Уг судар бол Лалын буюу Исламын шашинтай орнуудын шашин, хууль цааз, нийгмийн харилцааны үндэс болдог. Ерөөс Лалын ертөнцийнхний оройн чимэг, амь амьдралынх нь зүг чиг юм билээ. Зөнч Мухаммед нь агуйд сууж Аллах тэнгэрээс өөрт нь дамжуулах айлдваруудыг шавь нар болон илтгэгч дагуулууддаа хэлж өгч дал модны навчин дээр буулгасан гэх түүхтэй. Ийм л итгэл бишрэл, хүндэтгэлийнх нь дээд туйл болсон судрыг Америкийн цэргүүд хог дээр шатаасан байгаа юм. Хэрвээ тэрхүү судрыг ямар нэгэн байдлаар шатаах болбол асар шударга хүнийг хилсээр хилмэгдүүлсэн мэт эмгэнэн, тусгай ёслол үйлдэж шатаадаг байна. Үндсэндээ шашны хатуу дэг жаягийн дор, бүр нэг нарийн ёс журамтайгаар шатаадаг юм гэсэн.

Тэгвэл Афганистаны Баграм дахь Америкийн цэргийн баазад Коран болон бусад лалын шашны судрыг зүгээр л хог шиг овоолж байгаад шатаасан байна. Энэ нь лалын шашинтнуудын хувьд огтоос тэсч чадамгүй, байж боломгүй доромжлол мэт харагдаж байгаа нь тодорхой. Хэн ч харсан тэгж л ойлгогдоно.

Иймээс Афган болон лалын ертөнц тэр чигээрээ Америкийн цэргүүдийн эсрэг тэмцэх хөдөлгөөн өрнүүлж эхэлсэн. Ариун нандин зүйл рүү нь, итгэл бишрэл, гүн хүндэтгэл рүү нь нулимж илтээр доромжилсон учир тийнхүү тэмцэл хөдөлгөөн өрнүүлсэн хэрэг л дээ. Ариун нандин зүйлийнх нь дээд илэрхийлэл болсон судрыг шатаасан тухай мэдээлэл афганчуудын дунд маш хурдтайгаар тархаж, тэр дороо л бүгд гал голомтоо самруулсан хүмүүс шиг дийлдэх аргагүйгээр босоод ирсэн.

Бараг хэдхээн цаг минутад хэдэн зуун мянган хүн гудманд цуглаж, уур хилэндээ автсан иргэд Америкийн цэргийн бааз руу дайрч, ариун дайн эхлүүлэхийг уриалж байлаа. Тэднийг нисдэг тэрэгнээс анхааруулах пуужин харваж зогсоосон тухай мэдээлэл сонин хэвлэлд гарч байсан. Уг тэмцэл, үймээнээс болж олон хүн амиа алдсан билээ.

Тэгвэл Америкийн цэрэг яагаад Коран судрыг шатаах болов. Тэдний тайлбараар бол арга ч үгүй үйл явдал тохиолдсон талаар мэдээлэгдээд байгаа. Тэр нь юу вэ гэвэл шоронгийн хоригдлуудад Коран судрыг тараадаг юм байна. Хоригдлууд судар дээр тэмдэглэл хийдэг аж.

Тэрхүү тэмдэглэл нь хоригдлууд хоорондоо нууцаар харилцах гүүр болоод байсан аж. Үүнээс болж Коран болоод бусад судрыг шатаасан гээд байгаа. Тэгээд шинэ судар өгчээ. Америкчууд судрыг зүгээр л ном сонин шиг овоолж байгаад шатааж. Энэхүү үйлдэл нь нийт лал шашинтнуудыг шашин үндэстнээ хамгаалах тэмцэлд босгочихжээ. Гэхдээ миний бие дээрх судартай холбоотой шашны тэмцлийн тухай бичихийг эрмэлзсэнгүй ээ. Тэр тухай ийн тодорхой өгүүлсний учир өөрийнхөө лам нарыг шүүмжилмээр санагдсан хэрэг.

