эрүүл, бөгөөд байгалийн аргаар тураахыг хүссэн бүсгүй таны хүнсний жагсаалтанд одоо шоколад, зайрмаг, цагаан талх, пицца зэргийн оронд доорх 30 хүнс байрлах ёстой. Эдгээр хүнс нь таны биеээс өөх тос, хэрэггүй бодисыг гаргаж, оронд нь уураг, шим тэжээлээр хангах үүрэгтэй юм.

1. Тослог багатай сүү (2%)- Тослог багатай сүү бол хамгийн эрүүл цагаан идээ юм. Энэ нь өөх тосоор бага хирнээ уураг, кальци, фосфор, B витаминаар баялаг унд юм. Мөн тослог багатай бяслагийг ч оронд нь хэрэглэж болно. /калорийн хэмжээ-122/

2. Йогурт- Амттай юм болгон хортой байдаггүй нь аз. Йогурт ууснаар та их хэмжээний уураг, кальцаар хангагдах болно. Мөн жимстэй тараг нь B12, потассиумаар ч баялаг байдаг. /калорийн хэмжээ-137/

3. Гадил- Өөх тос, холестролын хэмжээ бага амттаны нэг. Гадил жимс нь C, B6 Витаминаар баян. Гадил жимсээр та гэрийн нөхцөлд шейк хийж, эсвэл дангаар нь ч идэж болох юм. /калорийн хэмжээ-200/

4. Жүрж- Жүрж жимс бол жингээ хасахыг хүссэн бүсгүйчүүдийн идэж болох хамгийн эрүүл хүнс юм. Нэг ч хувийн өөх тос агуулаагүй мөртлөө, энэ жимс танд өдөрт шаардагдах витамин C-ний чинь 160 хувийг хангаж чадна. /калорийн хэмжээ-87/

5. Алим- Сод, холестрол багатай, өөх тосгүй энэ жимсийг өдөрт нэгийг идээд байхад таны дархлаа сайжирна. /калорийн хэмжээ-90/

6. Гүзээлзгэнэ- Хамгийн эмэгтэйлэг жимс гэгддэг гүзээлзгэнийг тэгж нэрлэх нь ч аргагүй. Учир нь энэ нь бүсгүй хүний бие галбирыг хадгалж, жингээ барихад нь тусалдаг. Тал аяга хэрчсэн гүзээлзгэнэ нь таны өдрийн C витамины хэрэгцээг 149 хувиар хангана. /калорийн хэмжээ-49/

7. Абрикос- Абрикосоо идээд А витаминаараа хангагдаарай. /калорийн хэмжээ 73/

8. Нэрс- Нэрс жимсний ач холбогдлыг дурдаад баршгүй. Нэрсний өөх тос, калори, сод, холестролын хэмжээ бага бөгөөд энэ жимс нь потассиум, C витамин хоёроор баялаг юм. Нэрс нь бодисын солилцоог дэмждэг учраас жин хасахад нөлөөлнө. /калорийн хэмжээ 84/

9. Тарвас- Энэ жимс нь таныг шингэнээр болон олон төрлийн витаминаар хангана. Хичнээн их тарвас идсэн ч хэзээ ч жин нэмэхгүй. /калорийн хэмжээ-46/

10. Брокколи- Броколлины талаар хэлэх муу үг байхгүй. Энэ нь таны витамин C-ний өдрийн хэрэгцээний 135 хувийг хангаж чадна. Мөн А, Е, В6, К витаминаар баялаг. /калорийн хэмжээ-31/

11. Лууван- Луувангийн ашиг тусын талаар ярих нь илүүц биз. Маш бага калоритой энэ хүнсний ногоог та өдөр тутам түүхийгээр нь хазаж идэж заншвал бүр сайн. /калорийн хэмжээ-5/

12. Спинач- /калорийн хэмжээ-7/

13. Хулуу- Чанасан хулуу таны биед нэн тустай. Холестрол, ханасан өөх, содыг маш бага хэмжээгээр агуулдаг ч олон төрлийн амин дэм болон ниацинаар баялаг юм. /калорийн хэмжээ-46/

14. Улаан лооль- Түүхий, лаазалсан, чанасан гээд аль нь ч бай улаан лооль танд ашигтай. /калорийн хэмжээ-27/

15. Сонгино- /калорийн хэмжээ-64/

16. Бүхэл үрийн талх- Бүхэд үрийн талх нь аппетит хөдөлгөх өвөрмөц үнэртэй, цагаан талханд байхгүй сайхан амт бий. Цагаан талхыг бодвол өег учраас дахин дахин их хэмжээгээр хоол идэх хүсэл төрүүлэхгүй, мөн гэдэсний гүрвэлзэх хөдөлгөөнд сайн болохоор таны биеэс хэрэггүй зүйлсийг гадагшлуулна. /калорийн хэмжээ-69/

16. Бор будаа- Бор будааг цагаан будаа болгохын тулд доторхи B3, B1, B6 витаминуудынх нь 80 хувийг устгадаг гэдгийг та мэдэх үү?Мөн фосфор, төмөрний 50 хувийг нь үгүй хийдэг. Тиймээс хамаагүй шим тэжээл багатай цагаан будааг хэрэглэх хэрэг юу байна? /калорийн хэмжээ-229/

