Фенүүд маань надтай загас наадуулах хүсэлтэй байгаагаа шууд хэлдэг

2012-02-04

“Харри Потер ба галт хундага" киноны дүрээрээ танил болсон. Энэхүү Британи эр олны таашаал хүртээд байгаа

"Тэргэл сар" киноны дурлалт цус сорогчийн дүрийг бүтээснээрээ өөрийн амьдралд өөрчлөлт гаргаж чаджээ. Нэг л шөнийн дотор тэрээр холливудын залуусын хайр хүндэтгэлийг хүлээсэн жүжигчин болжээ. Тиймдээ ч 2009 оны хамгийн секси, хүсэмжит залуугаар тодорсон. Паттинсон 1986 онд Лондонд төржээ. Жүжигчин болох үүх түүхээ эхлэхээсээ өмнө театрын тайзнаа тоглодог байсан аж. Ингээд өнгөрсөн оны хамгийн секси залуугаар тодорсон залуугийн хувийн амьдралынхаа талаар хүүрнэсэн сонирхолтой ярилцлагаас хүргэе.

-СУРВАЛЖЛАГЧ: Од байх нь танд таалагддаг уу?

-ПАТТИНСОН: Үнэнийг хэлэхэд жүжигчин болсноороо миний амьдрал ингэж ихээр өөрчлөгдөх юм гэж санасангүй. Өнгөрсөн хугацаанд тоолж барамгүй олон тоглолтоос өөр сүртэй ачаалалтай байсангүй. Гэхдээ энэ үеэр шүтэн бишрэгчид маань намайг их сайхан хүлээн авч зарим нь бүр дайран довтлож намайг яах ч аргагүй байдалд оруулдаг. Ялангуяа "Тэргэл сар" кинонд тоглосны дараа улам ихээр мэдэрлээ. Яах вэ, сайхан л байна.

-Сур: Яагаад яах вэ гэж, хүүхнүүдийг араасаа хуйлруулаад харин ч янзтай юм биш үү?

-ПАТТ: Тийм л дээ. Гэхдээ заримдаа хэцүү юм байх л юм. Энд тэнд хамаагуй явж ч чадахгүй. Та ойлгож байгаа биз дээ, өөрийнхөө хүссэнээр ч байж чадахгүй. Хүүхнүүд харахаараа орилолдоод л, зарим нь бүр зулгааж, цохиод авах юм. Би чинь юм хийе бүтээе гэсэн бодолтой энгийн л хүн шүү дээ. Ямар тэгтлээ алдарт хүрсэн ховор хүмүүсийн нэг биш /инээв/.

-Сур: Таныг чөтгөрийн залуу гэж хочилдог. "Тэргэл сар" кино интернэтээр гарч эхлэхэд таныг зэвүүн, ууртай муухай амьтан гэж бичсэн байхтай олон таарсан. Энэхүү ярианаас та өөрийгөө хэрхэн авч гарсан бэ ?

-ПАТТ: Би ч иймэрхүү зүйл болно гэж тооцоолж байлаа. Эсэргүүцлийн шуурганд өртөхгүйгээр хэн ч үүнийг бүтээж чадахгүй байсан. Би хэцүү бэрх дүрийн текстийг олон дахин давтан хэлж үнэхээр бүх юм ард үлдсэний дараа Кристантай хамтран ажиллахад үнэхээр сайхан байлаа.

- Сур: Та Эдвардтай амьдрал дээр зан характерын хувьд хэр адил хүн бэ?

-ПАТТ: Би түүнтэй бараг адил зантай шүү. Эдвард бол зожиг залуу. Би ч гэсэн ийм хүн. Үг хэллэг, мэдрэмжийн тухайд гэвэл түүний өнгөцхөн, хийсвэр бус , золбоогүй дүр төрхийг гаргах нь надад хялбар, их ойр байлаа. Үүнээс гадна түүний гүндүүгүй, тайлагдашгүй байдал их таалагдсан. Харанхуй, бүрэнхийд хийсэн зураг авалт бүр ч гайхалтай сонирхолтой байлаа.

-Cур: Бэлтгэл болгож цус сорогчтой олон кино үзсэн үү?

