Хамгийн унтаршгүй шантаршгүй сэтгэлийн тэнхээ ихтэй энэ ордныхны хувьд луу жилд олон сорил шалгуураа тавина. Хүмүүст халуун дулаан зөвлөгөө өгч, найрсаг байдаг санах бодох зүйлгүй хүмүүсийн алдаа дутагдлыг хэлдэг шударга зан тань бусдад сайхан сэтгэгдэл төрүүлэхгүй.
Олон хонь тансаг, аюулгүй байдлаасаа сэтгэл ханамж авна. Хэрэв мөнгө танд мөрөөдлөө биелүүлэхэд тусалбал хязгааргүй аз жаргалтай байх болно. Жилийн сүүлийн хагаст таныг од эрхэс төрөл төрлөөр л сорих бололтой. Үүр цайхын өмнө харанхуй байдагтай адил бурхан танд сайн сайхныг өгөхөөсөө өмнө туршиж байгаа гэдгийг ямагт санах хэрэгтэй. Туршилтад унахаас болгоомжил. Томоохон ажлын санал ирэх боловч эрсдэл дагуулж болзошгүй.
Хайр сэтгэлийн хувьд харьцангуй тайван, үнэнч байна. Ганц бие хониныхон нэгэн хэвийн амьдралаасаа залхах бөгөөд амьдрал гэдэг тоглоом биш гэдгийг толгойдоо сайн суулгах хэрэгтэй. Хэрэв та амьдрал зохиохоор шийдсэн л бол түүнийхээ төлөө бүхнээ зориулаарай.

Үхэр (4/20-5/20)
Луу жилд та бүтээлчээр сэтгэх төлөвлөгөөнийхөө дагуу ажиллах юм. Та өөрөө санаачилгатай байвал эхлүүлсэн болон санаачилсан бүхий л ажил үйлс тань амжилттай бүтнэ. Хайр дурлалын харилцаанд сэтгэл хангалуун жил юм.
Танилтай бол талын чинээ гэдэг шиг танилуудынхаа хүрээг өргөсгө. Хэрвээ өнгөрсөн үүрэг хариуцлага, түнш болон хуучин ажилтай холбоотой асуудлыг энэ сард шийдвэрлэж чадвал гурав, дөрөвдүгээр сард ажил бүтэмжтэй байна.
Тэвчээргүй байх ялангуяа, ямар ч төсөөлөлгүйгээр ажлаа эхлүүлэх нь бүтэлгүйтлийг дагуулна. Та хөдөлмөрч, ажилсаг. Тиймээс залхуурахгүй байхад л таны ажил үйлс бүтэмжтэй байна. Оны дунд хагаст таны нуруу болон тулгуур эрхтэн гэмтэж болзошгүй тул хүнд ажил хийхээс зайлсхий.

Ихэр (5/21-6/21)
Луу жил гарахад урьдын таагүй зүйлүүдээ хуучин онтойгоо үдээд бүх зүйлээ шинээр эрч хүчтэйгээр эхэлнэ. Ажил хэрэгт саад учрах хэдий ч та давж гарч чадна. Аар саар зүйлд бүү оролц. Учир нь аль хэдийнэ сэв суусан зүйлийг буцааж хэвэнд нь оруулах тийм ч амар биш.
Оны дундуур гэнэтийн учрал тохиолдоно. Магадгүй, ганц бие ихрүүд амьдралынхаа ханьтай учирна. Кафе, үйлчилгээний болон олон нийтийн газар онцгой хүнтэй тааралдана.
Жилийн эцсээр өөртөө итгэлтэй байдлаа алдаж болохгүй. Олон сорил гарч ирж, үүнийг та ганцаараа давахад бэрх байх болно.
Гэр бүлдээ анхаарал хандуулж тэд танд маш үнэтэй гэдгийг ухаар. Эрүүл мэндийн хувьд ихрийнхэн эрүүл чийрэг харагддаг ч тэд үнэндээ тийм бус байна. Тэдний биеийн эсэргүүцэл тогтвортой бус амархан ханиад авч сульдана. Ихрийнхэн аливааг хоёр талаас нь харж жигнэж үздэг болохоор хүмүүс тэдэнтэй
холбогдох дуртай байдаг.

