хуурч Б.Чинбаттай ярилцлаа. Тэрбээр саяхан “Эргэн ёслохуй” нэртэй хөгжмийн бүтээлээ олны сонорт хүргээд буй. Мөн тэрбээр ирэх аравдугаар сарын сүүлчээр төгөлдөр хуурын бие даасан анхны тоглолтоо хийх гэж байна. Энэ талаар болон “Sweetymotion” хамтлагийн шинэ уран бүтээлийн сонин хачинаас нь асууж, сонирхлоо.

- Эх орондоо ирээд ажил их байгаа биздээ. Юу хийж байна даа?

Юуны өмнө Inet.mn сайтын уншигчдад энэ өдрийн мэндийг хүргэе. Бид эх орондоо ирээд удаагүй байна. Энэ удаад ирсэн гол ажил маань миний арван сарын сүүлчээр болох төгөлдөр хуурын бие даасан анхны тоглолтын ажил юм. Энэ тоглолт хотын захирагч Г.Мөнхбаяр даргын ивээл дор болно. Учир нь тоглолт маань нийслэл хотын ойн баярын өдрүүдтэй давхцаж байгаа юм. Тиймээс энэ ойг тохиолдуулан тоглохоор болсон. Тэгээд Г.Мөнхбаяр даргын урилгаар АНУ-аас маш олон алдартай хөгжимчид ирэх гэж байна. Бөмбөрчнөөр “Boyz 2 men”, Janet jackson-той тоглодог хөгжимчин ирэх бол дуу тохируулагчаар Aretha Franklin-тай ажилладаг уран бүтээлч ирнэ. Гэх мэтчилэн энэ тоглолтод олон хөгжимчдийг урьж тоглуулахаар болсон.

- Тоглолт ямар хэсгүүдээс бүрдэх бол?

Би “Цагаан хар цагаан”, “Чинбаа” зэрэг цомгоо гаргаад АНУ-г зорьсон. Түүнээс хойш эх орондоо төдийлөн сайн уран бүтээл туурвиж чадаагүй. Гэхдээ эдгээр цомогт багтсан дуу болон дан хөгжмийн бүтээлүүд ард түмний минь сэтгэл зүрхэнд хоногшсон сайн бүтээлүүд болж чадсан болохоор сэтгэл өндөр явдаг юм. Энэ тоглолтод “Цагаан хар цагаан” цомгийн бүх төгөлдөр хуурын бүтээлүүд мөн сүүлд гаргасан “Мөнхийн” цомгийн шилэгдмэл уран бүтээлүүдийг тоглохоор сургуулиж байна. Мөн миний дуулсан дуунууд, бусад уран бүтээлчидтэй хамтарсан уран бүтээлүүд тэнд эгшиглэнэ. Тухайлбал, Сараагийн “Ихэр саран”, Лхагвасүрэнгийн “Толин хул”, Б.Жаргалсайханы “Аварга зээрд”, Ариунаагийн “Домгийн өглөө”, Sweetymotion-ы “Шинэ жилийн дуу” зэрэг дуунууд ч дуулагдах юм. Тэр үдэш би дуулна, хөгжимдөнө, бусад уран бүтээлчидтэй хамтарсан уран бүтээлээ үзэгч олондоо танилцуулсан шоу тоглолт байна. Тоглолтын ерөнхий зохион байгуулагчаар “On and Off” продакшн ажиллаж байгаа. Одоогоор найруулагч С.Ононбат бид хоёр тоглолтынхоо бүх дараалалыг гаргачихаад байна.

-Таны тоглолтоос үзэгчид олон сюрприз хүлээж байгаа нь дамжиггүй?

Тэгэлгүй яахав. Хамгийн түрүүнд гадны орны нэртэй хөгжимчид надтай хамтран тоглох нь хамгийн том сюрприз байж чадах болов уу. Мөн МУГЖ, дуучин Дашка бид хоёр “Сайхны өмнө харц буруугүй” гэж дуу дуулсан байдаг. Энэ дуугаа тоглолтод шинэчилж дуулахаар бэлтгэлдээ орсон. Ёстой жинхэнэ “бяц” авна гэж хэлмээр байна. Мөн “Sweetymotion” хамтлагийн дуучид мэргэжлийн хөгжимчид гэдгийг мэдэх биз ээ. Тэд ямар дууг, надтай хамтран тоглохыг энэ тоглолтоос үзэх боломжтой.

- Саяхан таны “Эргэн ёслохуй” гэх хөгжмийн бүтээл олны хүртээл болоод байгаа. Энэ бүтээлийн тухайд?

Энэ төгөлдөр хуурын гоцлолын бүх хөгжмийг би өөрөө тоглосон. Бичлэгийг АНУ-ын Чикаго хотын студэд бичсэн. Миний бадрангуй сэтгэл, хүсэл мөрөөдөл, тэмүүлэл тэр бүгд энэ бүтээлд шингэсэн. Нэрний тухайд, “Эргэн ёслохуй” гэж нэр өгсөн. Учир нь би олон жил уран бүтээл хийгээгүй болохоор үзэгч түмэндээ эргэн ёслоё гэсэн бэлгэдлээр агуулж, бүтээлээ нэрлэсэн юм.

