2011-12-30Фото модель, жужигчин, дуучин гээд урлагийн олон төрөлд хүч сорьж яваа Мино буюу
Т.Номинг дугаарынхаа зочноор yрьлaa. “Хар сарнай” хамтлагийн дуучин С.Амараагийн дүү С.Амарбаясгалантай хамтран дуулсан “Хатариш ” бүтээл нь сүүлийн үед хит болоод байгаа билээ. Мөн “Хайрлаж болох уу”, “Амьдралд тавтай морил”зэрэг киноны дурээрээ узэгчдийн танил болсон юм.
-С.Амарбаясгалантай хамтран “Хатариш” нэртэй дуу хийжээ. Энэ уран бүтээлийнхээ тухай сонирхуулахгүй юу.Хөгжмийн найруулга, клип зэрэг нь сонирхолтой болсон байсан?
-”Хатариш” дуу буриад зоны дунд үеэс үед уламжлагдан ирсэн ард түмний бүтээл. Тэд маш эрч хүчтэй, цоглог, дуу хууртай, аливаад чин сэтгэлээсээ ханддаг, үнэнч хүмүүс гэдэг энэ дуу болон бусад соёлоос нь харагддаг. Дууны найруулгыг ая зохиогч, аранжировшик Баярхүү ах маань хийсэн. Баярхүү ах анх нотыг нь үзээд “Ямар сонин юм бэ. Энэ чинь тэр чигээрээ транс дуу байна шүү дээ. Үнэхээр цоглог хүмүүс юм ” гэж дуу алдаж байсан шүү. Клипийг нь залуу найруулагч Б.Чингүүн хийлээ. Тэрээр “Уг нь кино хийж байгаа юмсан. Гэхдээ сайхан дуу байна. Цаг гаргая” гэсэн. Ер нь уран бүтээлчид бүгдээрээ л “Хатариш” дууны цоглог сайхан аялгуунд дурлаж энэ бүтээлийг гаргасан даа.
-С.Амарбаясгалантай хамтран дуулах санааг хэн гаргасан бэ. Цаашид хамтдаа уран бүтээл хийх үү?
-Би удахгүй “Хатариш” нэртэй бие даасан цомгоо гаргах гэж байна. Түүнд багтах дуунууд бэлэн болсон. “Хатариш” дууг “жижиг” Амараатай хамтран дуулах санааг манай продюссер гаргасан. Анхны дуу минь амьжилттай байгаа болохоор цаашид олон уран бүтэал дээр хамтран ажиллахаар төлөвлөсөн.
-”Жижиг” Амараагийн гэр бүлийнхэн та хоёрын уран бүтээлд ямар дүгнэлт өгсөн бэ?
-Бүгдээрээ сэтгэл өндөр хүлээн авсан. Амараа ахын эхнэр Туул эгч маань “Ийм гоё гэж бодоогүй’” гэж хэлсэн. Харин Амараа ах ” Болж байна шүү дээ, дүү нар аа. Баяр хүргэе” гээд л тас тас хөхрөөд байсан. “Жижиг” Амараа айлын бага хүү. Надтай адилхан эрх танхил. Түүнээс юу гарах вэ гэдэг нь энэ сайхан гэр бүлд маш сонирхолтой байсан болов уу.
-”Sound off Kiss” хамтлагт уран бүтээл хийж байсныг тань санаж байна. Албан ёсоор гарсан уу. Яагаад гаргах болсон юм бэ?
-Хамтлагаас өөрийн саналаар гарсан. Яагаад гэвэл “Хайрлаж болох уу” кинонд тоглох санал ирсэн байлаа. Ирээдүйд жүжигчин болно гэсэн мөрөөдөлтэй учраас кинонд тоглож өөрийгөө сорин бага ч гэсэн туршлага хуримтлуулах нь чухал санагдсан юм.
-Урлагиин ертөнцөд дөнгөж хөл тавьж байгаа. Ямархуу мэдрэмж төрж байна вэ. Олны танил болсноор хүмүүсийн хандах хандлага өөрчлөгдөж байна уу?