Мэлхий (6/22-7/22)
Ихээхэн хүчин чармайлт, асар их хөдөлмөрлөхийг шаардсан жил болох төлөвтэй байна. Ажлаа зөв төлөвлөж шантралгүй зүтгэвэл олз омог ихтэй, албан тушаалд дэвших магадлалтай.
Муу зүйлийг мэдрэхээс зайлсхий. Хувь заяагаа сайжруулахыг хүсч байвал хариу нэхэлгүйгээр ямар нэг сайн сайхан зүйл бүтээ. Эргэн тойрны хүмүүстэйгээ харьцахдаа алсын хараатай байж эелдэг харьцаж, тэднийг хүндэл. Ажлын ачааллаа зохицуулж эрүүл мэнддээ сайн анхаарч эрчимтэй эмчлүүлээрэй.
Ганц бие мэлхийнхнийг хайр сэтгэлийн халуун дулаан орчин угтаж байна. Өвлийн улиралд дулаан газар руу цөөхөн хоног ч болов аялбал таны хийж бүтээх эрч хүч улам нэмэгдэх болно. Харин урин дулаан цагт хэт их амарч назгайралгүй өөрийгөө дайчлан ажиллахад луу танд үр өгөөжөө өгнө.

Арслан (7/23-8/22)
Арслангийнханд хүсэн хүлээсэн өгөөштэй жил нь ирж байна. Мөнгөтэй зөв зохистой харьцаж чадвал бизнес ажил хэрэг тань амжилтаар дүүрэн байх болно.
Жилийн эхний хагаст мөнгө санхүүгийн тал дээр маргаан үүсч зарлагаа багасгах талаар бодох ч аяндаа бүх юм санаснаар чинь болно. Ажил мэргэжил хувийн амьдрал тань тогтвортой байдалд байж таны сэтгэлийг ихээхэн тайвшруулна.
Эрүүл мэндийн хувьд ерөнхийдөө гайгүй ч гэнэтийн зүйлд нэрвэгдэх бэртэх гэмтэх зэрэг аюул өндөр байна. Гадаадад явахаар төлөвлөсөн бол учирч болзошгүй аюулд бэлэн бай.
Ганц бие арслангийнхан хайр сэтгэлтэй учирвал аль болох нааштай байлгахын тулд түрэмгий удирдах зангаа хүлцэнгүй энэрэнгүй болгож хувиргаарай.
Түрэмгий зан таныг бусдаас тусгаарлах болно.

Охин (8/23-9/22)
Энэ онд хөрөнгө мөнгөө сайтар тооцоолж дэмий үрэхгүй байх нь чухал. Зорилгодоо хүрэхийн тулд шаргуу зүтгэн, хамаг зүйл сайн сайхнаар төгсөнө гэдэгт итгэж яв. Амьдрал мөнгөн дээр тогтдоггүй хайр дээр тогтдог гэж ярьдаг ч одоо бол таны хувьд амьдрал мөнгөн дээр л тогтож байна. Мөнгөтэй байх нь тав тух аюулгүй байдлыг хангаж байдаг.
Тэгвэл охиныхонд мөнгө юу юунаас ч илүү чухал байна. Энэ жил охиныхон нэлээн хүнд өвдөх магадлалтай. Тиймээс эрүүл мэнддээ анхаарч мөнгөө цааш нь нөөцлөхөд илүүдэхгүй.
Гэр бүлийн хувьд урьдынхаасаа илүү тайван болж амьдрал зөв гольдролдоо орно. Харин ганц бие охиныхон энэ жил мөн л ганц бие явахыг илүүд үзэх бололтой. Хэт мөрөөдөлд автахгүй байх нь чухал.

