Ганбууш: Байнга өвчин намдаах эм, тариа хэрэглэж байгаа

2012-06-12

2012 оны Тавдугаар сарын 18-ны 15 цагаас 18 цагийн хооронд нийт гурван цагийн турш хүйсээ солиулах мэс

засалд орж, жинхэнэ утгаараа эмэгтэй хүн болжээ. Түүний хагалгаа амжилттай болсон бөгөөд Тайландын номер нэг мэс засалчийн хувийнх нь эмнэлэгт хэвтэн хагалгаагаа хийлгэж, одоогийн байдлаар нөхөн сэргээх эмчилгээнд орж байгаа аж. Тус эмнэлэгт өдөрт дундажаар орон орны 30 гаруй хүн хүйсээ солиулах, хөх өгзөг хийлгэх зэрэг гоо сайхны хагалгаа хийлгэдэг байна. Хатагтай Ганбуушийн биеийн байдал одоогоор сайжирч байгаа хэдий ч хүндэд тооцогдох хагалгаанд орсон учраас бүрэн тэнхрэхэд цаг хугацаа шаардагдаж байгаа аж. Ямар ч байсан Ганбууш энэхүү зоримог алхмаараа Монголын цорын ганц бөгөөд анхны хүйсээ солиулсан хүн боллоо.

-Хагалгаа тань амжилттай болсонд баяр хүргэе. Одоо биеийн байдал тань хэр байна?

Баярлалаа. Биеийн байдал тийм ч сайжраагүй байна. Байнга өвчин намдаах эм, тариа хэрэглэж байгаа. Хагалгаа хийлгээд эмнэлгэээсээ гурав хоноод гарсан. Одоо эмнэлгийн хажууд байрлах буудалд эмчилгээндээ ороод байж байна.

-Тантай адил хагалгаа хийлгэж байгаа хүн хэр олон байх юм?

Маш олон байдаг юм байна. Өдөрт хорь гучин хүн хагалгаа хийлгэдэг. Солонгос, Орос, Камбож, Итали гээд олон орны залуучууд энэ эмнэлгийг зорьдог юм билээ. Тэд ихэвчлэн нүүрний гоо засал, хамар, хацар, нүд зэргээ засуулаад дараа нь хөх, ташаа, өгзөг зэргээ засуулна, хамгийн сүүлд нь хүйсээ солиулах хагалгаанд ордог. Би болохоор шууд хүйсээ солиулах хагалгаанд орсон. Ер нь бол миний араас олон залуучууд ийм алхам хийх вий гэдэгт маш их эмзэглэж байгаа. Энэ талаар дараа Монголд очиж байгаад дэлгэрэнгүй, бодит үнэнийг ярих бодолтой байна. Ямар ч байсан хүсэх зүйл биш гэдгийг хэлье.

-Хагалгаанд орсны дараа таны зан ааш зэрэгт чинь ямар нэг өөрчлөлт орж байна уу?

Гарсаан. Их уяхан болчихсон. Амархан хөөрч, баярлаж, бас гомдоод л, юм л бол уйлчих гээд байдаг болсон. Гэхдээ би өдий насандаа энэ бүхний ард даваад гарч байгаадаа сэтгэл хангалуун байна. Өөрийгөө дахин төрсөн гэж бодож байгаа шүүдээ. Миний төрсөн өдөр уг нь найдугаар сард болдог ш дээ. Тэгэхээр найз нөхөдтэйгөө найман сард төрсөн өдрөө тэмдэглээд, тавдугаар сарын 18-нд өөрийн хүрээллийн /бэлгийн цөөнхийн хүрээллийг хэлсэн бололтой./ найз нөхөдтэйгөө хоёр дахь төрсөн өдрөө тэмдэглэнэ гэж бодож байгаа.

-Хүний нутагт хүнд хагалгаанд орно гэдэг хэцүү. Туслаж, дэмжиж байгаа хүмүүс олон байгаа болов уу?

Намайг эмнэлэгт хэвтэхээс авахуулаад хагалгаанд ороод гарсны дараа, одоо ч хүртэл хамт байж, туслаж, дэмжиж байгаа Монгол найз эмэгтэй байгаа. Түүндээ маш их талархаж байгаагаа хэлмээр байна. Бас өөр нэг найз маань тусалж дэмжиж байгаа. Түүндээ ч гэсэн баярласнаа илэрхийлье. Одоо тэдний маань визний хугацаа нь дуусах гэж байгаа болохоор нутаг буцах гэж байна. Тэгээд би ганцаараа үлдэнэ. Хүний нутагт ганцаараа үлдэхэд хэцүүл санагдаж байна. Гэхдээ даваад гарна аа.

