Анхаар! Троллейбуснаас “тог” цохиж байна

2011-11-18

Нийтийн тээврийн хэрэгслийн үйлчилгээний чанар гэж авах юмгүй болжээ.

Өчигдөр Сүхбаатарын талбайгаас 4-035 грашийн дугаартай Вокзал-Ботаникийн чиглэлийн тролейбусанд суух гэж байгаад шатан дээр нь гишгэж тогонд цохиулаад саваад уначихав. Тогонд цохиулаад шүү дээ. Тэгээд “Тог цохиод байна шүү дээ” гэж хэлэхэд хээв нэг тоосон ч шинжгүй хаалгаа хаагаад яваад өгчихөв. Хэрэв настай хүн эсвэл ямар нэг өвчтэй хүн байгаад тэр дороо амь насаа алдахад хүрвэл хэн хариуцах вэ. Шатан дээрээс нь хүн унаж байхад хаалгаа хаагаад хаяад явчихаж байгаа нь тэднийг хэн гэдэг, бас ямар ухамсарт хүн гэдгийг нь харуулах биз. Хэрэв маниас өөр өндөр настай хүн байсан бол гэж бодоход харамсмаар. Хэрэв хүн тогонд цохиулснаас болж эрүүл мэндэд нь сөргөөр нөлөөлвөл тэд хаяад л явах юм байна. Тогонд цохиулаад шатан дээрээс нь унаж байхад тоосон шинжгүй хаалгаа хаадаг, хаазлаад “давхидаг” тэд ер нь хэн юм бол.

Аль ч нийтийн тээврийн хэрэгслийн цонх, ханан дээр нь СОЁЛТОЙ ҮЙЛЧҮҮЛЭХ хэрэгтэй гэсэн үг хадаж, мөнгө хураадаг хэрнээ тэд өөрсдөө соёлтой байгаа нь тэгээд энэ гэж үү. Автобусанд нь суусан хүнээс загнаж мөнгө хураагаад, тааруухан хувцасласныг нь хяламхийлж, хөнгөлөлттэй явдаг хэдийг нь чимхэж, нүд үзүүрлэдэг тэд тэгээд хүнээс соёлтой харьцахыг хүсэх эрхтэй гэж үү. Өнгөрсөн жил хотын дарга нь нийтийн тээврийн соёл, чанар шалгахаар автобусаар үйлчлүүлэхэд нь мөнгө өг гэж нэхэж нааш, цааш нь түлхэж, муухай харж байсан удаатай. Түүнээс болж нийтийн тээврийн хэрэгслийн жолооч, кондукторын соёлтой харьцаанд анхаарахыг үүрэг болгосон удаатай. Тэр ч бүү хэл, хөлчүү явсан нэгнийг автобусны кондуктор түлхэж унагаснаас нас барж байсан тохиолдол ч бийг санаж байгаа байх. “Тэнүүн-Огоо” ХХК-ийн автобусанд суусан 53 настай зорчигчийг кондуктор нь түлхэснээс нас барсан. Тэр үед ч мөн адил түүнийг орхиод явсан байсан.

Саяхан Дэнжийн-1000-Улиастайн чиглэлийн автобусанд жирэмсэн эмэгтэй өвдөхөд нь кондуктор нь “Маяглаж байгаа юм, буулгаад хаячих” гэж хэлэхэд нь зорчигчид загнаж байж түргэн тусламж дуудаж байж эмнэлэгт хүргэж байсан удаатай. Ер нь бол нийтийн тээврийн автобусанд архи уусан л бол шагайх эрх байхгүй. Архи уусан ч бай, эрүүл ч бай өгөх ёстой мөнгөө төлөөд явж байгаа хүн элдэв янзаар нь хэлэх эрх тэдэнд лав байхгүй байх. Нэгэн танил маань автобусанд явж байхад нь зорчигчийг “Үрчийсэн мөнгө өглөө” гэж загнаж байсан ч удаатай. Шархадны автобусаар үйлчүүлэгчид бол тэдний ямар харилцаатай, яаж үйчлилдэгийг нь төвөггүйхэн хэлээд өгөх биз. Хурд хэтрүүлж яваад гэнэт тормослоод хүний шүд хугалж байсныг ч сонсч байсан. Бид бол нийтийн тээврийн автобусаар үйлчлүүлэхдээ тэдний хэлснээр л байж, шинэ мөнгө өгч, зогс гэсэн газар нь зогсч байх ёстой юм байх.

