Энэ бүхэнд хэнбугай ч “эрх барьж байгаа хүмүүс юу дуртайгаа хийж, түүнийгээ хүссэнээрээ замхруулж байдаг” гэсэн ганцхан өгүүлбэрээр хариулт өгчихөж чадна. Тиймээс албан тушаалаа ашиглаж хээл хахууль авсан, төрд онц их хохирол учруулсан, татвараа нуун дарагдуулсан, татвар төлөхөөс зайлсхийсэн, бусдыг дарамталсан, эрүүгийн хэрэгт холбогдсон хэрнээ шүүхээс гэм буруугүй гэж зарлагдсан хүмүүс ч цөөнгүй.

Ийм нэг этгээд жишээг энд дурьдая. Энэ хүн бол өдгөө УИХ-д нэр дэвших гээд өөрийгөө реламдан, “энхийн цагаан тагтаа” болчихсон дэрвэж яваа Ц.Анандбазар билээ. “НИК” хувьцаат компанийн дэд захирлаар ажиллахдаа /2000 оны есдүгээр сараас 2001 оны арванхоёрдугаар cap/ албан тушаалаа ашиглаж улсын хөрөнгө хувьдаа завшсан, бусдыг айлган сүрдүүлсэн хэргээр “Сод Монгол” груп¬пийн ерөнхийлөгч Ц.Анандбазарт эдүгээгээс 10 жилийн өмнө эрүү үүсгэж байлаа. Улсын мөрдөн байцаах газраас түүнийг гэм буруутай гэж үзэн яллагдагчаар татаж, “Ганцхудагт” хүртэл хорьсон. Түүнд мөрдөн байцаагчид Эрүүгийн хуулийн тусгай ангийн хэд хэдэн зүйл ангиар ял төлөвлөж, яллах дүгнэлт үйлдүүлэхээр прокурорт шилжүүлсэн байдаг. Гэвч гэнэтхэн л улсын яллагч яллахаас татгалзаж, анхан шатны шүүх ч түүнийг цагаатгасан тогтоол гаргасан билээ. Энэ шийдвэр Ц.Анандбазар үнэхээр гэм буруугүйдээ хэргээс мултрав уу эсвэл шүүхийнхэн түүнээс авлига, хахууль авч хэргийг нь хэрэгссэнгүй юу гэдэг эргэлзээг нийтэд төрүүлсээр замхарсан. Хэдийгээр ноён Ц.Анандбазарыг шүүх гэм буруугүй гэж үзсэн ч хийсэн хэрэг нь мөрдөн байцаалтын шатанд хангалттай нотлогдсон гэх баримт бий.

Цогт-Очирт овогтой Анандбазарт үүсгэсэн эрүүгийн 346128 тоот хавтаст хэргээс...

Баримт 1.

“НИК” хувьцаат компанийн дэд захирлаар ажиллаж байхдаа “Чандмань холдинг” компанийн албан бланкыг ашиглаж, “НИК”-ээс шатахуун хүссэн тухай хуурамч албан тоот үйлдсэн. Ингэхдээ “Чандмань холдинг” компанийн захирал О.Бяруузанын гарын үсгийг хуурамчаар зурж, 91.5 сая төгрөгийн шатахууныг төрийн өмчит “НИК” компаниас авч хувийнхаа “Сод Монгол” групп компанид нийлүүлэн мөнгийг нь ашиглажээ.

Баримт 2.

2001 онд “НИК”-ийн 60 жилийн ойг тэмдэглэн өнгөрүүлэхтэй холбогдуулж кино хийхээр төсөвлөсөн 4.8 сая тегрөгийг Ц.Анандбазар өөрийнхөө эцгийн “Мэргэ ван” компанийн дансанд шилжүүлэн хувьдаа ашигласныг мөн нотолсон байна.

Баримт 3.

Ц.Анандбазар нь албан тушаалаа ашиглаж, “НИК” компаниас 2001 онд нэг сая 709 мянган төгрөгийн тавилгыг хувийнхаа “Сод Монгол” группт авч ашигласан нь гэрчийн мэдүүлгээр нотлогджээ.

Баримт 4.

Дорноговь аймгийн нефть хангах баазын нэрээр Ц.Анандбазар нь 2001 онд нэг сая 67 мянган төгрөгийн ажлын хувцсыг “НИК” компанийн Хөдөлмөр хамгааллын инженер Түмэнцогтод үүрэг өгч, шатахуун түгээх станцдаа авч ашигласан нь ч илэрсэн.

