Ерөнхийлөгч асан Н.Энхбаяр авлига, албан тушаалын хэргээр шалгагдаад хоёр жил хагас, аавынхаа гэрээс баривчлагдан Төв аймгийн хорих руу ачуулаад бараг нэг сар болж байна. Өнгөрсөн долоо хоногт түүнийг “Ганц худаг”-ийн урьдчилан хорих төвд шилжүүлэн авчраад байгаа. Н.Энхбаяр Төв аймгийн хориход байхдаа өөрт нь тулгаж буй авлига, албан тушаалын хэргийг эсэргүүцэж,

АТГ-ынханд байцаалт өгөхөөс татгалзан хуурай өлсгөлөн зарласан билээ. Үүний улмаас түүний эрүүл мэнд нь эрсдэлтэй байдалд орсон тул “Ганцхудаг”-ийн урьдчилан хорих төвд шилжүүлж, албадан эмчилгээнд оруулсан.

Үүний дараа Н.Энхбаярын толгойлдог МАХН-ынхан болон түүний гэр бүлийнхэн Н.Энхбаярыг батлан даалтад гаргуулахаар прокурорт хүсэлт гаргасан боловч нийслэлийн Сүхбаатар дүүргийн шүүхээс түүнийг “мөрдөн шалгах ажилд саад учруулж болзошгүй” гэдэг үндэслэлээр батлан даалтад гаргахаас татгалзсан юм.
Учир нь, тэр өөрийг нь энэ хэрэгт холбогдуулан шалгаж эхэлснээс хойш сүүлийн нэг жилийн дотор АТГ-аас 10-аад удаа мөрдөн байцаалтад дуудахад нэг ч удаа очиж мэдүүлэг өгөөгүй билээ. Үүний улмаас түүнийг албадан саатуулах шүүхийн шийдвэр гарсан боловч уг баривчилгааг явуулах үед Н.Энхбаяр хэрхэн зугтаж нуугдсан болон түүний улс төрийн холбоотнууд болох МАХН, МҮАН-ын дарга нар баривчлахаар очсон АТГ-ын ажилтнуудыг эсэргүүцэж, цагдаагийн тусгай ангиар хүч нэмэгдүүлэхээс аргагүйд хүрсэн, баривчлах ажиллагаа арван цаг гаруй үргэлжилж, телевизийн сувгууд шөнийн турш ажиллан бүрэн эхээр нь дамжуулсан зэргийг уншигчид санаж байгаа нь лав.

Харин одоо МАХН-ын удирдлагууд Н.Энхбаярыг суллуулахаар өлсгөлөн зарлахаа мэдэгдээд байгаа. Н.Энхбаярын баривчилгаанаас болж МАХН-ын рейтинг огцом өсч, гишүүнчлэл нь улам нэмэгдэж байгаа тухай ч тэд өдөр алгасахгүй хэвлэл мэдээллээр цацаж байгаа билээ. Намын дарга нь авлигын хэрэгт шалгагдахаар намынх нь рейтинг суга өсдөг ийм жишиг Монголоос өөр оронд байдаг ч юм уу, үгүй ч юм уу. Нэг ёсондоо Ерөнхийлөгч асан Н.Энхбаяр авлигын хэрэгт холбогдсон нь МАХН-ынханд харин ч “аз завшаан” болж, зодсоныг нь бус, зодуулсныг нь өмөөрдөг монголчуудын өр зөөлөн зан дээр гайгүй сайн тоглолт хийж байна. Ингээд арав гаруй жил “авлигын загалмайлсан эцэг” хэмээн цоллуулж явсан экс МАХН-ын /одоогийн МАН/ дарга, “Үндэсний их удирдагч” маань нэг л өдөр хүмүүсийн гэм нүглийн төлөөсөнд өөрийгөө цовдлуулсан Исус Христийн дүрд хувилчихлаа.