Афганистантай харьцуулбал манай хаяанд байгаа, шашин шүтлэгээ, итгэл үнэмшлээ бодох аваас өөриймс ч болох Түвдтэй холбоотой асуудал байна. Өнөөдөр Түвдийн лам нар өдөрт нэгээр дутахгүй шатаж, зулын гол болон хайлж байна. Сүүлд гэхэд залуухан эмэгтэй, гэлэнмаа зулын гол болсныг бид мэдэж байгаа. Бүр тодруулбал, Хятадын өмнөд хэсгийн Сычуань муж дахь Дэчи Чойнхорлин хийдийн гэлэнмаа амьдаараа зулын гол болж, өөрийгөө шатаасан хэрэг гарсан. Лондонд төвтэй Түвдийн хүний эрхийн төвийн мэдээлж буйгаар хорь орчим настай Дэнзэн Вангмо хэмээх эмэгтэй Түвдийн тусгаар тогтнолыг хүлээн зөвшөөрч, Дээрхийн гэгээнтэн Далай ламыг эх нутагт нь буцааж авчрахыг уриалан олны нүдэн дээр өөрийгөө шатаасан юм гэсэн. Түүнээс өмнө хичнээн ч лам зулын гол болж хайлав даа. Шарын шашны лам нарыг хувраг хувилгаадыг монголчууд биднээс өөр хэн бугай ч энэ хорвоо ертөнц дээр өмөөрөхгүй. Түвдийн шарын шашинтай лам нарыг хамгийн их өмөөрч хаацайлж, сэтгэл өвдөх хүмүүс манай лам нар баймаар. Шарын шашин гэдэг бол Түвдийн Бурхны шашны сэтгэгч, шинэчлэгч Зонхавын сургаалаар үүссэн Буддын шашны хамгийн сүүлийн шинэ урсгал гэдэг. Шарын шашны төвд гаралтай нэр "гэлүгва" гэдэг нь монгол хэлэнд хөрвүүлэхээр буяны ёс гэсэн утга үг билээ. Зонхав Түвдийн өмнөд нутгийн нэгэн агуйд шар малгай есөн удтал даяанчлан суусан тул түүний болгосон шашны урсгал шар малгайтан, улмаар Монголд шарын шашин хэмээн нэрийдсэн байдаг. Ингэж Богд Зонхавын шарын шашны урсгал Монгол нутагт түгэн дэлгэрч бид бүхэн сүсэг бишрэл, итгэл үнэмшлээ өгсөн. Гэтэл шарын шашны лам хуврагууд нь зулын гол болж, амьдаараа шатан хайлж байхад манай лам нар нүдээ анин маани мэгзэмээ уншаад юу ч болоогүй мэт хээв нэгхэн сууж байх юм. Гай барцад биднээс л холуур өнгөрөх болтугай хэмээн хувиа бодож суух манай лам нар хөөрхийлөлтэй.

Манай лам нар хэзээнээсээ л ийм үхээнц байсан даа. Гучин долоон оны их хэлмэгдүүлэлтэд сүм хийдүүд устан үгүй болж, мэргэжил нэгт гэх үү дээ, лам хуврагууд нь буудуулж байхад өнөө бурхны элч нар маань амь амиа бодоод алга болцгоосон байдаг. Номын багшаа орхимжиндоо боогдож, нүдэн дээр нь буудуулж байхад өөрийгөө л, өчүүхэн улаан амиа л хоохойлж байсан. Үүх түүхээс харахуйд, нэг ч лам бусдынхаа өмнөөс босоогүй. Босох нь бүү хэл ганц ч үг ганхийгээгүй гунигт түүхтэй. Монгол лам нар шашин номынхоо төлөө сэтгэл зовдоггүй, чухам юунд тэгж сэтгэлээ чилээдэг хэрэг вэ. Тэд бол ерөөсөө бусдын өглөг барьцыг л бодно. Сүсэгтэн олноос ахиухан зүйл авахыг л бодож суухаас өөрийг хийдэг гэж үү. Одоо тэгээд цагаан сар хуучраагүй байна. Шинийн арван тавны дотор засал номоо хийлгэхээр бүх л хүн гандан хийдийг зүглэж байгаа. Лам нарт барих өргөл барьц ахиухан байгаа нь тодорхой.

Манай ламхай нарт өнөөдөр бусад улс орон, харийн хүний байдал огтоос хамаагүй мэт санагдаж байгаа байх л даа. Шашин нэгтэй Түвдэд хувраг лам нар зулын гол болоод шатаж байна. Тэд юуны төлөө ингээд байгаа юм бэ? Тэд харийн түрэмгийллийн эсрэг тэмцэж шүтэх шашин, сүслэх төртэй тусгаар улс чөлөөт Түвд орныхоо төлөө л ингэж тэмцэж байгаа. Энэ нь бидэнд ямар хамаатай юм бэ. Тэр шатсан лам нарыг манай лам нар яагаад өмөөрөх ёстой юм бэ гэсэн асуултууд гарна. Түвдийн үзэж байгаа зовлон бидэнд тийм хол гэж үү. Дэлхий нийтээрээ энэ талаар санаагаа зовоохгүй бол дараагийн орон нь хэн бэ.