-Урлаг гэдэг агуу ертөнц. Би сайн жүжигчин болсон цагтаа өөрийгөө энэ ертөнцөд хөл тавилаа гэж тооцно. Жүжигчин хүн олон дүр бүтээж еөрийгөө хурцалж насан турш суралцдаг тухай ахмад уран бүтээлчид ярьдаг. Энэ үг санаанаас гардаггүй юм. 13-тайдаа Т.Ариунаагийн “Асуудал” дууны клипэнд тоглосон. Би “Кросс” энимейшн студитэй хамтарч ажилладаг учраас намайгТ.Ариунаа эгчтэй нүүр царайгаараа их төстэй, жүжиглэж чадах, өөртөө итгэлтэй гэх зэргээр сонгосон Т.Ариунаа эгч ч гэсэн их сайхан хүлээж авсан. Бусад хүн түүний талаар их ярьдаг шүү дээ. Миний хувьд, их илэн далангүй, нийтэч зантай нээлттэй хүн шиг санагдсан. Хүнд их сайн энерги өгдег. Биеэ авч яваа байдал болон үг яриа нь таалагдсан, түүнээс хойш хэд хэдэн рекламны дүр бүтээж, кинонд тоглосон болохоор хүмүүс намайг таньдаг болсон байна лээ. Дээр “Мобиком” дээр төлбөрөө хийгээд явж байхад машин манадаг жаахан хүүхдүүд “Мино чи ямар гоё дуу дуулаа вэ. Баяр хүргэе” гээд л… “Хатариш”дууг дуулсны дараа албан байгууллагаас захиалга их ирж байна. Тэгэхээр хүмүүст тодорхой хэмжээгээр хүрчээ гэж ойлгож байна.
-Мино гэдэг тайзны нэр чинь үү?
-Аав, ээж, найзууд маань намайг өхөөрдөж ийм нэр өгсөн. Одоо болтол түүгээрээ явна. Түүнээс биш уран бүтээлч болохын тулд оноож өгсөн нэр биш. Хамтарч ажилладаг уран бүтээлийн багийнхан маань энэ нэрээрээ явахыг зөвшөөрсөн.
-Багаасаа урлагийн хүн болно гэж боддог байв уу. Урлагийн сайн сайхан болоод хүнд хэцүүг мэдэрч эхэлсэн үү?
-Багадаа тайзны алхаагаар алхаад, гэрийнхнийгээ татаж унатал инээлгэдэг байсан. Ээжийнхээ үсний хайчыг гартаа атгачихаад л дуулахаар ээжийн найз нар “Ямар хөөрхөн юм бэ” гээд өхөөрдөнө. Тэгэхээр би улам чанга дуулдаг байж билээ. Урлагт хүн бүхэн татагддаг. Би яагаад татагддагаа сайн тайлбарлаж мэдэхгүй. Анхны клипээ хийлгэсэн шөнөө унтаж чадаагүй. Ингэж л урлагт ховсдуулсан даа.
-Сайн жүжигчин болох мөрөөдөлтэй гэсэн. Энэ талбарт ямар уран бүгээл хийх төлөвлөгөөтэй байна вэ?
-Манай продюссер намайг сайн жүжигчин болгох зорилготой ажиллаж байгаа. Түүнд яг над шиг дүр төрх, зан чанартай хүнд зориулсан кино зохиол бий гэсэн. Миний мэргэжил, уран бүтээл гээд бүх л зүйлийг тэр хүн зохицуулдаг. Аль эрт бэлэн болсон кино зохиол намайг хүлээж байгаа. Зөвхөн нэг жүжигчнийг бэлтгэхийн тулд ямар их хөдөлмөр ордгийг хараад гайхсан шүү.
-Удахгүй шинэ он гарах гэж байна. Өнгөрсөн оныхоо уран бүтээлийг дүгнэхгүй юу?
