томоохон шуугиан тарьж, нийгмээрээ хэлэлцэж байна. Тэр дундаа АН-ын нэр дэвшигчдийн жагсаалт энэ намыг дэмжиж явдаг залуу үеийнхний урмыг хугалсан явдал байлаа. Учир нь мажоритар тойрогт АН-аас 40 нас хүрээгүй нэр дэвшигч ердөө зургаахан байгаа бол МАН энэ насны 13 залууд итгэл хүлээлгэн мандат өвөрлүүлжээ. Намын нэрсийн жагсаалтад АН-аас хоёр залуу багтсан боловч тэд УИХ-ын гишүүн “молекул” Батж.Батбаярын хүү Б.Батбилэг, Р.Бадамдамдингийн хүү Б.Баттүвшин нар юм. Аавын хөвгүүдийг удам судраар нь ялгаварлан, АН-ын уугуул гишүүдийнхээ хүүхдүүдийг ийнхүү онцолсон нь энэ намаас нэр дэвших гээд чадаагүй эгэл ардын хүүхдүүдийг эмзэглүүлж байгаа юм. Батж.Батбаяр нь томхон баячуудын нэг, Хөвсгөлийн фосфоритийн орд газрыг эзэмшдэг бол Р.Бадамдамдин “Мон-Атом” төрийн өмчит компаний захирал асан нэгэн. Ийнхүү АН удам дамжуулан өвлүүлдэг хэрэгсэл болон хувирсан нь эндээс харагдана.

Хөрөнгө мөнгөтэй хэсгийнхэн АН-д ийнхүү хүч түрэн орох болсны шалтгаан нь тус намын нэр дэвшигчиддээ тавьсан мөнгөний босго байлаа. Эхэндээ хүн тус бүрээс 50 сая төгрөг хурааж байсан бол сүүлдээ энэ тоо эрс өсөж, 100 саяд хүрсэн гэсэн мэдээ байгаа юм. Тиймээс ч тэрбумтнуудад илүү боломж олгосон бөгөөд Р.Бадамдамдин, Батж.Батбаяр нарын хөвгүүд мөнгөөр цохин АН-ын жагсаалтад багтаж амжжээ. Үүнээс гадна “Мон-Уран” компанийн Б.Наранхүү, “Ажнай” Б.Бат-эрдэнэ нараас эхлээд Монголын том хөрөнгөтнүүдийг эгнээндээ багтаасан нь АН-ыг баячуудын нам хэмээн нэрлэхэд хүргэсэн аж. Баячуудын намынхны дунд одоо ч маргаантай байгаа нэр дэвшигчдийн жагсаалтад Н.Алтанхуягийн “Алтангадас” фракцийнхан аргагүй илүүрхэж байна. Тэд 19-үүлээ бөгөөд, нийт нэр дэвшигчдийн 25 хувийг эзэлж байгаа явдалд “Кроун”, “Мөнхтэнгэр” фракцууд шүүмжлэлтэй хандаж буй. АН-д өрнөж буй мөнгөний өрсөлдөөнийг “Сонгогчдын боловсрол” төвийн Р.Бурмаа ихэд эсэргүүцэн, намаа шүүхэд өгөхөөр сүрдүүлсэн мэдээ бий. Түүний амыг хаахын тулд жагсаалтын эхний 10-т багтаасан бөгөөд Р.Бурмаа 50 саяын хураамжийн асуудлаар шүүхдэхгүй гэсэн болзолтойгоор эл байрыг эзэлжээ. Ц.Элбэгдоржийн шахалтаар түүний зөвлөх М.Батчимэг 10-т жагссан бөгөөд Орхон аймагт нэр дэвшихээс айсан энэ эмэгтэйд эрхэм Ерөнхийлөгч онцгой анхаарсан мэдээ байгаа юм.

