буруу гэдгийг нь мэдсээр байж л бид тэсч чадалгүй эдгээр үйлдлүүдийг хийж хайрын өмнө “нүгэл” үйлддэг. Хэдийгээр энэ нь “сайн охин”-ы ёс зүйд нийцэхгүй зүйлс боловч, нэгэнт хийчихсэн бол өөрийгөө хэт их буруутгах хэрэггүй. Бүх талаараа гайхалтай бүсгүй ч алдаа гаргадаг юм. Чи хэзээ ч хүмүүсийн хэлдэг шиг “тийм эмэгтэй” байхыг хүсдэггүй боловч найз залуутай мөртлөө үдэшлэг дээр өөр эрчүүд рүү сээтэн хаячихдаг. Эсвэл чи түүнийг WC ороод ирэх хоорондуур нь мессежийг нь шалгахгүй байж чаддаггүй. Бусдын буруу гэдэг бүхнийг хийх нь чамайг догдлуулах нь гарцаагүй. Гэвч үүнийхээ хажуугаар энэ нь чамд өөрийгөө буруутгах гэмтэй сэтгэгдэл төрүүлдэг. Хийсэн үйлдэлдээ гэмшиж суухын оронд “Би яагаад үүнийг хийх болов?” гэж өөрөөсөө асуух нь чамд өөрийнхөө талаар шинэ зүйлийг олж нээх зам ч болж магадгүй. Мэдээж цаг хугацааг буцааж болдоггүй учраас өөрийгөө хамгаалах хамгаалах хамгийн зөв тактикаа хэрэглэж дахиж тэр гэмийг үйлдэхгүй гэж амлаарай. Учир нь нэг алдаагаа дахин дахин давтсанаар чи бүр илүү зовох болно.

Чиний хайрын өмнө үйлдсэн нүглүүд:

1. Би өөр залууд сээтэн хаясан
Хэн нэг аятайхан залуу чамайг онцлон харахыг анзаарах шиг сайхан мэдрэмж үгүй. Энэ мэдрэмж бидний өөртөө итгэх итгэлийг нэмэгдүүлдэг. Хариу сээтэн хаях ч амархан. Гэвч чиний найз залуу/нөхөр чамайг эзгүйчлэн өөр эмэгтэй рүү хандарч байна гээд чи төсөөл дөө? Тийм ч сайхан санагдахгүй байгаа биз. Чи энэ зангаа засахыг хүсч байвал хайрттайгаа цуг аль болох ганцаарчлан уулзаж бай. Түүний нүд рүү эгцэлж ширтээд, чиний үнэхээр сээтэгнэж, хөөрхөн харц чулуудах ёстой хүн бол ТЭР гэдгийг сана.

Жич: Хэрэв чи үргэлж танихгүй эртэй сээтэгнэх боломжийг хайгаад байвал, хэн нэгний өмч байх хүсэлгүй байгааг чинь илэрхийлж байж мэднэ. Зүрх сэтгэлээ сонсож үзээд эрх чөлөө чиний хувьд чухал гэдгийг мэдвэл залуудаа энэ тухайгаа хэлээрэй. Гэхдээ зөвхөн гэрлээгүй тохиолдолд. Тэгвэл шударга шүү дээ. Хэрэв чи аль хэдийн гэрлэчихсэн бол энэ нь түр зуурын хөнгөмсүү сэтгэл байсан байх. Өөрийгөө “дар”.

2. Би түүнийг ашигласан
Хүлээн зөвшөөрцгөөе. Чи өөрийн сэтгэлд таарах хүнээ олтол, тэр “яахав дээ л” залуутай уулзаж байгаа “ашигч” бүсгүй. Ингэж цаг нөхцөөх нь чамайг ганцаардуулахгүй байх тал дээр ашигтай боловч, өдөр ирэх тусам тэр залуу чамд улам бүр дасна гэдгийг тооцоолоорой. Дээрээс нь чи хэсэг хугацааны дараа үнэхээр өөртөө тохирсон эрийг оллоо гээд, “нөөцөлсөн залуу” чинь чамаас салахгүй гэж зүтгэвэл яах болж байна? Бохир салалтын драм чиний шинэхэн хайрыг сэвтээж орхино. Энэ бүхнийг дуусгах цаг болсон хэмээн түүнд эвтэйхэн хэлээрэй.

