Хотын фракцийнхны ялагдлыг У.Хүрэлсүх хариуцах уу

2012-07-05

МАН энэ удаагийн сонгуулиар ялагдлаа.

Тэр дундаа нийслэлийн есөн дүүрэгт АН-д далаараа тавиулчихлаа. Баянзүрх, Налайх дүүрэгт дахин санал хураалт болж, Д.Арвин, Б.Батзориг нарын аль нэг нь гарч ирэхийг эс тооцвол хотод нэг ч суудал авч чадсангүй. Нэг үгээр Ардын намд ийм “уй гашуй” өмнөх их сунгаануудаар тохиож байсангүй. Харин энэ бүхний хариуцлагыг нам дотроо олон жил хүчтэй, нөлөөтэй явсан хотын фракцитай нь холбон үзэж болох талтай. Ингэж хэлэх үндэслэл ч байгаа. Иймд ууган улс төрийн хүчин хотын фракцидаа цус сэлбэлт явуулж, шинэчлэлтийн салхи сэвэлзүүлэхгүй бол Монгол Улсын зүрхэнд улаан дарцаг намирахаа болих нь. Шуудхан хэлэхэд, нийслэлийн сонгогчид тэднээс бэргэх болоод удаж байгаа.1992 онд Улаанбаатар хотод 76-гаас 19 мандат ногдож байлаа. Анхны сонгуульд МАХН нийслэлд ялалт байгуулж, 18 суудал авч байсан нь өдгөө түүх болон үлджээ. 1996 оны сонгуулиар Улаанбаатарт 20 мандат ногдож, Т.Очирхүү, Т.Ганди, Ж.Гомбожав нар намдаа гурван суудал нийслэлээс авчирч байв.Харин үлдсэн 17 суудлыг нь Ардчилсан холбоо эвсэл эзэгнэж билээ.

Улмаар 2000 оны УИХ-ын сонгуульд одоогийн АН нийслэлд ялагдал хүлээж байжээ. Эх орон-МАШСН-аас Р.Эрдэнэбат ганцхан суудал нийслэлд авсан бол МАХН 19 суудлыг гартаа оруулж чадсан нь энэ намын хувьд хамгийн том амжилт байсан гэж болно. Харин 2004 оны сонгуулиар одоогийн АН, МАН-ын нийслэлээс авсан УИХ-ын суудлын тоо тэнцүү буюу ес, есөн суудал авсан юм. Өмнөх сонгуулиар буюу 2008 онд нийслэлийн нэг тойрогт 2-4 мандат ногдож, зургаан тойрогт хуваан, 20 мандаттай байхаар хуульчилсан юм. Энэ үед нийслэлээс МАХН долоо, АН 10 суудал авчээ. Харин энэ удаагийн сонгуулиар МАН нийслэлээс арай ядан нэг л суудал зулгаах нь. Энэ мэтчилэн МАН-ын нэр дэвшигчдийн УИХ-д нийслэлээс авах суудлын тоо жилээс жилд буурсаар иржээ. 22 жилийн турш хотын фракцийнханд “хүлэгдэж” амьдарсан утаатай улаанбаатарчууд өдгөө гишүүдийг нь гарын таван хуруу шигээ мэддэг болж. Нийслэлийн төвд сөөм ч газар үлдээлгүй арилжиж, өнгөтэй өөдтэй болгоныг нь цөлмөж орхисон гэх хар нэр энэ фракцид харьяалагддаг нөхдүүдээс салдаггүй.

Газрын наймаагаар халаасаа түнтийлгэж, хүүхэд тоглох газар ч үлдээсэнгүй. Орон нутгаас нүүдлэн ирэх иргэдийн цуваагаар өдрөөс өдөрт өргөжин тэлж байгаа ч ашигтай, байрлал сайтай, нүдэнд тусахуйц бүхэн энэ фракцийнхны гарт төвлөрдөг. Гэтэл жирийн иргэн Дорж, Дулмаа хуулиар олгогдсон 0.7 га газраа өмчлөх газар олдохгүй зүдэрч байна. Энэ “бүлэглэл”-ийн олонх улс төрийн “тайзнаа” кранаар өргөгдөж, зөөлөн сэнтий бүрт үүрлэх нь бий. “Идэж уух” технологио засаг захиргааны анхны нэгж дээр туршиж, гаршсан эрхмүүдийн “мафи” бүлэглэл гэж хэлж болохуйц. Тэд бүгд л элдэв асуудал, газрын наймаа, авлига хээл хахуульд орооцолдож байсан хүмүүс. Хамгийн гол нь нийтийн эзэмшлийн талбайг зарж, үрэхдээ ганц нэгээрээ бус хойч үеэ бэлтгэж, үлдээдэг “уламжлалтай”.

