Ашиг хайгчдын башир арга

2012-03-02

Өөрийгөө уул уурхайн компанийн эзэн уул уурхайн салбарын бизнес эрхлэгч гэж баярхах нэгэн залуу саяхан өсч

торнисон газраа хэрхэн зарж үрж уудаг тухайгаа архины даруулга болгон ингэж ярилаа. Тэрбээр Их эзэн Чингис хааны төрсөн нутаг Хэнтий зүгийнх гэнэ. Бид нутгийнхаа айлуудаар явж, өвгөдтэй хууч хөөрөн, ганц нэг шил юм мултлангаа алт, эрдэнэстэй уулыг мэдэж. Хайгуул энэ тэр хийн тэнэж, мөнгө үрээд байх ч шаардлагагүй. Өвгөдийн үг гэдэг тэр чигээрээ үнэт эрдэнэ шүү дээ. Нутгийн иргэд хаана, аль ууланд ямар эрдэнэ байдгийг сайн мэддэг юм. Бид өвгөдийг хөөрхөн халааж, хөөргөж байгаад “За, өвөө танай нутагт гоё гоё нэртэй ямар уул байна, түүх, домгийг нь сонирхуулаач” гэхээр “Манай нутагт Мана уул, Давст уул гээд л бий дээ” гэх зэргээр эхэлнэ шүү дээ хэмээн баясах. Уг нь аливаа орд, газрыг шинжлэх ухаанаар нээн илрүүлж, ашигт малтмалыг нь зүй зохистой олборлох, ашиглах, баяжуулах, төрийн олон бүх нийтийн мэдээллийн саяд албан ёсоор оруулах ёстой талаар ахмад геологичид хэлдэг.

Гэтэл мөнгөний төлөө эх орноо сүйдлэхэд бэлэн жагсч байгаа хүмүүсийн зүрх сэтгэлд ийм бодол өчүүхэн ч алга. Уул нуруудыг ухаж, төнхөн, дотроос нь мөнгө олж болох шороо, чулуу юу л байна бүгдийг нь зөөж, Хятад руу гаргаж байгаа залуусын толгойд үүнээс өөр хийх ажлын санаа, сэдэл орж ирдэггүй нь гачлантай. Хэнтий аймаг жоншны нөөцөөрөө улсад дээгүүрт ордог. Уул Тиймээс жонш элбэг уул нурууд тус аймагт бишгүйдээ л нэг бий. Жонш дагасан бичил уурхай ч нь олон. Тэдний хийдэг ажил нь гаа уул нуруудыг ухаж, төнхөж, өөр баялгийг нь хамж авчихаад орж хаяад явах. Нутгийн өвгөдөө архиар хуурч, ашигт малтмалтай уулын нэр, байршлыг хэлүүлдэг гэж сайрхах залуугийн ярьснаас жоншийг нь ухаж авсан хөндий хоосон уул тус аймагт элбэг үлджээ. Олборлохдоо бэхэлгээ хийчихдэг болохоор хэзээ мөдгүй нураад унана гэсэн юм байхгүй гэнэ. Гэхдээ тэр хавийн өвс, ургамал ургахгүй, ус, гол нь урсахгүй. Мөнхийн мөнхөд хоосон хөндий хэвээрээ үлдэнэ. Монголд ийм дүр төрхтэй үлдэж буй уул, нурууд Хэнтий аймгаар дуусахгүй байх. Бүх аймагт ашигт малтмалын эрэл хайгуул, олборлолт хийж байгаа. Ил харагдаж байгаа газарт нөхөн сэргээлт хийж болох ч хөндий, хоосон уул нуруудыг тэр хэвээр нь үлдээхээс өөр аргагүй болно. Ашигт малтмалын газраас хариуцах эзэн нь тодорхойгүй, ухаж хөндөж орхисон 8000 га газар манай улсын хэмжээнд байна гэсэн мэдээлэл, судалгааг гаргасан байна билээ.