17. Бүхэл үрийн “өглөөний хоол”- Үр тари, үзэм, хатаасан жимс зэргийг хольсон “өглөөний хоол” манайд элбэг худалдаалагдах болсон. Гэдэсний гүрвэлзэх хөдөлгөөн, хоол боловсруулах эрхтэнд сайнаар нөлөөлж, зүрх судасны үйл ажиллагааг сайжруулдаг энэ амтат хоолыг хэрэглэж заншвал та лав дахиж их хэмжээний шоколаданд дурлахгүй байх байсан даа. /калорийн хэмжээ-110/

18. Арвайн гурил- Гадуур худалдаалагддаг арвайн гурилыг сүү, элсэн чихэр, эсвэл зөгийн балаар зуурч, атгаж идвэл маш амттай бөгөөд биед хоргүй дессерт болж чадна. Бусад бүх үр тарианы ашиг тус арвайнд ч бас бий. /калорийн хэмжээ-193/

19. Өөхгүй үхрийн мах- Зарим бүсгүйчүүд жингээ барина гээд махныхаа хэрэглээг эрс багасгадаг. Энэ нь Монгол хүний бие махбодид төдийлөн тохиромжгүй арга юм. Үүний оронд өөхгүй мах хэрэглэж занших хэрэгтэй. Үхрийн мах идэхгүй удаан явбал таны бие шаардлагатай уураг, төмөр, цайраар хангагдаж чадахгүй. /калорийн хэмжээ-312/

20. Арьснаас нь салгасан тахианы цээж мах- Тахианы махны ихэнх өөх тос нь арьсандаа агуулагддаг. Тиймээс арьснаас нь салгасан тахианы цээж махыг идвэл та жин нэмэхгүй бөгөөд уургаар хангагдах болно. /калорийн хэмжээ-100/

21. Гахайн мах- Гахайн мах нь улаан махан дундаас хамгийн эрүүлд тооцогддог. Гахайн махны өөх нь ханаагүй байдаг учраас таргалуулдаггүй, харин цусны холестролын хэмжээг багасгадаг. Мөн шингэц сайтай гэдгийг мэдэхэд илүүдэхгүй. /калорийн хэмжээ-200/

22. Лаазалсан туна загас- Лаазалсан туна загас нь омега-3 хүчлээр баялагучраас цусан дахь HDL ашигтай холестролын хэмжээг нэмэгдүүлдэг. Мөн зүрхний өвчлөлийг бууруулна. /калорийн хэмжээ-60/

23. Лаазалсан салмон загас- Омега-3, B-12, В6, магни, уураг, витамин D-гээр баялаг загасаар хачиртай талх, салат хийхэд нэн тохиромжтой. Өөрийн гэсэн өвөрмөц амттай энэ загас нь идсэн хүнийхээ тархинаас ялгарах аз жаргалын гормоныг нэмэгдүүлдэг гэсэн яриа бий. /калорийн хэмжээ-118/

24. Тосгүй эрдэнэ шиш- Бяслаг, карамел, тостой попкорны оронд үл ялиг давстай, натураль попкорныг сонгож идвэл энэ нь таны зууш идэх хүслийг намжаах болно. Уураг, шим тэжээлээр ч баялаг юм. /калорийн хэмжээ-120/

25. Нимгэн жигнэмэг- Хэрэв та жигнэмэгний “фэн” бол шоколадтай, чихэр ихтэй жигнэмэгний оронд бүхэл үрийн гурилаар хийгдсэн нимгэн жигнэмэг (crackers)-ийг сонгоорой. Авахаасаа өмнө найрлагыг нь харахыг зөвлөж байна. Их хэмжээний сахар, цагаан гурил, фруктозтой жигнэмэгнээс зайлсхий. /калорийн хэмжээ-160/

26. Самар-Өндөр хэмжээний калори, өөх тос агуулдаг хэдий ч өдөрт 30 грам орчмыг идэхэд самар таныг E витамин, фолийн хүчил, магни, уургаар хангаж чадна. /калорийн хэмжээ-150-200/

27. Компот- Одоо шинэ жимсний улирал дуусах дөхөж байгаа учраас лаазалсан жимсийг орлуулж хэрэглэсэн ч болох юм. /калорийн хэмжээ-110/ v

28. Хатаасан ногоо- Гадуур худалдаалагддаг чанасан ногооны хатаамал нь таны чипс идэх хүслийг дарах болно. Та өөрөө ч лууван, төмс зэргийг хатааж хэрэглэж болох юм. /калорийн хэмжээ-150/

29. Хатаасан жимс- Хатаасан жимсийг салат, жигнэсэн будаа зэрэг юутай ч хольж олгож болдгоороо давуу талтай. Хаана ч бариад явахад тохиромжтой авсаархан савлагаатай байдаг хатаасан жимснүүд нь төрөл бүрийн амин дэм, кальци төмрөөр баялаг байдаг. /калорийн хэмжээ-85-100/

30. Жин хасах зориулалттай амттан- Будаа болон үр тариагаар хийгдсэн шоколадтай амттан хүнсний дэлгүүрүүдээр түгээмэл болжээ. Гол нь та тэр дундаас элсэн чихэрийн сироп, хүнсний будаг ороогүй бүтээгдэхүүнийг сонгох хэрэгтэй. Энэ нь таны чихэр идэх хүслийг дарах болно. /калорийн хэмжээ-100-200/