Жинлүүр (9/23-10/22)
Жинлүүрийнхэн луу жилд материаллаг баялаг бүтээнэ. Төлөвлөгөөнүүд тань хэрэгжиж танд нэлээд ашиг авчирна.
Жилийн эхний хагаст үл хөдлөх хөрөнгийнхөө асуудлыг шийднэ. Аяллаар явбал үзэл бодол шинэчлэгдэж таны өмнө шинэ ертөнц нээгдэх боломж бий болно.
Сүүлийн хагаст хүүхдүүдийн тань амжилт таныг баярлуулна. Холын хамаатан болон найз нөхдөөсөө тусламж дэмжлэг авах магадлал маш өндөр байна. Ирэх сар танд ашиг орлого авчирна. Архаг хууч өвчин сэдэрч магадгүй. Гэхдээ эмийн эмчилгээ хийлгэснээс рашаан сувилалд явбал илүү үр дүнтэй.
Ганц бие жинлүүрүүд сэтгэл татагдаж байгаа хүндээ, итгэхэд буруудахгүй. Жинлүүрийнхэн хууртагдахаас эмээдэг учраас эрсдэл тэдний хувьд байнга бодож байдаг. Энэ байдал нь тэднийг урт удаан хугацааны турш ганц бие явахад нөлөөлнө.

Хилэнц (10/23-11/21)
Хичээл сурлага, уран бүтээл худалдааны ажилд амжилтыг авчирна. Санхүүгийн хувьд мэдээж ашиг алдагдал ээлжлэх ч гурав, тавдугаар сард ашиг чамлахааргүй байх болно. Төлөвлөсөн зүйл энэ үед таны бодсоноор бүтнэ.
Луу жилийн эхэнд ажил төрөл болон хайр дурлал зэрэг бүх л зүйлс таныг сорьж хүндхэн байх болно.
Бусдыг өөртөө соронзон мэт татах чадвартай дур булаам хилэнцийнхэн хайр дурлалд амжилтаар дүүрэн байна. Хилэнцийнхэн тэр дундаа хижээл насныхан эрүүл мэнддээ онцгой анхаарах хэрэгтэй. Хожимдсон хойно амаа барихгүйн тулд эрүүл мэнддээ анхаар.
Хэрүүл маргаанаас зайлсхий. Хэрэв хэрүүл тэмцэл болбол хилэнцийнхэн эхлээд буулт хийх хэрэгтэй. Долоо, наймдугаар сард аялал зугаалгаа эртнээс төлөвлөж байгаад яваарай.

Нум (11/22-12/21)
Нумынханд луу жил өмнөх жилүүдийнхээс илүү хүнд байх болно. Жилийн эхнээс л бэртэл гэмтэл авах, өвчин ороох магадлал өндөр байгаа тул эрүүл мэнддээ онцгой анхаар.
Шударга байж, хүмүүсийн анхаарлыг өөртөө татах гэж элдвээр оролдох хэрэггүйг од эрхэс танд зөвлөж байна. Бизнесийн талд ерөнхийдөө ашиг орлого тогтвортой сайн байж ажил хэрэг бүтэмжтэй байх эерэг нөлөөтэй жил болж өнгөрнө. Өөрийнхөө мэдлэг чадварт найдаад урагшаа зоригтой яв.
Хайр сэтгэлийн хувьд гэр бүлдээ цаг зав гаргаарай. Жилийн дунд үед нууцхан хайр сэтгэлд татагдаж болох ч гэр бүл, хайр сэтгэлээ хамгаалан үлдэж чадна. Та жилийн сүүлчээр хайтыгаа бурхан мэт тахин, гэр бүлээ батжуулна.
Тавдугаар сард таны хийсэн ажил бүхэн саадгүй бүтэх тул томоохон ажил хэргийн төлөвлөгөөндөө энэ үеийг тодоор тэмдэглэ.