Нөхцөл байдал ийм байхад эл фракцийнханд итгэл өвөртлүүлнэ гэдэг хэцүү. Төрийн алба ялзарч, хүнд суртал автлаа гэх шүүмжлэлийг дээр, доргүй хэлдэг ч засаж, залруулсан нь ховор. Өнөөх нь хотын фракцийнхан гар хөл, амраг садан яам, агентлагийн газруудад үүрлэсэн тэй холбоотой гэх нь ч бий. Ямартай ч төрийн байгууллагын хаалгыг татсан иргэн бүр цөхөрлөө бараад буцдаг жишиг хэдийнэ хууль мэт мөрдөгдөж эхэлсэн юм даг. Энэ мэтчилэн хотын гэх тодотголтой энэ фракцийнхны өнгөрсөн хугацаанд хийж, амжуулсан бүхний үр шим өнөөдөр ил гарч ирж байгаа нь энэ. Хотын дарга Г.Мөнхбаяр сүүлийн хоёр жил тэр бүх хар мөрийг баллуурдах гэж чадлаараа зүтгэсэн. Түүний хичээл зүтгэлийг чамлахааргүй. Харамсалтай нь, баллуурдаж, хусаад ч арилахааргүй толбыг нийслэлчүүдийн зүрхэн тушаа газар шивчихсэн нь сонгууль бүрээр баталгаажих боллоо. 90 жилийн түүхтэй энэ нам уугуул нэрээ сэргээж байхад намын Ерөнхий нарийн бичгийн дарга У.Хүрэлсүх “Хэрэв 2012 оны сонгуульд МАН ялагдвал бүх хариуцлагыг би хар толгойгоороо хариуцаж, хариуцлага хүлээнэ” гэдгээ мэдэгдэж байсан удаатай. Яахав орон нутгийн дүн харьцангуй өндөр үзүүлэлттэй байгаа ч хотод ялагдал хүлээлээ. Эрхэм генсек юу бодож суугаа бол... Хотын фракцийнхны ялагдлыг намын генсек У.Хүрэлсүх хүлээж, тэдний гишгэсэн мөрийг хусаж арилгахаа амлаж чадна гэж үү. Эсвэл тус фракцийнхан гэмээ ухаарч, үндсээрээ шинэчлэгдэх үү. Ямартай ч энэ фракцид утаа тавьж, батганыг нь хөөхгүй бол тос дотроосоо өтдөгийн жишээ болсоор байх нь.

Л.НИНЖ

nudmn

Хотын фракцийнхны ялагдлыг У.Хүрэлсүх хариуцах уу
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
шинээр гарч ирж бгаа нөхөд Сү. БАТБОЛД, ХҮРЭЛСҮХ, СОДБААТАР, ЗОРИГТ, НЯМДОРЖ, МИЕГ. ЭНХБОЛД, БАДАМЖУНАЙ...гм үмхий үнэртэй жорлонгоос холуур бүр холуур яваарай. ойртвол жорлон л болно шүү!!!!!!!!!!!!!! наад жорлонгууд чинь үнэртэй усаар халахлаж бгаа шүү!!!!!!!!!!!!!!!!! Монгол улсын иргэншилээс татгалзуулъааааааааааа цаашид улсын мөнгө,хөрөнгө идэж уусан жорлонгуудыг ИРГЭН гэдгээс нь татгалзуулъааааааааа хоошид үр хүүхдүүд нь аль нэг /хятад,африк/ улсаас иргэншил гуйгаад аав,ээж,өвөө,эмээдээ хэдэн үеээрээ гомдож явах байлгүй дээ!!!!!!!!!!!!! тэгэхлээр идэж уухаа сайн бодоорой бөөөөөөөөөөн нүгэл шүү бие биедээ сайхан сэтгэлээр хандацгаая!!!!!!!!!!!!!!!!!!!!!!

2012-07-06 | 10:10:14 | 182.160.54.2 |

Зочин
Hediigeer AN niisleld mashinaar luivar hiisen ch gesen niisleliin Toriin alban haagchidiin avilga hund surtal herees hetersen de. Unendee Monhbayar temtseed diileegui sh de.

2012-07-05 | 17:59:53 | 202.131.229.218 |

Зочин
МАН - ынхан ОДОО БАЙГАА ЛУЙВАРЧИДЫН, АЛУУРЧДЫН, ГАДНЫ ХУЛГАЙЧ НАРЫН ГАР ХӨЛ БОЛСОНЭХ ОРОН ГАЗАР ШОРОО, БАЯЛГАА ХУДАЛДСАН Сү. БАТБОЛД, ХҮРЭЛСҮХ, СОДБААТАР, ЗОРИГТ, НЯМДОРЖ, МИЕГ. ЭНХБОЛД, БАДАМЖУНАЙ, ГЭХ МЭТ МАШ ОЛОН ХОГНУУДААС САЛААГҮЙ ЦАГТ ХЭЗЭЭ Ч ДАХИН УЛС ТӨРД АМЖИЛТ ГАРГАХГҮЙ???? МАН - ын ШУДАРГА, ЭХ ОРОНЧ ҮЗЭЛТЭЙ ГИШҮҮД ЭР ЗОРИГ ГАРГАН ЭНЭ ХУВАЛЗНУУДААС САЛЖ НАМЫНХАА НЭР ХҮНДИЙГ ӨРГӨХ, НАМАА БУЛШЛАГДАХААС НЬ ӨМНӨ АВРАХ ХЭРЭГТЭЙ????

2012-07-05 | 16:37:39 | 124.158.73.17 |

Мэдээ
Гадаад мэдээ
Видео

Архив ангилал

Хотын фракцийнхны ялагдлыг У.Хүрэлсүх хариуцах уу

Сэтгэгдэл (6)