Хорихын ажилтнуудаас дам сонсоход Н.Энхбаяр гуай Төв аймгийн мөрдөнд байхдаа болж өгвөл гаднаас янз бүрийн юм оруулчих гээд, элдэв эм бэлдмэл хайж, эрүүл мэндээ хохироочих гээд хэцүү л байсан гэдэг юм билээ. Тэд ч гэсэн хүн шүү дээ, яалаа л гэж бусдын өмнөөс хэрэгт орохыг хүсэх билээ. Аргагүйн эрхэнд нийслэл рүү шилжүүлсэн шиг байгаа юм. Тэгэхээр намынх нь нөхдүүдийн яриад байгаа “хэзээ мөдгүй үхэх гээд байна, даргыг хорлох гээд байна” энэ тэр гэдэг мэдэгдлүүд ч гэсэн санаандгүй биш санаатай, зорилготой ч юм шиг.

Нөгөө талаас Н.Энхбаяртай холбоотой өөр эх сурвалжийн мэдээллийг өөрийнх нь болон МАХН-ын нөхдүүдийн ярьж буй зүйлтэй харьцуулах бас нэг шаардлага шинээр гарч ирлээ.

Түүнийг Төв аймгийн хорихоос “Ганцхудаг” руу шилжүүлсэний дараа “Н.Энхбаяр гадаадын хуулийн фирмээс өмгөөлөл хүсчээ” гэх мэдээлэл хэвлэлүүдээр гарч эхэлсэн билээ. Уг мэдээллийн анхны эх сурвалж нь гадаадын хэвлэлүүд. “Wall Street Journal”, “Financial Times” зэрэг барууны нөлөө бүхий хэвлэлүүдэд Н.Энхбаярын баривчилгаатай холбоотой нийтлэлүүд гарчээ. Тэдний анхаарлыг ийнхүү татах шалтаг юу билээ. Монголыг “моод”-онд оруулсан хорт Боб хочит Фрийдланд Монголын авилгач түшмэдээс авсан лицензээ зарсаар өдгөө тэрбумтан болж, дэлхийн хэвлэлд ч нөлөөлөх чадвартай болж.

2003 онд Н.Энхбаяр Ерөнхий сайд байхдаа ОХУ-д төлөх их өрийг тэглэхийн тулд тэр үед Оюутолгойн орд дээр хөрөнгө оруулах гэрээ хэлцэл эхлээд байсан “Айвенхоу Майнз” компаниас 50 сая ам.долларыг Засгийн газрын нэр дээр зээлсэн билээ. Хожим Ц.Элбэгдоржийн Засгийн газар энэ өрийг “Айвенхоу Майнз”-д эргүүлэн төлсөн хэдий ч энэ зээлийн уршиг одоо хүртэл үргэлжилж байгаа юм. Өнгөрөгч даваа гаригийн шөнө АТГ-ынхан гэнэт хөдөлж, Ашигт малтмалын газрын дарга асан Д.Батхуягийг цагдан хорьсон, өчигдөрхөн “Саусгоби сэндс” компанийн оффисийн байранд нэгжлэг хийж, битүүмжилсэн зэрэг ч энэ хэрэгтэй холбоотой байж болзошгүй л юм.

Тодруулбал, их өрийг тэглэхийн өмнөхөн буюу 2003 оны арванхоёрдугаар сарын 16-нд АМГ-аас уул уурхайн 40 гаруй лиценз нэг өдрийн дотор “Айвенхоу Майнз”-д шилжсэн байдаг аж. 50 сая ам.доллараар авсан 40 гаруй лицензийнхээ зөвхөн нэгийг нь “Саусгоби сэндс”-т 900 сая ам.доллараар үнэлж зарсан зэргээс харахад Р.Фрийдлэнд, Н.Энхбаяр нарыг холбож буй ихээхэн том эрх ашиг байдаг бололтой. Н.Энхбаярын улс төрөөс бүрмөсөн явчихаж чадахгүй, тахимаа өгдөггүй бөх шиг эргэж зүтгээд байдгийн шалтгаан ч бас энэ байж мэднэ. Хэзээ эрх мэдэл нь дуусна, тэр цагт хэрэг нь сөхөгдөнө. Энэ мөнхийн айдас л түүнийг амар тайван амьдрах цаг хугацааг хойш татаж, эрх мэдлийн төлөө ингэтлээ улайрахад хүргэсэн ч юм бил үү.

