Хувь заяа нэгэнт тэднийг учруулсан учраас таван жил хамт амьдарчээ. Бие биедээ дурласан, гэвч гэрлээгvй. Австри, герман цустай vзэсгэлэнт Роми “Кристина” киноны зураг авалтын vеэр Ален Делонтой учирчээ.

Єнгєрсєн зууны эхээр Австрийн нийслэл Вена хот. Нийслэлийн жирийн нэгэн vзэсгэлэнт бvсгvйн амьдрал. Гэхдээ дуэль, хайр дурлал, амжилт дvvрэн. Энэ бол “Кристина” киноны vйл явдал. Дэлгэцэнд гарсан даруйдаа шуугиан тарьсан, жvжигчдээ од болгосон.

Анхны цагаахан учрал

Австрийн алдарт жvжигчин Вольфа Альбах, Марии Шнайдер нарын гэр бvлд тєрсєн Роми Шнайдер дєнгєж насанд хvрээд л зураг авалтын талбайд гарчээ. Тvvний анхны бvрэн хэмжээний уран сайхны кинонд бvтээсэн дvр нь л нэр алдрын оргилд хvргэсэн. Австрийн залуухан хатан хаан Сисси. Энэ дvр нь тvvнийг Австрийн vндэсний баатар болгож орхисон юм. Венийн тєв цэцэрлэгт хvрээлэнд Роми Шнайдерийн царай бvхий хатан хаан Сиссигийн баримал хvртэл барив. Удалгvй “Кристина” кинонд тоглож бvр ч алдрын оргилд хvрчээ. Энэ киноны vеэр мах зарагчийн гэрт єссєн царайлаг Ален Делонтой учирсан байна. Гэхдээ тэд хэн хэндээ дурлахыг хvсэхгvй байсан гэдэг. Ромиг Делон герман нугас гэж хочилж, харин Делоныг Роми хамгийн бvдvvлэг залуу гэж боддог байж.

Гэхдээ анх “Кристина” кинонд хамт тоглох залуугаа Роми єєрєє сонгосон байна. Делоны цэнхэр нvд л тvvнийг татсан гэж хожим нь дурссан байдаг.

1958 оны зун тэд Орлигийн онгоцны буудалд тэд анх таарав. Роми тvvний зургийг харсан учраас таньсан ч дуугарахыг хvссэнгvй. Харин vдийн хоолны vеэр ахиад таарсан ч залуу германаар, бvсгvй францаар ярьж чадахгvй учраас хамтрагчид биш юм шиг л єнгєрчээ. Харин залуусыг киноны зураг авалт хийх Брюссель рvv явахад Ромид ээж нь чи энэ залууд дурлачихаж. Гэхдээ хамтрагчдаа дурлах жvжигчин хvний хувьд тийм ч зохистой зvйл биш гэж анхааруулж байв. Охин тухайн vед арай ч дээ гэж бодоод єнгєрсєн гэдэг. Зураг авалт дуусахад Роми Дело¬ныг онгоцны буудал дээр гаргаж єгєхдєє нулимсаа барьж ядан зогссон гэдэг. Хоёр долоо хоногийн дараа л тэрээр vл таних Парис хот руу хайрт руугаа нисчээ. Роми єдрийн тэмдэглэлдээ: “ Парист би жинхэнэ Алентай танилцсан. Эрч хvчтэй, байнга жинс ємсдєг, зураг авалтад vргэлж хоцорч ирдэг,надад сонин хачин тvvх ярьдаг тийм л залуутай танилцлаа” гэж бичжээ. Тэдний анхны”Кристина” кино нь vзэгч, найруулагчид зєвхєн ташаал хvртээгээд зогсохгvй залуухан жvжигчдийн хайр дурлал, хардалт гомдол гээд тэдний гэмгvй цагаахан учрал нь байлаа.