3. Би түүний араар тавьсан
Хууралтын дараа үлдсэн хар толбыг үрж арилгахад хэцүү. Учир нь чи өөрөө ч яагаад тийм үйлдэл хийснээ мэдэхгүй байж болно. Гэвч түүнийг хуурснаараа чи салаа замын ирмэг дээр зогссоноос өөрцгүй байдалд орсон. Чи үнэхээр одоогийн хайрттайгаа хамт үлдэхийг хүсч байна уу, эсвэл чамд тогтвортой харилцаанаас илүү эрх чөлөө чухал байна уу? Хэрэв чи сэтгэлдээ өөрийн гэмээ ухаараад дахиж тийм зүйл хийхгүй гэдгээ мэдэж байвал хайртдаа нүглээ наминчлахгүй байж болно. Гэхдээ олон хавар нэгэндээ гэдэг үгийг санаарай. Өөрийн бодол санаа, мэдрэмжээ цэгцлээд чин үнэнээсээ ямар амьдралыг хүсч байгаагаа олж мэд.

4. Би түүний хувийн эд зүйлийг онгичсон
Хайртынхаа эд зүйлийг хулгайгаар үзэх нь зуршил болдог. Чи түүний халаас руу, гар утас руу, мэйл рүү нэг л шагайчих юм бол тэр үйлдлээ дахин дахин хийх гээд байдаг талтай. Тэгээд юу гээч? Нууцаар олж харсан баримтаа чи бага ч болов гуйвуулж бодох нь тодорхой. Ингэхийн оронд чамайг хямраагаад байгаа асуудлын талаар хайртдаа хэлж, харилцан ярилц. Ярилцахгүй л бол ойлголцохгүй. Энэ бол хамгийн зөв ил тод арга.

Нэгэнт үйлдсэн гэмээ түүнд хэлж, наминчлахаар шийдсэн бол яах вэ:
• Өөрийгөө бэлд. Хийсэн зүйлийнхээ талаар хэлэхэд чинь түүнийг ямар хариу үйлдэл үзүүлэхийг тооцоол. Тэр огцом уурлах уу, эсвэл зүгээр л чамайг орхиод явчих болов уу? Ярилцах гэж оролдох уу, чамаас бүрмөсөн сална гэж зөрүүдлэх үү? Боломжит нөхцөлүүдийн талаар бодож үзсэнээр чи ямар үед яаж зохицуулаха ойлгох болно.

• Гол асуудал руугаа ор. “Би чамд нэг юм хэлмээр байна. Энэ чамд эвгүй сэтгэгдэл төрүүлж магадгүй л дээ. Гэсэн ч би чамд санаа тавьдаг, бас би чамтай шударга баймаар байна” гэж хэлээд “Тэр өдөр...” хэмээн өчлөө эхлүүл. Тэгээд 2 өгүүлбэрт болсон бүхнийг багтаагаад яриагаа зогсоо. Түүнд эргэцүүлэх боломж олго. Болсон явдлыг нэг бүрчлэн ярих нь түүний сэтгэлийг улам эмзэглүүлнэ. Чиний зорилго бол чин үнэнээсээ бөгөөд товч тодорхой өгүүлэх юм.

• Ирээдүйд төвлөрч ярь. Түүний толгойд “Тэр надад яаж ингэж хандаж чадаж байна аа?” шэсэн бодол эргэлдэх болно. Түүний сэтгэлийг засах шилдэг үг гэж байхгүй. “Чиний итгэлийг буцааж олох боломж олгоно гэдэгт үнэхээр итгэж байна” гэж хэлээрэй. Хэрэв тэр чамайг элдэв үгээр дуудаж эхэлвэл “Чиний дургүй хүрч байгааг мэдэж байна. Би чамд бодох орон зай өгөх хэрэгтэй байх. Би маргааш залгая” гэж хэлээд яваарай. Хэт ширүүн ааштай, сэтгэлийн хөөрөл ихтэй хүнд хэлэхдээ олон нийтийн газрыг сонгохыг зөвлөж байна. Мөн хэлэх шаардлага байгаа эсэхийг эхэлж сайн тунгаа.

Чамд хайрын өмнө үйлдсэн нүгэл бий юу? Түүнийгээ өөрөө өөртөө наминчилсан уу? Энэ зөвлөгөөг хэрэгжүүлж үзээд ямар үр дүнд хүрснийг нь Гоолингоогийн фэйсбүүк дэх фэн клуб дээр хэлэлцээрэй.