Гадаад эх сурвалжид дурдсанаар бол Н.Энхбаяр хуулийн “Debevoise and Plimpton” фирмээс хууль зүйн тусалцаа авахаар хандсан бөгөөд өмгөөлөгчөөр Лорд Петер Голдсмит ажиллахаар болсон аж. Лорд Голдсмит өнгөрөгч Даваа гаригт Монголд газардсан бөгөөд мягмар гаригт сэтгүүлчидтэй уулзаж, “Н.Энхбаярыг албадан баривчлах үеэр хуулийн байгууллагууд хүний эрх зөрчсөн, мөн түүний хэргийг прокурорт шилжүүлсэн болохоор цагдан хорих хугацааг цааш үргэлжлүүлэх шаардлагагүй” гэсэн билээ. Түүнчлэн энэ хэрэг дээр судалгаагаа үргэлжлүүлэхээ ч мэдэгдсэн. Лорд Петер Голдсмит нь 1950 онд Английн Ливерпуулд төрсөн, Англи, Уэльсийн Ерөнхий хуульчаар ажиллаж байгаад 2007 онд тэтгэвэртээ гарсан. Тэтгэвэртээ гарсанаас хойш “Debevoise and Plimpton” фирмэд ажиллаж байгаа.

“Debevoise and Plimpton” фирм нь 1931 онд АНУ-д байгуулагдсан. Хууль зүйн өндөр түвшний тусалцааг цогцоор олгох зорилготой. АНУ-ын Нью Йорк хотод төв нь байрладаг. Вашингтон, Лондон, Парис, Франкфурть Москва, Хонг Конг, Шанхай хотуудад салбаруудтай, 650 гаруй хуульч, өмгөөлөгчтэй. АНУ-ын Өмгөөлөгчдийн холбооноос гаргадаг топ-100 судалгаагаар дэлхийд томд төдийгүй хамгийн ашиг орлоготойд тооцогдох хуулийн фирм гэнэ.

Харин Н.Энхбаяр энэ пүүс хоёр холбогдсон учгийг хөөвөл одоогийн МАН-ын удирдлагад ажиллаж байгаа, тухайн үед түүнтэй шадарлаж явсан нөхдүүд холбогдох бололтой.

Ямартай ч Ерөнхийлөгч асан Н.Энхбаярын авлигын хэрэг Монголын хууль хяналтын байгууллагуудын хяналтаас гарч, Монголын уул уурхайн баялагт эзэн суусан гадаадын хөрөнгө оруулагчид, дэлхийн долларын тэрбумтануудын гар хөл энэ хэрэгт оролцож эхэллээ. Монголын төрийг нэгэн үе хаанчилж, нэг хэсэгт нь бурхан шиг тахигдан, нөгөөд нь буг шиг үзэгдэж явсан энэ эрхэм газар нутгаа тэр чигээр нь гадаадынханд худалдчихаад, түүгээр тэжээгдсэн долларын тэрбумтангууд Монголын хууль, шүүхийн байгууллагуудыг дэвслэхэд бэлэн болоод байгаа юм биш үү...

Б.СЭМҮҮН

Исус уу, Иуда юу?
Tweet
Bolod.mn

Сэтгэгдэл (18)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ПИАР аа хэтрүүлээд байна. Гашуун туршлага бий шүү. Оорийгоо Монголийн номэр нэг хүн гэж тэнэгтэж байж унасан. Хунуус мэдрээд байна.Хэтрүүлээд байна хэтрүүлээд байна

2012-05-11 | 01:19:27 | 61.149.72.248 |

Зочин
Ичих булчирхай энэ гэр булд алга.Эд хоронгоо ахмгаалахийн тулд амь насаа эрүүл мэндээ ч огохоос буцахгуй болж. бас ард тумний толоо гэж худлаа ярихийг нь яна.

2012-05-11 | 01:17:23 | 61.149.72.248 |

Зочин
Энхбаяраа! одоо бусад авилгачдаа илчлээчээ. Юунаас айгаад байгаа юм бэ.

2012-05-11 | 01:15:59 | 61.149.72.248 |

Зочин
Саяс доошгуй доллараар өмгөөлдөг гэж байна. Бас нэг саы долларийн хэрэг нэмэгдэх нь. Бидний татварийн мөнгийг хулгайлчихаад гаднийханд ийм байдлаар огч байгаад харамсаж байна.