За тэгээд оюутнууд, өндөр настанууд бол кондукторуудын нүдний гэм л гэсэн үг. Тэднийг ороод ирэхээр л цааш, нааш нь түлхээд л дугдчаад л ёстой л нэг өөрийнх нь унаанд сууж байгаа юм шиг авирлана. Хотын захын чиглэлийн автобуснууд бол оройн цагаар оюутнуудыг авахгүй санаатай шүү. Хаяад л явчихна. Хууль журмандаа бол нийтийн тээврийн хэрэгсэл зогсох хүртэл үйлчүүлнэ гэсэн байдаг. Оройн цагаар бол бага сургуулийн жаалуудыг бол бүр ч авахгүй. Мөнгө төлдөггүй болохоор ч тэр үү өвлийн хүйтэн, харанхуй шөнө ч байсан хамаагүй өөрсдөө хүүхэдгүй юм шиг л аашилна.

Үйлчилгээний байгууллага гэдэг нь үйлчлүүлж байгаа хүндээ соёлтой, боловсон харьцаж үйлчилгээ үзүүлэх нь тэдний эрхэм зорилго байх учиртайсан. Тэд бол нийтийн тээврийн хэрэгслээр үйлчүүлж байгаа хүнээс зохих ёсны хуулийн дагуу тогтоосон мөнгийг хурааж авах үүрэгтэйгээс биш хэн нэгнийг загнаж, харааж, хэл амаар доромжлон түлхэж унагах эрхгүй гэдгээ нэг санамаар юмсан. Кондуктор болохоороо яаж ч аашилж, юу дуртайгаа хэлдэг гэсэн буруу ойлголттой яваад байгааг холбогдох албаныхан нь бодох цаг болсон мэт. Бүхэл бүтэн улсын хотынх нь нийтийн тээврийн үйлчилгээ иймэрүү дүр зурагтайгаар бидний нүдэнд харагдаж байхад гадныханы нүдэнд бол их гайхмаар харагдах нь лавтай биз.

Соёлтой үйлчүүлэхийг биднээс хүсдэг хэрнээ тэд иймэрхүү л соёлтой үйлчилж байна шүү дээ. Хүнээс соёл хүсдэг хэрнээ тэд автобусаа цэвэрхэн байлгаж, хоггүй, тохилог орчинд соёлтой үйлчилж чаддаг билүү. Хүнээс соёлтой байхыг хүсэхээсээ өмнө өөрсдөө соёлтой байж, хүнлэг чанар хүнээс нэхвэл ямар вэ.

Ш.ЧИМЭГ

Анхаар! Троллейбуснаас “тог” цохиж байна
Tweet
Bolod.mn

Сэтгэгдэл (10)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Жолооч та тээврийн ********бан татвараа төлж амжсан уу. Хаана хэдэн төгрөг төлөхөө мэдэхгүй байгаа бол...Авто тээвэр, аял******** жуучл********ын төвлөрсөн лавлах 19001973-аас лавлаарай.

2014-05-21 | 13:01:22 | 103.26.194.3 |

Зочин
абтобусаа дандаал угааж байдаг ш дээ

2012-10-07 | 09:47:43 | 202.9.47.131 |

Зочин
абтобусаа дандаал угааж байдаг ш дээ

2012-10-07 | 09:47:42 | 202.9.47.131 |