- “Sweetymotion”хамтлагийн тоглолтыг хийчихээд л АНУ-руу яваад өгсөн. Ямар ажлаар явсан бэ?

Энэ хугацаанд Aretha Franklin-тай аялан тоглосон. “Sweetymotion”хамтлаг “Number one” тоглолтоо хийж, үзэгч түмэндээ сурч мэдсэнээ тайлагнасан. Тэд өөрсдийгөө өндөр хэмжээнд илэрхийлсэн сайн тоглолт болж чадсан болов уу гэж бодож байна. Бид сонсогч түмнийхээ итгэлийг хөсөрдүүлэлгүй, уран бүтээлээ зогсолтгүй туурвих оргилуун хүсэл сэтгэлдээ шатаж явдаг. Одоогоор бид “Emotion” цомгийнхоо клип нь гарч амжаагүй үлдсэн хэдэн дууны клипний ажлыг эхлүүлэхээр төлөвлөөд байна. Мөн хөгжмийн зохиолч, “Жигүүр Гранд” төвийн захирал Д.Баттөр ахын “Амьдрал” дууг симфони найрал хөгжимд найруулан буулгаж шинээр бичсэн байгаа. Энэ бүтээлийн клипийг “Hero” энтертайнмэнтийн уран бүтээлчид хийж гүйцэтгэнэ. Клипний зургийг Байгаль далай дээр авахаар төлөвлөсөн. Тиймээс удахгүй ОХУ-ын Буриад улсыг зорих гэж байна.

- Та “Арав” киноны хөгжмийн зохиолчоор ажилласан тухайгаа яриач?

Өвөрмонголчууд манай орны уран бүтээлчидтэй хамтран түүхэн сэдэвт “Аравт” киног бүтээж байгаа. Саяхан энэ киноны хөгжмийн бүтээл дуу, дүрсний өндөр чанартайгаар үзэгчдийн хүртээл болсон. Киноны хөгжмийг морин хуурч Шинэцог гэж залуу тоглосон. Монгол хүний зохиосон хөгжим ямар байдгийг сонсоорой. Дэлхийн жишигт сэтгэж, тэр хэмжээнд бичихийг зорьсон. Эцсийн дүнд үзэгчид л ямар бүтээл болсонд дүн өгөх байх.

- Өнгөрсөн хугацаанд таны гэр бүлд маш том эргэлт болж өнгөрсөн. Та манай уншигчдад охиноо танилцуулахгүй юу?

Охиндоо Мишээл гэж нэр хайрласан. Орой бүр гэртээ ядраад очиход, охиноо хараад л ямар ч стресс байсан түүнийг шууд л мартдаг юм билээ. Охинтойгоо ярьж, тоглож, аль болох цаг зав зарцуулахыг хичээдэг. Яг аав болох тэр агшинд үнэхээр сайхан байсан. Аав аа гэж дуудуулна даа гэж бодохоор сэтгэлийн хөөрөл, нулимсаа барьж дийлээгүй. Тэгээд Сарнайгаа төрөхөд яг хажууд нь хамт байж, дэм өгч, баяраа хамтдаа хуваалцсан. Охиндоо аав, ээж нь маш их хайртай.

Манай гэр бүл хотдоо байхгүй байгаа. Хотоос зайдуу монгол гэрт амьдарч байна даа.

- Танай фенүүд АНУ-руу буцаад удаан хугацаагаар явчих вий дээ гэж түгшдэг болсон?

Одоо эх орондоо суурин байна. Бид өнгөрсөн хугацаанд юм үзэж, нүд тайлсан. Хэлтэй болсон. Юм сурч, мэдэе гэсэн залуу хүний гал халуун зориг, хүсэл, мөрөөдөлдөө шатаж явсан. Тэнд очоод хамтлаг маань чамгүй амжилт гаргасан. “Sweetymotion” монголын ард түмний дундаас л төрсөн хамтлаг шүү дээ. Тийм болохоор хэзээ ч уран бүтээлээ таслахгүй хийнэ гэдгээ амлая.

Ярилцсан: Ц.Зэндмэнэ-Эрдэнэ эх сурвалж INET

МУСТА Б.Чинбат: “Дашка бид хоёр жинхэнэ бяц авна”
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
чимбаа чамд хумуусийн дуулсан дуунаас оорийг хийх юм бн уу амэрикт та нарийг тоох хун байгаагуй байсан шуу дэ 3 эмэгтэй хоолойний чадал байхгуй сагсгансан юмнууд л байх юм манайд олигтой эмэгтэй хамтлаг байхгуй хагас нутсэглэсэн байвал хумуус харна гээд андуураад байна да оровдмоор юмаа

2012-01-31 | 22:48:32 | 67.172.245.61 |

Зочин
xэxэ

2011-10-01 | 12:28:21 | 122.254.118.73 |

Мэдээ
Гадаад мэдээ
Видео