ХЯТАДЫН НЭГ ИРГЭН МОНГОЛЫН ХОЁР ТАГНУУЛЧИЙГ ЭХ ОРНООСОО УРВАСАН ХЭРГЭЭР БАРИВЧЛУУЛААД БАЙНА

Тагнуулын ерөнхий газрыг шинэчилж байгаа гэж дарга Р.Болд сонин хэвлэлээр ярьж, хүчний байгуулагуудын дунд онол практикийн хурал хийж олон нийтэд мэдээлж байна. Тэгвэл  тагнуулын байгуулага шинэчлэгдсэн үү? гэсэн асуултад тус Монголын тагнуулчид  “Үгүй ээ урд ажиллаж байснаасаа улам дордсон”  хэмээн хариулж байх юм.  Р.Болд дарга ОХУ-д мэргэжил эзэмшсэн дадлага туршлагатай олон ажилтнуудыг ямар нэгэн замаар Тагнуулын байгууллагаас зайлуулж, оронд нь БХЯ-аас гологдсон,тэтгэвэртээ гарсан,тэтгэвэрт гарах болсон 10 гаруй хүнийг авчирч, газар, хэлтсийн дарга, ажилтан болгосноо шинэчилж байгаа гэж үзэж байгаа бололтой.

        Одоо ТЕГ-ын 75 хувь дөнгөж 10 жил  ажиллаж байгаа. Үүний 50 хувь нь дөнгөж гурван Тагнуулд ажиллаж байгаа дадлага туршлага нимгэнтэй нөхдүүд байгаа гэдгийг  ноён Р.Болд өөрөө сонин хэвлэлээр сайрхан ярьж байх юм. Мань эрийн хувьд онолын мэдлэг бага, дадлага туршлагагүй ажилтануудтай  байх сонирхолтой гээд хэлчихэд нэг их хилсдэхгүй. Саяхан уг байгуулагад нилээд олон жил ажилласан ажилаа мэддэг Тамгын газрын дарга хурандаа Д.Баатарыг БХЯ-наас хүн авахад саад болж байна, ТЕГ-ын Академийг авч үлдэж чадсангүй гэж загнан үүрэгт ажлаас чөлөөлж,  Д.Баатарт Тамгын газрын зөвлөх гэдэг шинэ орон тоо гаргаж өгчөө. Мань эр хурандаа Д.Баатарыг шууд ажлаас нь халах гэж зүтгэсэн ч хуучин хашир тагнуулчдын эсэргүүцлээс айсан бололтой. Нөгөө талаар ТЕГ-ын Тамгын газрыг удирдаж байсан Д.Баатар хурандаа Р.Болдын  “но”-г мэддэг учраас айсан ч байж магадгүй хэмээн манай тагнуулчид ярьцгааж байна.

Салбарын улс төрийн орлогчийн ажлаас шууд тагнуулч болсон дарга Р.Болд  аж ахуйн ажилд л анхааарахаас бус Монголын төрийн нүд чих болсон Тагнуулын байгууллагын үүрэгт ажилд санаа зовохгүй сууж байгаад олон хүн гайхаж байна. Монголын Тагнуулын Ерөнхий газрын дарга  байгууллагаа будах засах,шинэ тавилга авах,шинээр барилга байгууламж барих ажилд ихэнх цагаа зарцуулж, мөнгө хөөцөлддөг аж ахуйн нярвын ажил л эрхлэх болжээ. Хотын төвд байрлаж байсан тусгай ажиллагаа явуулдаг байсан зургаан давхар том байрыг дөнгөж 900-хан сая төгрөгөөр зарж, мөнгөөр нь шинэ байшин бариулахаар хөөцөлдөж  байгаа юм байх.

