байхад өчнөөн газрын үүд сахин арай гэж ажилд орсон Дорж сард 400 мянга хүрэхгүй төгрөгөөр аж амьдралаа болгох гэж ард хормойгоороо урдахаа нөхөөд таарч байна. Уг нь тэд ижил мэргэжилтэй, дуулсан ном, дүүргэсэн сургуулиар ч ялгараад байх юмгүй. Гэвч тэдний нэг нь гадаад хүн, Монголд урилгаар ирж ажиллаж байгаа. Харин нөгөө нь Монголын иргэн, гуйж гүйж байж ажилд орсон учраас цалин хангамж нь нэг иймэрхүү. Эмгэнэлтэй дүр зураг байгаа биз. Харамсалтай нь яг ийм дүр зураг өнөөдрийн нийгэмд хаа сайгүй таарч буй бөгөөд үүнийг доорх баримтууд нотлох биз ээ.

ММСС-ГИЙН ГАДААД ЗАХИРАЛ 45 МЯНГА, МОНГОЛ АЖИЛТАН НЬ 900 ДОЛЛАР АВДАГ
Монголын Мянганы сорилын сан гэх газрын үүд хаалгыг баргийн хүн онголзуулаад байх аргагүй чухал, Монгол Улс, АНУ-ын Засгийн газар хооронд байгуулсан гэрээний дагуу тодорхой салбарт хөрөнгө оруулалт хийх, түүний үр дүнг харах зорилготой байгуулсан газар гээд ер нь бол их л эерэг сайхнаар ойлгож явдаг юм.

Үүнийг нь ч төр засгийн зүгээс бататгаж, “Манай улс МСС-гаас тийм хэмжээний тусламж авахаар боллоо. Энэ хөрөнгөөр тэр ч замыг, энэ ч газрыг сайхан болгоно, засна янзална” гээд төсөл хөтөлбөр баталснаа танилцуулдаг билээ. Гэвч өнгөн дээрээ иймэрхүү дүр зурагтай харагддаг МСС нэдэр дээрээ , огт өөр товчхондоо бол хэн нэгэн зальтай нөхөр америкчуудын бидэнд өгсөн мөнгийг элдэв арга хэрэглэн дундаас нь дамжуулан авдаг бааз нь болгосон юм биш гэж бодогдохоор зүйл сонсогдлоо. Ердөө ганцхан жишээн дээр тайлбарлахад ММСС-гийн аль нэг төслийг сонгон зөвлөгөө өгдөг гэх гадаадын компанийн захирал цалин гэж сард 45 мянга доллар авдаг ажээ. Харин монголчууд түүнээс хэд дахин бага хөлс авдаг бөгөөд монгол захирлуудын дундаж цалин нь 3000 доллар бол хамаг гол ажлыг нь нугачдаг элэг нэгт залуус маань сард ердөө 900 доллар өвөртөлдөг ажээ. Энэ тухай эх сурвалж “Гадаадын зөвлөх компанийн захирал гэж юу ч хийдэггүй нөхөр байдаг юм. Зөвлөх компани сонгон шалгарууллаа гэдэг. Гэвч хаана юу хийж байсан нь мэдэгдэхгүй компани бид ялсан гэж орж ирээд мөнгө нэхээд суучихдаг. Тэгээд нэг ажил эхлүүлэх болохоор тайлан гэх зүйл гаргаж өгчихөөд “Бид ийм их ажил хийсэн учраас төсөв мөнгөө нэм” хэмээн шаардана. Гэтэл өнөөх тайланг нь манай ямар ч компани гарын үзүүрээр хийчих тийм л зүйл. Уг нь бид үүнийг өөрчлөх гэж нэлээд тэмцсэн. Гэвч монголчууд юу ч чаддаггүй гээд халгаахгүй юм билээ” хэмээн халаглан өгүүлсэн билээ.

Энэ бол зөвхөн ганцхан төсөл дээр зөвлөгөө өгдөг гаднын компанийн захирлын цалин нь. ММСС нь Хөрөнгийн эрхийн, Хот орчмын бэлчээрийн, Мэргэжлийн боловсрол сургалтын, Эрүүл мэндийн, Цэвэр агаарын, Авто замын гээд зургаан төсөл хэрэгжүүлдэг гээд бодохоор энэ мөнгө хэд дахин нэмэгдэж таарна. Дээр нь үйл ажиллагааны зардал хамт ажилладаг хүмүүсийн цалин гээд түүнийгээ дээрх зургаан төсөлд үржүүлбэл бидний нүүрээ ширлэн байж авсан мөнгөний хэдэн хувь нь хэний халаасанд ороод байна вэ гэдэг яах аргагүй хөндөх сэдэв болж буй юм. Дашрамд сануулахад АНУ-ын буцалтгүй тусламжийн хүрээнд манай улсад 285 сая ам.долларын санхүүжилт олгосон байдаг юм билээ.