МАН-ын хувьд нэр дэвшигчдийнхээ асуудалд илүү бодитой хандсан нь сонгогчдын талархлыг хүлээж байна. Тухайлбал АН тэрбумтнуудаар эгнээгээ сэлбэсэн бол МАН залуусаар гол цөмөө бүрдүүлж чаджээ. АН мөнгөний нэр дэвшигчдэд хайр зарласан бол МАН бизнесийнхнээс татгалзсан нь дэвшил байлаа. Тухайлбал 2008 онд бизнесийнхний төлөөлөл болох 11 хүн МАН-аас нэр дэвшиж байсан бол 2012 онд 50 хувь буурч, зургаа болсон нь үүнийг нотолно. Хоёр том намын нэр дэвшигчдийн ажил мэргэжил, боловсролын хувьд ч томоохон ялгаа анзаарагдаж байгаа. АН-д зургаан хуульч энэ сонгуульд хүчээ сорьж буй бол МАН-аас 12 хуульч хууль тогтоох байгууллагын гишүүн болохоор өрсөлдөж байна. АН-д ямар боловсролтой нь тодорхойгүй Л.Гүндалай, Х.Баттулга, Кекүшюзан Д.Батбаяр, Г.Баярсайхан нар байгаа нь энэ намын нэр дэвшигчдийг боловсролын хувьд тодорхойлоход хэцүү болгож буй. Гэтэл МАН-ынхан цаг үеийн шаардлагыг харгалзан үзэж, эдийн засгийн өсөлт, үйлдвэржилтийн эрин үеийг тооцоолон 20 инженер, 14 эдийн засагч мэргэлжилтэй нэр дэвшигчийг сойжээ. Тэдний дунд шинжлэх ухааны дээд зэрэг цолтой академич, доктор, профессор 12 байгаа юм. Эндээс харахад МАН улс төрийн бодлогын хувьд шинэ цаг үе, дэвшилтэт технологи, хөгжилд тулгуурласан алхам хийж, үүндээ түшиглэн нэр дэвшигчдээ сонгож чадсан байна. АН-ын нэр дэвшигчдийн дунд томоохон банк, архи спиртийн үйлдвэр, уул уурхай дагасан өмч хөрөнгийн эзэд 28 буюу нийт нэр дэвшигчдийн 40 хувийг эзэлж байгаа. Б.Наранхүү, Лу.Болд, Х.Баттулга, Г.Батхүү, Б.Мэдрээ, Б.Батбилэг, Б.Баттүвшин, И.Нарантуяа, З.Нарантуяа, Д.Эрдэнэбат нарыг энд дурьдаж болно.

Үүнээс гадна АН-ын жагсаалт харьцангуй сулбагар нэр дэвшигчээр дүүрсэн нь ажиглагчдын анхаарлын гадна үлдсэнгүй. Жагсаалтын тавд бичигдсэн АН-ын Ерөнхий нарийн бичгийн дарга Д.Эрдэнэбат УИХ-ын сонгуульд гурван удаа, НИТХ-д хоёр удаа нэр дэвшсэн боловч сонгогчдын итгэлийг хүлээж байсангүй. Байнга өвдөг шороодож ирсэн хүмүүсийн нэг нь Ш.Түвдэндорж. Жагсаалтын зургаад бичигдсэн тэрбээр дөрвөн удаа УИХ-ын сонгуульд нэр дэвшиж байсан боловч амаараа шороо үмхэн ялагдал хүлээж байжээ. Энэ мэтээр УИХ-ын сонгуульд удаа дараа нэр дэвшсэн боловч сонгогчдын итгэл авч байгаагүй зургаан нэр дэвшигч АН-ын жагсаалтыг давсгүй хоол болгож байгааг хэлэхэд илүүдэхгүй. Улс төрийн голлох хүчин болох МАН болон АН-ын нэр дэвшигчдийг чанарын хувьд сонжиход иймэрхүү. Байдлаас харахад МАН тулхтай улс төрийн хүчний хувьд 2012 оны УИХ-ын сонгуульд ач холбогдол өгч, бодлогоо тодорхойлон оролцож буй бол АН үхрийн бөөр шиг алаг эрээн бүтэцтэй, мөнгөнд тулгуурласан байдлаар энэ сонгуульд хөл тавьж буй юм. Нэр дэвшигчдийнх нь алаг эрээн байдал АН-ын бодлого, мөрийн хөтөлбөр ч бас алаг эрээн гэдгийг нотолж байгааг сануулахад илүүдэхгүй биз ээ.

Ц.Сарнай

АН биенесменүүдээр цус сэлбэж, МАН залуусаар цөмөө бүрдүүлжээ
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МОНГОЛ ТУМЭН МИНЬ. ХЭДИЙ БОЛТОЛ МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН НАМААС БУРМӨСӨН САЛГААЯ АА. МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ.

2012-06-06 | 12:24:43 | 124.158.73.17 |

Мэдээ
Гадаад мэдээ
Видео