2012-05-11 | 01:14:55 | 61.149.72.248 |

Зочин
Holsoor setgegdel bichigchid gedeg ajliin bairiig Enhbayartanuud gargaj irsen.Odoo holsoor olsogchid gedeg ajliin bairiig gargan irj heden mergejliin bus jujigchidiig gol durd ni togluulj baina. Enhbayar bolon tuunii ehner Tsolmon,huu Batshugar, TBD,Udval zereg humuus show hiij jujig toglohoo bolj Mongoliig taivan bailga. Ta naraas zalhaj baina.

2012-05-11 | 01:12:58 | 61.149.72.248 |

Зочин
хуулчийг н хардаа ичдэггүй монгол

2012-05-10 | 18:35:22 | 202.126.91.144 |

Зочин
ЗУВ МУУСАЙН АВИЛГАЦХДИЙН СУРГАМЖ БОЛОХООР СХИЙТГЭХ ХЭРЭГТЭЙ

2012-05-10 | 14:50:36 | 202.21.111.10 |

Зочин
ЗАГАЛМАЙЛСАН ЭЦЭГ ААЛЗНЫ ТОРОНД ОРООЦОЛДСОН НОВШУУДЫГ ЭХ ОРОН БАЯЛАГАА ХАРИЙН ХУЛГАЙТАЙ НИЙЛЭЖ ТОНОЖ БАЯЖАЖ БАЙГАА МАНАН н ЛУЙВАРЧАД ДОТРООС ХАЙХ ХЭРЭГТЭЙ ОЮУТОЛГОЙН МОНГОЛД АШИГУЙ УРВАГЧЫН ГЭРЭЭ ХИЙЖ МАШ ИХ ХЭДЭН ЗУУН САЯ ДОЛЛАРЫН ХАХУУЛ АВСАН ГЭЖ ШУУГУУЛААД БАЙГАА ЭЛБЭГДОРЖ БАЯР БАТБОЛД ТОЛГОЙЛОГЧТОЙ 3 н ЭРЛИЙЗ САЙД БАЯРЦОГТ ГАНСУХ ЗОРИГТ- МОНГОЛ ЦУСТАЙ МОНГОЛОО ГЭЖ БОДДОГ ХУН ХЭЗЭЭЧ ХИЙХГУЙ- БОРООГИЙН НАЯАН ТОНН АЛТЫГ ХУЛГАЙЛСАН БАТБОЛД ЭЛБЭГДОРЖЫН БААВАРТАЙ ХИЙСЭН СЭРГЭЭН БОСГОЛТ БАНК ДАНПУУРУУЛЖ ОЛСОН ХЭДЭН ЗУУН САЯ ДОЛЛАР УЛААНБААТАРЫН БУХ АШИГТАЙ ГАЗРЫГ ЗАРЖ ХЭДЭН ТЭР БУМААР ЯРИГДАХ ДОЛЛАРЫН ХӨРӨНГӨ ОЛСОН ЭНХБОЛД БАДАМУНАЙ БОЛОН ХОТЫН ФРАКЦ ХУРЭЛСУХЫН АРДЫН ХАДАГЛАМЖ ТОНОЖ ОЛСОН ХЭДЭН АРВАН ТЭР БУМ ДОРЛИГЖАВЫН ЭРДЭНЭТЭЭС ХУЛГАЙЙЛСАН ХЭДЭН ТЭРБУМ НЯМДОРЖЫН ЧОЙЖИЛСУРЭНГЭЭР ХАЛХАВЧ ХИЙЖ ЖИЖИГ ТАВАН ТОЛГОЙН ТЭЭВЭРЭЭС ОЛЖ БАЙГАА АСАР ИХ АШИГИЙН ХАЖУУД ЭНХБАЯРЫН УНЭГУЙДУУЛЖ АВСАН ГЭЭД БАЙГАА ОДОО ХУРТЭЛ БАТЛАГДААГУЙ ЭВДЭРХИЙ БАЙШИН БАЙШИНГИЙН БУЛАН ХИЛЭЭР ХӨНГӨЛӨЛТЭЙ ОРУУЛСАН НОМ ЗЭРЭГ БОЛ ЭДНИЙ ХАЖУУД МӨХӨӨЛДӨС ДОЛООСОН ТӨДИЙ Л ЗУЙЛ