“ЭРДЭНЭС ТАВАНТОЛГОЙ”-Г УДИРДАХ ГАДНЫ МЭРГЭЖИЛТЭН ЕРӨНХИЙЛӨГЧӨӨС Ч ИЛҮҮ ХАНГАМЖ ЭДЭЛНЭ
Дээрх баримт бол монголчуудыг дэмжих гэсэн гаднын төсөл хөтөлбөрөөс гадныхан “идэж” буй баримт. Тэгвэл гүйцэтгэх захирал, зөвлөх нэртэй нөхөд монголчуудын баялгаас харамгүй хуваалцаж байгаа бас нэг жишээ байна. Энэ нь манай томоохон уул уурхайн компаниудтай холбоотой. Монгол Улс “Эрдэнэс Тавантолгой” гэх компанитай болоод багагүй хугацааг үдэж буй. Иймээс тус компанийн гүйцэтгэх захирлын сонгон шалгаруулалт яах аргагүй анхаарал татаж, олон улсын тендер хүртэл зарлаж байсан нь саяхан. Ямартай ч хэвлэлээр энэ компанийн захирлаар уул уурхай, удирдан зохион баңгуулах чиглэлээр мэргэшсэн гадаад хүнийг тавина гэсэн сураг дуулдаж байсан бөгөөд шалгаруулалтад тэнцэх хүнийг Монгол Улсын цаашдын хөгжлийн амин сүнсийг удирдаж буй гэдэг утгаараа маш өндөр хангамж эдлүүлнэ хэмээн зарласан. Тухайлбал, зөвхөн нэг сарын цалин нь гэхэд 300- 400 мянган доллар гэж дуулдсан. Дашрамд сонирхуулахад манай улсын Ерөнхийлөгч жилд түүнээс 10 дахин бага буюу 30-40 мянган долларын л цалин авдаг юм. Харин жирийн иргэд бол үүнээс хэд дахин бага гэдгийг дахин сануулах нь зөв болов уу.

“ГОВЬ”-ИЙН ГАДААД ЗАХИРЛУУДЫН САРЫН ЗАРДАЛ 74 САЯ ТӨГРӨГ
Хэрэв уншигчид санаж буй бол яг энэ үгийг Монгол Улсын нүүр царай хэмээн нэрлэгддэг байсан “Говь” компанийн ТУЗ-ийн дарга асан П.Дамдинжав хэдэн жилийн өмнө хэлж монголчуудын нүдийг орой дээр нь гаргаж байсан билээ. Тэрбээр “Би энэ компанийг сэргэн мандах үйлст гар бие оролцсоны хувьд доройтож мөхөхөд нь оролцохгүй. Энэ компани хувьчлагдсан даруйд Европ, Ази, АНУ-ын зах зээлд олон жил ажиллаж туршлага хуримтлуулсан гэх Рони Лэмб, Рэймонд Ийглсон, Филип Эддилсон гэх эрхмүүд гүйцэтгэх захирал болно гээд энэ хүслээ биелүүллээ. Гэтэл гурван гадаад захирлын цалин, байр, тээвэр холбоо, гадаад томилолтын зардал гэхэд сард 74 сая төгрөгт хүрч байна. Ийм ойлгомжгүй нөхцөлд “Говь”-д ажилламааргүй байна” хэмээн мэдэгдэж байсан юм. Үнэндээ бол энэ үйл явдал монгол хүнийг үнэгүйдүүлж эхэлсний анхны жишээ гэж болох бөгөөд энэ цаг үеэс эхлэн гадаад захирал үнэд хүрч эхэлсэн юм билээ.

ШАВАР ЗУУРЧ, ТООСГО ӨРДӨГ ХАР АЖИЛЧИН НЬ Ч ГАДААД
Эцэст нь өгүүлэхэд энэ бол гадныхныг шүтэж, монголчуудыг үнэгүйдүүлсэн баримтын дөнгөж эхлэл нь. Өдгөө урин дулааны улирал ирж буй яг энэ үед гаднаас ажиллах хүч олноор орж ирж байна. Тэдний дунд дээрхтэй адил өндөр цалин, хангамжтай гадаад захирлуудаас эхлээд шавар зуурч, тоосго өрдөг хар ажилчид хүртэл байгаа. Иймээс “Бид яг юуны төлөө хэнийг тахин шүтээд байгаа юм бэ. Монгол хүн өнөөдөр ямар үнэлэмжтэй байна бэ? гэсэн асуултыг Монголоо гэсэн сэтгэлтэй бүх хүнээс асуумаар санагдаад буй юм. Магадгүй зарим нь монголчууд юу ч хийж чаддаггүй, архи уудаг, ажилдаа хайнга гээд элдэв шалтаг хэлэх л байх. Гэхдээ монголчууд бүгд тийм биш. Амьдралаа өөд нь татах чин хүсэлтэй залуус өчнөөн бий. Гэвч тэдэнд дөрөөг нь зөв дөрөөлүүлээд өгчих бяцхан тулгуур л хэрэгтэй байгаа юм.

Л.Оюун

Монгол үнэлэмж
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гадаадийнxан чин өөрийнxөө нутагт ч ийм иx мөнгө абаxгүй шдээ .битгий гаднийxнийг дабруулалдаа.манай дарга нарийг амэрикд ажиллуулбал xэнч тоож абч ажиллуулаxгүй штээ,тэр гадаададаа гологдцон баагийнуудийг монголчууд л тэжээж байгаа юм байна даа.монгол xүн монголдоо эзэн xүн шиг амидраx xуулийг бий болгоө.

2012-06-04 | 22:34:23 | 98.193.66.222 |

Мэдээ
Гадаад мэдээ
Видео