-ПАТТ: Уг нь би цус сорогчийн улаан фен нь биш л дээ. Гэхдээ хэрэг болгож хүмүүстэй халуун дотно харилцаа үүсгэхээс ихээхэн эргэлздэг ганцаардсан зожиг хүмүүсийн тухай киног их үзлээ. Үнэндээ "Тэргэл сар" яг үүнийг л өгүүлдэг юм. Хэрвээ сайн ажиглах юм бол "Та юу хийх гэж байгаагаа мэдэхгүй байгаагийн учир нь ..." гэдэг сонгодог кинотой нилээд дөхөж очих юм. Тийм дээ ч Эдвардын үсний засалтаас эхлээд гадуур хувцас нь хүртэл Жемсийг санагдуулам.

-СУР: Та бас хөгжимчин гэсэн. Таны хоёр дуу "Тэргэл сар" кинонд эгшиглэсэн юм билээ. Ирээдүйд яг аль салбартаа хүчээ үзнэ гэж бодож байна даа?

-ПАТТ: Юу ч болсон хэсэг хугацаанд жүжигчний карьераа хөөнө гэж бодож байгаа. Энэ бол олон жилийн нөр их хөдөлмөрийн хүчээр юу хийж бүтээснийг олон түмэнд дүгнүүлдэг гайхалтай сайхан мэргэжил. Олны анхаарлын төвд үнэхээр байж чадна гэдэг миний хувьд сайхан мэдрэмж. Нэг л өдөр би гайхалтай чадварлаг найзуудынхаа эгнээд элсэн, жүжигчин болох гараагаа эхэлсэн. Энэ сайхан боломжийг тухайн үедээ ашигласандаа би их баяртай байдаг. Мэдээж цаашид хөгжим миний амьдралд нэгэн том үүрэг гүйцэтгэх болно. Гэхдээ би ганц нэг альбом гаргахаас хэтэрдэггүй жүжигчин болохыг хүсэхгүй байна.

-Сур: Ингэхэд дурлалт цус сорогчийн дүрийг төсөөлөмгүй сайхнаар дүрслэх нь танаас гадаад үзэмж дээрээ илүү анхаарах шаардлагатайг хуруулсан гэсэн. Гадаад байдал чухал зүйл гэдэгт та санал нийлж байсан уу?

-ПАТТ: Тэгэлгүй яахав. Өмнө нь би шөнийн клубд орж, зугаацахын тулд санаачлагыг өөрөө гаргадаг байсан бол киноноос хойш байдал эсрэгээрээ эргэж охид санаачлагагыг авдаг болсон шүү / инээв/.

-Cур: Одоо тэгээд шүтэн бишрэгчтэйгээ хийх уулзалт хэр байна даа. Хааяа шөнийн клубд орж зугаацдаг хэвээр биз дээ?

-ПАТТ: Охидын "таны шүтэн бишрэгч байна" гэж хэлэх нь сэтгэл хөдлөм байдаг. Гэвч зарим нэг нь секс хийх хүсэлтэй байгаагаа шууд хэлдэг нь үнэхээр хэцүү байдаг. Бүр тулж зогсоод байхдаа ч санаагаа илэрхийлдэг гээч. Ийм хүмүүс бол Харри Потерын фенээс огт өөр юм билээ. Өөрсдийн мэдрэмжээ ингэж хурц , ил тод илэрхийлдэг хүмүүсийг би ойлгож чадахгүй л байгаа юм даа. Хэтэрхий задгай ч юм шиг.

-Сур: Охидын дур тачаалыг ингэж ихээр хөдөлгөнө гэдэг сайхан зүйл биш гэж үү. Үнэхээр таалагдвал яагаад болохгүй гэж?

-ПАТТ: Үгүй дээ, тийм зүйл байж болохгүй. Ийм хүсэлтэй байгаа фенүүдийн маань ихэнх нь насанд хүрээгүй охид байдаг. Энэ үнэхээр эгзэгтэй хэрэг биш гэж үү. Жишээ нь насанд хүрээгүй охин чам дээр хүрч ирээд "намайг озож үнсээч..." гэвэл танд ямар байх вэ? Үнэхээр аймаар байгаа биз дээ. Тэгээд ч ямар сайхан бүсгүй иймэрхүү санал түрүүлж тавих юм бол шууд л миний сонирхол бууна. Эмэгтэй хүн чинь цаанаа л ихэмсэг, нууцлаг байхаар заяагдсан эрдэнэ шүү дээ...

“www.noyon.mn” сайт нь Онцгой эрхийн гэрээтэйгээр “Үдшийн шивнээ” сэтгүүлээс авч дээрх ярилцлагыг нийтэлж байгаа тул хэвлэл мэдээллийн хэрэгсэл хуулбарлахыг хориглоно.