Генри Форд автомашиныг баячуудад зориулсан тоглоомноос нийтэд хүртээлтэй тээврийн хэрэгсэл болгосон хүн юм.

Тэр ажлын гараагаа гэрийнхээ гаражид элдэв сонин хэрэгсэл хийдэг уран гартан байсан. 39 насандаа тэр автомашин үйлдвэрлэх компани байгуулах гэж хоёр удаа бүтэлгүйтсэн ба уралдааны тэмцээнээс авсан хэдэн шагналаас өөр зүйлгүй бүтэл муутай зохион бүтээгч гэж тооцогддог хүн байж. Хэсэг хугацааны дараа 1908-1927 онуудад түүний угсрах үйлдвэрүүд нь тус улсын нүүр царайг өөрчилж, америк маягийн амьдралын хэвийг тодорхойлох болсон "Ts Ford " маркийн автомашиныг 15 сая ширхэгээр үйлдвэрлэн гаргасан юм. "Миний хувьд бүтэшгүй зүйл гэж үгүй" гэж Хэлдэг байсан бөгөөд илүүтэй долларын түүнд авчирч өгсөн олон сая машиныг юм. Генри бага наснаасаа эхлэн механик сонирхож эхэлсэн. Тэр Мичиган мужийн Диарборн хотоос холгүй орших фермид өссөн юм.

Тэр эвдрээгүй цаг ч задлан "засварлах" дуртай ба" Түүний нэг найз "Генригийн гэрт байх бүх цаг түүнийг хараад айсандаа зог тусан зогсдог юм" гэж хошигнодог байсан Энэ цаг болон цаашид механик сонирхох сонирхол нь түүний амьдралын гол зорилго болж эд баялгийн эх үүсвэр нь болсон юм.Фордод тариачны хөдөлмөр огт таалагддаггүй байв. 16-н насандаа тэр Детройт хотод өдөр нь механикч хийж, шөнө нь цаг засварлаж долоо хоногтоо 3 доллар олдог байв, Тэр үед Фордод цаг бөөнөөр үйлдвэрлэх санаа төрж, хэвийг нь хүртэл бэлдэх үйлдвэрлэл эрхлэх хамтрагчаа хүртэл олсон байсаң боловч өдөрт хоёр мянган цаг үйлдвэрлээд хэнд худалдахаа мэдэхгүй байв, Хэдэн арван жил өнгөрсний дараа цаг бөөнөөр үйлдвэрлэх санаа нь хэрэгжиж эхэлсэн билээ.Фордын эцэг фермер байсан учир түүнийг мөн адил энэ ажлыг эрхлээсэй гэж хүсэж байв.

      Гэвч Генри Форд тариачны ажлаа Детройтын амьдралаар сольсон учир өвлөж авах газраасаа татгалзсан билээ. Тэр Мичиганд Эдисоны үйлдвэрт инженерээр ажилладаг байсан бөгөөд чөлөөт цагаараа гэрийн гараждаа автомашины тухай мөрөөдлөө биелүүлэх гэж шөнө дөлөөр ажилладаг байсанд хөршүүд нь түүнийг "галзуу Генри" гэж хочилоход хүргэжээ. Анхны бензинт хөдөлгүүртэй бяцхан "квадрацикл" нь 1896 онд бүтсэн юм. Уг техник нь анхны автомашин биш, тийм ч сайн зүйл байгаагүй ч Форд өөрийн автомашин хийх мөрөөдлөө биелүүлж чадсан юм. Гэвч сонин зангай зохион бүтээгч амжилтад хүрэх болоогүй л байв. Тэр автомашины үйлдвэр байгуулсан ч дампуурч. Дахин нэгийг байгуулсан ч мөн ялгаагүй тун хурдан дампуурч. 1902 онд 39 настай Генри хоёр удаа бүтэлгүйтсэн ба нөхцөл байдал ч түүнд таагүй байсан юм. 1900-1908 онуудад нийт 500 автомашины үйлдвэр байгуулагдсанаас цөөн хэд л тогтсон.Генри Фордоос зориг, тэвчээр муутай нэгэн аль хэдий нь өгөх байсан.

