Монголчууд нууц амрагийг аргагүй амраг хэмээн ардын дуундаа мөнхөлчихсөн ард түмэн.

 Сайхны төлөө харц буруугүй гэгчээр сэтгэл зүрхнийхээ дуудлагаар учирч, хувь тавилангаа холбохоос өөрцгүй болсон эрхмүүд цөөнгүй байдаг. Ховсчин Хүрэлбаатараас авахуулаад Дархан аварга Х.Баянмөнх тэргүүтэй хэлэх гэснээ хэнээс ч айхгүй хэлчихдэг цөстэй эрчүүд хоёр эхнэртэй байх хууль баталъя гэж хэлээд олны элэг доог болж байхад ингэж хэлдэггүй ч бодит амьдрал дээр хоёр байтугай гурван эхнэр зэрэгцүүлээд “давхиж” буй нэр нөлөө бүхий улс төр, бизнесийн эрхмүүд цөөнгүй болсон нь энэ цагийн өнгө төрх гэлтэй.

Домог болсон аргагүй амрагууд. Улиг болтлоо сонин хэвлэлээр бичигдсээр байгаад тэдний харилцаа одоо нэгэнт гайхаад байх зүйлгүй болжээ. Үнэ цэнэтэй бүхнээ “Манай Батжав авчирч өгсөн” хэмээн наалинхайтдаг топ модель Э.Одгэрэл хэзээнээс энэ харилцаагаа бусдаас тэгтлээ нуухыг хүсдэггүй байсан гэдэг.  “АПУ”-гийн дэд захирал, Монгол архитекторуудын холбооны ерөнхийлөгч ноён Л.Батжав Монголын зартай жентельмэн эрчүүдийн жагсаалтыг тэргүүлдэг нэгэн. Хэзээ ч хэвлэлд ам нээж, хувийн амьдралаа дэлгэж байгаагүй энэ нууц ноёнтон дэлхийд алдартай брэнд хэрэглэдэг хувцаслалт, хэрэглээний соёл, уран зураг, сонгодог урлаг сонирхдог эрхэмсэг таашаалаараа дээдсийн хүрээний олон эрчүүдэд үлгэр дуурайл болсоор ирсэн.

Хааяахан уран зургийн үзэсгэлэн, дээдсийн тусгай хүлээн авалтад залардаг түүний талаар мэдээлэл тун ч ховор. Том хүү “Люмино” Баажий нь эцгээсээ тэс хөндлөн “давхиж” хөнгөн хөгжмийн урлагт тэр дундаа хип хоп урлагт хүч үзэж, эцгийнхээ нэрийг гайгүй сайн гаргасныг уншигчид маань андахгүй байх аа. Ноён Л.Батжавд хоёр хүү нь төрүүлж өгсөн гэрийг Хишгээ нь хэнээс ч дутахгүй царайлаг, нуруулаг, эрхэмсэг бүсгүй байдаг бөгөөд эмэгтэй хүнд байх ёстой эрхэм шинж чанарыг өөртөө шингээсэн хатагтай хэмээн ойр дотныхон нь ам сайтай байдаг.

Эмч мэргэжилтэй хатагтай Хишгээ насаараа шахуу 1-р эмнэлгийн хоёр давхарт шинжилгээний хувийн лабаротори ажиллуул байгаа бөгөөд сүүлийн үест дөрвөн замын “Гранд плаза”-д Баажийнхаа эхнэр, том бэртэйгээ хамтран кофе шоп ажиллуулах болжээ. Эр нөхөр нь төдийгөөс өдий хүртэл Монголдоо зартай топ модель бүсгүйтэй амраглаж, ил, далд харилцсаар ирэхэд ганц үг ганхийлгэж байгаагүй хатан тэвчээртэй энэ бүсгүйг зарим нь нөхөртэйгээ хөтлөлцсөөр топ модель бүсгүйн гэрээс гарч явдаг хэмээн шивэр авир хийх нь бий. Ёстой л сайхны өмнө харц буруугүй гэгчтэй эвлэрсэн үү, Монголын хамгийн сайхан бүсгүйд сэтгэл алдарсан эр нөхрөө хатагтай Хишгээ буруутгах нь бүү хэл хир халдаадаггүй байна.

Сувилагч байхдаа сайхан бүсгүйн тэмцээнд оролцож Н.Мөнхцэцэгийг миссийн алтан титэм тэргүүндээ залдаг тэр жил буюу 1990 онд хоёрдугаар миссээр шалгарч байсан Э.Одгэрэл тухайн үедээ нөхөр, хүүхэдтэй байв. С.Энхболд хэмээх эрхэмтэй анхны амьдралаа холбож, хөөрхөн охинтой болж байсан ч мисс, загвар өмсөгч хэмээх толгой эргэм алдар дагуулсан салбарт карьер хөөх болсноор Э.Одгэрэл хатагтай нэг л өдөр охиныхоо ааваас салж, ганц бие амьдралаар амьдрах болсон. Түүний талаар хэлэх, хэлэхгүйгээр ярьж бичдэг ч тэр бүхэнд ажралгүй өнөөдрийг хүртэл мөнхийн залуу нас, гоо үзэсгэлэнгээ хадгалж ирсэн топ моделийн охиных нь аав энэ өвөл өөд болж, охин нь өнчирч үлдсэн харамсалтай явдал тохиосон билээ.