-Бие даасан анхны цомогтоо багтсан дуунуудынхаа төлөвлөгөөг найман сард гаргасан. Харин өнөөдөр хоолойн бичлэг, микс мастеринг бүх ажил хийгдэж дуусчээ. Хоёр дахь клипээ шинэ оны босгон дээр хүлээн авахаар догдолж сууна даа.
-Уран бүтээл хийхэд санхүүгийн асуудал хэцүү гэж ярьдаг. Энэ асуудлаа хэрхэн шийддэг вэ?
-Бизнес, урлаг, улс төрийн PR чиглэлээр үйл ажиллагаагаа явуулдаг “Ихэрбилэг” компани миний бүх уран бүгээлийг санхүүжүүлдэг.
-Гэр бүлийнхнийхээ тухай ярихгүй юу.Танайханд урлагийн хүн бий юу?
-Манайд урлагийн хүн байхгүй. Би айлын ганц хүүхэд. Ээж маань намайг их дэмждэг. Бид юугаа ч нууж хаалгүй, маш дотно харилцдаг. Би нэгдүгээр ангиа төгсөөд Солонгосын Ожимбү хотын Чудан Хакү гэдэг охидын сургуульд сурсан. Тэгэхдээ бүр шууд дөрөвдүгээр ангид нь орчихсон гээч. Ерөнхий шалгалтанд нь тэнцсэн учраас хоёр жил суралцсан. Хоёр анги алгасч сурчихаад эх орондоо ирсэний дараа”Ухааны оньс” сургуульд орж, 16 настайдаа сургуулиа төгсч байлаа.
-Урлагийнхан брэндээр их гангардаг болсон. Таны хувьд ямар брэндээр гангарах дуртай вэ?
-Брэндээр өвчилсөн хүмүүс надад таалагддаггүй. Биед эвтэйхэн, чөлөөт хувцас өмсөх дуртай. Клипний зураг авалтанд орохдоо өмнө нь огт өмсч байгаагүй хувцастай болохоор эхэн үедээ жаахан түүртсэн. Зураг авалтаас бусад үед нүүрээ ч буддаггүй.
-Өөрийн тань чимэг юу вэ. Толинд харахад засуулчихмаар зүйл харагдцаг уу?
-Би өөрөөрөө өөрийгөө чимдэг. Хүнд гайхуулах үнэт зүйл гэвэл зан чанар маань. Хүн бүхэн “Ямар хөөрхөн ааштай юм бэ” гэхээр нь гайхдаг юм. Хүмүүс яагаад бие биендээ хүндэтгэлтэй харьцаж болдоггүй юы бэ гэх бодол төрдөг. Найзууд маань хэзээд өөрийнхөөрөө байдаг, нөхдөдөө халамжтай, бусдынхаа асуудлыг сонсч чаддаг, ололт амжилтад нь талархаж чаддаг зан чанартай, сэргэлэн цовоо “муу шар найз минь” гээд өхөөрдөцгөөдөг
-Facebook-ийн найз олонтой юу?
-Тийм ээ. Дөнгөж өчигдөр гэхэд 250 гаруй хүний найз болох хүсэлтийг хүлээн авсан. Энэ дэлхийн бүх хүн найз байвал сайхан шүү дээ. Надад Facebook харьцаа их найрсаг, өвөрмөц орчин шиг санагддаг. Мэдээллийн сайтуудын дор нэр, зүсийг нь мэдэхгүйг далимдуулж, хүний нэр хүндэд халдаж суудаг, хулгайч нохой шиг хүмүүсээс шал анги.
-Залуучуудийн хөөрхөн эмэгтэйг найз залуутай болов уу гэж бодож байгаа байх. Ямар эрчүүд таалагддаг вэ?
-Одоохондоо амжаагүй байна. Жирийн сайхан найзууд гэвэл цөөн эмэгтэй найз бий. Ихэнх нь хөвгүүд шүү дээ. Хөвгүүдтэй хэл амаа ойлголцоход амар байдаг юм.
Эх сурвалж:"Өөр мэдээ" сонин
.jpg "Томруулж харах")
.jpg "Томруулж харах")
.jpeg "Томруулж харах")
.jpg "Томруулж харах")