       Магад уралдааны машин сайн зохион бүтээгч гэх алдар нь түүнд тус болсон байж магад /1902 онд Барни түүний нэг загварыг унаж 5 милийг 5 минут 28 секундэд дээд амжилтыг тогтоосон юм/. Тэр 1903 онд зөвхөн 28 бэлнээр, нийт 150 мянган анхдагч хөрөнгөтэй "Фордмотор" компаниа байгуулав. Дээрх мөнгийг Детройтын нүүрсний тэргүүлэгч үйлдвэрлэгч Александр В.Малкомсон гаргасан ба харин Генри Форд уг үйлдвэрт зөвхөн өөрийн авъяас болон туршлагаа оруулсан юм. Тэдний даруухан анхны амжилт бусад хөрөнгө оруулагчдын анхаарлыг татжээ. Фордын анхны загваруудыг уригдаж байсан мэргэжилтнүүд зохион бүтээж байв. Жишээ нь ах " Дож нар. Хожим тэд түүний өрсөлдөгч болсон юм. Чухам энэ үеэс эхлэн Фордын хүсэл мөрөөдөл биелэж эхэлсэн юм. Тэр "Тин Лиззи" - "Төмөр Лиззи" гэх алдарт "Т" загвараа 1908 онд үйлдвэрлэж эхлэв. Энэ үед Форд болон түүний инженерүүд өдөр шөнөгүй ажилладаг үе байв. Форд азтай гэж итгэн эх нь түүнд өгсөн эргэдэг сандал дээр байнга суудаг байв.

Тэр үед ихэнх автомашинууд мянга ба түүнээс дээш долларын үнэтэй байсан бол Форд машина 345 доллараар зарж байв. Автомашин баячуудын тансаг хэрэглээнээс энгийн америкчуудын хэрэглээ болсон юм. Фордын "Т" загварыг "Тээврийн хэрэгслийн түүхэнд гарсан аугаа автомашин" гэж нэрлэдэг байв.Дундаж орлоготой хүмүүс автомашиныг нь худалдан авах боломжтой байлгах үүднээс Форд үйлдвэрлэлээ бүрэн шинэчилж дэлхий дээр хамгийн оновчтой үр ашиггай үйлдвэрлэлийн урсгал Дамжлага бий болгосон юм. Гар хийцийн ширхэгийң эд ангийн оронд тэр стандартчилсан угсрах эд анги хэрэглэж эхлэв. Эхний үед "Т" загвар улаан, хар, хөх ба саарал өнгөөр хийгдэж байсан бол 1914 оноос эхлэн урсгал дамжлага нэвтрүүлснээр зөвхөн хар өнгийн автомашин хийдэг болов. Форд угсралтын цехээ туршилтын талбай болгосон байв. Анх Густав Свифт урсгал дамжлагын санааг дэвшүүлж,Сэмюел Кольт ба Генри Лиланд нар харилцан эдгорлуулж болох эд ангиуд болгож байв.
Форд бол эдгээр шинэ санааг өмнө нь байгаагүй хүрээнд өргөн хэмжээний үйлдвэрлэлд нэвтрүүлж чаджээ. 1913-1914 онуудад тэр нэгдсэн урсгал дамжлага нэвтрүүлсэнээр автомашины угсралтын ажил 728-аас 93 минут болтол багасгасан. Үйлдвэрлэлийн энэхүү тогтолцооны ажлыг жигдрүүлэхэд Фордод сонирхсон ажилчид хэрэгтэй болов.1914 онд ажлын нэг хоногт 5 доллар олгох шийдвэр гарган бизнесийн ертөнцийг алмайруулж байв тэр үед Детройтын автомашины үйлдвэрүүдэд мэргэжилгүй ажилтанд хоногт 1.80 доллар өгдөг байсан. Тухайн үед Фордыг дэвшингүй үйлдвэрлэгч гэж магтан шагшиж байсан боловч ажилчдад үзүүлэх "харамгүй" зан чанар нь цаанаа давхар санааг агуулж хожим нь тэр өөрийн үйлдвэрүүдэд үйлдвэрчний эвлэл байгуулахыг эрс эсэргүүцэж байсан билээ.1907 онд Форд Детройтын тансагт тооцогдох Эдисон-авеңю гудманд 285 мянган долларын үнэтэй улаан тоосгон байшин бариулсан, их баян болсон хойноо Диарборн хотдоо 2 сая долларын үнэтэй тансаг харш бариулжээ.
Байнга зовоож байсан ядуучууд болон хуурамч зохион бүтээгчдээс түүнийг хамгаалах зорилгоор манаачийн бүхээгийг байшингаас нь нэг милийн зайд байрлуулсан юм. Форд болон түүний хүү Эдсель нарын хамтын хөрөнгө нь 1920-оод онд 1.2 тэрбум доллар байсан гэдэг юм. Нью-йоркийн "Ивнинг Уорлд" сонин Форд энэ их мөнгөөрөө юу хийх вэ гэсэн таамаглалыг дэвшүүлж байжээ. "Ган трест", "Женерал моторс" эсвэл Төв төмөр замыг худалдан авах уу, эсвэл Америкийн 1925 оны улаан буудай, төмс болон тамхины бүх ургацыг худалдан авч магадгүй гэх мэт.Форд баян тансаг байдал, чимээ шуугианд тун дургүй хүн байв. 1939 онд Их Британийн хааны гэр бүлийг хүлээн авах арга хэмжээнд урьсан АНУ-ын ерөнхийлөгч Франклин Рузвельтын урилгыг тэр хүлээн аваагүй учир нь протоколын дагуу ут арга хэмжээнд гэргийн хамт оролцох ёстой байсан боловч тэр өдөр түүний эхнэр цэцэрлэгчдийн клубын хуралд оролцож байсан юмсанжээ.Мэдээж зөвхөн мөнгө түүний сонирхол байгаагүй юм.