Талийгаач экс нөхрийнх нь хувьд Монголын анхны сэтгэлзүйч, нэрт сурган хүмүүжүүлэгч Санжжав агсны ганц хүү бөгөөд Монголын анхны хувийн хэвшлийн сэтгэлзүйн сургууль “Оргил”-ыг байгуулж, хүүдээ өвлүүлж үлдээсэн боловч эцгээс нь хойш төдий л амжилтад хүрээгүй, татан буугдсан. Амьдралынхаа сүүлийн өдрүүдэд нийслэлийн нэгэн дунд сургуульд багшилж, бор дарсанд дурлан гундуухан амьдарч байсан тэрээр багш нарын баярын үеэр бурхан болсонд хамт олон нь хамгаас ихэд гашуудсан гэдэг. Э.Одгэрэл хатагтай ч нэгэн цагт ханилж явсан охиныхоо аавын ажил явдалд гар, бие оролцож, гашуудсан нь мэдээж. Гоо үзэсгэлэнтэй, ганц бие, үргэлж олны өмнө ил харагддаг ажлыг насаараа хийж, алдар нэрийг алив бүхэнтэй нь амсч, туулж яваа топ модель бүсгүйн хувьд зартай жентельмэн Л.Батжав ноёнтон хэнээс ч илүү түшиг тулгаар, итгэл найдвар нь болж, сэтгэлийнх нь нар болдгийг хааяахан ойр дотныхондоо ам алддаг гэдэг.

Монгол шуудангийн ТУЗ-ийн дарга, их хурлын эрхэм гишүүн Д.Зоригт Монголын толгой баячуудын тоонд зүй ёсоор бичигддэг. Бизнесийн ертөнцөөс улс төрд орж ирсэн энэ эрхэм амьдралын шаардлагаар төрийн түшээгийнхээ хувьд хөрөнгө орлогынхоо мэдүүлгийг олон түмнийхээ өмнө дэлгэхээс өөр аргагүй болж, гишүүн болсон анхны жилээ гэнэдсэн үү, хамгийн их орлоготой баян эрхмээр тодорч дуулиан дэгдээж байсан түүхтэй. Тэрбээр 14 компанийн хувьцаа эзэмшдэг хэмээн мэдүүлсэн байж билээ.

Өвөрхангай аймгаас томилогдсон энэ эрхмийн мэдэлж “Монгол шуудан” банк, “Одод”, “Хасуу”, “Орхонбулаг”, “Орхон хөгжил”, “МИГ” даатгал, “Скайнэтворк”, “Сансрын геологи хайгуул”, “Нэмнэ”, “Реалтор”, “Мэдуб”, “Новиза”, “Зэтсэрвис”, “Хайлааст”, “Багануур”, “Гермес” зэрэг компаниудын хувьцаа төвлөрдөг.

Нэр нь хэл хугалчих шахам сонсч дуулж байгаагүй шахуу дээрх компаниудаас илүүтэй “UB Mart” худалдааны төв, баячуудын хүүхдүүд сурдаг “American School” зэрэг нь бизнесийн ертөнц дэх нэрийн хуудас нь болдог гэж болно.

Хөрөнгө бэлээрээ хэзээ ч эрдэж бардаж яваагүй эрхэм гишүүн төр түшилцэхээсээ өмнө ч хэвлэлийнхний анхаарлын төвд онилогдчихсон нэгэн. Монголын сайхан бүсгүй Н.Мөнхцэцэгтэй эртнээс амраг сэтгэлийн харилцаатай болж, хайрын үр болсон хөөрхөн хүүтэй болж амжсан нь ийн хэвлэлийн баатар болоход хүргэсэн хэрэг.

Хэдийгээр гаднаас нь өнгөц дүгнэлт өгөх дуртай манайхан мисс бүсгүйг ноён Д.Зоригтын мөнгө хөрөнгөнд болсон гэдэг ч үнэн хэрэг дээрээ дагахаас өөрцгүй халуун сэтгэл, хайр дурлал тэдний нандин харилцааг өдий хүртэл авчирсан гэх хүмүүс ч байдаг юм билээ.

