэж зүүдлээ ч үгүй байсан.

Тийм ч учраас тэрбээр өдгөө арга ядсандаа Увс болоод Өвөрхангай аймгийн УИХ-ын гишүүдийн мандатаар Ардын намыг барьцаалахаар аргаа сэдсэн байж болох. Дээрх хоёр аймгийн дөрвөн мандатыг Ардын намд үлдээх замаар найдвартай түнш болгох. Эс бол Н.Энхбаярыг олны өмнө оймстой нь чирч гаргаснаа цайруулж, Монголын хуулийг дахин уландаа гишгэн хамтрагчаар сонгох. Гэхдээ энэ тохиолдолд Ц.Элбэгдоржид өөрт нь аюултай. Н.Энхбаярыг дахин “Ерөнхийлөгчийн сонгуульд өрсөлдөхгүй” гэдэг цусан тангараг тавиулж чадахгүй л бол түүнд боломж олгосныхоо төлөө Ц.Элбэгдорж ирэх онд болох Ерөнхийлөгчийн сонгуульд сайн дураараа ялагдал хүлээхээс өөр аргагүйд хүрч мэднэ. Ийм учраас Ардчилсан намынхан өдгөө Ц.Элбэгдоржид талархал илэрхийлэх уу, гомдоллож туних уу гэдэг эргэлзээтэй байдалд орчихоод байгаа нь энэ. Хэт их улс төр эцэстээ ялалт бус ялагдал авчирдаг гэдэг энэ аж. Нэг ёсны Ардчилсан намын өмнө аргаа барсан дөрвөн жил торойж байгаа бол Ардын намын өмнө ирээдүйгээ мөнхлөх их улс төр эхэлж байгаа нь энэ юм.

Ардын намыг яллах Ц.Элбэгдоржийн санаархал Н.Энхбаярт ялагдлаа
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Ö.ÝËÁÝÃÄÎÐÆ ÀÍÓ-Ä ÑÓÐÀËÖÀÕÄÀÀ ÍÝÃ ÈÕ ÞÌ ÑÓÐÀÀÃ¯É ÕÀÐÈÍ ªÑ ÕÎÍÇÎÍ ÀÂÀÕ ÀÐÃÛÃ ÃÀÉÃ¯É ÑÓÐÑÀÍ ÍÜ ªªÐÒ ÌªÍ ÈÕ ÃÀÉ ÁÎËÍÎ ÄÎÎ.ÎÐÎÍ ÍÓÒÃÈÉÍ ÑÎÍÃÓÓËÜÄ ÀÍ ÁÓÄÀÀ ÁÎËÎÕ ÀÆËÀÀ ÕÈÉÆ ÄÝÝ ÕªªÐÕÈÉ

2012-07-08 | 21:02:45 | 203.91.117.4 |

Зочин
Энэ муу торийн xутгуурийг огцруулаx xэрэгтэй

2012-07-08 | 20:32:43 | 203.91.112.12 |

Зочин
ýëáýãäîðæèä ¿õýõ áàãàäàõ óéëàõ áàãàäàõ öàã 2013 îíä òîõèîõ ãýæ áàéíà

2012-07-08 | 18:56:26 | 203.91.117.4 |

Зочин
ОДОО МОНГОЛЫН УЛС ТӨРӨӨС МАН УУРД АРЧИГДАН АЛГА БОЛОХ ЭХЛЭЛ ТАВИГДАЖ БАЙГАА НЬ ЭНЭ МАНАЙ НАМЫГ ИЙМ БОЛОГСОН УХААН МУУТАЙ ХУМУУС БОЛ ХУРЭЛСУХ НЯМДОРЖ БАЯР ТЭР ХУРЛИЙЗ СОДБААТАР БАТБОЛД НАРЫН ХУМУУС МӨНӨӨС МӨН

2012-07-08 | 15:10:10 | 49.0.155.216 |

Зочин
оодоо шидсэн чулуу оорийн толгой дээрээ гэж энэ их балиар зуйлээс яж сал

2012-07-08 | 05:39:09 | 84.193.108.208 |

Зочин
элбэгшөүчин хуулийнханий гараар хуули зорчуулж, эрөнхийлөгч хунд баймгуй муухай зан энхбаярт гаргасан. энхбаярийн уэд ийм булай явдал болж байсангуй. ингэсэнээрээ элбэгдөрж буруутай

2012-07-08 | 01:29:20 | 68.118.156.128 |

Зочин
ЭЛБЭГДӨРЖ АРАЙ ДЭНДҮҮ ОС ХОНЗОН САНАСАН УЙЛ АЖИЛЛАГАА яАВУУЛЖ УУНДЭЭ ХУУЛИ ХяНАЛТИЙХАНИЙГ ТАТАН ОРУУЛСАН.

2012-07-07 | 23:11:41 | 68.118.156.128 |

Зочин
ЭЛБЭГДӨРЖ АРАЙ ДЭНДҮҮ ОС ХОНЗОН САНАСАН УЙЛ АЖИЛЛАГАА яАВУУЛЖ УУНДЭЭ ХУУЛИ ХяНАЛТИЙХАНИЙГ ТАТАН ОРУУЛСАН.

2012-07-07 | 23:11:39 | 68.118.156.128 |

Зочин
Ях гэж ийм захиалгийн яс хайсан юм бичдэг юм бэ? буун хов жив

2012-07-07 | 19:14:36 | 108.16.240.13 |

Зочин
За даа. Монголд цагаан тагтаа байхгүй ш дээ.

2012-07-07 | 18:56:02 | 49.0.142.92 |

Зочин
Элбэгдорж улс төрийг дэндүү их бохирдуулж байна.Улс төрд хууль шүүхийг ашиглаад байгаа нь ард түмний дургүйг хүргээд байна.Ардын нам бол ямар ч ёсзүйгүй бүлэглэл болжээ.АН-МАН хоёрт ард түмэн сэтгэл дундуур байдаг болсон нь өнгөрсөн 4 жилийн үйл ажиллагаанд нь өгсөн үнэлэлт гэдгийг ойлгох хэрэгтэй.Энхбаяр бол эдний дэргэд том улс төрч гэдгээ харуулж чадсан.АН-МАН хоёр улс төрийн том хүчин гэдэг ойлголтыг нийгэмд бат суулгах гэж ядарцгаадаг.Энэ 2 намд ард тумэн энэ жилийн сонгуулиар эхний сануулгаа өгсөн гэхэд худал хэлсэн болохгүй.

2012-07-07 | 13:59:37 | 202.179.10.150 |

Зочин
Болод чинь МАН-ын сайт юм байна. Хэт нэг талыг барьсан туйлширсан юм бичих юм. Хайшаа юм МАХН гарч ирсэн нь Элбэгдоржийн буруу юм уу?Харин ч Энхбаярыг барьж авилгач гэдгийг нь зарласны хүчинд МАН хэдэн суудалтай болоо биз дээ. Тэгээгүй бол МАН 1-ч суудалгүй үлдэх байлаа.Хүрэлсүх намын нэрээ сольж задалсны хар гай. Энд тэр 2 намын асуудал байгаа болохоос Элбэгдорж хамаагүй. Ерөнхийлөгчийн сонгууль юу боллоо гэж аалзны тор, авилгач Энхбаяр гарч ирэх юм. Ард түмэн хэн нь хэн бэ гэдгийг мэдээдг болсон шүү

2012-07-07 | 12:47:32 | 202.179.24.24 |

Мэдээ
Гадаад мэдээ
Видео