“Гурван охин” хамтлагийн дуучин Соло: Үнэхээр хайрладаг бол баян хүнтэй суусан ч яадаг юм бэ

2011-08-30

Монголын рок попын ертөнцөд өөрийн байр суурийг эзэлж, өнгө төрхөө гайхуулж яваа хамтлагийн нэг бол

“Гурван охин”. Уран бүтээлийн олз омог ихтэй байгаа тус хамтлагийн гишүүн Соло буюу Д.Солонготой ярилцсанаа хүргэе.

-Сүүлийн үед стиль имиж, уран бүтээлийнхээ өнгө аясаар үзэгч, сонсогчдоо гайхуулж яваа гурван бүсгүйн өөрчлөлт олон зүйлтэй холбоотой гэдэг нь тодорхой. Хэдэн жилийн өмнө БНСУ руу явж, хамтлаг дуучдынх нь туршлагаас хуваалцаж ирсэн нь ч үүнд нөлөө үзүүлсэн байх, тийм үү?

-Тийм ээ, Солонгост очоод бид зүгээр суугаагүй. Тэндхийн хамтлаг, дуучдын туршлагаас хуваалцаж, уран бүтээлийн өнгө аясыг судалсан. Маш их хөдөлмөр, хичээл зүтгэл, цаг завгүй бэлтгэл сургуулилт хийсний хүчинд амжилт олох юм байна гэж ухаарсан болохоор чамгүй хугацаанд зорьж ажиллалаа. Солонгосын хамтлаг, дуучид бүжгийн хөдөлгөөн болон дуулах ур чадварыг эрхэмлэдэг юм билээ. Азид төдийгүй барууны оронд ч энэ бол хууль. Гэтэл манайд зарим нэг “хэцүү” дуучин байгаа шүү дээ. “Ам барьж” дуулах асуудал тэнд огт байхгүй. Хамтлаг, дуучдаа 4-5 жил бэлтгэсний дараа тайзан дээр гаргадаг. “Миний байшин” киногоороо монголчуудын танил болсон дуучин, жүжигчин Райн ч гэсэн тэдний нэг. Бид нар Солонгосын “V.O.X” хамтлагийг гаргаж ирсэн “DR music” компанийн урилгаар очсон. Дуучдынхаа орон байр, хувцас хэрэглэл, бэлтгэлийн танхим гээд бүх зүйлийг нь хангаж өгснөөр сайн уран бүтээл хийлгэж, тоглолтынхоо ашгаас зардлаа нөхдөг нь ажиглагдсан. Ийм боломж манайд байвал рок попынхон илүү хөгжих байх.

-Үүнээс болоод хамтлаг, дуучдын чанар муудаж байгаа хэрэг үү?

-Сайн, мууг нь би шүүх эрхгүй. Рок попын “акул”-уудын мэдэх хэрэг. Гэхдээ хамтлаг, дуучдын чадварыг үнэлэх албагүй. Тодорхой шалгууртай түвшин тогтооход л болоо. Солонгосын телевизээр гарна гэдэг үнэхээр хэцүү байхад манайд эсрэгээрээ. Телевизүүд нь хэн ч мэдэхгүй дуучдын болсон болоогүй клипийг цацах дуртай болж. Ямар ч шалгуур байхгүй шүү. Нэг нэвтрүүлэгт орж, клип гаргаад л “од” болчихсон хүн олширлоо. Урлагт өөрийгөө бүрэн зориулах хэрэгтэй. Гадаад төрх, бие галбиртаа анхаарахаас илүү тархиндаа “юмтай” байвал зүгээрсэн.

-Тэгвэл та “од” мөн үү?

-Би одоо л “од” болж байна даа. “Од” болох гээд явж байгаа гэсэн үг.(инээв) Гэхдээ олны өмнө чөлөөтэй ч алхаж болохгүй, үргэлж биеэ цэгнээд хэцүү л байх болов уу. Олигтойхон ч бильяард тоглож чадахгүй болно.

-Дуулахын зэрэгцээ өөр ямар нэгэн ажил эрхлэх тухайд бодсон зүйл бий юу?

-“Улаанбаатар” дээд сургуулийг англи хэлний багш, орчуулагчийн мэргэжлээр төгссөн. Хамтлагийнхаа ажлыг нэг тийш нь болгочихоод бизнесийн салбарт орох сонирхолтой байгаа. Дуулж, бүжиглэхээс гадна өөр бусад авьяасаа давхар ашиглах хэрэгтэй. Дэлгүүр, үйлчилгээний газар нээх ч юм билүү, хэн мэдэх вэ.

-Хайр дурлалын хувьд?

-Одоо хүртэл хайртайгаа учраагүй явна. Түр зуурын мөрөөдөл бус. Хожим нь хөөрхөн хүүхэдтэй, аз жаргалтай гэр бүл болох хайрыг л жинхэнэ хайр гэнэ дээ. Яахав, амьдралд шохоорхол маягийн дурлал олон таардаг ч тэр болгоныг хайр гэж эндүүрч болохгүй биз.

-Анхны хайраа амьдрал болгож үргэлжлүүлэх нь утга учраа хадгална гэж үү?