Эрхэм гишүүний албан ёсны эхнэр Оюунсүрэн хэмээх өндөр боловсролтой, мэдлэг чадвартай чамбай бүсгүй байдгийг дээдсийн хүрээнийхэн андахгүй. Насан залуудаа ханилж, хамтын хүчээр босгож, бүтээсэн амьдрал харилцаанд нь орж ирсэн гуравдагч бүсгүйгээс болж нурахыг хүсээгүй нь Оюунсүрэн хатагтайн хатан ухаан биз ээ. Хоёр охин, нэг хүү төрүүлж өгсөн ханиа тэрбээр уучлал гэгч том шийтгэлээр урамшуулж, тэд хамдаа ажин түжин амьдарсаар байгаа.

Миссүүдийн мисс гэгддэг сайхан бүсгүй Н.Мөнхцэцэгийн тухайд хэний ч хүүгийн сэтгэл татсан сайхан бүсгүй. Анхны нөхрөөсөө охин тэвэрсээр салж үлдсэн тэрбээр олон жил ганц бие амьдарсан бөгөөд дуучин Х.Лхагвасүрэнтэй нэр холбогдож байснаас бусдаар нэр цэвэр нэгэн. “Харанга” хамтлагийн дуучин эр өөрийн фэн клубээ байгуулж, мисс бүсгүйн гоёмсог зургийг ханандаа өлгөсөн нь сэтгүүлчдийн нүдэнд өртөж тэдний дотно харьцааны талаар багагүй таамаг дэвшүүлэхэд хүргэсэн хэрэг.

Хачирхалтай нь дуучин Х.Лхагвасүрэн “Мөнхцэцэгийн аав ээж манайхтай гэр бүлийн найзууд. Багад маань биднийг гэрлүүлнэ гэж ярьдаг байсан юм” гэхээс өөрөөр ам нээлгүй өнгөрсөн билээ. Мисс бүсгүйн анхны нөхөр Амарсайхан хэмээх эрхэм байдаг бөгөөд хоёр дахь амьдралаа хэдийнэ зохиож, төлөв томоотой айлын эзэн болсон бөгөөд өдгөө Монгол банкинд хариуцлагатай алба хашдаг.

Тэдний дундаас гарсан Учрал охин өдгөө Москвагийн их сургуулийн төгсөх курсийн оюутан. Сайхан бүсгүй жаргадаггүйн үлгэр гэлтэй, нэг насаараа ганц бие амьдралыг туулж буй мисс Н.Мөнхцэцэгийг нэг хэсэг Америкт амьдарч байгаа хэмээн цуурсан боловч үнэндээ эх орноосоо хөдлөөгүй тэрбээр хувийн амьдралын энэ мэт ээдрээт асуудлаасаа болж ёстой нуувчинд аятай амьдарч байгаад сүүлийн үед ажил хийж, нийгмийн амьдралд гар бие оролцох болсон нь хүү нь хоёр ой өнгөрч, асаргаанаас гарсантай холбоотой.

Хэзээ ч тэргүүн гудайж амьдрах ёсгүй эр хүн гэж байдаг бол чухамдаа Бу. Жагааг гэмээр. Чацархаг өндөр нуруу, өвөрмөц аристократ төрх, үргэлж дэгжин хээнцэр, тэргүүн дээгүүр алхалж явдаг Жагаа ноёнтон Монголын зартай жентельмэн эрчүүдийн жагсаалтад дээгүүр бичигддэг. Түүний шиг брэндийн үнэ цэнэ, дэгжирхлийн өнгө донжийг олдог эрс манайд тун ч цөөхөн.

Хэзээний хэдэр ёдор үгтэй, өөрийнхөөрөө эрхэмсэг, бардам амьдарч яваа ноён Б.Жаргалсайхан өнгөрсөн сонгуулиар өөрийнх нь хэлсэнчлэн анх удаагаа хүний, өөрийн нийлсэн таван хүүхдээ олны өмнө ил гаргасан. Зах зээлийн нийгмийн эхэн үед л овсгоо самбаа гарган жийнс оёж, өмд залууст өмсгөсөөр баялагаа бүтээсэн тэрбээр төсвөөс төрсөн тэрбумтнуудын дэргэд хийсэн ажилтай, хэлэх үгтэй нэгэн.

“Буян” хэмээх бизнесийн вант улсыг өөрийн гараар барьж босгочихоод нэг л өдөр их улс төрд ороод явчихсан ноён жентельмэнд чамгүй хал үзүүлж, халуун чулуу долоолгоод байгаа. Энэ бүхнийг ү нуршин үндсэн сэдэвтээ ороход тэрбээр хоёр гэргийгтэй. Жигтэйхэн эв найртай гэргий нар нь ноён Жагаагийн бизнесийн найдвартай ар тал болсоор олон жилийг үдэж буй. Анхны гэргий Б.Энхтогтох нь өндөр боловсролтой, дизайне мэргэжилтэй чамбай “Буян” компанийг үндсэндээ атгадаг бөгөөд бүхий л загвар дизайн, байгууллагын ерөнхий өнгө төрхийг нуруу дээрээ үүрч ирсэн хатагтай. Туйлын даруу төлөв, эгэл жирийн энэ бүсгүйн хатуу, чамбай зан ихэмсэг, онгиргон ч гэмээр нөхрийг нь хаашаа ч хөдөлгөхгүй барьж яваа нууц хэмээн ойр дотныхон нь тодорхойлдог.