Хэсэг хөрөнгө оруулагчид түүнд болон хүүд нь компаниа миллиард гаран доллараар худалдах саналыг гурван удаа дэвшүүлж байсан боловч тэр "Би мөнгөтэй боловч ажилгүй болчихно шүү дээ" гэж хариулж байсан гэдэг. Түүнээс хөрөнгийн хэмжээг асуухад Форд "Энэ бол миний сонирхдог зүйл биш" гэж хариулдаг байв. Банкны чекээ тэр дандаа халаасандаа авч явдаг байсан ба нэг удаа халааснаас нь 85 мянган долларын чек унаж, бас нэг удаа хими цэвэрлэгээнд өгсөн пижакнаас 125 мянган долларын чек олдож байсаң гэж ярьдаг.Форд өөрийн найзууд болох Томас Эдисон, Харви Файрстоун ба байгаль судлаач Жон Бэрроу нартай салхинд гарч амрах дуртай. Мэдээж өөрийн компанийн автомашинаа унаж. Нэг удаа унаж явсан Форд~Т машины гэрэл шатаад замын хажуу дахь бензин түгээгүүрт чийдэн авахаар орж гэнэ. Та харна уу, тэр машинд сууж байгаа хүн бол чийдэн зохиосон хүн шүү дээ, гэж Форд эзэнд нь хэлж.

