Монголын шүүх прокурорынхон хүний хувь заяаг хэрхэн, яаж шийдвэрлэдгийг цагдаагийн хурандаа илчлээд өгчихлөө- 2008 оны долдугаар сарын 1-ний үймээний хэрэг Монголын хууль хяналтын байгууллагын удирдлагууд болон улстөрчдийн үнэн нүүр царайг илчлэх болчихоод байна.

Одоо л хэн нь хэн бэ гэдгээ харуулах цаг нь боллоо. Тухайн үеийн төрийн тэргүүнээр ажнллаж байсан Н.Энхбаяраас эхлээд Ьрөнхий сайд асан С.Баяр, Хууль зүй дотоод хэргийн яамыг толгойлж байсан Ц.Мөнх-Оргил, ҮАБЗ-ийн гишүүн асан Д.Лүндээжанцан нар нэг талд нь, харин нөгөө талд ЦЕГ-ын даргын үүрэг гүйцэтгэгч асан, хошууч генерал Ч.Амарболд, НЦГ-ын дарга асан, хурандаа Д.Зоригт, Эргүүл хамгаалалтын газрын дарга асан, хурандаа Ш.Батсүх, Нийслэлийн хэв журмын хэлтсийн дарга, хурандаа Г.Ганбаатар нар зогсч буй.
Сүүлийн үеийн мэдээллээр цагдаагийн дарга нар долдугаар сарын 1-ний хэргийн бу руутнуудаар тодорч магадгр болж, иргэд рүү гал нээсэн гэж ойлгогдохоор байдалд орчихоод байв. Энэ сарын 3-нд болсок шүүх хурал хойшилсноор цаг даагийн дарга нар эхнээсээ ам нээж эхэллээ. Ам нээвэл уушги нээ гэдэг. Шүүх хурал дээр гал нээх, буудах тушаалыг Ерөнхийлөгч, Ерөнхий сайд Хуульзүйн сайд нарын хэн HI өгснийг тэд л илчлэх учиртай Хурандаа Ш.Батсүхийн хэвлэлд өгсөн ярилцлагаас үзвэл тэд үгсэн тохирч хэргээ хүлээх буе буруутнуудыг илчлэх юм шиг сэтгэгдэл төрүүлээд байна. УИХ-ын гишүүн Х.Тэмүүжиний өөрөөсөө хүртэл нууж нууцалж явсан гэрчийнх нь нэр усыг хууль мэддэг хүн гэсэндээ хэнээс ч, юунаас ч айлгүйгээр илчилж орхилоо.

Манайд гэрчийг хамгаалах хуулийн заалт байхгүйг тэрбээр овжин ашиглаж, уснаас хуурай гарах замаа засчихлаа гэх хүн ч байна. Гэвч бүтэн дөрвөн жил амаа үдүүлсэн мэт байсан генерал, хурандаа нарын нэг нь хэвлэлд дэлгэрэнгүй ярилцлага өгснийг үзвэл тэд хэн нэгнээрээ энэ тухай хэвлэлд яриулахаар тохирсон ч байж болох. Бүр байцаалтыг нь хэн авч, юу гэж асууж, юу гэж хариулж байснаа ч тодорхой хэлж. Цагдаад насаараа ажилласан генерал, хурандаа нарыг шал танихгүй залуучууд байцаагаад байгааг ч хэлсэн байна лээ. Энэ нь нэг юм хэлээд байх шиг. Олон шавь нартай, нийслэлийн цагдаа нарыг нэр зүстэй нь мэдэх шахуу дарга нар өөрсдийг нь байцааж байгаа мөрдөн байцаагчдын хэн болохыг мэдэхгүй байна гэдэг бас нэг хариулт нэхсэн асуултыг гаргаж ирэв. УИХ-ын гишүүн Х.Тэмүүжиний амьд гэрчийн гарт байсан хар дэвтэрт тэмдэглэгдсэнээр буудах тушаалыг дээрх цагдаагийн дарга нар өгч, тэр бүү хэл Ш.Батсүх хурандааг нэг хүүгийн хэвлий рүү буудахыг нь ч харсан гэх ноцтой баримтуудыг бичсэн байсан гэдэг. Үнэхээр хурандаа өөрөө хүн буудсан уу гэдгийг гэрч л нотолно, хурандаа өөрөө биш. Харин Ш.Батсүх хурандаагийн ярьснаар цагдаа нараараа бахархдаг, тэдэндээ амь шигээ хайртай, цагдаа нар тухайн үед дээрээс өгсөн тушаалыг л биелүүлсэн юм байх. Бас байрнаасаа ч хөдлөөгүй макаров буугаараа хүн буудсан, арав гаруй сум тэр бууных байсан гэх хар дэвтэр дэх тэмдэглэлийг ч үгүйсгэж, нотлох гэрчүүд байгааг хэлжээ.

Х.Тэмүүжин гишүүний гэрч гэх Төмөрхуяг гэгч цагдаагийн хар дэвтэр дээр хэргийн газраас 30 сумны хонгио олдсон гэдгийг 33 хонгио байсан, түүний 15 нь цагдаагийн байгууллагын зэвсэглэлд байхгүй бууных гэдгийг ч хэлэв. Ш.Батсүх хурандаа, Төмөрхуяг гэрч хоёрын хэн нь үнэн, хэн нь худлаа яриад байгааг шүүх прокурорын мөрдөнгийнхөн л шалгаж тогтоох ёстой, уг нь. Гэвч тэд юуг ч шалгаагүй, мөрдөөгүй, нотлоогүй гэдгийг ам бардам хэлж байна. Бүтэн дөрвөн жил дуугүй байснаа “Бид хуульдаа итгээд л яваад байсан” гэж хурандаа хэлжээ. Үнэхээр манай хууль, хуульчид “ямар ч асуудалгүй” ажилладаг гэсэн үг үү. Түүний хэлснээр зохих стандарттай хэрэг шүүхэд очоогүй юм уу. Хэрэг нь шалгаагүй байхад тогтоогддог, тогтоогдоогүй байхад шүүхэд шилждэг нь прокурорын мөрдөнгийнхний хийж байгаа ажил, хэн нэгний даалгавраар ажилласан хэрэг гэж тэрбээр үзэж байгаагаа нуусангүй.

