МоАХ-ны Х.Баттулгын Үүл баатарт өгсөн хариу

2012-02-21

Монгол улсын баатар Бат-Үүл ойрын үед ардчилалаар байгуулсан өөрийн гавъяагаа үгүй болчих вий хэмээн их л

айдас, хүйдэстэй явна. Улсын баатар гэдэг хүндтэй цолыг төрийн хүндтэй даалгавар гүйцэтгэсэн хүнд өгдөг болохоос зүүний социалист төрийн даалгавраар холион бантан хийсэн нөхөрт өгдөг гэж сонсоогүй. Ойрын үед мань улсын баатар хаа явсан газраа “ардчилалын хар дарсан зүүд шиг 22 жил” хэмээх нэгэн гишүүний хэлсэн үгэнд гомдож, тунирхаж, эгдүүцэж яваа гэсэн. Миний байгуулсан ардчилалыг ингэж муулах эрх байхгүй, ард түмэн өөрсдөө л буруутай, ядуу амьдарч байгаа бол та нарын л буруу төр засаг хангалттай сайн ажиллаж байгаа, амьдарч чадахгүй бол чи хувь тавилантайгаа эвлэрээд дуугүй бай гэж уурсаж байна. Эрхэм баатрынхаар бол Монголын төр засагт ямар ч буруу байхгүй, ард түмэн л арчаагүйдээ өлсөж, даарч, ядуурч байгаа хэрэг.

Ард түмэн баатрын нүдэнд гэмтэн болон харагдаж, олигархиуд, авилгачид буянтан болон үзэгдэнэ. Улсын баатар хүн байж ийм арчаагүй олигархиудыг өмөөрсөн мэдэгдэл хийж, социализмийн үеийг шорон гэж зарласан нь Монголчуудын дургүйг хүргэж түүнийг үзэн ядаж байна. Ардчилалын 22 жилд Монголчууд бүтээн байгуулалтаа устгаж, орох орон оочих аягагүй болж, ядуурал 70% болтлоо өсөн, ард түмэн ёстой л элгээрээ хэвтсэн анархизмийн 22 жил байлаа. Ардчилалын 22 жилд траншейнчин, янхан, гудамжны хүүхэд, өвгөнтийн хөндийнхөн, гооночид, эмзэг бүлэгийнхэн гэх мэт бодохоос ч аймаар нэр томъёонууд гарсан. Монголын өнөөгийн төр засаг ард иргэдээ гудамжинд гаргачихаад тавлан сууж байгааг эрхэм баатар зөвтгөж, Монгол хүнийг доромжилж, басамжилж байгааг хараад ийм ч баатар байх гэж дээ гэхээс өөр үг олдсонгүй. Эрхэм баатраа энэ 22 жилд та болон таны нөхөд ардчилалыг байгуулах гэж яваад андуураад анархизмийг байгуулчихлаа. Монголын ард түмэн хатуу ширүүн, эмгэнэлтэй, харамсалтай, зовлонт 22 жилийг туулсаар өнөөдрийг хүрлээ. Ард түмний төлөө гэж зүүний социал демократ идеологитой ардчилсан хувьсгалыг хийчхээд барууны үзэл баримтлалтай улс төр хийж ард түмнээсээ хөндийрч, олигархийн бүлэглэлд шургалж ард түмнээсээ урвасан нь эрхэм баатрын мөн чанарыг тодорхойлно. Монгол үндэстний эсрэг Оюутолгойн гэрээг батлахад ичих ч үгүй гараа өргөөд дэмжсэн хүнийг оронч гэх үү, жагсаал цуглаан хийхийг хориглосон хууль батлах гээд явж байсан нөхрийг эх оронч гэх үү, баянхошуу, дэнжийн мянгын захын айлаар орчихоод миний байгуулсан ардчилал энэ гэж хэлээрэй. Үнэхээр л ардчилал байсан бол та эд хөрөнгө, албан тушаалын төлөө биш ард түмнийхээ сайн сайхны төлөө явах байсан юм. Үнэхээр л манай баатар ард түмнийхээ төлөө гэсэн бол зүүний улстөрч байх байсан. Үүл баатар ард түмэн буруутай, ард түмнийг л солих хэрэгтэй эрх баригчдад ямар ч буруу байхгүй гэж МоАХ-ны 4-р их хурлын индэр дээрээс тодоос тод хэлсэн. Үүл баатар ард түмнээ голохдоо эрхэм ерөнхийлөгчийн хэлсэн шиг Монголын ард түмнийг үгүйсгэн өөр ард түмнийг хүсээ юу. Монголын ард түмэн арай ч Үүл баатарт гологдож, эх орноосоо адлагдах дээрээ тулаагүй шүү. Хэлэх үгээ ярих яриагаа бодож яваарай эрхэм баатраа.