- Эдисон өөрийн биеэр байна гэж үү? гэж тэр хүн гайхан асууж.
- Тийм, өөрийн биеэр байна. Харин хажууд нь суугаа хүн бол Харви Файрстоун, би бол Генри Форд байна гэж инээмсэглэн хэлэхэд нь:
- Худал ярихаа больж үз. Тэр сахалтай этгээдийг та бас Санта-Клаус гээд хэлчих. Тэгвэл би шерифыг дуудна шүү, гэж Жон Бэрроугийн бавгар сахал руу заан хөхөрсөн гэдэг.Автомашины магнат тэр "ухаантангуудад" дургуй бөгөөд "бүгдийн тухай бөгөөд юуны ч тухай биш" яриаг огтхон ч тэвчдэггүй байж. Нэгэн удаа тэр "Би номонд дургүй. Тэдгээрийг уншсанаар толгойд бүх зүйл хутгалдаж орхидог" гэж хэлсэн байдаг.Форд Мичиган мужаас Сенатад нэр дэвшиж бүтэлгүйтснээс хойш 1918 онд "Диаборн индепендент" сонин эрхлэн гаргаж эхэлсэн. Тэр өөрийн сонгогдож чадаагүй явдлыг еврей гаралтай сонгогчдоос болсон гэж үзэж байв.
Форд болон түүний редакторуудын еврей үндэстний эерэг байнга өдөөн хатгадаг байсан нь уг сонины дугаарын тоог 1923 оны байдлаар 472 мянган ширхэгт хүргэж. Тус сонин "Еврейчууд ба дэлхий нийтийн асуудал" гэх мэтийн антисемит агуулга бүхий сурталчилгаа явуулдаг байсан нь Форд еврей гаралтай хуульч Арон Шапиротой 1925 онд тулгарах хүртэл үргэжилсэн юм. Шапиро шүүхэд нэг сая долларын нэхэмжлэл гаргасныг шүүх ёсоор болгож. Иймд Форд Исемит үзлээсээ албан ёсоор татгалзаж, Шапирогоос уучлалт гуйхад хүрсэн бөгөөд дээрх сонин 1927 онд хаагджээ. Үүний сацуу Форд дайныг хамгийн их хүчтэй эсэргүүцэгчдийн байв. 1914 онд дэлхийн нэгдүгээр дайн дэгдэхэд түүнийг зогсоох зорилгоор далайн хөлөг онгоц хөлслөн 150 америк Дтэй хамтран европчуудыг дайнаа зогсоохыг ятгахаар Европ явсан. Энэхүү "энх тайвны хөлөг онгоц" сэдсэн явдал нь хэвлэл мэдээлэлийнхний инээдийг хүргэж байж. Дайн зогсоох аргагүй гэдэг нь тодорхой болонгуут Форд өөрийн үйлдвэрүүдээ цэрэг дайны чиглэлд өөрчлөн ачааны тэрэг, танк үйлдвэрлэж эхлэв.

Хожим Дэлхийн хоёрдугаар дайн эхлэхэд ная дөхөж байсан форд дэлхийн хамгийн том нисэх онгоцны үйлдвэрийг байгуулан Б-24 бөмбөгдөгч үйлдвэрлэж эхэлсэн юм.Форд нэг бодол санаанд хөтлөгддөг хүмүүсийн нэг гэҗ хэлж болно. "Алтан хурим"-ын өдөр нэг сурвалжлагч түүнээс "Тогтвортой гэр бүлийн нууц нь юунд оршино вэ?" гэж асуухад "Энэ бол машин үйлдвэрлэхтэй адил, зүгээр л нэг загвараа хийж байхад л болно" гэж хариулсан байдаг. Гагцхүү нэг л бодол санаа дээр хамаг анхаарлаа төвлөрүүлэн ажиллах нь бизнесмен Фордын агуу их хүч мөн тэр хирээр сул тал нь байсан. Бүрэн чөлөөтэй байх гэж тэр хамтрагчдаасаа эзэмшиж байсан хувь хэмжээг нь худалдан авсан билээ. Гэвч түүний ягшмал хатуу арга барил болон захиргаадалт зэрэг нь компанид муугаар нөлөөлж эхлэв.Автомашин үйлдвэрлэгч бусад компани үйлдвэрлэлээ өөрчилж байхад Форд түүнд амжилт авчирсан загвараа үйлдвэрлэсээр байв.