-Тийм ээ, ирээдүйн хань минь л миний анхны хайр байх болно. Түүндээ итгэж өөрийнхөө бүх зүйлийг зориулан, үр хүүхдийг нь төрүүлнэ гэдэг чинь л хайр байхгүй юу.

-Залуус ирээдүйн гэр бүлийнхээ амьдралыг эдийн засгаар тооцоолдог болж?

-Зөв шүү дээ. Хэн хэнийхээ хүсэл сонирхлыг хүлээн зөвшөөрч, аз жаргалтай амьдарна гэдэгтээ итгэлтэй байгаа бол болно. Би лав нөхөртөө бүх зүйлээ даатгахыг хүсэхгүй. Гэр бүлийнхээ аар саар асуудлыг би өөрөө, харин томоохон ажлыг нөхөр маань зохицуулж байвал гоё.

-Баян чинээлэг эртэй гэрлэж, бэлэн амьдралд тухлах гэсэн сэтгэлгээ. Бас хөрөнгө санхүүгийн асуудлыг зөвхөн нөхөртөө даатгах гэсэн хүсэлтэй эмэгтэй олон бий. Ялангуяа, олны танил бүсгүйчүүдийн хувьд ихэвчлэн хөрөнгө бэлтэй эрийн цайг чанадаг болсон нь энэ бүхний хариулт байх?

-Яагаад болохгүй гэж. Холливудын эмэгтэй дуучин, жүжигчдын ихэнх нь продюссер, менежертэйгээ суусан байдаг. Үнэхээр намайг ойлгож, хайрладаг баян бизнесмэн таарвал би ч гэсэн сууна. Тийм байж л бид амжилтанд хүрнэ биз дээ.

-Магадгүй, энэ ч утгаараа бусдын анхаарлыг татах гэж эрос стилиэр гоёдог байх гэлцэх нь бий?

-Тодорхой хэмжээгээр тэгж харагдах ёстой. Залуу насаараа гайхуулж, гоё харагдах нь буруу биш. Хамаг юмаа баглачихаад л “Би дуучин хүн” гэж яваад байвал инээдтэй биз дээ.

-Хамтлагийнхан дундаа бор арьстай харагддаг болохоор таныг эрлийз гэж хардах асуудал байсан гэдэг?

-Тэгж ярьдаг юм билээ. Африк, Филиппин ч юмуу индиан төрхтэй гэдэг. Сарантуяа эгч хүртэл намайг “Энэ жаахан но-той шүү” гэж ирээд л цаашлуулдаг байсан. Миний төрх өвөрмөц харагддаг байх л даа. Аав минь Архангай, ээж маань Өвөрхангай аймгийнх. Би эрлийз биш ээ, гурван хүүхэдтэй айлын ганц охин нь.

-Солонгын дотоод ертөнц их олон өнгөтэй байх гэж бодлоо?

-Их зүйлийг мөрөөдөж, бодож тунгаана. Хааяа ганцаараа сууж өнгөрсөн болон ирээдүйнхээ талаар эргэцүүлэх дуртай. Дуулах нь зөв эсэхэд хүртэл эргэлзэнэ. Эцсийн эцэст би дуулахгүйгээр амьдарч чадахгүй гэдгээ ойлгосон.

-Зарим хүн мөнгийг тийм ч чухал бус, өдөр тутмын хэрэгцээ гэх нь бий. Тэгвэл таныг мөнгөнд хэр дуртай вэ гээд асуучихвал?

-Дуртай байлгүй яахав. Урлагийн хүнд мөнгө ус, агаар шиг хэрэгтэй зүйл. Уран бүтээлээ санаа зоволтгүй хийх нь маш чухал. Тэгэхээр би мөнгөнд их дуртай. Шуналтайдаа биш шүү. Надад болон хамтлагт маань мөнгө хэрэгтэй. Бүх зүйлийг мөнгөөр тооцож байгаа энэ үед уран бүтээлчид нэлээд хэцүү шалгуурыг давж байна. Гэхдээ мөнгөний төлөө үхэн хатан зүтгэхгүй л дээ.

Р.ЕСҮЙ

“Гурван охин” хамтлагийн дуучин Соло: Үнэхээр хайрладаг бол баян хүнтэй суусан ч яадаг юм бэ
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
энэ тулуг шиг тарайтай хуухэн бол шууд биэ унэлэгч юм бн л даа. муухай харагддаг нуурлуу нб цохиод тийм навтгар болгосон юм шиг . хэн тоох вэ дээ .

2011-10-18 | 12:04:20 | 124.158.68.24 |

Зочин
энэ тулуг шиг тарайтай хуухэн бол шууд биэ унэлэгч юм бн л даа. муухай харагддаг нуурлуу нб цохиод тийм навтгар болгосон юм шиг . хэн тоох вэ дээ .

2011-10-18 | 12:03:53 | 124.158.68.24 |

Зочин
энэ тулуг шиг тарайтай хуухэн бол шууд биэ унэлэгч юм бн л даа. муухай харагддаг нуурлуу нб цохиод тийм навтгар болгосон юм шиг . хэн тоох вэ дээ .

2011-10-18 | 12:03:51 | 124.158.68.24 |