Өнгөрсөн сонгуулийн үеэр Бу.Жагаа ноёнтон Танайд хоноё нэвтрүүлэгт оролцохдоо албан ёсны гэргийнхээ гэрт ТВ-г аваачиж хатагтай Энхтогтох анх удаа олны өмнө ил гарсан юм. Харин дараагийн гэргий нь Сэлэнгээ хэмээхбүсгүй байдаг. Анхны гэргийг нь бодвол ил шулуун, цагаан цайлган зантай, түс тас яриатай цэвэрхэн бүсгүй байдаг: Эр нөхрийнхөө компанийн ажилд төдийлөн оролцоод байдаггүй энэ бүсгүй Бу.Жагаад ханийн халамж, хайр юуг харамгүй бэлэглэдэг, тийм ч болоод тэр үү, эрхэм бизнесмэн эднийдээ ихэвчлэн тухалж амьдардаг байна.

Холливудын алдарт жүжигчин Стивен Сигал Монголд айлчилж, манай томчуудыг миссүүдтэй нь хуйлруулсан зуны тэр өдрүүдэд ноён Б.Жаргалсайхан энэ гэргийгээ анх удаагаа олны өмнө ил гаргаж байсан билээ.

Өөрийнх нь хэлсэнчлэн аль сайхан ааштайгийнх нь гэрт очиж хоног төөрүүлдэг хэмээн хошигнон ярьж байсан хоёр гэргийнхээ халамж хайранд чамгүй олон жил өлгийдүүлсэн жентельмэнийн зургаа дахь буюу отгон хүүхдийг “Эволюшн” хамтлагийн дуучин П.Өнөржаргал хэмээх бүсгүй төрүүлээд байгаа.

Угийн урлаг тэр дундаа рок поп орчин үеийн урлагт тунчиг элэгтэй, поп хатагтай Б.Сарантуяагийн үеэс Монголын хөнгөн хөгжмийн урлагийг үнэнчээр дэмжиж ирсэн ноён Б.Жаргалсайн амьд хөгжмийн “Эволюшн” хамтлагийг компанийнхаа дэргэд байгуулж, нэгэн үе урлагийн ертөнцөд цахиур хагалж байсан цаг саяхан.

“ABBA”-гийн дууг тун ч гайхалтай дуулдаг хоолойн чадлаараа олныг бишрүүлж байсан хамтлагийн гишүүн П.Өнөржаргал хамтлагаа тарсны дараа нэг хэсэг нам гүм амьдарч байгаад өнгөрсөн жилээс олны өмнө ил гарч, урлагийг карьераа үргэлжлүүлэх болсон.

Тэдний дундаас гарсан хүү эхийнхээ асаргаанаас гарсан бөгөөд Жагаа ноёнтон ч багагүй харж үздэг бөгөөд байр сууц авч өгөн тав тухтай амьдруулж байгаа. Урлагт хайртай, авьяасыг хүндэлдэг хувь хүнийх нь араншин дийлж ноён Б.Жаргалсайхан, П.Өнөржаргал бүсгүйн гайхалтай чадалтай хоолойнд сэтгэл татагдсан биз ээ.

“Бу” Жагаа тэргүүтэй зарим эрхмүүд хувийн амьдрал, хоёр гурав дахь эхнэрүүдээ тэгтлээ их нуугаад байдаггүй атал эсрэгээрээ тас нуугаад байдаггүй атал эсрэгээрээ тас нуудаг эрхмүүд бас бий. Энэ бол “Чоно” группийн ерөнхийлөгч ноён Д.Энхболд.

Бидний сайн мэдэх “Мишээл экспо”, “Торго” салон, “Эмма” гоо сайхны салон, “Хөгжил хотхон”, “White House” зочид буудал, “Strings” шөнийн клуб зэрэг 17 охин компанийг дороо нэгтгэдэг “Чоно” хэмээх бизнесийн асар том эзэнт гүрэн ноён Д.Энхболдын мэдэлд байдаг бөгөөд цээжээ дэлдэж, олны өмнө ил гардаггүй жинхэнэ нууц ноёнтон.

Бизнесийн гараагаа Сингапур хөрөнгө оруулагч, түншүүдтэй эхлүүлж, уул уурхайгаас авахуулаад бизнесийн бараг бүх салбарт чимээгүй ноёрхлоо тогтоож амжсан энэ нууцлаг эрхмийн хувийн амьдрал тун ч арвин баялаг намтар түүхтэй.