Роми бол зvрхний баяр баясгалан

1959 оны гуравдугаар сарын 22-нд тэд сvй тавив. Сайн гэр бvлээс гаралтай эмэгтэй заавал сvй тавих ёстой гэж Ромигийн ээж vнэндээ шахалт vзvvлжээ. Орчин vеийн кино урлагийн хамгийн сайхан залуус сvй тавилаа хэмээн дэлхийн томоохон хэвлэлvvдээр шуугиж байлаа. Делон тохитой хуучны загвартай тавилгад дуртай учраас Парист дахь гэрээ тэд хуучинсаг маягаар засч тохижуулав. Тэд гэртээ найз нєхдєє урьж, морь унаж, нохойтойгоо зугаалж, Роми Делонд зориулан байнга ном худалдаж авч уншиж єгдєг байв. Ален “Хурц нар”-ны дор кинонд тоглож 30 сая франкийн шагнал авсан нь тvvнийг жинхэнэ од гэдгийг анх нотолжээ. Харин Роми єдрийн тэмдэглэл хєтєлж, хамтын амьдралынхаа тухай єдєр бvр бичээд л ер нь тэдэнд адил тєстэй зан чанар гэх зvйл vгvй. Гэхдээ тэдний амьдралыг хайр сэтгэл, баяр баясгалан холбож байлаа.

Нэг л єдєр…

Тэд Италид ирлээ. Учир нь Лукони Висконти Аленийг “ Рокко ба тvvний ах дvv нар” кинонд тоглохыг урьсан байна. Роми зvгээр л сvйт бvсгvйн хувьд дагаж ирсэн ч бvхнийг анхааралтайгаар харж байлаа. Висконти залуухан жvжигчин бvсгvйн хичээл зvтгэлийг vнэлж тvvнийг театрын жvжигт тоглохыг хvсэв. Жон Фордын “Тvvнийг биеэ vнэлэгч гэж бvv хэлээч” зохиолоор бичсэн жvжиг байлаа. Висконти “ Тэр биеэ vнэлэгч байдаг нь дэндvv харамсалтай” гэсэн нэрээр тайзнаа тавихаар бэлтгэж байв. Бие биедээ дурласан тєрсєн ах дvv хоёрын тухай єгvvлэх энэ жvжгийн голд дvрийг Делон Роми хоёрт санал болгов. Роми францаар дэндvv муу ярьдаг, тэгээд тайзан дээр тоглоно гэдгээс vхэтлээ айж байжээ. Байдаг чадлаараа хичээж сургуулилт хийж байсан хоёр долоо хоног ханиад хvрээд орондоо хэвтэхээс єєр аргагvй болсон гэдэг. Гэвч тэр тайзнаа гарч чадсан. Танхим дvvрэн дэлхийн урлагийн цэцгvvд. Хатагтай Шнайдер хvртэл дуулгаваргvй охиныхоо жvжгийг vзэхээр танхимд тухалжээ. Тэд жvжгийн тансаг сайхныг мэдрvvлж чаджээ. Танхим дvvрэн нижигнэсэн алга ташилт. Гэхдээ тэд хоёулаа театраас илvvтэйгээр кино урлагийн сонгосон байна. Роми “Боккаччо-70” кинонд тоглохоор жил гаруй Америкт амьдарчээ. Жаахан зав л гарвал Европ руу Ален руу нисдэг байв. Ажил, ажил, ажил гэсээр хувийн амьдралаа хоёулаа орхижээ.

1964 оны наймдугаар сард Делон гэнэтхэн салах болсон тухайгаа захидалд бичин найзаараа дамжуулан илгээжээ. Хоёр сарын дараа Делон Натали гэдэг бvсгvйтэй гэрлэн хvvтэй болов. Yнэхээр тvvнийг єєр эмэгтэйтэй болж байгааг Роми гадарлаж байсан ч гэнэтийн шийдвэрт их цочирджээ. Удалгvй бас Лукони Висконти мєн тvvнд оноосон дvрээ буцаах болсныг дуулгаж. Ажил, хайр гээд л нэг л єдєр бvх юм нь зэрэглээ шиг замхрав.Баруун Берлинд нээгдсэн томоохон рестораны нээлтийн vеэр Роми Берлины “Инээд” театрын дарга, найруулагч Гарри Мейнтэй танилцжээ. Тэрээр эхнэрээсээ салан 1966 онд Ромитой гэрлэж хvvтэй болов. Роми жаргалтай байгаа бололтой хоёр жил кино урлагаас татгалзлаа.