Тэгвэл өнөөдөр энэ байшингийн зөвхөн газар нь л гэхэдд 1-2 тэрбум төгрөгөөр үнэлэгдэж байгааг аж ахуйн ажилд гаршаад байгаа Р.Болд дарга мэдэхгүй сууж байгаа гэвэл хэн ч итгэхгүй. Тийм ч учраас Х.Болд дарга хотын төвийн байрыг танил тал ах дүүстээ хямдхан зарсан хэрэгт унаж, тагнуулынхан хэн, яаж авсныг мэдэхээр тагнаж байгаа сурагтай. 
Үүнээс гадна Тагнуулын даргын шийдвэрээр Төрийн холбоог Монголын цахилгаан холбоонд шилжүүлэх тухай асуудал яригдаж, олон хүний гайхшруулж байна. Төр засгийн удирдлагыг байнгын тасралтгүй найдвартай,нууцлалтай холбоогоор хангаж ирсэн олон жилийн түүхтэй Төрийн холбооны газрыг татан буулгаж, Солонгосын хөрөнгө оруулалттай компанид шилжүүлэх гэж буй нь яавч шинэчлэл биш гэдгийг бүгд хүлээн зөвшөөрч байгаа.  Төр засгийн холбоог гадаадын хөрөнгө оруулалттай хувьцаат компанид шилжүүлэх нь Монгол төрийн нууц ямар ч хамгаалалтгүй болж үлдэж буй эрүүл бус үзэгдэл гэж тагнуулчид толгойгоо сэгсэрч байгаа ч ноёны өмнө барлаг хүчгүйн үлгэрээр дуугарч ч чадахгүй бүлтэлзэж байгаа аж.

Хүн амины хэрэгт холбогдож шалгагдсан хэлтсийн дарга байрны мөнгөөр шагнуулав
Р.Болд даргыг байшин зарж, байшин бариулах ажил хөөцөлдөу явах зуур Монголын тагнуулын нэр хүнд шалдаа ортол унаж, дарга, ажилтнууд нь эх орноосоо урвасан, хахууль авсан хэрэгт орооцолдох болсоор удаж байна.
Баян-Өлгий дахь Тагнуулын газрын  дарга хурандаа Б.Болдбаатар  эх орноосоо урвагч, тагнуул барьсан хэмээн саяхан л шагнагдаж байсан бол өөөдөр  мандаад хятад иргэдийг дарамталж мөнгө авах гэсэн асуудлаар эрүүгийн хэрэг үүсгэгдэж шалгагдаж байгаа.
 Замын-Үүд дахь Тагнуулын газрын ажилтан “Д” авилга авсан хэргээр шоронд ял эдлэж байгааг Р.Болд дарга тас нууж, чимээгүй суусаар л  байна.

 Саяхан Дорноговь аймаг дахь Тагнуулын газрын ажилтан амиа хорлож нас барсан ноцтой хэрэг гарсан. Уртд нь Сэлэнгэ аймагт ажилладаг байсан талийгаач нас барахдаа цусаа ханаж, ханан дээр гэрээслэлээ цусаараа бичээд амиа хорлосон байсан гэнэ. Талийгаачийг Дорноговь аймгийн Тагнуулын хэлтсийн дарга дарамталдаг, элдвээр ад шоо үздэг байсныг гадарладаг ар гэрийнхэн нь энэн хэрэг гадны нөлөөтэй гэж үзэн гомдол гаргажээ. Энэ хэрэгт Дорноговь аймгийн Тагнуулын хэлтсийн дарга Г-г сэжиглэн цагдаагийнхан албадан саатуулсан ч хэргийг нэг тийш шийдсэнгүй.  Хүн амины хэрэгт шалгагдаж байсан Дорноговь аймгийн Тагнуулын хэлтсийн дарга  Г удалгүй суллагдаж, бүр болоогүй Р.Болд дарга түүнийг байр сууц авах мөнгөөр шагнаж урамшуулж, ажилд эргүүлж авсан байх юм. Ажилтнууд нь амиа хорлоод байвал Р.Болд дарга тэднийг шагнаж урамшуулж, байр сууцны мөнгө өгөөд байх бололтой. Мэдээж энэ асуудал Тагнуулын байгууллагын ажилтнуудын даргадаа итгэх итгэлийг улам бүр сулруулж, хэрэг төвөгт орооцолдсон, сенсааци шуугианы эзэн л Р.Болдод таалагддаг гэсэн явган яриа тархаад удаж байна. Дорноговь аймгийн Тагнуулын хэлтсийн дарга Г ажилтныхаа үхэлд холбоогүй байж болно. Гэхдээ байгууллага толгойлж байсан хүн ажилтнаа  муу удирдсан, боловсон хүчнээ зөв сонгож аваагүй гэх зэргээр энэ хэрэгт тодорхой хэмжээний хариуцлага хүлээх учиртай гэж тагнуулчид үзэж байгаа юм.

