Хувьцаа авна гэх бодолдоо үнэнч үлдсэн мань мэт нь гуяа ганзагалаад дуусах шинжтэй. Албан бус мэдээллээр “Эрдэнэс Тавантолгой”-н хувьцааг худалдан авах эрх бүхий аж ахуйн нэгжүүдийн хувьцаа авах эрхийг гадаадын компаниуд нэлээд сонирхох болсон байна. Тэр дундаа сүүлийн хоёр долоо хоногийн хугацаанд хонконгчууд олноороо санал тавьж байгаа гэнэ. Ингэхдээ нэг компанийн эрхийг 3 сая төгрөгөөр авах тухай ярьж эхэлжээ. Нэг компани 30 сая орчим төгрөгийн хувьцаа авах эрхтэй. Тэгэхээр хонконгчууд болон гадныхан манай хувьцааг болж өгвөл ахиухныг багцлаад авах эрмэлзэлтэй нь илт байна.

Тэгвэл монголчууд яах болж байна? Саяхан авсан мэдээллээр монгол иргэдийн 1.4 сая нь хувьцаанаас татгалзаад байгаа гэсэн. Нөгөө талаас энэ бүхэн сонгуулийн амлалт бус хэт дээрээс өдөөж буй тоглоом маягийн зүйл болоод байгааг УИХ-ын зарим гишүүн хүлээн зөвшөөрөх боллоо. Сая төгрөгийн гэж үнэлэгдээд буй хувьцааг гадныхан аль хэдийнэ 10 хувь өсгөж авах санал гаргаад, мөнгөө оруулаад ирчихсэн тохиолдолд юу хийх вэ? Засгийн газрын тогтоолд өөрчлөлт оруулж байж шийдсэн энэ асуудал эцсийн дүндээ өсөх нь тодорхой үнэлэмж бүхий хувьцааг иргэдийн мэдлэггүйгээр далимдуулж нийтийг хамарсан луйвар болж таарч байна уу?

Аж ахуйн нэгжүүдийн хувьцаа худалдан авах саналыг ирэх сарын 1-нээр хязгаарласан. Гэвч тэд амжихгүй. Тиймээс сунгаж таарах байх. Үүнд өнөөх хонконгчууд хэдийнэ бэлэн байгаа бөгөөд 10 хувиар мөнгөө өсгөж хийхээс ч сийхгүй байгаа нь “Эрдэнэс Тавантолгой”-н хувьцааны нэр хүндийг нэг талаас тодорхойлж өгч байна. Харин бид өнөөх хувьцаагаа сая төгрөгийн талд нь ч хүрэхгүй өнгөт цаас болж мэднэ гэж үзсээр байна. Яагаад 300 жил, өндөр хурдаар ухлаа гэхэд 100 жил ашиглах орд бидний цөөхөн монголчуудад үр шимээ өгөхгүй гэж? Газрын дор нүүрс байгаа нь үнэн.

Тавантолгойн дөрөвхөн хувийн нутаг дээр үйл ажиллагаа явуулж байгаа “Энержи ресурс”-ийг л бодоход нийт үнэлгээ нь 20 тэрбум хонконг доллар буюу 2.66 тэрбум ам.долларт хүрч байгаа. Дөнгөж дөрвөн хувь нь ийм үнэлгээтэй байгаа юм бол 100 хувь гэж үзэхэд хэд байх вэ. Та бодоод үзээрэй. Тэгээд ч “Энержи ресурс”-ийн нийт нөөцийн 53 хувь нь коксжих нүүрс. Харин “Эрдэнэс Тавантолгой”-н эзэмшлийн талбайнуудад коксжих нүүрсний эзлэх хувь хэмжээ нь 63-78 байна гэдгийг албаныхан нотолсон. Тэгэхээр “Энержи ресурс”-тэй харьцуулах нь нэг бодлын өрөөсгөл мэт. Тавантолгойн ордын нийт нөөц 7.51 тэрбум тонн. Дэлхийн жилийн хэрэглээний нүүрс гэсэн үг. Үүнээс “Эрдэнэс МГЛ” ХХК 6.88 тэрбум тонн буюу 91.53 хувийг нь эзэмшинэ. Үлдэж буй хэсгүүд буюу орон нутгийн өмчит “Тавантолгой” ХК 139 сая тонн буюу 1.85, “Энержи ресурс” 423 сая тонн буюу 5.6 хувийг тус тус ашиглаж байна.

Дээр дурдсанаар “Энержи ресурс” буюу “Mongolian Mining Corporation”-ийн Хонконгийн хөрөнгийн бирж дэх зах зээлийн үнэлгээ өнгөрсөн долоо хоногийн сүүлээр 20.67 тэрбум хонконг доллар буюу 2.66 тэрбум ам доллар байсан. Дээрх дүнг “Эрдэнэс МГЛ” ХХК-ийн нөөц болох 6.88 тэрбум тонн буюу 91.53 хувьтай харьцуулж болох юм. 5.6 хувь нь 2.66 тэрбум ам.долларт хүрч байгаа юм бол 91.53 хувь нь 43.48 тэрбум ам.доллар болно. Энгийнээр хувилж үзэхэд ийм байна. 43.48 тэрбум ам долларыг “Эрдэнэс Тавантолгой” ХК-ийн нийт гаргасан 15 тэрбум ширхэг хувьцаанд хөрвүүлбэл нэг ширхэг хувьцааны ханш 2.9 ам доллар буюу 3830 төгрөг болох бололтой.

Үүнээс харахад Монгол Улсын иргэн бүрт эзэмшүүлж буй 1072 ширхэг хувьцааг 3830 төгрөгт хөрвүүлэн тооцоход иргэн бүрт 4.1 сая төгрөгийн үнэ бүхий хувьцаа ногдож байна. Маргааш, магадгүй хоёр жилийн дараах 5-6 сая төгрөг, өнөөдрийн 300 мянган төгрөг хоёроос сонголт хий гэвэл би хувьдаа маргаашийг сонгоно. Хэдийгээр зах зээлийн ханш тогтворгүй ч дээрх тооцоо нь байж болох хамгийн доогуур үнэ. Тиймээс өнөөдөр нэг сая төгрөг бэлнээр авах биш хоёр жилийн дараах 5 сая төгрөгийг эх орныхоо баялгаас хүсэх нь буруу зүйл биш гэж миний бие үзэж байна.

ХУВЬЦАА, БАС ДАХИН ХУВЬЦАА…
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
угаасаа энэ 2 нам хоюул хэрэггүй

2012-06-12 | 21:38:22 | 202.9.47.130 |

Зочин
Тавантолгой дээр ард тумний анхаарлийг хандуулаад 1ээс дээш 3 тэрбүмийн нөөцтэй Нийлээд 8тэрбүм нуурсээ хулгайд алдаж байгаагаа ард тумэн мины бодолцоорой

2012-06-12 | 18:48:01 | 89.103.186.121 |

Зочин
Батболд муу санаатай луйварчин. биднийг луйвардсан бна шдээ.

2012-06-12 | 17:12:15 | 124.158.109.204 |

Зочин
МОНГОЛ ТУМЭН МИНЬ ХЭДИЙ БОЛТОЛ МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-12 | 17:05:10 | 124.158.73.17 |

Мэдээ
Гадаад мэдээ
Видео