Та бас нэг зүйлийг ойлгох хэрэгтэй. Демократ гэж ардчилал биш ард түмний төр гэсэн утгатай үг. Монголын ард түмэнд ардчилал гэсэн хоосон үгийг 22 жил давтаж молиго үмхүүлхийн оронд та нар төрийн эзэн гээд ард түмэндээ хэлчихгүй яасан юм. Та нар л энэ орны эзэн гээд хэлчихгүй дээ.

Саяхан болж өнгөрсөн МоАХ-ны 4-р их хурал дээр МоАХ-ны дарга УИХ-ын гишүүн Х.Баттулга ардчилал хэрхэн нуран унсаныг, Монголын төр хэрхэн МАНАН-таж, олигархижсаныг, Монголын ард түмэн ямар эмгэнэлтэй амьдарч байгааг тов тодорхой хэллээ. Эрхэм баатарын зүүдэндээ байгуулсан ардчилал гэгч нь хоосон байсныг нотоллоо.

Ардчиллын гол үзүүлэлтүүд тогтмол буурч байгаагийн улмаас “Дэлхийн улс орнуудын Ардчиллын индекс” -т Монгол улс 2011 онд 69 дүгээрт бичигдлээ. Ардчиллын хамгийн гол үзүүлэлт болсон хэвлэлийн эрх чөлөө, үг хэлэх, үзэл бодлоо тунхаглах эрхийг хангаж байгаа үзүүлэлт мөн ухарч дэлхийн улсууд дунд 100 дугаарт бичигдэв. Авилгатай тэмцэх газрыг тусгайлан байгуулсаар байтал жил ирэх тусам авилгын үзүүлэлт хойшлоод л байна. 183 улсыг жагсаахад Монгол Улс 124-р байранд явна. Нийгэмд баян ядуугийн ялгаа туйлдаа хүрч, жини коэффициент 0,44 байна (энэ бол сүйрэл гэсэн үг). Хөдөлмөрийн насны 1 сая хүн ажилгүй байгаа ба бизнес эрхлэх эрх чөлөөгөөрөө Африкийн орнуудын ард явна. Эцэст нь Х.Баттулга гишүүн Монгол улсыг азийн цээжин дэх Африк болчихсон байгааг санууллаа.

Монгол улсыг яаж сүйрч байгааг, олигархиуд яаж хувааж идэж байгааг, ард түмэн хэрхэн үгээгүйрч байгааг, гадныхан Монголыг хэрхэн хуваан авч байгааг маш зоригтойгоор хэллээ. УИХ-ын гишүүн Х.Баттулга эрхэм улсын баатарт чиний байгуулсан ардчилал чинь энэ байсан юмуу гэж таарсан хариуг нь өгч чадлаа. Таны байгуулсан ардчилал Монголын ард түмэнд ядуурал, өлсгөлөн, архидалт, авилгал, гуйланчлалыг өгсөн анархизм л байлаа гэдгийг хэлж өглөө.

УИХ-ын гишүүн, МоАХ-ны дарга Х.Баттулга эх орныхоо ард түмнийхээ төлөө дугарч, эх оронч иргэн гэдгээ зарлалаа. Одоо Монголын эрх ашиг намын, фракцын, бүлэглэлийн эрх ашгаас дээгүүр гэдгийг ойлгож, Монголын төлөө үндэстний нэгдсэн фронтыг байгуулах хэрэгтэй. Үндэстний нэгдсэн фронт нь пост коммунистууд болон зүсээ хувилгасан хуучин улс төрчдөөс бүрэн салж, шинэ Монголын төлөө шинэ хүмүүсээр удирдуулж чадвал ялалт гарцаагүй. Луйварчид, авилгачид хэзээ ч ард түмнийг ялж байгаагүйг хүн төрөлхтний түүх гэрчилнэ. Х.Баттулга та эх оронч гэдгээ дахин батлах л үлдлээ.

Д.Сүхбаатар /www.mongoltimes.mn/

МоАХ-ны Х.Баттулгын Үүл баатарт өгсөн хариу
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гүүэ тэгээд я уурсан л гээд байх юм. наадмын 2 өдөрт л нэг нэг дээл өмсөөд л, сумдын наадам хэсээд айраг архи уугаад л явцгажж байна шүү дээ манайхан чинь

2014-07-23 | 18:13:04 | 202.179.11.58 |

Зочин
å ð íü ¿íýí ë áè÷ñýí áàéíà äàà õ¿ì¿¿ñèéí àìüäðàë óëàì ë ìóóäàæ áàéíà ø òýé ÿã ¿íýí äýý

2012-09-03 | 17:37:35 | 202.55.180.3 |

Зочин
Битгий худлаа мушгин гуйвуул уншихаас уур хурчлээ

2012-02-22 | 03:18:34 | 87.89.229.107 |