Ахны гэргий нь Эрдэнэтуяа хэмээх багш бүсгүй байдаг бөгөөд ёстой насан багын гэнэн цагаан хайраар хамтын амьдрал зохиож, гал голомтоо асааж байсан хосууд нэг л өдөр амьдрал, хувь заяагаа хоёр тийш залж, салж одсон нь хувь тавилан байсан гэдэг. Насаараа эрдэм номын мөр хөөж, ардын хүүхдийг боловсруулах ариун үйлсэд хүчин зүтгэж яваа Эрдэнэтуяа хатагтай өдгөө ШУТИС-д тэнхимийн эрхлэгчээр ажилладаг. Дундаас нь төрсөн ууган хүү Агар нь өдгөө “Мишээл экспо”-г удирдан ажиллуулдаг. Харин дараагийн гэргий “Торго” салоны захирал хатагтай Ч.Ачтуяамаа.

“Чоно” группийн ерөнхийлөгчийн албан ёсны гэргийг тэрбээр торго “уйлуулж”, үндэсний тансаг, давтагдашгүй брэндээр Монгол байтугай дэлхийн оддыг сүүлийн 10 гаруй жил гоёж яваа чамбай, нямбай бүсгүй. Цагтаа чуулгыэн тайзнаа од мэт гялалзаж явсан бүжигчин бүсгүй ноён Д.Энхболдод хоёр хүүхэд төрүүлж өгсөн бөгөөд хүүхдүүд нь эцгийнхээ бизнесийн өвлөн, амжилттай түүчээлж яваа. Амьдралынх нь хоёр дахь сонголт, албан ёсны гэргийдээ нууцлаг бизнесмэн тун ч хүндэтгэлтэй ханддаг бөгөөд албан ёсны арга хэмжээнд чухамдаа Ч.Ачтуяамаа хатагтайг дагуулж явдаг.

Баян бизнесмэний албан бус гэргий, хөөрхөн Эмаа охиныг нь төрүүлсэн бүсгүй бол А.Мөнх-Ундрах. Энд тэндэхийн хүлээн авалт, дээсийн арга хэмжээнүүдэд нүд бүлтрэм гоёж, гоолиг биеийн ноо сайхнаа гайхуулдаг залуу, халуун энэ бүсгүйг манайхан “Эмма” салоны эзэгтэй гэдгээр нь андахгүй.

Ноён Д.Энхболдыэ аргагүй хайрын эзэн энэ бүсгүй дэлхийн стандартад нийцсэн тоног төхөөрөмж бүхий үнэ өртөг өндөр гоо сайхны цогцо үйлчилгээ үзүүлдэг “Эмма” салоноо хайрын ургамал болсон хөөрхөн охиныхоо нэрээр Эмма хэмээн нэрлэсэн нь Д.Энхболд ноёнтон хэнз охиндоо хэр их хошуу дэвсдэг нь харагддаг гэж болно.

А.Мөнх-Ундрах бүсгүйн хувьд зах зээл судлаач мэргэжилтэй бөгөөд АНУ-ын Лос-Анжелесын “Эль Камино” коллеж, Сингапурын “Хартфорд” институтыг тус тус дүүргэсэн бүсгүй. Нэгэнтээ амжилтынхаа нууцыг “Би бусдын нүдэнд хүчирхэг харагдаж байж болох юм. Гэхдээ эмэгтэй хүн гэдэг байгалиасаа асар зөөлөн, нинжин амьтан. Би энэ бизнесийг хийх гэж нэг их зориг, булчин чадал зарцуулаагүй.

Оюун ухаанаа ашигласан. Эмэгтэй хүний хүч ард нь байгаа эр хүнд нуугддаг байх. Эрчүүд ч гэсэн биднээс зөөлөн дулаан энергиэр дамжуулан эрч хүч авч байдаг” хэмээн ярьсан удаатай. Сайн нөхрийнхөө дэмжлэгээр сайн сайхан амьдарч яваагаа бахархан ярих дуртай тэрбээр аравдугаар ангиа дүүргээд хэсэг хугацаанд загвар өмсдөг байсныг хүрээнийхэн нь андахгүй.

Дуртай юмандаа мөнгө хайрладаггүй, брэндээр гоёх дуртай тэрбээр эмэгтэй хүн гоё байх ёстой, сайхан амьдарч, өдөр бүр таашаал авдаг байх ёстой гэж үздэг. Хааяахан тэрбээр ойр дотныхондоо эмэгтэй хүн болж төрснийх, хурим хийж, цасан цагаан даашинз өмсч  үзэхсэн хэмээн санаашриангуй ярьдаг гэсэн. Аргагүй амрагийн сэтгэл гэдэг энэ биз ээ.