Гэвч Делон тvvнийг “Усан сан” кинонд урив. Татгалзаж чадсангvй. Эргээд кино урлагтаа татагдлаа. Жилд хоёр ч кинонд тоглоно. Гэр бvл vр хvvхдээсээ холдсоор нєхєр нь архи ууж байнга хэрvvл хийх болов. Лукони тvvнийг том болчихсон Сиссигийн дvрд “Людвиг” кинонд тоглохыг урьжээ. Анх удаа энэ кинонд тоглох vеэрээ тэрээр єєрийг нь магадгvй vхэлд нь хvргэх євчинтэй болсноо мэдэрчээ. Дараа нь алдарт Ив Монтантой “Цезар ба Роза” кинонд тоглож 1972 оны Каннын кино их наадмын Гран-при авлаа.

Амьдрал яг л жинлvvр шиг

Амьдрал яг л жинлvvр шиг. Нэг тал нь жин дарж нєгєє нь… нєхєр нь тvvнийг кино урлагтай хуваалцахыг хvссэнгvй. Эцсийн эцэст Роми хvvгээ аваад тvvнээс саллаа. Yргэлж аз жаргал бэлэглэдэг Паристаа ирлээ. Тvvний амьдралд Даниэль Бьязини гэх залуухан эр гэнэт гараад ирэв. Тэр Ромигийн хувьд туслах, хvvхэд асрагч, жолооч, нарийн бичиг гээд л бvх л ажлыг нь амжуулагч байлаа. Тэрээр vнэнч Бьязинитэй гэрлэж хvvхэдтэй болсон ч гэнэтийн ослын улмаас хvvхдээ алдав. Гэтэл урлагийн ертєнц дэх хамгийн хайртай хvн Лукино Висконти нь нас барсан тухай мэдээ сонслоо. Сэтгэлийн шархыг хамгийн сайн эмчлэгч бол мартах. Тэрээр дєч хvрчээ. Хvссэн дvрээ авч чадахгvй байгаа ч хувийн амьдралаа цэгцлэх хэрэгтэй байдаг. Хvvхэд тєрvvлэх. Тэрээр бяцхан охин єргєж авчээ. Ажил, гэр бvл vр хvvхэд гээд л овоо амьдрал нь жигдэрч эхэлтэл хуучин нєхєр Гарри нь амиа хорлосон тухай мэдээ сонсов. Тун удаагvй байтал тэдний дундаас тєрсєн хvv нь золгvй ослоор нас баржээ. Хvv нь хашаа давж байгаад тємєрт єлгєгдєєд гэсэн мэдээ тvvнийг толгойгоо ч єргєж дийлэхгvйд хvргэв. Энэ vед Ален Делон л тvvний хажууд байлаа. Роми архи уух болов. Аленд хамгийн сайхан хайр нь ийн нvдэн дээр нь vгvй болж байгаа нь vнэхээр эмгэнэлтэй байлаа. Yзэсгэлэнт Роми Шнайдераас юу ч vлдсэнгvй. Хамгийн сvvлчийн киногоо тэрээр хайрт хvvдээ зориулан хийжээ. 1982 оны таван сарын 29-нд Ромигийн зvрх нь зогсчээ. Тэр сая сая хvний хайртай жvжигчин байсан юм. Ален Делон тvvний тухай “Миний амьдралын хамгийн хvндтэй зочин” гэж дурссан байдаг. Нvдэндээ гунигтай ч инээмсэглэсэн, оньсого мэт Роми ийн тvvх болон vлджээ. Єдгєє ч тvvний тоглосон кино vнэ цэнээ алдаагvй байгаа юм.

Н.Бат
“Ардчилал” сонин