Одоо Ш.Батсүх хурандаад, нэгэнт ам нээсэн болохоор хэн тушаал өгснийг шүүх хурал дээр хэлэх л үлдэж байх шив. Түүнчлэн гэмт хэргийг илрүүлэх арга барил, үйл ажиллагааг яс мэддэг хүний хувьд прокурорууд, мөрдөн байцаагчид өөрсдийг нь хэрхэн хэлмэгдүүлж байгааг ч дэлгэж. Түүнийхээр прокурорууд гэж дүүрчихсэн амьтад томчуудын тушаалаар ажиллаж, тэдний хэргийг шалгасан болж, хавтаст хэрэгтэй нь ч танилцуулалгүйгээр, ганц ч нотолгоогүйгээр шүүхэд шилжүүлсэн болж таарлаа. Өөрөөр хэлбэл, Монголын шүүх прокурорынхон хүний хувь заяаг хэрхэн, яаж шийдвэрлэдгийг илчлээд өгчихлөө.

Цагдаагийн дарга нар өөрсдөө дур мэдэн иргэд рүү буудаагүй л юм бол хэн тушаал өгч таван хүний амь зольсон үнэнийг хуулийн өмнө өчих л ёстой. Ямар нэгэн байдлаар амаа үдүүлчихээгүй бол шүү дээ. Ийм зоригтой ярилцлага өгснийг бодоход ам нь үдээгүй гэсэн үг. Юутай ч цагдаагийн дарга нар ам нээж эхэллээ. Энэ хэргийг айсуй сонгуулийн гол хөзөр болгох эсэхийг тэд л шийдэх нь. Х.Тэмүүжин гишүүний олон нийтэд дэлгэсэн баримтууд, түүний гэрч гэгдээд буй цагдаа Төмөрхуягийн ээжийн хэвлэлд өгсөн ярилцлага, Ерөнхийлөгч асан Н.Энхбаярын мэдэгдлүүдээс харахад бүтэн дөрвөн жил манай шүүх прокурорынхон энэ хэргийг илрүүлэхийн тулд хуруугаа ч хөдөлгөөгүй, зөвхөн цагдаагийн дарга нарт хамаг бурууг тохох ганцхан тактикаар дайралтаа хийж байсан болж таарлаа. Удахгүй болох шүүх хурал нээлттэй болж, Н.Энхбаяр, С.Баяр, Ц.Мөнх-Оргил, Д.Лүндээжанцан нар Ч.Амарболд, Д.Зоригт, Ш.Батсүх, Г.Ганбаатар нарын цагдаагийн дарга нартай шүүхийн танхимд улаан нүүрээрээ уулзана. Тэр цагт харин таван хүний амь нас бүрэлгэж, улсын өч төчнөөн хөрөнгийг сүйтгэж, нийгмийг айдаст авахуулсан буруутнууд олонд зарлагдана. Тэр цагт үнэн гэж байдагт ард түмэн итгэнэ. Удахгүй УИХ-ын ээлжит сонгууль болно.

Энэ сонгуулиар ирэх дөрвөн жилд төрийн эрх баригчдаа, хууль тогтоогчдоо сонгоно. Харин энэ сонголтын дараа хоёр дахь долдугаар сарын нэгэн давтагдахгүй гэх баталгаа байхгүй. Харин цагдаа нар төрөө, ард иргэдээ хамгаалах болов уу.

Б.Цэлмэг

Цагдаагийн дарга нар уу, улстөрчид үү
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Тэр 7сарын1нд уг ХуХу нараас эхлэсэн ш дээ Ард тумэн сонгууль будилаантуулсаныг эсэргууцэж цугларсан уед ХуХу ууд цэрэг цагдаагаар байраа хамгаалуулж сур бадруулж эхэлсэн ш дээ туунээс цагдаа зов ажилсан ьол ийм эмгэнэл болохгуй байсан даа 4цагиин уеээс эхлээд намынхаа байрны урд цагдаагаар хамгаалуулж эхэлсэн цагдаа нар олшрох бур байдал улам бур дэвэрсэн жагсагчилын дунд 30 гаруй цагдаагий ажилтан байсан гэж дарга нар нь ярьдаг ш дээ тэд жинхэнэ хутгуурууд байсан биз Тэр уед жагсаал цуглаан маш тайванаар эхэлсэн дээ

2012-03-15 | 23:46:32 | 202.21.113.138 |

Зочин
шүүх хурал нээлттэй болсон ч жүжиг болоод л өнгөрөх байх даа.харин сонгуули болдгоороо л болно одоогийн хуулиар бас л луйвар болно.БАС Л 7 сарын 1 болно.бас л ХАРИН хэн хэн жагсаалд уриалж хэдэн ард яаж жагсаж хэн хэн буудахийг тушааж хэн хэн буудаж хэн xэн үхэж хэн хэн шархдаж хэн хэн хилсээр шоронд орж хэн хэн арисаа аварч хэн хэн ни золиос болж дахиад ямар жужиг бол ??? БАС Л одоо болох гэж байгаа шиг жужиг болох болов уу????? эцэстээ БАС Л ХЭН ХЭН???????

2012-03-11 | 16:47:50 | 202.126.91.152 |

Мэдээ
Гадаад мэдээ
Видео