Сонгууль хаяанд ирсэн эл өдрүүдэд улс төрийн намууд тэртээх дөрвөн жилийн өмнө өгсөн сайхан амлалтуудынхаа хугасыг ч болов биелүүлэх гэж хичээцгээж буй. Одоогоос дөрвөн жилийн өмнө буюу 2008 оны сонгуулиар намуудын өгсөн амлалтыг “Эх орны хишиг”, “Эрдэнийн хувь” гээд тоочоод байвал сонсоход сайхан амлалтууд ар араасаа хөвөрнө. Иргэд ядуу учраас бэлэн мөнгөний амлалтад хууртсан.

Тэд тухайн үед иргэн бүрт хувьцаа олгож, дээрээс нь 1.5 сая төгрөг өгнө хэмээн гэнэдээд саналаа өгөв. Гэтэл тэд сонгогчдын саналыг авсныхаа маргааш амлалтаасаа буцаж, 1.5 сая төгрөгийг бэлнээр тараах боломжгүй хэмээн үнэнээ хэлсэн. Энэ мэдээг дуулсан иргэд “молиго” үмхсэндээ дор бүрнээ бухимдсаар нэг л мэдэхэд дөрвөн жил өнгөрч, зургаа дахь удаагийн парламентаа сонгохоор эргэлзэж буй. Учир нь бэлэн мөнгөний амлалт “мянгуужингийн үлгэр” гэдгийг ой тойндоо ортол ухаарсан иргэд энэ удаад гэнэдэхгүйг хэрэндээ хичээцгээж, ухаалаг сонголт хийхийг дор бүрнээ хүсцгээж байна. Жил жилийн сонгууль эдийн засагт хэрхэн сөргөөр нөлөөлдөг талаар сэтгүүлчид бичицгээж байгаа. Үүний жишгээр сонгуулийн өмнө буюу өнгөрсөн долоо хоногоос эрх баригчид сонгуулийн амлалтаа биелүүлж, иргэддээ сая төгрөгийг нь бага багаар өгч эхлэв.

Үүнтэй холбогдуулан худалдан авалт нэмэгдэж, үнэ өссөн талаар мэдээлэл “чих дэлссэн” юм. Тиймээс бид хүнсний гол нэрийн бараа бүтээгдэхүүний үнэ, ханшийг сурвалжлахаар “Хүчит Шонхор” захыг зорилоо. Одоогоос сар гаруйн өмнө буюу дөрөвдүгээр сарын 26-нд “Хүчит Шонхор” захаас өргөн хэрэглээний бараа бүтээгдэхүүний үнэ ханшийн талаар сурвалжилж байсан билээ. Тэгвэл бид энэ удаад үнэ хэрхэн өөрчлөгдсөнийг сурвалжлахаар ийнхүү олны нэрлэж заншсанаар “Дэнжийн 1000”-ыг зорьсон юм. Биднийг очиход даваа гараг таарсан болоод ч тэр үү хөл хөдөлгөөн багатай, махны ченжүүд ч цөөхөн байв. Сар бүр өсч буй өргөн хэрэглээний бараа бүтээгдэхүүн тэр тусмаа махны үнийг тогтвортой барих талаар эрх баригчид хэдэнтээ ярьсан боловч бодит байдал дээрээ үнэ улам өссөн нь захын үүдээр ормогц мэдэгдсэн юм. Тодруулбал, “Хүчит Шонхор” захын үүдээр оруут суудлын автомашинтай хүмүүс “тамирчин” гэгддэг монгол тахианы махыг 3500 төгрөгөөр худалдаалж байв.

Сарын өмнө биднийг сурвалжлахаар очиход монгол тахианы мах 3000 төгрөгийн үнэтэй байсан. Цааш “Махны бөөний болон жижиглэнгийн худалдаа” гэх хаягтай байшинд орвол худалдагч нар гэрэл зурагчныг маань “нүд үзүүрлэн” асуултад маань хариулахаас дургүйцсэн юм. Тэд “Долоо хоног бүр өсч байгаа үнийг юунд нь судалдаг юм. Цаашдаа ч нэмэгдэх нь хэнд ч ойлгомжтой байна шүү дээ. Телевизээр дарга нар өргөн хэрэглээний барааны үнэ ханш буурч байгаа гэж “бурдаг”. Үнэндээ одоогийн байдлаар хямдарсан юм алга. Хямдрах нь бүү хэл улам нэмэгдэж байгаа шүү дээ” хэмээн уцаарласан юм. Харин зэргэлдээх лангууны худалдагч эмэгтэй ингэж ярилаа.
Б.Дашхорол:

Хэн, хаана нь үнэ хөөрөгдөж байгааг ялгаж, салгах хэрэгтэй

-Хэвлэл, мэдээллийн хэрэгслээр өргөн хэрэглээний бараа бүтээгдэхүүний үнэ ханш тогтвортой байгаа талаар ташаа мэдээлэл өгдөг учраас иргэд зах дээр ирээд бидэнд уурладаг юм. Тухайлбал, “Телевизээр махны үнэ буурлаа гэсэн. Та нар яагаад дураараа нэмдэг юм” гэж уурладаг. Гэтэл муу нэр луу данстай ченжүүд бид малчдын гар дээрээс авсан махан дээрээ 1000-1500 төгрөг нэмээд зардаг. Угаасаа бид ашиг харж наймаа хийж байна. Ченж гэхээрээ учиргүй баян тансаг амьдралтай хүмүүс биш шүү дээ. Бид ч гэсэн амьдрах гэж ядаж яваа жирийн иргэдийн нэг. Наймаа хийж байгаа бүх хүмүүс ашиг хардаг. Гэхдээ бидний хувьд малчдын гар дээрээс үнэтэй мах авч байгаа учраас дээр нь 1000-1500 төгрөг нэмж худалддаг юм. Үнэхээр бид ашиг харж зарах юм бол юун 1000 төгрөг, хэдэн мянгаар нь нэмээд барилгын компаниуд шиг жинхэнэ үнэ хөөрөгдөж чадна. Гэхдээ бид адилхан амьдрах гэж ядаж яваа нэгнийгээ тэгж “хорлох” хүсэлгүй байна. Тиймээс иргэд махны үнийг хэн, хаана нь хөөрөгдөж байгааг ялгаж салгах хэрэгтэй гэв.

Жил жилийн хавар махны үнэ бага зэрэг өсдөг жамтай. Гэхдээ энэ жилийнх шиг өссөн нь үгүй. Сүүлийн өдрүүдэд махны нийлүүлэлт эрс багассан бөгөөд ховор байгаа учраас үнэ нэмэгдэх нь ойлгомжтой. “Хүчит Шонхор” зах дээр хонины цул мах-6500-7500, ястай нь 6000-6500, ямааны цул-5900-6500, ястай нь 5700, үхрийн цул мах-7800-8300, ястай мах-7200-7500, адууны цул мах-6800, ястай нь 6300, тэмээний мах-6000, тахианы мөч-4300, гуя-3800 төгрөгийн тус тус үнэтэй байв. Харин биднийг сарын өмнө сурвалжлах үеэр хонины цул мах-6700, ястай нь 5800, ямааны цул мах-6000, ястай нь 5500, үхрийн цул мах-7500, ястай нь 6800, адууны цул мах-5800, ястай нь-5500, тэмээний мах-5700 төгрөгийн ханштай байсан юм. Түүнчлэн хонины гулууз мах кг нь 6500 төгрөгийн ханштай байсан бөгөөд зоорины мах 6000 төгрөгийн үнэтэй байв.

Үүнээс үзэхэд ганцхан сарын дотор махны үнэ төрөл бүр дээрээ даруй 200-1000 төгрөгөөр нэмэгджээ. Харин тахианы махны үнэ харьцангуй тогтвортой байв. Энэхүү үнийн хөөрөгдлийн хажуугаар нөөцийн мах ирэх сард дуусах таагүй мэдээлэл байгаа. Тодруулбал, энэ жилийн хувьд нийслэлийн хэмжээнд 12 мянган тонн мах борлуулахаар нөөцөлсөн бөгөөд одоогийн байдлаар 8000 тонныг худалдаалсан байна.