Монголын тагнуулын байгууллага, Хятадын тусгай албаныхны гар хөл болж байна
        ТЕГ-ын Сөрөх тагнуулын газрын  орлогч даргаар  ажиллаж байсан хурандаа В.Нямханд эх орноос урвасан хэргээр эрүү үүсгэгдэж,баригдаад жил гаруй болж байна.  Гэтэл уг хэргийг “Прокурорын байгууллагаас нотлох баримт хангалтгүй байна”  гэж буцаасаар өнөөдөртэй золгов. Өнөөдөр эх орноосоо урвасан хэргээр хоригдож байгаа В. Нямханд архи ууж,зодоон хийсэн хүмүүсийг харж зогссоныхоо төлөө ажлаасаа халагдаж байсан нэгэн. Нэгэнт үндэслэлгүйгээр халагдсан учраас тэрбээр Төрийн албаны зөвлөлд өргөдөл  гаргаж байсан аж.  Төрийн албаны зөвлөл В.Нямхандын өргөдлийг хүлээж авч хянаад “Хууль бусаар халагдсан байна. ТЕГ энэ хүний асуудлыг  шийдвэрлэ” гэдэг  хариу өгсөн боловч Р.Болд дарга түүнийг ажилд авсангүй. В.Нямханд хурандаа “Хоёр жил ажилгүй, цалингүй явсан учраас хүнд байдалд орсон. Тиймээс хуучин таньдаг хятадтайгаа тааралдаж, уг хүнээс мөнгө зээлж,байр,машин авсан” хэмээн мэдүүлж байгаа аж.Түүний энэ мэдүүлэг, хэргийн байдал зэрэгт Монголын тагнуулчид тун их эмзэглэж байгаа юм. Тэд “Хэрвээ Р.Болд түүнийг үндлэслэлгүйгээр ажлаас алаагүй бол,, ядаж л Төрийн албаны зөвлөлийн шийдвэрийг хүлээж авсан бол ВВ.Нямханд ийм хэрэгт орооцолдохгүй байсан. Тагнуулын ажилчдын ахуй  амьдралд анхаарал тавьдаггүй учраас Монголын тагнуулчид хятадын тусгай албадын золиос болж байна” хэмээн ярьцгааж байна. В.Нямхандад мөнгө зээлүүлсэн энэ хятад эр эртнээс ТЕГ-тай холбоотой ажилладаг нэгэн байсан бололтой.
Одоогоос олон жилийн өмнө Ж.Энхнасанг ТЕГ-ын даргаар  ажиллаж байх үед Тагнуулын нэг ажилтан мөн л эх орноосоо урвасан хэрэгт холбогдож, хятадуудаас мөнгө төгрөг авсан хэмээн сэжиглэгдэж, хоригдож байсжээ.  Урьд нь НАХЯ-ны сайдаар ажиллаж байсан хүний хүүхэд хурандаа “ Б “ гэгчийг  мөн  энэ хятад иргэн ТЕГ-т мэдээлэл өгч баривчлуулсан байсан аж. Энэ  хятад иргэн мөн л Б-д  мөнгө, машин өгч, дараагаар мөн баривчлуулж  байсныг өнөөдөр тагнуулчид ярьж байна. НАХЯ-ны сайдын хүү олон сар хоригдож, эцэст нь Улсын прокурор  баахан шалгаж, эцэс нь “Эх орноосоо урвасан гэдэг нь нотлогдохгүй байна” хэмээн  уг хэргийг хэрэгсэхгүй болгож байсан баримт байдаг аж. Тэгэхээр хятадын тусгай албаны тоглоомонд манай тагнуулын байгуулага орж,  өөрийнхөө ажилтануудыг золислоод байгаа юм биш үү ? гэдэг хардлага өөрийн эрхгүй төрж байна.