Хар шилтэй бизнесмэн нууц ноёнтноос улс төрд хөл тавьсан цагаасаа хүссэн ч, хүсээгүй ч шилээ тайлж, олны өмнө ил гарахаас өөр арагүй болсон ноён “Женко” өдгөө жинхэнэ тулхтай улс төрчийн зангараг заах болсон. Улс төрд орсон он жилүүдтэй зэрэгцээд хувийн амьдралд нь гарсан том өөрчлөлт түүний хоёр дахь сонголт байлаа. Анхны гэргийг Ц.Энхтуяа хатагтайтай арван жилийн сурагч байх үеэсээ хөтлөлцөж гүйсээр нэг гэрт орж, гал голомжтоо асааж байсан тэдний хамтын амьдрал, хайр дурлал, залуу на нь гэгээн, нандин дурсамжаар дүүрэн байсан гэдэг.

Залуу насны чин үнэнч хайраар дурлаж, эргүүлдсээр байгаад авч суусан гэргий нь дагавар хүүхэдтэй байсан нь ч тэдний амьдралд асуудал үүсгээгүйгээр барахгүй хатагтай Ц.Энхтуяа ханьдаа хоёр охин, нэг хүү төрүүлж өгөн, амьдралынх нь тулах багана, амжилтынх нь найдвартай туслагч байсан нь өдгөөгийг “Женко” хэмээх том группийн эхлэл байв.

Төрмөл авьяасаар Дүрслэх урлагийн дунд сургуульд элсэн орж, ноён Х.Баттулга зураач, гэргий нь дизайнер мэргэжил эзэмшцгээсэн нь бизнесийнх нь гараанд тус болж, зах зээлийн тэр он жилүүдэд хувцас, өмд оёж заран хосууд бизнестээ нэмэр болж байсныг хатагтай Ц.Энхтуяа дурссан удаатай. Анхны “Саятан” хонжворыг зарлаж, Сититакси гэгчийг санаачилж, бизнес нь азтай, одтой явж байсан 90-ээд оны дунд үзед поп хатагтай Б.Сарантуяа тэдний амьдралд орж ирснээр хар сүүдрээ тусгаж орхисон түүхтэй. Дуучин бүсгүйтэй холбоотой алдарт “Линкольн”-ы дуулиан чухам энэ үед дэгдэж эцэстээ халуун ам бүл ноён хоёр тийш болоход хүрсэн нь эргэж эвлэхгүй ан цавын эхлэл байсан гэдэг.

Тэр цагаас хойш чамгүй хугацаанд хар шилний цаана нуугдаж амьдарсан ноён Х.Баттулга олон жилийн гоонь эрийн амьдралдаа 2000-аад оны эхээр цэг тавьж, хоёр дахь гэргийгээрээ “местныи” Орос бүсгүйг сонгосон юм. Орос бүсгүй 2004 оны сонгуулийн өдрүүдэд түүнд ихэр хөвгүүд төрүүлж өгөн, эрхэм гишүүнийг баяр хөөрт умбуулсан билээ.

Хоёр дахь амьдрал, орос бүсгүй, ихэр хөвгүүдээ олны нүднээс туйлын нууцалдаг ноён “Женко” тэднийгээ дотны анд, Холливудын алдарт жүжигчин Жеки Чаныг Монголд айлчлах үеэр анх удаа олны өмнө ил гаргасан. Монголын алдартай бизнесмэн эрийн цайг чанаж, өрхийг татаж буй найман жилийн хугацаандаа дөрвөн хүү төрүүлж өгсөн Орос бүсгүй манайхны жишгээр бол дарха бэр.

Өнөр бүлийн тоог нэгээр нэмсэг өрхийн тэргүүн анхны гэргийдээ одоог хүртэл тун ч хүндэтгэлтэй ханддаг бөгөөд албан ёсны арга хэмжээ, айлчлалын үеэр бахархалтайгаар дагуулж явдаг нь олны харааг булааж, хайр хүлээдэг нь нууц биү. Халуун хайраа зориулсан хүүхдүүдийнхээ аавд хатагтай Ц.Энхтуяа ч хир халдаадаггүй бөгөөд хэн хэнийх нь залуу халуун насны омголон зангаар салж одсон амьдралдаа одоо ч харамсч явдаг гэнэ.

Хэдийгээр тухайлан хувийн бизнес эрхэлж байгаагүй ч ноён О.Чулуунбат бэлтэй бизнесмэнүүдээс дутахгүй хөрөнгөтэй эр. Түүн шиг Төв банкийг олон жил толгойлсон хүн үгүй. Тиймдээ ч Монгол банкаар овоглодог энэ эрхмийн хувийн амьдрал тэгтлээ нууц биш. Өөрөө ч мужик зантиай, нээлттэй сэтгэлгээтэй хүн учраас элдвийн үг хэл, нэр хочинд ач холбогдол өгч, гудийгаад байдаггүй. Түүний анхны гэргий Баасансүрэн хэмээх эгэл бүсгүй бий.