Үлдсэн 4000 тонныг нь нийслэлийн есөн дүүрэгт байрлах 326 гэрээт дэлгүүрээр дамжуулан ирэх долдугаар сарын 1 хүртэл борлуулах төлөвлөгөөтэй байгаа ч махны үнэ буурахгүй байгаа учир ирэх сард дуусч магадгүй болоод байгаа юм байна. Тухайлбал, ихэнх дэлгүүрт долоо хоногт хоёр удаа нөөцийн мах нийлүүлж байгаа бөгөөд хоногт дунджаар 100 гаруй тонн мах худалдаалж байгаа юм. Харин нөөцийн махны үнийн хувьд үхрийн мах-3700, хонины мах-3200, ямааны мах-2600 төгрөгөөр тус тус худалдаалж байна. Нөөцийн мах ийнхүү хамаагүй хямд байгаа учраас үлдсэн 4000 тонн мах долдугаар сарын 1 хүргэхгүй дуусах магадлалтай. Үүний нэгэн жишээ бол Сүхбаатар дүүрэгт байрлах “Миний зах”-д хоёр хоногийн өмнө нөөцийн мах ирсэн бөгөөд ингэхдээ дахиж нийлүүлэхгүй тухай анхааруулжээ. Тиймээс иргэд ирэх долдугаар сарыг дуустал нөөцийн мах идэх нь бараг үлгэр бололтой.

Харин “Хүчит Шонхор” зах дахь бусад хүнсний гол нэрийн бараа бүтээгдэхүүний үнийн хувьд байцаа, сонгино, луувангийн үнэ тус бүрдээ 100-500 төгрөгөөр, гурил, будаа, элсэн чихэрийн үнэ 500-1000 төгрөгөөр тус тус нэмэгджээ. Бид “Хүчит Шонхор” захаас гараад “Миний зах” болон “Номин” худалдааны төвөөр орсон юм.

Тодруулбал, “Номин” худалдааны төвд хонины цул мах-9300, үхрийн цул мах-11400, гол мах-13000, ястай мах-9000 төгрөгийн үнэтэй байв. Харин “Миний зах” дотор хонины ястай мах-7000, цул мах-8000, үхрийн ястай мах-7000, цул мах-9000 мянган төгрөгийн үнэтэй байсан юм. Ийнхүү үнийн хөөрөгдөл иргэдийн нуруун дээрх ачааг бүр улам бүр нэмж, толгой өндийх тэнхэлгүй болгож байна. Хөөрхий иргэд арай ядан өндийх гэхээр инфляци, үнийн хөөрөгдөл хоёр баярлах болоогүй хэмээ үнэ хөөрөгдсөөр. Юутай ч “Хүчит Шонхор” зах дээр хүнсний гол нэрийн бараа бүтээгдэхүүний үнэ ямар байгааг товчлон хүргэж байна.
Хонь /ястай/-6000-6500
             / цул/- 6500-7500
Ямаа /цул/- 5900-6500,
                /ястай/ -5700
Үхэр   /цул/-7800-8300,
                /ястай/-7200-7500
Адууны / цул/-6800,
                /Ястай/ -6300
Тэмээ-6000
Гахай-7500-9000
Тахианы /мөч/-4300,
                 /гуя/-3800
Хонины дайвар бүтээгдэхүүн-1600-6000
Гурил /25 кг/-14000-16000
            /10кг/-7000-8000
Будаа /25кг/-34000-37000
Будаа /10кг/-15000
Элсэн чихэр /кг/-1500-1600
/кг тутмын үнэ/
Сонгино-1000-2000
Сармис-2500
Лууван-900-1000
Төмс-700-900
Чинжүү-2500
Өргөст хэмх-2500-5000
Улаан лооль-2500-8000
Байцаа-1500-2500
Ногоон сонгино-1000
Ургамлын тос-2200-2500
Сүү /литр/-1000
Тараг /литр/-1500
Өндөг/ширхэг/-150-230