-Мөнгө, санхүүгийн хувьд бэрхшээл тулгарч байна уу. Санаанд оромгүй зардал эмчилгээ, хагалгааны үед гарах нь элбэг тохиолддог?

Тиймээ. Анх монголд байхдаа үнэ, төлбөрийн талаар мэдээлэл авахад 40 доллар байсан эм нь 150 доллар болж нэмэгдэх жишээтэй. Олон бэрхшээл гарч байна. Хөдөлбөл мөнгө болсон хүний нутагт иймэрхүү бэрхшээл хэзээ ч, хэнийг ч тойрдоггүй бололтой. Энэ далимд “миний багш “Эрдэм Оюу” дээд сургуулийн захирал, сэтгэл судлал, хуульзүйн багш н.Булгандаа болон өөрийн дүү нартаа маш их баярлалаа, тэднийхээ ачийг үхэн үхтлээ санаж явах болно” гэдгээ хэлмээр байгааг минь дамжуулж өгөөрэй.

Ер нь тэгээд хүний амьдрал тэр чигээрээ шалгуур байдаг юм байна. Найз нөхөд, үй зайгүй андууд гэх хэрнээ хэрэгтэй үед нүүрээ буруулах хүмүүс байдгийг олж харлаа. “Энэ ч дээ” гээд тоомжиргүй ханддаг байсан хүмүүс харин халуун сэтгэлээ дэлгэж, сэтгэл санаа болоод эд материалын туслалцаа үзүүллээ. Тиймээс намайг хүндэлдэг, хайрладаг, тусалдаг, ойлгодог болон тусалсан найз нөхдөдөө маш их баярлаж, талархаж байгаагаа дахин дахин илэрхийлье. Би хэдийгээр өөрийнхөө төлөөэнэ бүхнийг хийсэн ч, хэзээ ч өөрийгөө дутуу дулимаг төрсөн гэж голж гутарч яваагүй, амьдралыг сөрж явааг маань Монголын ард түмэн ойлгох байх гэж бодож байна.

Тиймдээ тусалж, дэмжээд нэг Монгол хүнийхээ амьдралыг гэрэл гэгээтэй болгохын төлөө халуун сэтгэлээ харамгүй зориулж байгаа Монголчууддаа, найзууддаа, хайртай дотны бүхэндээ дахин баярлаж байгаагаа хэлье. Заавал дамжуулж өгөөрэй.

-Ярилцсанд баярлалаа. Хурдан эдгээрэй.

Та бүхэн уншаад сэтгэгдэл болоод санал хүсэлтээ үлдээгээрэй. Монголынхоо нэг иргэний амьдралд гэрэл нэмэх хүсэлтэй, сэтгэлийн дэм, эд материалын тус үзүүлэхийг хүссэн хэн бүхэн өөртэй нь +66845250291 дугаарын Тайланд дахь гар утсаар нь холбогдох буюу ganbuush1118@yahoo.com хаягаар харьцаж болох юм байна. Мөн манай редакциар дамжуулан холбогдох боломжтой.

Ш.Булга
www.shuum.mn

Ганбууш: Байнга өвчин намдаах эм, тариа хэрэглэж байгаа
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
чи яаж ингэж бичиж чадаж бнаа хүний үнэргүй новш минь.Чи ингээд төрцөн бол энэ хүн шиг сэтгэлийн тэнхээтэй бж чадахуу .Хойд насандаа ингэж төрөх гэж бгаа юм.Хүний мууд дурлаж бгаад -коммэнт үлдээсэн xүнд

2012-06-13 | 11:56:58 | 183.81.169.5 |

Зочин
ажиллагаагуй юмаа тайруулаа л биз, дороо нухтэй чавганцаар одоо яах уу

2012-06-12 | 17:07:11 | 202.131.229.218 |

Зочин
ажиллагаагуй юмаа тайруулаа л биз, дороо нухтэй чавганцаар одоо яах уу

2012-06-12 | 17:01:57 | 202.131.229.218 |