2012-03-02Эх орончдын өдөрт зориулсан улс аймгийн алдар цолтой 208 бөхийн барилдаан Монгол бөхийн өргөөнд болж
өндөрлөлөө. Барилдаанд У.а Д.Ганхуяг, Д.Азжаргал, у.г Н.Ганбаатар, Ж.Бат-Эрдэнэ, у.з Д.Рагчаа, Ц.Мягмарсүрэн, Б.Соронзонболд, Ч.Санжаадамба, у.харцага Л.Пүрэвжав, Т.Өсөх-Ирээдүй, Д.Батболд, А.Бямбажав нарын тэргүүтэй бөхчүүд зодоглов. /Улсын арслан 2, улсын гарьд 2, улсын заан 4, улсын харцага 7, улсын начин 18, аймаг арслан 41, аймаг цэргийн заан 11, аймгийн харцага 10, аймаг цэргийн начин 37, сумын цолтой болон залуу 77 бөх / Нэгийн даваанд аймгийн хурц арслан Ш.Мөнгөнбаатар Их Монголын хүчтэн дэвжээний залуу бөх Л.Батсайханд өвдөг шороодсон бол хоёрын даваанд у.г Н.Ганбаатар з.б Н.Эрдэнэчулуунд, у.х Э.Батбаатар а.н Я.Алтантулгад, у.х М.Батжаргал а.н Т.Далайнямд, у.н С.Багахүү а.з Б.Сугаржаргалд, у.н Б.Сумъяа а.з Т.Мягмарсүрэнд тус тус тахим буулгав. Өнгөрсөн жил Монгол ардын намын 90 жилийн ой тохиож улс аймгийн алдар цолтой 256 бөх зодоглож байсан бөгөөд тус барилдаанд улсын заан Д.Рагчаа түрүүлэн, улсын арслан Д.Ганхуяг үзүүрлэж байсан билээ. Тэгвэл энэ жил Өвөрхангай аймгийн Зүнбаян-Улаан сумын харъяат Алдар спорт хороо, Их Монголын хүчтэн дэвжээ, АПУ комапаний бөх улсын арслан Д.Ганхуяг түрүүлж, Говь-Алтай аймгийн Цээл сумын харъяат Хилчин спорт хороо, Хантайшир дэвжээ, Алтай констракшины бөх улсын гарьд Ж.Бат-Эрдэнэ үзүүрлэлээ. Шөвгийн дөрөвт Архангай аймгийн Булган сумын харъяат Бөхбилэгт дэвжээ, НХЭГ, Макс группийн бөх улсын заан Д.Рагчаа, Булган аймгийн Могод сумын харъяат Булганхангай дэвжээ, Мэдээлэл холбоо сүлжээ компаний бөх улсын начин Э.Энхбат нар шалгаран үлдэв.
Барилдааныг үзэж сонирхохоор Монгол ардын намын дарга, Ерөнхий сайд С.Батболд, УИХ-ын эрхэм гишүүд хүрэлцэн ирцгээв. Барилдааны гурвын давааны өмнө Дархан аварга Ж.Мөнхбат, Д.Цэрэнтогтох, Б.Бат-Эрдэнэ, даян аварга Г.Өсөхбаяр, А.Сүхбат, улсын аварга О.Балжинням, Д.Сумъяабазар, улсын арслан Ц.Бадамсэрээжид, У.Мижиддорж, Л.Сосорбарам, П.Дагвасүрэн, Ж.Хайдав, Ө.Эрдэнэ-Очир, М.Мөнгөн, Б.Ганбаатар, Д.Мөнх-Эрдэнэ, Д.Ганхуяг , Х.Мөнхбаатар, Д.Азжаргал нарын аварга, арслангуудад Засгийн газар, Монгол ардын намаас хүндэтгэл үзүүлэв. Мөн энэ жил улсын баяр наадмаар шинээр улсын цол хүртсэн бөхчүүдийг “Биеийн тамир спортын тэргүүний ажилтан” цол тэмдгээр шагналаа