Ялангуяа ядуу буурай, цөөн хүн амтай, хоёр том гүрний дунд байдаг бид энэ тал дээр маш сонор соргог байх хэрэгтэй байна. Хүмүүс шашнаа яаж өмөөрч байна. Шашнаа өмөөрөх нь тусгаар тогтнолоо өмөөрч байгаа хэрэг юм. Тэгвэл манай шашинтнууд судрыг нь байтугай хуврагуудыг нь шатаахад цачив хийхгүй суудаг нь буруу шүү дээ. Хүний хамгийн нандин юм нь бурхан шашин байдаг. Түүнээ доромжлуулсан хүмүүс уурсдаг. Харин манай ламхай нар огтоос тийм биш бололтой.

Н.ГАНТУЛГА /medee.mn/

Судрыг нь буйтугай хуврагуудыг нь шатааж байхад дуугүй суух юм даа, манай лам нар
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Зонхоба буюу сонгины ам гэгч газар төрсөн энэ төвд нөхөр бол угаасаа манин этгээд байсан бөгөөд он ч биш,она ч биш,оно байсан тул буддизмд шинэтгэл нэрээр ламийн шашин буюу ламайзмийг бий болгосон юум.Төвдийн хаад Мин улсад талийгч нарийнхаа цогцсийг иддэг хэмээх шалтгаанаар олон сая хунээ Мин улсийн цэргүүдэд хядуулсаны дараа арга заль зохиож монголд содномжамц хэмээх нууц парольтоо төвдийн нэгэн хаан ирж өвөр монголын Алтан ханы тархийг угааж далаи лам цол авсан баидаг.Одоо төвдүүд Будда Шагжамүний шашинийг гуйвуулж улс төржүүлсэн шашин зохиож дээрээс нь олон зууны турш олон сая монгол залуусын боовыг саалгаж,олон сая хүүхэнийг хятад,манж залуусийн эхнэр болгож монгол ундэстэнг устгах бодлого явуулаад зогсохгуй өөрийн хун амийнхаа ч өсөлтийг зогсож цөөртөл нь зомбийрч чадсан учраас одоо бурhанаас өгсөн эс оршихийн шийтгэлээ эдэлж баигаа юум.Заримдаа би боддог юум.Манаи улсийг тусгаар тогтнуулсан хувьсгалын анхдагч нар Сухбаатар,Данзан,Бодоо,Чойбалсан тэргүүтэй анхны 7 маань яаж шүү юум Доордохын Харанхуйтан 8-р Далай Чацга гэгчийн ятгалгад ороод энэ төвд зомби нар шиг өөрсдийгөө амьдаар нь шорлог болгочихоогуй баилдах замийг сонгосон юум болдоо гэж.Төвдүүд өнөөдөр бөмбөг биедээ бүслээд Хятадын атомийн цахилгаан станцийг дэлбэлэхийг хэн ч хориогуй.Адаглаад чеченүүд шиг метро,галт тэрэг,автобус,гүүр зэрэг дайсны обьектуудыг дэлбэлж жинхэнэ партизаны дайн явуулбал сая нэг олон улсын анхаарлыг татаж туслалцаа энэ тэрээдээ хүрч болно!Түүнээс ингэж зомбийроод 6 сая хүнээ хэт шарсан шошлиг болголоо гээд тусгаар тогтнол ирдэггүй баихгуй юу!!!!!!!!!!!!!!!!!!!!!

2012-03-12 | 00:00:45 | 93.166.12.174 |

Зочин
хаа бгаа лалийн шашин бидэнд ямар хамаа бна аа монгол хун хэзээч лалийн шашин шутэхгүй шүтэхч үгүй.

2012-03-10 | 21:50:08 | 62.42.124.154 |

Зочин
за чи солиорч байж алдас боловоо.хохин шуу

2012-03-09 | 18:23:20 | 77.57.187.35 |

Зочин
за за солиор тэр тсусан ушуут муслим лалийн шашинтангууд угааса амар тайван амидралд дургуй уймэж байдаг улс жаахан юмаа мэдэж хутсаарай.тувдууд уурсдийгуу шатааж байгаа шуу дээ.энэ чини улс орний дотоод асуудал дайнийг улам дажин болгохгээгүй бол дуугуй суу уунээс болж 2 улсийн дунд хагарал гаргах учуухэн бодолтой казак биш.шашин гэдэг чин монголдоо чулуутуй байна .бас солиороод энэ тэндэхийн юм туугээд ямарч бодлоггуй тэнэг вэ

2012-03-09 | 18:20:51 | 77.57.187.35 |

Мэдээ
Гадаад мэдээ
Видео