түүний ажлын албаныхантай харьцахад Каддафигийн ойрын хүрээнийхэнтэй танилцах боломж олдсон бөгөөд энэ үеэр түүний хувийн сонирхлыг тун ойроос мэдрэх боломжтой болсон юм. Хүн чанартай Каддафи Х-д ихээхэн найдлага тавьдаг бөгөөд мэдээлэлд дурдсанаар бол өөрийн хувийн украин сувилагч Галина Колотницкая үгүйгээр ийш тийш аялж чаддаггүй гэнэ. Үүнээс гадна тэрбээр өндрөөс айдаг бөгөөд зочид буудлын дээд давхарт байрлах тун дургүй, айдаг бөгөөд их усан дээгүүр нисэхээс зайлсхийдэг аж. Нөгөөтэйгүүр, морин уралдаан болон фламенко бүжгийг тун их сонирхдог байна. Саяхан түүнийг Нью-Йорк руу айлчлах үед домогт эмэгтэй хамгаалалтын албаны үүрэг нь улам бүр багасч түүнийг гагцхүү нэг л эмэгтэй бие хамгаалагч дагалдаж байв.

Хувь хүний хувьд Каддафи өөрийн айдаст тусгалаа олдог

2. НҮБ-ын Ерөнхий чуулганд явахаар бэлтгэл ажлаа хангаж байх үед нь Муаммар аль-Каддафитай уулзахад түүнийг хувьсамтгай, өвөрмөц хүн гэж ярьдаг нь тодорхой болов. Каддафигийн ажлын албаныхан АНУ-д хийх түүний айлчлалыг бэлтгэж эхлэх үед түүний 40 жил засгийн эрхийг барьсан хугацаанд янз бүрийн сонирхол хийгээд айдас хүйдэс нь зохион байгуулалтын бүхий л зүйлээс илрэлээ олж байжээ. Каддафид виз авахаар хандсан хүн их удирдагч өөрийн зургийг консулын газрын дүрэм журмын дагуу өгөх ёстой юу хэмээн асуув. Учир нь, Каддафигийн гэрэл зургуудыг бүхий л хот даяар олж харж болох бөгөөд олон зуун самбараас дуртайгаас нь зураг дарж визэнд шаардлагатай хэмжээнд нийцүүлэн зургийг нь ашиглаж болохгүй юу гэж асуув. Консулын газар дүрэм журмаа биелүүлэхийг шаардсан тул их удирдагчийн гэрэл зургийг гагцхүү виз мэдүүлэхэд зориулан хүссэн, хүсээгүй бэлтгэж өгөхөө зөвшөөрөхөд хүрсэн юм.

3. Х-ийг Каддафид тохирсон орон байр хайж байх үед их удирдагч түүнд зориулан түрээсэлсэн байрны заавал ч үгүй нэгдүгээр давхарт байх учиртай гэж Х бидэнд мэдэгдэв. Х АНУ-ын Вашингтон хот дахь албаны хүмүүст албан ёсоор мэдээлэхдээ Каддафи 35-аас илүүгүй шатны гишгүүрээс дээш гарч чадахгүй гэж мэдэгджээ. Х Нью-Жерси дахь Ливийн эзэмшил газар Каддафид зориулан байр бэлдсэн гол учир шалтгаанаа ийнхүү тайлбарлав. Х мөн Каддафид зориулж бедуины /Арабын нүүдэлчин/ асар босгох талбайтай газар хайж олохыг оролдсон бөгөөд Каддафи уламжлал ёсоор тэрхүү асартаа уулзалт зохион байгуулж, зочдыг хүлээн авч, нөгөөтэйгүүр өөрийн соёлын өвийг чанд хадгалан уламжилж байгаа хүн гэдгээ ойлгуулахыг хичээдэг нэгэн байв.