Матар (12/22-1/19)
Луу жилийн эхэнд танд таатай байна. Та хайр дурлал болоод спортын арга хэмжээнд найдаж байснаасаа хамаагүй амжилттай байх болно. Матрынхны хэт шударга зан өөрт орж ирсэн сайхан боломжоо алдахад хүргэнэ.
Энэ жил матрынхны амьдралд хүссэн хүсээгүй сайн, муу олон үйл явдал тохиолдоно. Ярихаасаа ихийг хий. Ажил хэрэг бизнесийн тал дээр матрынхан санаачилгатай байж чадвал ашиг тэр хэмжээгээр ирэх болно.
Хайртай учирсан матрууд хамтрагчаа насан туршийн хайр мөн эсэхэд эргэлзэнэ. Амьдралын чухал асуудлыг энэ онд шийдвэрлэх нь цаашдын амьдрал баталгаатай байхад түлхэц өгнө. Ганц бие матрууд энэ онд адал явдал, зугаа цэнгэлд умбана.

Хумх (1/20-2/18)
Хумхын ордынхноос энэ жил нэлээд хүчин чармайлт шаардах боловч сонирхолтой байх болно. Бүхнийг эхнээс нь амжилттай эхлэхийн тулд шинийг танин мэдэж бүх хүчээ дайчлан ажиллах жил юм.
Жилийн эхний хагаст албан тушаал дэвших, ажил хайж байгаа нэг нь ажилд орох зэргээр амьдралын түвшин сайжирч эхэлнэ. Амьдрах орчноо өөрчлөхийг хүсч байвал жилийн дундуур хаа нэг тийш гэр бүлээ аваад зоригтойгоор орчноо соль.
Хумхынхан тэр дундаа ахимаг насны эрчүүд хавдар, түрүү булчирхайн өвчнөөс урьдчилан сэргийлж ойр ойрхон эмчийн хяналтанд орж байхыг ор эрхэс зөвлөжээ. Хүүхдүүд тань амжилт гаргаж танд сэтгэлийг өөдрөг болгоно. Хумхынхан амрах цагтаа амрах нь танд ажиллах эрч хүч өгнө. Энэ жил ядаргаанд орохоос зайлсхий.
Хумхынхны хувьд энэ онд хайр дурлалын асуудалд нэлээд хайнга хандаж, хамтрагчаа гомдоох болно. Зарим хумх өмнө нь хайртай байсан хүндээ татагдах болно. Хумхынхан энэ жил сурч боловсрох тал дээр нэлээд эрчимтэй байна.

Загас (2/19-3/20)
Луу жил загасныхны хувьд маш чухал бөгөөд дурсгалтай мөчүүд олон тохиолдоно. Таны дотоод мэдрэмж асар хүчтэй, мэдрэмтгий болж ажил үйлс чинь амжилттай байна.
Бизнесийн хувьд ч ялгаагүй ашигтай санал орж ирэх бөгөөд ашгийг өөртөө шингээж чадах эсэх нь түншүүдийн харилцан итгэлцлээс шалтгаална. Таны мэдлэгтэй, ажилсаг, цаг барьдаг зан чинь ажлын хүрээнийхэнд таалагдах болно.
Эрүүл мэндийн хувьд та өөрийнхөө эрүүл мэндэд маш их анхаарах ёстой. Учир нь биеийн хүчний ажил гэнэт ихсэх болно. Хоолны дэглэм барьж, биеийн тамирын дасгал хийх нь таны эрүүл мэндэд тус дөхөм болно. Цэвэр агаарт гар.
Хайр дурлал таны амьдралд онцгой байр суурь эзэлнэ. Энэ жилд та өөртөө чухал хамгийн үнэ цэнэтэй яг тэр хайртайгаа учирна. Хэрэв та гэрлэх бодолтой байгаа бол энэ жил шийдвэрээ гаргаарай. Учир нь таны төсөөлж байгаагүй илүү бахархууштай зүйл тохиолдоно. Хэрэв та шийдвэр гаргаж холбоо тогтоосон бол харьцаагаа муутгахгүй байхыг хичээхийг од эрхэс зөвлөжээ.