1923 онд тэдний корпораци зах зээлийн 55% хянаж байсан байр сууриа алдаж буй нь түүний анхаарлаас мултараагүй. Их хямралын үед тэдний компани маш их хэмжээний алдагдал хүлээж нэгдүгээр байрнаас гуравдугаар байр луу ухарсан байв. Эцэгтээ тусалж байсан цорын ганц хүү Эдсель 1943 онд 49 настайдаа өөд болж өдөр ирэх тусам хэцүү болж байсан ч 80 настай Форд ганцаараа компаниа удирдсаар байв. Энэ мөчид Эдселийн хүү Генри усан цэргээс халагдан гэр бүлийн бизнест туслахаар Мичиганд ирсэн юм. Харин Форд компаний удирдлагыг аюулгүйн албаны дарга Гарри Беннетэд шилжүүлэх зорилготой байв. Беннет Фордын үйлдвэрүүд дээр тус салбарын Нэгдсэн Үйлдвэрчний хорооноос нэгж байгууллагаа байгуулах гэсэн оролдлогыг няцааж чадсан хүн юм. Байдал тун хурцдаж ач хүү Генри нь ажил дээрээ галт зэвсэгтэй ирдэг болж. Аажмаар Генригийн эхнэр Клара болон эх Элеонора нарын зүгээс үзүүлж байсан дарамт шахалт мөн компани дотор бага Генрийг дэмжиж байсан зэрэг нь Форд шийдвэрээ өөрчлөхөд хүргэсэн.

1945 онд Элеонора хүү нь компанийг удирдахгүй бол өөрийн мэдэлд буй 42 хувийн хэмжээтэй хувьцааг зарна гэж айлгасан юм. Компани гэр бүлийн мэдлээс гарч болзошгүй гэж болгоомжилсон Форд буулт хийж ерөнхийлөгчийн суудлаа 28 настай ач хүүдээ тавьж өгчөө. Ач хүү Генри Роберт Мак-Намару ба Аржей Миллер нар авъяаслаг менежерүүд хөлслөн, компаний ажлыг шинэчлэн өөрчлөж эхэлсэн билээ.Татварын хэмжээг багасгах зорилгоор Фордын хөрөнгийн дийлэнх хэсгийг ихэнхдээ хувьцаа байсан Фордын сан гэгчид щилжүүлсэн юм. Корпорацийг гэр бүлийн хяналтанд байлгахын тулд хувьцааг энгийн болон давуу эрхтэй гэж ангилжээ. Давуу эрхтэй хувьцаа үндсэндээ гэр бүлд үлдсэн. Сонирхуулан хэлэхэд: филантропийг хэзээ ч хүлээн зөвшөөрдөггүй бөгөөд түүнийг эсэргүүцдэг байсан Форд дэлхийн хамгийн том хувийн сангуудын нэгийг байгуулсан юм /Гэхдээ бүх насны турш Форд нийт 37 сая долларыг филантропи үйл ажиллагаанд зарцуулжээ/. Фордын гэргийн Клараг 1950 онд нас барахад уг сан компаний их хэмжээний хувьцааг өвлөн авчээ.Зөвхөн Фордын сан компаний хувьцааг зарах эсэх асуудлыг шийддэг байсан юм.

1956 онд уг сан 7 сая долларын хувьцаа заруулахаар гэр бүлийн гишүүдийг ятгаж чадсан юм. Гэр бүлийн гишүүд шийдвэрлэх эрхээ хадгалж чадна гэдэгт итгэлтэй байсанж. Гэвч дээр дурьдсан хувьцааг зарсанаар нийт 350 мянган санал өгөх эрхтэй хувьцаа эзэмшигчид давамгайлах болов. 1976 онд Элеонораг нас барахад дээрхээс илүү их хэмжээний гэр бүлийн хувьцаа зарагджээ. Гэхдээ 1989 онд "Форчун"сэтгүүлийн мэдээлсэнээр Фордын үр удмууд 2 миллиард долларын хувьцаа эзэмшиж нийт саналын 40% хянаж байсан.2-р Генри Форд 1979 онд огцортлоо 35 жилийн турш компаниа чанга гараар атган удирдаж ирсэн. Аливаа маргаанд шийдвэрлэх үг түүнийх байв. Тэр огт эргэлзэлгүйгээр ажиллагсадаа халдаг бөгөөд 1978 онд хожим нь "Крайслер"-ыг толгойлсон Ли Иаккакийг ерөнхийлөгчийн албан тушаалаас огцруулсан билээ. 2-р Генри Фордынхны сүүлчийн тэргүүлэгч байсан юм.Гэр бүлийн мэдэлд үлдээх гэж түүний үхэн хатан зүтгэж байсан компаңи нь одоо олон эзэдтэй болсон бөгөөд үйл ажиллагааг нь мэргэжлийн менежерүүд удирдаж байна.