Мөн БОАЖЯ-ны судалгаагаар Хэнтий, Архангай, Өвөрхангай, Баянхонгор, Өмнөговь зэрэг 15 аймгийн 56 сумын нутаг дэвсгэрт уул уурхайн үйл ажиллагаанаас болж эвдэрч, нөхөн сэргээлтэд орхисон 3985 га газар байгааг тогтоогоод байгаа гэсэн. Ашигт малтмалыг нь ухаж авсан байгалийг эргүүлэн нөхөн сэргээхдээ газрын гадаргыг хэлбэржүүлэн шимт хөрсөөр хучих, ургамал тарих зэрэг ажил хийдэг гэдэг. Ил талбайг ингэж аргалаад байж болох ч хөндий хоосон хоцорч байгаа олон уулыг эргүүлж хэвэнд нь оруулах, хоосон зайг нь дүүргэх арга чарга байна уу. Үүнд мэргэжлийн байгууллагууд анхаарлаа хандуулж байдаг гэж найдахаас. Ашиг хайгчид башир нарийн арга ухаан гаргаад хүссэнээ аваад явахад нутгийн ард иргэд эвдэрч сүйрсэн газар нутгаа харж, харуусаад л үлдэж байна. Сүүлийн үед Түүхт газар, гоё нэртэй уул нуруудын зураг хэрэг болоод байна, нэр ус, тайлбартай нь гэрэл зургийг нь оруулж өгөөч” гэсэн зар интернэтэд олон болсон байна билээ. Ашиг хайгчдын башир арга улам л нарийн болж байна. Өнгөн дээрээ эх орноо хайрлаж байгаа мэт сайхан дүр эсгээд цаагуураа өөр юм бодож, төлөвлөж байгаа ийм хүмүүсийн олз болгохгуйн тулд Монголын сайхан газар орны тухай мэдээллийг интернэтэд тавихдаа болгоомжтой байхад илүүдэхгүй нь.

Ашиг хайгчдын башир арга
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
хэнтийд уул уурхай гээд байх юм байхгуй ш тээ,худлаа ********гаад байх юм.

2014-09-03 | 20:13:51 | 202.179.20.136 |

Зочин
ТӨВ АЙМГИЙН БАЯНЖАРГАЛАН СУМЫН НУТАГТ ДЭД Б vТЭЦ САЙН ХӨГЖСӨН ГАЗАР ОРШИХ ХӨМӨӨЛТ, БАЯНЖАРГАЛАНГИЙН Х vРЭН Н v vРС, ШАТДАГ ЗАНАРЫН ТОМ ОРДУУДЫГ ТӨР МЭДЭЛДЭЭ АВАХ ХЭРЭГТЭЙ БАЙНА ЭДГЭЭР ОРДУУДЫН Х vРЭН Н v vРСНИЙ НӨӨЦ 2.0 ТЭРБУМ ТОНН, ШАТДАГ ЗАНАРЫН НӨӨЦ 4.0 ТЭРБУМ ТОННООР ТООЦОГДДОГ МАНАЙ УЛСЫН ТОМООХОН Н v vРСНИЙ ОРД ЮМ ХӨШӨӨТИЙН УУРХАЙГ ХУУЛЬ БУСААР ЭЗЭМШИЖ БАЙГАА “МОНЭНКО” КОМПАНИЙ ЗАХИРЛААР АЖИЛЛАЖ БАЙСАН ӨВӨР МОНГОЛ НАЦАГДОРЖ ГЭГЧ ЭТГЭЭД ГАДНЫ ЛУЙВАРЧИДТАЙ НИЙЛЖ ” КОММОНМАКС” КОМПАНИЙ НЭР ДЭЭР ДЭЭРХИ ОРДУУДЫГ ЛУЙВРЫН АРГААР АВЧ ЭЗЭМШИЖ БАЙНА МОНГОЛ ТӨР ИЙМЭРХ v v ТОМ ОРДУУДЫГ ӨӨРИЙН МЭДЭЛ ЭЗЭМШИЛДЭЭ ЭРТХЭН АВАХГ vЙ БОЛ ОДООГИЙН ОЮУТОЛГОЙ БОЛОН ГАЗРЫН ТОС ГЭХ МЭТ ОЛОН ОРДУУДАА АЛДСАН ШИГЭЭ АЛДАХАД ТУН ОЙРХОН БАЙНА Ш v v

2013-04-15 | 14:13:51 | 122.201.18.142 |

Мэдээ
Гадаад мэдээ
Видео

Архив ангилал

Ашиг хайгчдын башир арга

Сэтгэгдэл (4)