Гурвын даваа
1. Д.Ганхуяг у.а– Н.Эрдэнэчулуун з.б Дархан
2. Д.Азжаргал у.а – Т.Далайням а.н
3. Ж.Бат-Эрдэнэ у.г– Т.Мягмарсүрэн а.з
4. Д.Рагчаа у.з – Б.Хадбаатар а.а
5. Ц.Мягмарсүрэн у.з– У.Балжинням у.н
6. Б.Соронзонболд - Ш.Дарханбат а.а
7. Ч.Санжаадамба у.з– Д.Амарсайхан а.а
8. Л.Пүрэвжав у.х– П.Ганхүү у.н
9. Т.Өсөх-Ирээдүй у.х –А.Сүмбээ а.а
10. Д.Батболд у.х – Ж.Мөнгөн а.а
11. Ө.Даваабаатар у.х – Б.Батхуяг а.а
12. А.Бямбажав у.х– Я.Алтантулга а.н
13. И.Ёндонсамбуу у.н - Д.Цогзолдорж у.н
14. Ц.Лхагвасүрэн у.н – Б.Эрдэнэхүү а.а
15. Н.Бүрэнбаатар у.н – А.Давааням а.а
16. Ду.Батбаяр у.н – Д.Батдорж а.а
17. Ж.Гансүх у.н – Ч.Батчулуун а.х.а
18. Л.Гантулга у.н – Ж.Амартүвшин а.а
19. Э.Энхбат у.н– Д.Энхбат а.а
20. Н.Батзаяа у.н – Д.Тангад а.а
21. Б.Батмөнх у.н– Ц.Чимэддорж а.а
22. Ш.Жаргалсайхан у.н– Л.Цэрэнтогтох а.а
23. Б.Батсуурь у.н – Б.Ганзориг а.а
24. Б.Амарзаяа у.н – Б.Сугаржаргал а.з
25. Ц.Одбаяр у.н – Н.Батсуурь а.а
26. Б.Пүрэвсайхан а.а – П.Бүрэнтөгс а.а
Дөрвийн даваа
1. Д.Ганхуяг у.а– Т.Далайням а.н
2. Ж.Бат-Эрдэнэ у.г– Б.Сугаржаргал а.з
3. Д.Рагчаа у.з – Д.Тангад а.а
4. Ц.Мягмарсүрэн у.з – П.Бүрэнтөгс а.а
5. Ч.Санжаадамба у.з – Ш.Дарханбат а.а
6. Л.Пүрэвжав у.х– Б.Эрдэнэхүү а.а
7. Т.Өсөх-Ирээдүй у.х– Н.Батсуурь а.а
8. Д.Батболд у.х– Ж.Амартүвшин а.а
9. Ө.Даваабаатар у.х - Ч.Батчулуун а.х.а
10. А.Бямбажав у.х– Б.Батсуурь у.н
11. Н.Бүрэнбаатар у.н– Ш.Жаргалсайхан у.н
12. Ду.Батбаяр у.н – Б.Батмөнх у.н
13. Д.Цогзолдорж у.н - Э.Энхбат у.н
Тавын даваа
1. Д.Ганхуяг у.а– гоц мөргөв
2. Ж.Бат-Эрдэнэ у.г– Н.Бүрэнбаатар у.н
3. Д.Рагчаа у.з – Ш.Дарханбат а.а
4. Л.Пүрэвжав у.х – Б.Батмөнх у.н
5. Т.Өсөх-Ирээдүй у.х – Д.Батболд у.х
6. Ө.Даваабаатар у.х– А.Бямбажав у.х
7. Э.Энхбат у.н – П.Бүрэнтөгс а.а
Зургаагийн даваа
1. Д.Ганхуяг у.а- Б.Батмөнх у.н
2. Ж.Бат-Эрдэнэ у.г– гоц мөргөв
3. Д.Рагчаа у.з– Ө.Даваабаатар у.х
4. Т.Өсөх-Ирээдүй у.х – Э.Энхбат у.н
Долоогийн даваа
1. Д.Ганхуяг у.а– Д.Рагчаа у.з
2. Ж.Бат-Эрдэнэ у.г– Э.Энхбат у.н
Наймын даваа
1. Д.Ганхуяг у.а – Ж.Бат-Эрдэнэ у.г
/түрүүлсэн/ /үзүүрлэсэн/
.undesniibukh Б.Цолмон
.jpg "Томруулж харах")