Баримт 5.

“Сод Монгол” групп нь 2001-2002 онд татварт ногдох орлогоо нууж, 152 сая төгрөгийн орлогын албан татвараас зайлсхийжээ.

Баримт 6.

Ц.Анандбазар нь 1999 оны арваннэгдүгээр сарын 23-нд Улаанбаатар төмөр замын хэрэг эрхлэх газраас “Сод Монгол” группийн авах ёстой 20 сая төгрөгийг хуурч мэхлэх, итгэл эвдэх замаар нябо Болормааг тулган шаардаж, шахалт үзүүлэн авч ашигласан.

Баримт 7.

Ц.Анандбазар нь “Сод Монгол” группийн төлөх өрийг үгүй хийх, өрөө төлөхгүй байх үүднээс, мөн дээрх өртэй тэнцэхүйц хэмжээний ашиг олох зорилгоор иргэн Р.Батбаярыг хүч хэрэглэн заналхийлж, далайлган сүрдүүлсэн байна.

Баримт 8.

2002 онд иргэн А.Лхагвасүрэнг хувийн маргааны улмаас зодож, хүндэвтэр гэмтэл учруулжээ. Ийнхүү ноён Ц.Анандбазарын хийсэн хэрэг хангалттай баримт, гэрчийн мэдүүлгээр нотлогдож, Улсын мөрдөн байцаах газраас Эрүүгийн хуулийн тусгай ангийн 263-ийн 2, 166-ийн 2-т заасан үндэслэлээр ял төлөвлөж, яллах дүгнэлт үйлдүүлэхээр Нийслэлийн прокурорын газарт 2003 оны аравдугаар сарын 5-ны өдөр шилжүүлсэн байдаг. Харин прокурор Эрүүгийн хуулийн 166-ийн 2, 150-ийн 2-т зааснаар яллах дүгнэлт үйлдэж, хэргийг шүүхэд шилжүүлсэн байна. Шүүхийн хэлэлцүүлгийн явцад улсын яллагч дээрх зүйл ангиар яллахаас татгалзсан санал гаргасан учир хэрэгсэхгүй болгожээ. Харин шүүх Ц.Анандбазарын хийсэн хэрэг нь хөнгөн гэмт хэрэг бөгөөд хоёр жилийн хугацаа өнгөрсөн байх тул эрүүгийн хариуцлагаас чөлөөлж, хэргийг хэрэгсэхгүй болгох нь зүйтэй гэсэн шийдвэрийг 2004 оны арванхоёрдугаар сарын 4-ний өдөр гаргасан. Шүүхийн шийдвэр нь “хэрэг хийчихээд хугацаа хожоод байвал ялгүй өнгөрчихөж болно” гэсэн утгатай гарсан гэж хохирогчид одоо хэр гомдолтой байдаг. Тиймээс Дорноговь аймагт нефтийн үйлдвэр барина гэж “шоу” хийгээд, нутгийн иргэдийг төлөөлөн УИХ-д гарна гээд цээжээ дэлдэж яваа Ц.Анандбазарт төр түшилцэх гялалзсан түүх харагдахгүй байна.

Ө.Төгөлдөр www.secret.mn

Ц.Анандбазарын аавынд морилсон хар түүх
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
одооч татбараа нуун дарагдуулсаар байгаа

2012-06-06 | 20:30:50 | 49.0.163.92 |

Зочин
ийм ухамсар дорой мөнгөний боол болсон хүмүүсийг сонгож бгүй шүү наад новш чин одоогоор их хуралд гарахын тулд буун хайр зарлаад дараа ньманийгаа таг мартана шүү

2012-05-10 | 17:42:54 | 182.160.25.249 |

Зочин
Хулгайч О.Бяруузана гэгч цагдаа ,хуульч,өмгөөлөгч, хуйвалдаж хүнийг шорон оронд өгч байсан дурак мөн бол Анандбазар зөв л хийсэн байна. Хулгайчыг хулгайлж болждээ.

2012-05-10 | 14:17:53 | 114.31.70.47 |

Зочин
иймэрхүү хөгийн новшнуудийг л сонгож огт болохгүй шүү Дорноговийнхоон. энэ нөхөр их хуралд суулаа гээд манай аймгийнханд ямар ч тус болохгүй , харин ямар их гай учруулахыг ни одоо даанч хэлж чадахгүй юм даа.

2012-05-10 | 12:10:36 | 202.179.31.242 |

Мэдээ
Гадаад мэдээ
Видео