Амьдралынх нь анхны хань энэ бүсгүй ноён О.Чулуунбатад хүү, охин төрүүлж өгсөн нь өдгөө хоёулаа өрх тусгаарласан. Ууган хүү Ч.Бөрдөнбат нь Очгэрэл хэмээх бүсгүйтэй хуримласан бол охин Ч.Агиймаа нь С.Жавхлангийн экс хадам “Торгоны зам”-ын Гантөмөрийнд бэр орж, хоёр хүүхэд төрүүлсэн. Дараагийн гэргий нь хатагтай Цэндмаа. Цагтаа гоо үзэсгэлэнгээрээ гайхуулж, залуу халуун насандаа гунхаж явсан цуутай сайхан хүүхэн ноён банкирт 49-нийх нь жил дээр хэнз охин төрүүлж өгөн нялхруулж байсан цаг саяхан.

Ноён О.Чулуунбат “хэнз охин үр минь дахин 20 жил амьдрах үүрэг даалгавар өглөө, хайрандаа нялхарч байна” хэмээн хэвлэлээр ярьж байсан билээ. Ховор нандин хөөрөг, эртний үнэт эдлэл цуглуулах хоббитой тэрбээр гэргий Цэндмаадаа Дондогдулам хатны хөөрөг авч өгч бэл нүнжиг, сэтгэл юугаа илэрхийлж байсан ч удаатай.

Хувийн цуглуулгандаа 12 хөөрөгтэй, зөвхөн нэг хөөрөгнийх нь ижил Солонгост 120 мянган ам.доллараар зарагдаж байсан гээд бодохоор бэл бэнчинг төвөггүй тодорхойлж болохуйц тэрбээр хөрөнгө орлогоо 2-3 тэрбум хэмээн тодорхойлж байсан билээ.

Мөнгөтэй хүн лаагаа иднэ үү, луувангаа иднэ үү хэнд ч падгүй гэдэг ч угаас хов живэнд дуртай дээдсийн хүрээнийхэн ноён Чукагийн хувьйн амьдралдаа хийсэн томоохон өөрчлөлтийн талаар ханцуй дотроо сэм шивнэлдэх болсоор удаж байна.

Өдгөө тавин таван настай эрхэм гэргий Цэндмаагаасаа өрх тусгаарлаж, өөрийнхөө охиноос балчир шахуу Жимсээ хэмээх бүсгүйтэй хамт амьдраад чамгүй хугацаа өнгөрч байна. Залуу бүсгүйг нэгэн үе “Hi-Fi Records”-ын худалдагчаар ажиллаж, цэнхэр дэлгэцээр цомог сэлт танилцуулдаг байснаар нь уншигчид андахгүй сайн танина.

Сүүлийн үед “Чингис хаан” банкны үүдний ресепшнээр ажиллаж байгаад ажлаасаа гарсан Жимсээ бүсгүй эрхмийн ивээлд багтах болсон нь чухамдаа аргаүй сэтгэлийнх үү, амьдралын шаарлга байсан уу гэдгийг цаг хугацаа харуулах биз ээ.

Өнгөрсөн дөрөвдүгээр сард 70 насныхаа төрсөн өдрийг парламентын нөхөдтэйгээ хамт тэмдэглэн өнгөрүүлсэн УИХ-ын дарга ноён Д.Дэмбэрэл энэ төрд алба хашиж буй хамгийн ахмад настай буурал.

Тиймдээ ч сүүлийн жилүүдэд парламентын спикер хэмээх хүндтэй, хариуцлагатай албыг ангийн нөхөд нь түүнд үүрүүлж ирлээ. Ховд аймгийн уугуул, эдийн засагч мэргэжилтэй энэ эрхэм ажил амьдралын гараагаа төрөлх аймгаасаа эхэлсэн бөгөөд амьдралын ханиа ч тэндээс сонгосон нь Долгорсүрэн хэмээх бүсгүй бий.

Тэрбээр Ховд аймгийн Соёлын төвийн бүжигчнээр ажиллаж, урлагийн тайзнаа од болон гялалзаж явсан залуу халуун насандаа эрхэм спикертэй амьдрал хувь заяа холбож дөрвөн хүүхэд төрүүлж өгсөн бөгөөд урлагийн мэдрэмжтэй, залуу сэтгэлгээтэй нэгэн байдаг.

Өдгөө нас дээр гарсан ч гоо сайхандаа ихэд анхаарлаа тавин, сормуус хүртэл хийлгэчихдэг дэгжин хатагтай залуу наснаас шүлэг, яруу найраг тэрлэдэг байсан бөгөөд бие даасан ном хүртэл гаргаж амжсан нэгэн.