2012-05-10 | 13:22:46 | 49.0.153.69 |

Зочин
¯õýõ ÷ áàãàäàõ àìüòàí áàéíà äàà

2012-05-10 | 12:04:05 | 122.201.28.100 |

Зочин
Ýíý õ¿í àìèà õîðëîîä ¿õâýë, äàðàà íü ýõíýð õ¿¿õýä, õàìòðàã÷äèéã íü øàëãàõ áîë óó. Òèéì áàéäàãã¿é áîë ¿ëäñýí õ¿ì¿¿ñò íü íýã áîäëûí àìàð þì áàéíà äàà

2012-05-10 | 12:00:02 | 122.201.28.100 |

Зочин
томчууд үнэнээ хэлж хариуцлагаа хүлээхгүй, янз бүрийн арга чарга хэрэглэнэ, үхэхээс бусад, ард түмэн өрөвдөж, ингэсээр байгаад манайд шударга ёс ойрд лав байхгүй.

2012-05-10 | 10:51:55 | 58.143.190.155 |

Зочин
Сэмүүн зөв бичсэн бн, дэмжиж бн.

2012-05-10 | 10:29:33 | 58.143.190.155 |

Зочин
Зөв. Ичсэн хүн яана гэдэг билээ. Хэргийг нь яг таг нотлоод, дахиж ийм муусайн авилгалчдыг өндийхгүй болтол нь дарах хэрэгтэй.Хэдэн жилийн өмнө л авилгалын загайлмайлсан эцэг гээд л үзэж чадахгүй байсан, өнөөдөр юу болчихооов? Монгол орон иргэд нь ядуу эрх баригчид нь задартлаа баяжчихсан авилгал гаарчихсан ер нь болж бүтэж байгаа юм байхгүй шахам болсон байгаагийн буруутан нь хэн юм.Энхбаяр мөнөөсөө мөн.Үгүй гээч муу далдгаруудаа.Харин ч дутуу шалгаж байна.Энхбаярын араас явах хулгайчууд зөндөө байгаа.Сайн шалга.Наад Энхбаяр чинь хэрэг нь илэрснээс үхсэн нь дээр гэж бодож байгаа, бараг тэр нь ч нэрэнд нь цэвэр биз.

2012-05-10 | 09:56:07 | 182.160.14.172 |

Зочин
Наад сэмүүн гэдэг чинь Элбэгдоржийн бөгсийг нь долоож байгаа юм аа

2012-05-10 | 09:53:07 | 202.126.91.168 |

Зочин
Сэмүүнээ чи хужаа Нямдоржийн юу нь вэ

2012-05-10 | 09:52:17 | 202.126.91.168 |

Зочин
Сэмүүнээ чи МАНАН-тайгаа зайл

2012-05-10 | 09:51:16 | 202.126.91.168 |

Зочин
гарчиг чин зохихгүй байна. тэгээд ч захиалгат бас хор байна, хүн үнэмших юм бичээчээ,

2012-05-10 | 09:11:49 | 121.154.32.231 |

Зочин
Чи битгий солиор, учраа мэдээж үгээ олж хуц за. Хүн чадал нь байвал дэлхийн хаанаас ч өөрийн хүссэн үйлчилгээгээ авах эрхтэй.: Хүн өөрийгөө хамгаалахын тулд хэнээс ч хаанаас ч тусламж авах эрхтэй. Чам шиг юм ч гэсэн шорон оронд байсан бол захын хуягийг аргалах гээд чи болон танай гэрийнхэн гүйнэ биз дээ. Хуцдаг халтар чинь , чадлаа мэдэхгүй, чансаагаа мэдэхгүй олон юм яриад байх хэрэггүй. Чи арай жулдана за, эхлээд жаахан юм уншиж наад дүнхүү толгойгоо ажиллуулахад цагаа зарцуул, зэвүүн хог вэ яасан

2012-05-10 | 09:08:06 | 202.170.67.30 |