Ардчилсан намынхаа авлигачдаа яах вэ, Ерөнхийлөгч өө

2012-06-08

АТГ-ынхан гэнэт амь орж, авлигачдыг шүд сугалж байгаа аятай түүж эхэлснээ сүр дуулиантайхан зарлаж, эхнийх нь

болгож Н.Энхбаярыг яллагдагчаар татаад байгаа. Араас нь Ашигт малтмалын даргаар ажиллаж байсан Д.Батхуягийг бас хорьсон. Увсын Засаг дарга Э.Цасчихэрт ял оноосон гээд тэдний хар дансанд өдгөө МАН болон МАХН-ын угшилтай эрхмүүд бичигдчихээд байгаа гэнэ. Нэг хэсэг хүмүүс АТГ газрынхан ашгүй нэг “тул”-уудыг олзолж эхэллээ хэмээн итгэсэн. Харин яваандаа тэд хэний даалгавраар хэний үгээр хөдөлж буй нь ерөнхийдөө олон нийтэд илэрхий болоод байна. Нэг хэсэг эзэнгүй байсан АТГ-ыг Ц.Элбэгдорж ерөнхийлөгч өөрсдийн хүмүүсээр бүрдүүлсэн. Ямар сайндаа л хүний наймааны асуудлаар Англид хоригдож байсан Б.Хурцыг газрын ховор элементээр Германчуудтай наймаалцаж авсныхаа дараа шууд л АТГ-ын дарга болгосон бий. Гадаадаас нэг онгоцонд цуг сууж ирсэн тэднийг тохиолдлоор таарсан гэдэгт баргийн тэнэг ч итгэхгүй. Тэд онгоцонд юу ярьж, юу тохиролцсон өдгөө АТГ-аас явуулж буй бодлогоос харахад тун тодорхой байна. Энэ сонгуульд Ардчилсан намыг ялуулахын тулд Ардын намынхныг авлигын хэргээр хорих, саатуулах, сонгуулийн өмнө нэр хүндийг нь баастах, цаашлаад ирэх 2013 оны Монгол Улсын Ерөнхийлөгчийн сонгуульд өрсөлдөх өөрийнхаа замыг засуулахын тулд Ц.Элбэгдорж түүнд АТГ-ын дэд даргын суудлыг өгсөн гэх хардлага оргүй хоосон үг биш бололтой.

Өнөөдрийн улс төрд өрнөж буй халуухан үйл явдлын өрнөлөөс харахад Ардын намынхан авлигач, Ардчилсан намынхан энхийн цагаан тагтаа гэж үү. Хоёр хар хэрээ бие биенийхээ харыг гайхав гээч л болчихоод байгаа юм биш үү. Яг үнэндээ Ардчилсан намынхан Ардын намынхнаас илүү авлигад идэгдэж, будагдсан худлаа биш шүү дээ. Эрүүл мэндийн сайд байхдаа тендерийн мөнгийг идэж уусан гэх хэргээр Л.Гүндалай гишүүнийг АТГ хичнээн жил шалгаж байгаа билээ. Хэргийг түр түдгэлзүүлсэн болохоос хэрэгсэхгүй болгоогүй. Түүний хэрэг яасан бэ, АТГ-ынхаан.

Авлигын хэргээр шоронд хоригдсон Ардчилсан намын гишүүн Д.Баттулга өдгөө Ерөнхийлөгчийн Тамгын газрын даргаар ажиллаж байгаа. Сурсан юмыг сураар боож болдоггүй гэгчээр Д.Баттулга шоронгоос хүмүүжээд гараад ирээгүй л юм бол сурсан зангаа гээж, хаяхгүй нь мэдээж. Хажуудааа авлигач авчраад тавьчихсан Ерөнхийлөгч өөрөө ямар бодолтойг бүү мэд. Үнэндээ Б.Хурц бас гэмгүй, энхийн цагаан тагтаа ч биш гэдгийг улс төрийн хүрээнийхэн сайн мэднэ. МИАТ-аар нэг удаа хөнгөлөлттэй үнээр номоо зөөлгөсөн Н.Энхбаяр түүний хажууд юу ч биш. Цагтаа Б.Хурцын сарнайг МИАТ-ын онгоц үнэ төлбөргүйгээр хангалттай зөөсөн шүү дээ. Худлаа гэж л битгий хэлээрэй Б.Хурц дарга аа.

Ардын намынхан нэр цэвэр гэж хэлэхгүй. Ардын нам ч Ардчилсан нам ч аль аль нь идэж уусан. Тэгж яривал Монголын бүх л монополь үйлдвэр, банк санхүүгийн байгууллагын хувьчлал нэрээр сохор зоосны үнэгүй авсан хүмүүс нь хэн бэ, Ардчилсан намынхан. Тэгвэл тэднийг яагаад АТГ онилохгүй байна. Ардчилсан намын ҮЗХ-ны хурлаар тус намын,ҮЗХ-ны гишүүн Б.Равдандаш “Тэгж яривал таны авлига авсан баримт ч бий”гэж хэлснийг яагаад Б.Хурц дарга болоод манай шударга Ерөнхийлөгч анхааралдаа авахгүй байна вэ. Солонгосын Мүүний шашныг хэн Монголд өндөр үнээр нутагшуулсныг авлигад дургүй манай шударга Ерөнхийлөгч сайн мэдэж байгаа гэдгийг ч хэлэх хүмүүс нь хэлдэг л юм билээ. Ардчилсан намд эх орноо худалдсан эрхмүүд цөөнгүй байга. Төрийн мөнгөөр гараа угааж, халаасаа дүүргэсэн олигархиуд Ардчилсан намын нэрээр албан тушаалын сэнтийд морилсоор байна.

Авлига, хээл хахуультай тэмцэхийг чинь олон хүн дэмжиж байгаа. Гэхдээ хамгийн гол нь шударга байгаасай гэж хүсч буйг энэ дашрамд дуулгая. Авлигатай тэмцэхийг хүсч байгаа бол Ардын намынхныг ч Ардчилсан намынхныг ч аль алиныг нь адилхан хорьж, шалгах хэрэгтэй бус уу. Би лав Ардын намынхан авлигач, Ардчилсан намынхан энхийн цагаан тагтаа гэж бодохгүй байна. Гээнэдээ ч бий, гоонодоо ч бий гэдэг үг байдаг даа, Ерөнхийлөгч өө.

http://asunews.mn/main/fact/f-people/1205160028/%D0%90%D1%80%D0%B4%D1%87%D0%B8%D0%BB%D1%81%D0%B0%D0%BD-%D0%BD%D0%B0%D0%BC%D1%8B%D0%BD%D1%85%D0%B0%D0%B0-%D0%B0%D0%B2%D0%BB%D0%B8%D0%B3%D0%B0%D1%87%D0%B4%D0%B0%D0%B0-%D1%8F%D0%B0%D1%85-%D0%B2%D1%8D-%D0%95%D1%80%D3%A9%D0%BD%D1%85%D0%B8%D0%B9%D0%BB%D3%A9%D0%B3%D1%87-%D3%A9%D3%A9.html

Ардчилсан намынхаа авлигачдаа яах вэ, Ерөнхийлөгч өө
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
би дөнгөж сая элбэгээд хахуул өгчихөөд орж ирээд сууж бн аа.

2012-08-09 | 01:35:50 | 77.186.119.81 |

Зочин
МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-08 | 10:14:48 | 124.158.73.17 |

Мэдээ
Гадаад мэдээ
Видео

Архив ангилал

Ардчилсан намынхаа авлигачдаа яах вэ, Ерөнхийлөгч өө

Сэтгэгдэл (5)