            Ер нь монголд хятадууд болон гадаадынхан дураараа дургиж, дунд чөмгөөрөө жиргэж байгааг Монголын тагнуулынхан анзаарах ч сөхөө алга. Оюутолгой, Тавантолгой, газрын ховор элемент, стратегийн том том орд гадныхны гарт орж, ашигт малтмалтай холбоотой асуудал Үндэсний аюулгүй байдалд нөлөөлөх хэмжээнд  хүрчихээд байхад манай Тагнуулын байгуулага тарвага,чоно,самар,хэдэн кг алтны хойноос хөөцөлдөж, үндсэн ажлаа умартаад удаж байна. Үнэндээ хил гааль, мэргэжлийн хяналтыхны хийдэг ажлыг л тэд хийж, янз бүрийн хориотой бараа илрүүлэхийн төлөө улаарсаар... Учир нь  илрүүлсэн зүйлийн хувийг тухайн хүнд олгодог учраас гадны тагнуулчийг илрүүлснээс хилээр гарах гэж байсан нэг кг  алт илрүүлсэн нь тэдэнд хавьгүй ашигтай байгаа хэрэг. МонголынТагнуулчид иймэрхүүжижиг сажиг зүйлээр оролдож, цаг нөхцөөж байгаад хууль хяналтынхан ч дургүй байгаа нь мэдээж.  Эдийн засгийн цагдаа,гааль,хил,мэргэжлийн хяналтын байгуулагынхан “Энэ тагнуулынхан манай ажилд хөндлөнгөөс оролцоод, ажил хийлгэхгүй юм” гэж тээршаах болсоор удаж байна. Ер нь тэгээд Монгол улсад гадаадынхан чөлөөтэй,дураараа дургиж,манай үндэсний эрх ашиг,аюулгүй байдалд нөлөөлж байхад төр засгийн удирдлагын ч удирдаад явж байхад сохор номин шиг нүдээд аниад сууж байгааг Монголын тагнуулын шинэчлэл гэж үзэх үү? Эсвэл  дампуурал гэж үзэх үү? Нэг өдөр л Засгийн газраас эрх хүлээн авагч томилж, уг байгууллагыг дампууруулчихсан байхад эргэлзэх зүйлгүй болжээ. Энэ байгууллагыг дампуурлын шатанд оруулах бодлогыг гадаадын тусгай албад хүсч байгаа нь мэдээж.

ТЕГ-ын дарга Р.Болд ажилтнаа прокурорын зөвшөөрөлгүй тагнаж байжээ
           Саяхан Авлигатай тэмцэх газрын дарга Ч.Сангарагчаа  Э.Амарбат гэгчийг прокурорын зөвшөөрөлгүй тагнаж,чагнасныхаа төлөө ял сонсож, өнөөдөр хоригдож байгаа. Гэтэл үүнийг ТЕГ-ын дарга Р.Болд сонсоогүй бололтой.  ТЕГ-ын газрын даргаар ажиллаж байсан мэргэжлийн сургууль төгссөн,эрдмийн зэрэг цолтой,дадлага,туршлагатай нэгэн хурандааг газрын даргын албан тушаалаас нь буулгаж улмаар төв газраасаа зайлуулахын тулдтэрбээр бас л ямар нэг зөвшөөрөлгүй тагнаж чагнаж байсан гэнэ. Гэвч Р.Болдын тагнуулж байсан хурандаа мэргэжлийн хувьд түүнээс арай л дээр байсан бололтой. Өөрийг нь Р.Болд даргын даалгавраар, прокурорын өвшөөрөлгүйгээр тагнаж,чагнаж  байсныг  мэдэж, хэл ам үүсгэн Р.Болд даргыг эвгүй байдалд оруулсан тухай тагнуулчид бас л ам уралдан ярьж байна.

Тагнуулын дарга өөрөө тагнаж чагнах ажлынхаа дүрэм журам, хууль тогтоолыг зөрчдөг энэ байгууллагад өнөөдөр хөл толгойгоо олохгүй эмх цэгцгүй байдал үргэлжилсээр...
      Сүүлийн үед ТЕГ-т хөдөө явж ажиллах дарга олдохгүй байгаа учраас цол, байрны мөнгө өгч томилон явуулдаг жишиг тогтоод удаж байна.  Тус байгууллагад үнэн сэтгэлээсээ ажиллана гэж орсон,  тангараг өргөсөн цэргийн хүн ямар ч даалгавар  авсан бол биелүүлэх ёстой байдаг юм гэнэлээ. Гэтэл өнөөдөр энэ байгууллагын удирдлага нь ажилчдаа  гуйж, мөнгө төгрөг өгч байж ажиллуулдаг болж.  Үүнээс гадна Р.Болд дарга өөрөө Тагнуулын байгууллагынхаа хуулийг огтхон ч мэддэггүй бололтой. Тагнуулын байгууллагын хуулинд хаврын чуулганаар нэмэлт өөрчлөлт орж, тус байгууллагыг  дарга, дэд дарга гэсэн орон тоотой байна гээд хуульчилж өгсөн.  Гэвч өнөөдөр ТЕГ хоёр дэд даргатай ажилласаар байгааг юу гэж ойлгох вэ нэг дэд даргын цалин,хангамжийг Р.Болд дарга хоёр  жил гаран хууль зөрчин цалинжуулж  байна. Хууль хүчний байгууллагыг удирдаж байгаа хүн эрх ядаж өөрөө хуулиа биелүүлдэг баймаар юм.

SHUDARGA