4. Каддафи олон цагийн нислэгт тун дургүй байсан бөгөөд их усан дээгүүр нисэх үед тэрбээр айдаст автаж, түүний тамгын газрынхан нэмэлт зохион байгуулалтын асуудалтай тулгардаг байв. Элчин сайдын яамны ажилтнууд нислэг хийх зөвшөөрлийг харилцан ярилцах үеэр Х хэлэхдээ Ливийн төлөөлөгчид Португалиас ирэх болно гэв. Учир нь, Каддафи нэг удаад найман цагаас илүү нисч чаддаггүй бөгөөд үүний улмаас Нью-Йорк руу хийх айлчлалаа хийхээс урьтаж Европт нэг хоног саатахаас өөр аргагүй гэв. Тэрхүү ярианы үеэр Х мэдээлэхдээ "Каддафи усан дээгүүр нисэх дургүй" хэмээв. Яг ийм шалтгаанаар Каддафигийн тамгын газрынхан есдүгээр сарын 29-нд Венесуэлээс Ливи рүү хийх гэж байсан түүний нислэгийг тасалдуулахын тулд Ньюфаулендад (Хойд Америкийн зүүн хойд эрэг дагуу орших арал бөгөөд Канадын Ньюфауленд ба Лабрадор мужийн нэгээхэн хэсэг юм)түр саатахыг хүсчээ.
Жич: Саяхан Канадын Засгийн газар Ливийн төлөөлөгчид Ньюфаулендад буухаар төлөвлөж байсан ч түр зогсолтоо өөрчилсөн тухай мэдээ ирүүлэв.

Хамаарал: Шилэгдмэл бүлэг хүмүүст найдсан нь

5. Байдлыг харахад Каддафи өөрийн итгэмжлэгдсэн цөөн тооны албатуудаас сэтгэл санааны хувьд бүрэн хамааралтай байдаг нь тодорхой болов. Энэ бүлэгт Каддафигийн айлчлалыг удирдан зохион байгуулахад чиглүүлэгч үүрэг бүхий Х-үүд ордог аж. Х НҮБ-ын Ерөнхий чуулганы бэлтгэл ажлыг Африкийн холбооны дээд хэмжээний уулзалтад бэлтгэх үетэй давхцуулсан бөгөөд тус уулзалт нь наймдугаар сарын 31-нд болж, маргааш нь буюу есдүгээр сарын нэгэнд Каддафигийн төрийн эргэлт хийсэн ойн баярыг тэмдэглэхээр тооцоолсон байв. Наймдугаар сарын 31-ний дээд хэмжээний уулзалт болон есдүгээр сарын нэгнийг тэмдэглэх зэрэг томоохон үйл явдлуудтай харьцуулахад эдгээр хүндхэн арга хэмжээний бүхий л жижиг, сажиг нарийн ширийн зүйлс ерөнхий хөтөлбөр болон хэвлэлийн төлөөлөгчид хаана байрлах хүртэл бүхий л зүйлийг нэгд нэгэнгүй тооцож үзсэн байдаг аж. Каддафигийн тамгын газрыг олон жил удирдаж буй Башир Салах Каддафигийн өдөр тутмын хувийн амьдралд мөн л чухал үүрэг гүйцэтгэдэг юм. Тэрбээр улаан өнгийн харилцуур утасны дэргэд үргэлж байх бөгөөд бодвол түүгээрээ Каддафитай холбоо барихад бэлэн байдаг ажээ. Үндэсний аюулгүй байдлын зөвлөх Каддафигийн хүү Муатассим эцгийнхээ хилийн чанад дахь аялалд туслах болон итгэмжлэгдсэн төлөөлөгчийн голлох үүргийг гүйцэтгэдэг тухай бид байнга сонсч байна. Муатассим урьдчилан төлөвлөсөн бүхий л хэвлэл мэдээллээр цацагдах үйл явдал дээр их удирдагчийн гаднах байдлыг үргэлжид анхаардаг байв.

6. Каддафи өөрийн хувийн сувилагч украин бүсгүй Галина Колотницкаяг шаргал үстэй сайхан бүсгүй хэмээн дүрслэн өгүүлж, түүнд ихээхэн итгэж найддаг бололтой. Дам сургаар бол их удирдагчийн эрүүл мэнд, сайн сайхны төлөө дөрвөн сувилагч ээлжлэн анхаарал халамж тавьдаг бөгөөд Х-ийн онцлон өгүүлснээр бол Элчин сайдын яамны ихэнхи ажилтнуудтай хийсэн ярианы үеэр Каддафи Колотницкаягүйгээр аялж чаддаггүй гэж яригдаж байв. Учир нь, ганцхан тэрээр түүний элдэв зуршлыг сайтар мэддэг нэгэн гэнэ. Колотницкаяд виз авахаар оройтож хандсан тул Каддафиг АНУ руу явах үед түүний виз гараагүй тул Ливийн Засгийн газар хувийн онгоц илгээж түүнийг Ливээс Португал руу хүргэсэн бөгөөд тэнд тэрээр их удирдагчийг амрахаар тухлан саатаж байх үед очсон гэдэг. Элчин сайдын яамны зарим нэг эх сурвалжийн мэдээлж буйгаас үзэхэд Каддафи болон 38 настай Колотницкая нар хайр сэтгэлийн холбоотой гэж нотлон өгүүлж байна. Саяхан Украин улсын нэгэн улс төрийн албан тушаалтан иймэрхүү дэл сул ярианд хариулт өгөөгүй боловч украин сувилагч нар их удирдагчтай хаа сайгүй хамтдаа аялдаг гэдгийг нотлон өгүүлэв.