Х.Өнөржаргал

Бид дахиад ”өлсгөлөн ходоодоороо” саналаа өгөх ёстой юу
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ЗАГАЛМАЙЛСАН ЭЦЭГ ААЛЗНЫ ТОРОНД ОРООЦОЛДОГСДЫГ ЭХ ОРОН БАЯЛАГАА ХАРИЙН ХУЛГАЙТАЙ ТОНОЖ БАЯЖАЖ БАЙГАА МАНАН н ЛУЙВАРЧАДААС ХАЙХ ОЮУТОЛГОЙН МОНГОЛД АШИГУЙ УРВАГЧЫН ГЭРЭЭ ХИЙЖ ХЭДЭН ЗУУН САЯ ДОЛЛАРЫН ХАХУУЛ АВСАН ЭЛБЭГДОРЖ БАЯР БАТБОЛД АЛТАНХУЯГ ТОЛГОЙЛОГЧТОЙ 4 н ЭРЛИЙЗ САЙД БАЯРЦОГТ ГАНСУХ ЗОРИГТ ХУРЭЛБААТАР- МОНГОЛ ЦУСТАЙ МОНГОЛОО ГЭЖ БОДДОГ ХУН ХЭЗЭЭЧ ХИЙХГУЙ- БОРООГИЙН НАЯАН ТОНН АЛТЫГ ХУЛГАЙЛСАН БАТБОЛД ЭЛБЭГДОРЖЫН БААВАР ЛУ БОЛДТОЙ ХИЙСЭН СЭРГЭЭН БОСГОЛТ БАНК ДАНПУУРУУЛЖ ОЛСОН ХЭДЭН ЗУУН САЯ ДОЛЛАР УЛААНБААТАРЫН АШИГТАЙ ГАЗРЫГ ЗАРЖ ХЭДЭН ТЭР БУМ ДОЛЛАРЫН ХӨРӨНГӨ ОЛСОН ЭНХБОЛД БАДАМУНАЙ БОЛОН ХОТЫН ФРАКЦ ХУРЭЛСУХЫН АРДЫН ХАДАГЛАМЖ ТОНОЖ ХЭДЭН АРВАН ТЭР БУМ ДОРЛИГЖАВЫН ЭРДЭНЭТЭЭС ХУЛГАЙЙЛСАН ХЭДЭН ТЭРБУМ НЯМДОРЖЫН ЧОЙЖИЛСУРЭНГЭЭР ХАЛХАВЧЛАН ТАВАН ТОЛГОЙН ТЭЭВЭРЭЭС ОЛЖ БАЙГАА АШИГИЙН ХАЖУУД ЭНХБАЯРЫН УНЭГУЙДУУЛЖ АВСАН ГЭЭД БАЙГАА ОДОО ХУРТЭЛ БАТЛАГДААГУЙ ЭВДЭРХИЙ БАЙШИН БАЙШИНГИЙН БУЛАН ХИЛЭЭР ХӨНГӨЛӨЛТЭЙ ОРУУЛСАН НОМ БОЛ МӨХӨӨЛДӨС ДОЛООСОН ТӨДИЙ

2012-05-29 | 12:34:20 | 180.149.69.200 |

Зочин
МАН, АН - ын ХУДАЛЧУУД, ХУЛГАЙЧУУД, ЛУЙВАРЧИНГУУД, АЛУУРЧИД, ГАДНЫ ГАР ХӨЛ БОЛСОН, ЭХ ОРОН, ГАЗАР ШОРООГОО ХУДАЛДСАН ХЭСЭГ БҮЛЭГ ХУВУЛЗНУУДААС ЭНЭ СОНГУУЛИАР БҮРМӨСӨН САЛЦГААЯ АА. ОЛОН ЖИЛ ДЭЭРЛЭХҮҮЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЛАА ШҮҮ ДЭЭ. МОНГОЛ ТҮМЭН МИНЬ ЭЭ?????????

2012-05-29 | 09:48:32 | 124.158.73.17 |

Зочин
МАН - ын ДАРГА АСАН БАЯР, ОДООГИЙН ДАРГА БАТБОЛД, НАРИЙН БИЧГИЙН ДАРГА ХУРЭЛСУХ, НАРИЙН БИЧГИЙН ДАРГА СОДБААТАР, ЗОРИГТ, НЯМДОРЖ гэх мэт МӨН АН - ын АЛТАНХУЯГ, БАЯРЦОГТ, ГАНСУХ, БАТХУУ гэх мэт ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРООГОО ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН ХУЛГАЙЧ, ХУВУЛЗУУДААС ЭНЭ СОНГУУЛИАР БУРМӨСӨН САЛЦГААЯ АА МОНГОЛ ТУМЭН МИНЬ БИД ОЛОН ЖИЛ ЭНЭ УЛААН ЛУЙВАРЧДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЛАА ШУУ ДЭЭ

2012-05-29 | 09:43:04 | 124.158.73.17 |

Мэдээ
Гадаад мэдээ
Видео