Шүлгийнх нь сэдэв ихэнхдээ хайр дурлал, залуу халуун насандаа ханьдаа өгсөн онгон, ариун сэтгэлийн тухай байдгаас хүүхдүүддээ зэмлүүлэхэд хүргэсэн удаатай хэмээн манай зарим хэвлэлүүд бичиж байлаа. Ямартаа ч 50 орчим жил ханилахдаа эр нөхрийнхөө талаар ганц үг газар унагаж үзээгүй хатагтай Долгорсүрэн бүсгүй хүнийхээ хувьд хатуу хувь зохиолыг хатан ухаанаар туулж яваа нэгэн хэмээн ойр дотныхондоо үнэлэгддэг.

Гаднаас нь харахад төлөв түвшин, гүдэс гүндүүгүй харагддаг ноён спикер хоёр дахь амьдралаа зохиогоод багагүй хугацаа өнгөрч байгаа бөгөөд залуу гэргий нь саяхан хоёр дахь хүүхдийг нь төрүүлсэн тухай дуудсийн хүрээнийхэн шуугих болсон. Хамгийн хачирхалтай нь ноён С.Дэмбэрэл Ховд аймгийн нисэхийн даргаар ажиллаж байсан дотны найз Батмөнхийнхөө өөд болохдоо даатгаж, захиж үлдээсэн охиныг нь гэргийгээ болгож авсан гэдэг.

Эрхэм спикерийг их хурлын гишүүнээр сонгогдсон анхны жилүүдэд залу угэргийг Бямбатогтох нь туслахаар нь ажиллаж байсан бөгөөд эндээс тэдний амраг сэтгэлийн харилцаа эхэлсэн аж. Хатагтай Бямбатогтохын ээж Отгонхишиг хэмээх эрхэм байдаг бөгөөд Ховд аймгийн Холбооны даргаа ажиллаж байсан, өдгөө нас дээр гарсан ч толиотой, шав дэвхийсэн эмэгтэй байдаг байна. Тэрбээр охиныхоо сонголтод тэгтлээ их хориг тавиагүй бөгөөд одоо ч охиноо бараадан амьдарч байгаа ажээ. Хоёр хүүхэд төрүүлж өгсөн залуу гэргийдээ ноён С.Дэмбэрэл Нүхтэд гурван давхар тансаг харш бариулж өгөн, хариу сэтгэлээ илэрхийлсэн тухай улс төрийн хүрээнийхэн сүүлийн үед ид шуугиж байна.


Энэ мэт нэг талаас харахад буруутгахаар нөгөө талаас нь харвал хоёр, гурван ч айлын амьдралыг ар нуруундаа үүрч, дүүрж яваагийнх нь төлөө алга ташин баяр хүргэмээр ул төр, бизнесийн хос морьтой чинээлэг Монгол эрчүүдийн ээдрээт, хоёр, гурав дахь амьдралын романс үүнээс ч урт жагсаалт үүсгэхээр хөвөрнө. Жишээ нь их хурлын эрхэм гишүүн “Фортуна” Н.Батбаярын Билгээ хэмээх бүсгүй байдгийг тэр бүр мэдэх хүн олонгүй. Анхн бөгөөд албан ёсны гэргий нь Баясгалан хэмээх боловсролтой, чамбай бүсгүй ноён Фортунад төдийгөө өдий хүртэл түшиг тулгуур болж ирсэн сайхан бүсгүй байдаг.

Харин Япон хэлний орчуулагч мэргэжилтэй Билгээ бүсгүй, эрхэм гишүүн хоёрын дундаас төрсөн хүүхэд өдгөө наймдугаар ангийн том охин байдаг бөгөөд чамгүй хугацаанд Сингапурт амьдарсан энэ бүсгүй тун удахгүй Монголдоо бүрмөсөн ирэх гэж байгаа гэсэн. “Хан Брой”-н хэмээн танигдсан С.Отгонбаатар хэмээх ноёнтон бий. Германаас ажил, бизнесийн азтай гараагаа эхлүүлсэн энэ эр “Монгол 999” нэгдлийн ТУЗ-ийн гишүүний сонгуультай, бас л чинээлэг эр. Албан ёсны гэргий нь Чимгээ нь хоёр охин төрүүлж өгсөн бол албан бус дараагийн гэргий нь нэг хүү төрүүлж өгсөнийг хүмүүс тэр бүр мэддэггүй. Хамгийн сонирхолтой хуримаа хийгээд олон жил болсон ч хүүхэд төрүүлэхгүй байсан гэргий нь дараагийн бүсгүйтэй зэрэг шахуу жирэмсэлж, сарын зайтай амаржсан хоёр бүсгүй нэгэн зэрэг ноён С.Отгонбаатарыг аав болгож, хоёр хүүхэдтэй болгож орхисон гэдэг.

Эх сурвалж: “Гранд” сэтгүүл