Бүжгийн талбайгаас морин уралдааныг илүүд үзнэ

7. Каддафиг Нью-Йоркт айлчилж байх үеэр илэрсэн түүний хувийн сонирхол дээр нэмж хэлэхэд сүүлийн нэг сарын дотор Каддафи бүжиг болон соёлын арга хэмжээг нэлээдгүй сонирхох болов. Түүний засгийн эрхийг 40 жил тэргүүлсэн үйл явдалд зориулан хийсэн гурав хоногийн соёлын арга хэмжээний үеэр Украин, Тунис, Алжир, Египт болон Мароккогоос бүжгийн хамтлагууд ирсэн бөгөөд Мексик, ОХУ, Шинэ Зеланд зэрэг орны жүжигчдийн тоглолт, хамтлаг, дуучид уг арга хэмжээнд оролцсон билээ. Ялангуяа Каддафи Туарегийн морин уралдааныг ихэд сонирхон үзэж, бүхий л уралдааны турш инээд алдан алга ташиж байлаа. Уг баярын арга хэмжээнд оролцож байсан фламенкогийн бүжигчид үүнээс дутахгүй түүний анхаарлыг татсан тул Каддафи Севильяд тусгайлан саатахаар шийдсэн байна. Тэрбээр Венесуэлээс Ливи рүү буцах замдаа фламенкогийн бүжгийн үзүүлбэрийг үзэж сонирхохоор зорьсон нь энэ аж.
Жич: Гэвч энэхүү шийдвэрээ тодорхой бус учир шалтгааны улмаас өөрчилсөн байна.

Нью-Йоркийн ОPS (Office Public Safety-АНУ-ын төрийн агентлаг, нийгмийн аюулгүй байдлын алба) гэрэл зураг үгүй - Каддафи хамгаалагч хүүхнүүдээ гэртээ үлдээв

8. Каддафи мэргэжлийн эмэгтэйчүүдээс бүрдсэн бие хамгаалах албатай гэдгээрээ алдартай нэгэн билээ. Гэвч тэрхүү алба нь Нью-Йоркт хийсэн түүний айлчлалд оролцоогүй юм. Ливийн 350 хүний бүрэлдэхүүнтэй төлөөлөгчдийн баг дотор гагцхүү нэг л эмэгтэй бие хамгаалагч байв. Тэрхүү бие хамгаалагч бүсгүй Ливи болон хилийн чанадад Каддафиг олон нийтийн өмнө үг хэлэх үед дэргэд нь зогсдог бөгөөд түүний бараг албан ёсны бие хамгаалагч хэмээн тооцож болох юм. Триполи дахь ажиглагчдын үзэж байгаагаар их удирдагчийн хувийн хамгаалалтын албаны бие хамгаалагч эмэгтэйчүүдийн ач холбогдол улам бүр буурч байгаа аж.

9. Тайлбар: Каддафигийн хийж буй төрийн айлчлалууд болон өөрийн эх орон, хилийн чанадад зохиож буй янз бүрийн бага хурал болон дээд хэмжээний уулзалтууд дээр түүний хувийн чанар, зан ааш нэлээдгүй тодрон гарах болов. Хэдийгээр тэр тогтворгүй хүн боловч 40 жил засгийн эрхийг барихдаа бодит улс төрийн арга барил хийгээд ашиг сонирхлыг тун чадварлаг хослуулж чадсан эь түүнийг ойлгоход хүнд болгож байгаа юм. Каддафи болон түүний тойрон хүрээлэгч нартай хийсэн уулзалт яриа нь дарангуйлагчийн хүсэл сонирхол хийгээд түүний сэдлийг ойлгоход чухал байхаас гадна сүүлийн арван жил олноос тусгаарлагдсан Каддафигийн талаарх янз бүрийн худал төсөөллийг даван туулахад зайлшгүй хэрэгтэй байлаа. Каддафигийн аварга том хөрөг зураг руу Х зааснаа "Хэрэв та удаан хугацаанд нийгмээс тусгаарлагдсан бол хамгийн гол нь хүмүүстэй харьцах нь чухал" гэж бидэнд хэлэв.
Тайлбар төгсөв.
Гретц
О.Баяр (www.wikimon.mn)